影片
以上资料只供参考，请与餐厅确认详情
相关文章
荃湾民丰粉面行，呢间老字号已经屹立超过60年，最近因为佢哋嘅开心果糯米糍爆红，成日排长龙！😍 小店位于荃湾街市街，环境简单朴实，但糯米糍真是一个字：正！佢哋嘅糯米糍皮薄得似纸，烟韧Q弹，咬落一啖，馅料即刻爆出，满口香甜，实在系幸福感爆棚！😊试咗招牌开心果同芝麻口味，开心果香浓得来唔腻，芝麻馅煎香后更添层次，$7一粒真心抵食！🌟 其他口味如花生、榛子同豆沙都各有风味，选择多到令人想逐款试！😜 不过要留意，糯米糍每日限量发售，高峰期排队可能要半小时以上，建议早少少去！🕒除咗糯米糍，佢哋嘅韭菜饼同水饺都好受欢迎，煎得香脆嘅韭菜饼同爆汁水饺都系街坊心头好。服务态度亲切，老板同员工好有街坊情，虽然忙碌但总会同你讲两句，感觉好温暖！🥰 如果你系糯米糍控，民丰绝对系必试之地，保证食完回味无穷！💖
继续阅读
真系软软糯糯嘅！花生同芝麻都好香😍每次经过都好多人排队，今日路过人唔多，买咗自己钟意嘅口味试下。💰价钱都好亲民，唔同馅料唔同价钱，分别 6 蚊同 12 蚊 / 个，仲有开心果馅、榛子馅、花生馅🥜、芝麻馅等等拎到嘅时候已经急到癫，忍唔住系路边小巷口就开餐啦哈哈哈哈🤣😋皮超薄馅又多软糯到唔得～不过就系粉末好多，食嘅时候成手都系，成口成手都系粉，食完个样超狼狈哈哈😆
继续阅读
呢度嘅糯米糍好出名🤩，每次去亲都有好多人排队，今次试咗芝麻味糯米糍🍡。芝麻馅料好多，好饱满，亦都好香芝麻味👍🏻一咬开啲芝麻馅已经爆晒出嚟🤩。糯米糍皮都好软糯，皮薄多馅，好正😻🙌🏻
继续阅读
星期日下午经过，见只有2-3人排队，所以决定试一试之前网上好HIT的开心果味糯米滋。买左3粒唔同既口味，分别系开心果，榛子同埋花生。开心果&榛子 (12蚊一粒)- 甜，非常甜，开心果&榛子味唔算突出花生(6蚊粒)- 最平凡的馅料果然是最稳阵最好食，花生好香，值得食第2啖整体而言，外皮厚薄不均，馅料太甜。食第一啖既时候，只食到厚厚既皮及粉团感建议店家在包糯米滋的时候将收口位的地方压平压薄少少再收口，才不会出现糯米皮厚薄不一的情况。
继续阅读
每次到荃湾行街，也会到民丰打咭，上次见大排长龙所以没有买，但今日去到门口写是中午一点才开买糯米糍，所以食完中午饭才去买，时间好预算，今日买了五款口味（五件以上有纸盒），普通味六元一个，特别味十二元一个，个人认为传统口味好食D，特别是豆沙及黑芝麻，新派有开心果、腰果、榛子，味道较为淡口，也可以选其中一款试吓嘅，十二元也唔贵，糯米糍皮好软糯，最奇怪就是我先生平时食其他店铺糯米糍，个胃会不畅顺，但食民丰糯米糍就无这个情况
继续阅读