影片
更多
2023-03-14
123 浏览
好開心可以同一班朋友大伙兒聚聚, 朋友揀左食大排檔~~我自己超耐冇食大排檔喇, 好掛住大排檔既鑊氣小炒呢今日黎到呢間位於灣仔叫"樓上大排檔"既食肆感覺好正丫, 餐廳既裝修充滿懷舊色彩, 有著以往舊式大排檔既裝潢, 地方環境都幾大幾闊落, 唔會坐得好迫而且仲可以邊食邊聽懷舊歌添......餐廳仲有房可以打麻雀食飯......食物方面聽講呢道既大廚係喜記炒蟹前總廚, 保證有水準咁話餐廳主打避風塘菜式, 價錢合理大眾化~~百香果檸檬梳打 $25凍檸茶 $19古法炒蜆 $108雖然餐牌係寫炒蜆, 但原本係炒大花甲呀, 超驚喜!!花甲大大粒, 隻隻都脹卜卜好厚肉~肉質鮮嫩~最正係個汁都超好味, 搞到每粒都啜到乾乾淨淨椒鹽鮮魷 $108平時椒鹽鮮魷就食得多, 但真係冇食過條條都咁粗大咁厚肉既鮮魷真係不得不讚餐廳既高質食材!!!鮮魷既外皮炸得香脆, 冇乜油膩感~~鮮魷新鮮, 口感彈牙得黎又軟腍, 唔洗驚會食到牙軟拔絲咕嚕肉 $138一夾起的確有牽絲既效果 拔絲甜度剛剛好~~咕嚕肉半肥瘦, 肉質鮮嫩~~仲有新鮮菠蘿食添樓上小炒王 $148小炒王材料豐富!! 有蝦球, 帶子, 蝦乾, 腰果, 韭菜花等等
我自己超耐冇食大排檔喇, 好掛住大排檔既鑊氣小炒呢
今日黎到呢間位於灣仔叫"樓上大排檔"既食肆感覺好正丫, 餐廳既裝修充滿懷舊色彩, 有著以往舊式大排檔既裝潢, 地方環境都幾大幾闊落, 唔會坐得好迫
而且仲可以邊食邊聽懷舊歌添......
餐廳仲有房可以打麻雀食飯......
食物方面聽講呢道既大廚係喜記炒蟹前總廚, 保證有水準咁話餐廳主打避風塘菜式, 價錢合理大眾化~~
百香果檸檬梳打 $25凍檸茶 $19
古法炒蜆 $108雖然餐牌係寫炒蜆, 但原本係炒大花甲呀, 超驚喜!!
花甲大大粒, 隻隻都脹卜卜好厚肉~肉質鮮嫩~
最正係個汁都超好味, 搞到每粒都啜到乾乾淨淨
椒鹽鮮魷 $108平時椒鹽鮮魷就食得多, 但真係冇食過條條都咁粗大咁厚肉既鮮魷
真係不得不讚餐廳既高質食材!!!
鮮魷既外皮炸得香脆, 冇乜油膩感~~
鮮魷新鮮, 口感彈牙得黎又軟腍, 唔洗驚會食到牙軟
拔絲咕嚕肉 $138一夾起的確有牽絲既效果 拔絲甜度剛剛好~~
咕嚕肉半肥瘦, 肉質鮮嫩~~
仲有新鮮菠蘿食添
樓上小炒王 $148小炒王材料豐富!! 有蝦球, 帶子, 蝦乾, 腰果, 韭菜花等等.....
廚師炒得非常鑊氣又惹味
黑蒜蝦仁炒飯 $108所謂蝦仁其實都唔係蝦仁, 係大蝦先真!!
大蝦爽口彈牙, 啖啖肉
飯粒粒粒分明, 咸淡度剛好~
仲有幾塊黑蒜有助抗氧化添
最後餐廳仲送每人一碗蕃薯糖水添~~
每碗都有幾舊大蕃薯, 糖水唔算好甜而且薑味濃, 正丫!!!
张贴
