【湾仔区】【楼上大排档】同两位同事谂住喺湾仔食酒楼，点知本身想食𠮶间居然爆咗场，好夸张，香港嘅经济真系好好呀。于是我哋转场去食第二间，呢幢嘢多嘢食，嚟到就决定到，食呢间大牌档。有趣嘅系，之前都食过湾仔「楼下火锅饭店」，唔知同呢间大牌档又有冇关系嘅呢。叫咗两款海鲜，分别系 $78 只嘅「蒜蓉粉丝蒸大蛏子皇」同 $48 只嘅「蒜蓉粉丝蒸扇贝」，两者都几鲜甜多汁，得㖞。反而之后 $118 嘅「椒盐鲜鱿」就麻麻哋喇，而 $68 嘅「红烧脆皮乳鸽配虾片」就比较细只，得啲虾片好食，呢两款小菜都系有啲失望嘅。之后到 $138 嘅「菠萝咕噜肉」就比较一般，唔算特别，个汁普通得嚟肉味又唔系好够咁。而本身我哋想以 $138 嘅「龙皇海鲜伊面」作结系对佢有返咁上下期望嘅，点知个汁真系唔知咩味嚟，好一般，不过胜在够大碟，我哋冇乜食欲之下，我打包拎走下餐食。嘢饮我哋叫咗各 $25 嘅「百香果柠檬梳打」同「有气柠宾」，后者唔系我叫嘅，不过大概都估到佢咩味，同事都冇话啲乜。而我𠮶杯嘢都几好饮，系惊喜嘅。食完仲有「绿豆沙」送，几好㖞又。三个人埋单 $981，我哋都觉得反而系啲海鲜比较好，其他一般啲。。。（地址：湾仔杜老志道6号群策大厦7楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #湾仔 #会展 #楼上大排档 #蒜蓉粉丝蒸大蛏子皇 #蒜蓉粉丝蒸扇贝 #椒盐鲜鱿 #菠萝咕噜肉 #红烧脆皮乳鸽配虾片 #龙皇海鲜伊面 #百香果柠檬梳打 #有汽柠宾 #绿豆沙 #1am1847 #1ambackup…查看更多
