民豐粉麵行

营业中

休息中

途經民豐時見有很多人在等等等~原來是韭菜餅在煎煎中~於是大比又排了一份~為食~~這店的糯米慈~水餃湯丸就吃得多~但這些熱食卻沒有吃過~見呀姐姐落完一次油~隔兩分鐘~又落多轉~幾乎都是炸起來似的等上了十數分鐘~~新鮮超級熱辣韭菜餅拿到了手上~充斥著油份的餡餅將整個紙袋都變成透明了~因為油還在高油滾著的狀態~手指頭又被灼熟again.......沒有澎湃的餡料陣容也沒有應有的香味~皮也帶了厚厚粉粉的感覺~比起元朗的那個~這個還差一截距離~~~平庸地就此略過

(31/8/08)勁鐘意食呢度的糯米糍,因為唔甜,而且皮厚又極軟熟。今日行過又買,(豆沙、芝麻)x2。一咬開,發覺黑芝麻餡,溝左砂糖既!!?有無攪錯!佢生意多到做唔切架啦,可以咁cut cost?溝左砂糖,一d芝麻味都無!!睇黎下次都淨買豆沙好了。有件事要講既,我企左o係兩個店員之間,一個掛住做,有個只係企係度學野,我叫左一次「唔該」,無人理,我咪不耐煩地叫道,可唔可以找人理下我呢?才買到咋!

年來都以此店的出品作早餐,因這店的價格雖比別店貴,但品質亦此別店好,所以一直都有幫襯.唯踏入今年以來發覺此店的價格雖然沒有跟隨物價上升而加價,但品質卻每況愈下,不若往年的味道.在此消彼長下,有多款食品,例如:雲吞,水餃,菜肉飽,蓮蓉飽,燒賣…等等,已轉往同街或隔鄰川龍街的店舖購買,貪這些店的貨品與此店相若,但價錢比她相誼.今日,連最後的防線要都出現警號:蘿蔔糕 - 蘿蔔糕竟然不是用蘿蔔絲來做,而是用一片片近一寸丁方的蘿蔔片來做.難道這樣較有嚼頭嗎?希望這是偶然的失手吧!如再不改進,又是到了撤退的時候!

以前細細個~屋企食飯有粉麵水餃~閒時有湯丸茶粿做甜品~都係源於此~到小比識自已出街之後~每每經過呢度都會望下有咩''突然想食''..茶粿。糯米慈。缽仔糕。韭菜煎餅...最後選了花生 & 芝麻 糯米慈各一都係$2.5一粒~~好大粒ga呢..小比略嫌面頭太多糕粉....捽走d之後小比就唔客氣啦!!先吃黑芝麻 未去到超級皮薄餡靚ge層次~不過麻蓉夠砂~仲好清楚見到粒粒砂糖~~不嗜甜的人會覺得太漏~但小比已昇華為甜魔了...而且是黑芝麻......無問題!花生餡的那個同樣好吃~餡料不會過為乾散或痴立立~有d鋪頭一咬開..餡料就會山泥傾瀉...但有d又會過多油份..黏作一團死死實實小比還是愛黑芝麻的那個多一點那些自稱為糯米慈專門店的...只賣新潮不賣原汁原味..還是喜歡這裡的.....不過最掛念的還是大澳伯伯的那些....

睇左大家的食評先知道民豐原來在我每天轉車番工的不遠處。 昨天，買了5隻糯米滋，3隻花生and 2隻豆沙。 先說花生味的，外面的糯米很軟很番米味，花生餡不太甜但花生很香，2.5蚊大大個，好抵！ 之於豆沙的，豆沙餡也不太甜，粉粉的，但個人來說喜歡花生的多一點！ 總括來說，好味的糯米滋！

專誠去買水餃，真係好彩唔駛排隊，不過有一包都要等佢包．啲九菜水餃一樣禁好味，好香的九菜味唔會有太多肉，個水餃皮好有口感，個雲吞皮都好滑，各有各不同的食法．糯米滋只得紅豆和花生，各買了幾個來試，個size真係好大粒，口感真係好煙'un'，不過花生涵少咗啲．九菜餅第一次食，見亞姐剛剛煎好，真係好肥好多油，不過個餅好大個，又多涵又多九菜，買$7個都算抵食．有機會都想再食過．

** 此食肆的第九個OK **今日1-4-2008(Tue)放工後落荃灣買o野,回程時經過好多食肆,食物香味隨風而至,促使我肚皮打鼓,但我忍忍忍忍忍.點知行到街市街,見民豐就o係對面,於是……決定買花生糯米糍.行到去,見門口有個牌寫著$10.00年糕,而箱內放著幾個啡色同白色o既….砵仔糕.見好耐冇食砵仔糕,於是買三個花生糯米糍同一個砵仔糕,我要啡色o既.每個都係$2.50.返到屋企,急不及袋拎個砵仔糕出o黎,影完相就將佢撕殺喇.用牙簽拮起o黎食,都好易拮得起同唔會散,味道唔係太甜,紅豆就只有面o個幾粒,不過就好腍,唔錯.食完飯,都清滅唔到糯米糍,不過一陣風吹埋o黎,將糯米粉o既香味送到我個鼻,又忍唔住喇.又係大大個,水準依然.

上次買唔到糯米糍，今次經過終於買到，還買了砵仔糕和茶果。糯米糍只買了豆沙和花生味，因上次吃芝麻不太好，而它們亦保持水準。茶果買了豆沙的，一般，覺得大澳的比較好吃。而砵仔糕就不過灸失，一試無妨。

上星期路過此鋪買了三個糯米糍，一個芝麻、一個花生和一個豆沙。三個的糯米糰很軟熟，不會太煙"un"，而三個中芝麻比較失色，因為太甜，其餘兩個都好好味。昨日前去想回味一下，怎料只剩芝麻味，其餘製作中，連想試的茶果亦製作中，非常失望。

元宵節屋企人係e到買左盒湯圓返屋企,買左黑芝麻味真係唔錯,好煙un,同埋好重芝麻味,絕對唔係一般超市貨色!!一盒25粒,賣18蚊味道唔錯,價錢可以接受,係排隊要等耐d囉!

有時晚餐唔想食飯，有時會在這裡買雲吞回家煮，它的皮幾軟，另饀料味道也很好，我尤其喜歡韮菜和鮮蝦雲吞，可惜如要食鮮蝦雲吞就要早點去買，因放工後去買每一次都買不到啊！另外在門口已煎好的韮菜飯都好味，煎得跪跪的，饀料十足，有時lunch 買一塊加一件蘿蔔糕已夠飽，蘿蔔糕沒太多料，但也煎得夠乾，幾好味！

到朋友家拜年，屋主一早到荃灣民豐，排了長龍買了餃子湯丸饗友。我們吃了冬菇菜肉餃、韭菜餃、蔴蓉湯丸和豆沙湯丸。哦，哦~~~餃子皮夠薄，用料豐厚，餡料新鮮，湯丸亦然，煙煙韌韌，咬開，蔴蓉豆沙會流出來的！吃得衆人喜出望外，大讚好好味！此店的餃子湯丸確實不錯，給大家誠意推介！！

即買即食,又香又大件,韭菜絕不稀場.

** 此食肆的第六個OK **28-12-2007 Fri放工後,到附近睇醫生,又諗起花生糯米糍,於是o黎買,見有未煎o既蘿蔔糕,咁又買o左一磚.搭o緊車打開個袋睇吓,臭到蘿蔔味,面頭有好細粒o既蝦米.到29-12-2007 Sat早切開o黎蒸,切時覺得唔係好夠粉,唔夠粘,有少少散o左出o黎.切三件都佔o左差唔到半磚.而內裡有唔係好多o既臘腸,蒸好了,成件糕軟晒,影埋相就食喇.一夾落去即碎,而蒸出o黎口感始終會嘛嘛地,但算滑.內裡蘿蔔絲唔多,但仍有蘿蔔味,臘腸唔肥膩,o岩我唔多好臘腸o既人.到晏晝為o左食藥,於是將剩餘o既蘿蔔糕切成五件煎o黎食.家中冇平底鑊,所以難少少控制,有兩件煎過龍.不過都好彩,煎到內軟外脆.我冇落同醮任何調味料,覺得味道適中.

** 此食肆的第五個OK**今日(8-12-2007 Sat)趁爸落荃灣整啲o野,於是請佢幫我o係o度買花生糯米糍,約兩點,爸抽住個盒返o黎,我愕一愕然,買咩?餛飩?唔係o掛?我問佢,佢答:難道只是你一人食?@.@”原來佢買o左6個3款味o既糯米糍,哦?!有咩味呢?原來係花生,芝麻同上次賣晒o既豆沙.今次糯米糍o既size比上次大啲o既?我又’抽’一個食先,呵呵,係花生,我最回味o既花生啊.媽就攞o左芝麻同豆沙.而我就想同我爸share豆沙,切開o左,豆沙餡同樣飽滿,豆沙味亦撲出,咁我食喇,餡料亦唔太甜,皮仍煙韌.不過唔知點解,我覺得豆沙做糯米糍好似唔係咁適合,都係花生最好食.