樓上大排檔

营业中

休息中

好開心可以同一班朋友大伙兒聚聚, 朋友揀左食大排檔~~我自己超耐冇食大排檔喇, 好掛住大排檔既鑊氣小炒呢今日黎到呢間位於灣仔叫"樓上大排檔"既食肆感覺好正丫, 餐廳既裝修充滿懷舊色彩, 有著以往舊式大排檔既裝潢, 地方環境都幾大幾闊落, 唔會坐得好迫而且仲可以邊食邊聽懷舊歌添......餐廳仲有房可以打麻雀食飯......食物方面聽講呢道既大廚係喜記炒蟹前總廚, 保證有水準咁話餐廳主打避風塘菜式, 價錢合理大眾化~~百香果檸檬梳打 $25凍檸茶 $19古法炒蜆 $108雖然餐牌係寫炒蜆, 但原本係炒大花甲呀, 超驚喜!!花甲大大粒, 隻隻都脹卜卜好厚肉~肉質鮮嫩~最正係個汁都超好味, 搞到每粒都啜到乾乾淨淨椒鹽鮮魷 $108平時椒鹽鮮魷就食得多, 但真係冇食過條條都咁粗大咁厚肉既鮮魷真係不得不讚餐廳既高質食材!!!鮮魷既外皮炸得香脆, 冇乜油膩感~~鮮魷新鮮, 口感彈牙得黎又軟腍, 唔洗驚會食到牙軟拔絲咕嚕肉 $138一夾起的確有牽絲既效果 拔絲甜度剛剛好~~咕嚕肉半肥瘦, 肉質鮮嫩~~仲有新鮮菠蘿食添樓上小炒王 $148小炒王材料豐富!! 有蝦球, 帶子, 蝦乾, 腰果, 韭菜花等等

可打卡既大排檔📸相信最吸引大家嘅喺裏裏外外嘅裝修，猶如返到去80-90年代，我好鍾意懷舊嘅風格以舊式香港霓虹燈招牌、鐵閘、酒樓喜宴金龍等作裝飾，提供大排檔菜式如小炒王、鳳梨咕嚕肉、椒鹽九肚魚等。小食出色，來晚飯亦不錯。啖啖油香的古法豉油皇鵝腸，條條油脂香爽口，配啤酒最好。而小炒王我去每一間大排檔都必叫的，因為每間大排檔都不同，呢間嘅小炒王多咗嘅係帶子粒，除咗鹹香仲多份鮮味👍🏻80年代是香港傳說中最好景的日子，新一代想體驗老味道，不妨去這間大牌檔主題專食懷舊菜的餐廳。

收工同男友想試吓新野咁岩見到附近有間樓上大排檔就試下上到黎人唔多，可能岩岩新開無耐，好整潔嘅大排檔😆環境設計幾得意，懷舊風，仲有幾間VIP房，聽呢度嘅姐姐講VIP房可坐8人，唔同theme現場播住8、90年代歌😌幾好feel我地2個人食咗4味餸- 古法炒蜆 (男友最鍾意呢味，好惹味！)- 八味豆腐粒- 脆皮炸子雞- 蜜椒薯仔牛柳粒每樣都好滿意😌😌 仲送咗蕃薯糖水俾我地❤️呢度嘅姐姐都好好招呼，完全唔只大排檔嘅服務~~讚！