樓上大排檔

【灣仔區】【樓上大排檔】同兩位同事諗住喺灣仔食酒樓，點知本身想食嗰間居然爆咗場，好誇張，香港嘅經濟真係好好呀。於是我哋轉場去食第二間，呢幢嘢多嘢食，嚟到就決定到，食呢間大牌檔。有趣嘅係，之前都食過灣仔「樓下火鍋飯店」，唔知同呢間大牌檔又有冇關係嘅呢。叫咗兩款海鮮，分別係 $78 隻嘅「蒜蓉粉絲蒸大蟶子皇」同 $48 隻嘅「蒜蓉粉絲蒸扇貝」，兩者都幾鮮甜多汁，得喎。反而之後 $118 嘅「椒鹽鮮魷」就麻麻哋喇，而 $68 嘅「紅燒脆皮乳鴿配蝦片」就比較細隻，得啲蝦片好食，呢兩款小菜都係有啲失望嘅。之後到 $138 嘅「菠蘿咕嚕肉」就比較一般，唔算特別，個汁普通得嚟肉味又唔係好夠咁。而本身我哋想以 $138 嘅「龍皇海鮮伊麵」作結係對佢有返咁上下期望嘅，點知個汁真係唔知咩味嚟，好一般，不過勝在夠大碟，我哋冇乜食慾之下，我打包拎走下餐食。嘢飲我哋叫咗各 $25 嘅「百香果檸檬梳打」同「有氣檸賓」，後者唔係我叫嘅，不過大概都估到佢咩味，同事都冇話啲乜。而我嗰杯嘢都幾好飲，係驚喜嘅。食完仲有「綠豆沙」送，幾好喎又。三個人埋單 $981，我哋都覺得反而係啲海鮮比較好，其他一般啲。。。（地址：灣仔杜老誌道6號群策大廈7樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #灣仔 #會展 #樓上大排檔 #蒜蓉粉絲蒸大蟶子皇 #蒜蓉粉絲蒸扇貝 #椒鹽鮮魷 #菠蘿咕嚕肉 #紅燒脆皮乳鴿配蝦片 #龍皇海鮮伊麵 #百香果檸檬梳打 #有汽檸賓 #綠豆沙 #1am1847 #1ambackup…查看更多

來吃過幾次的餐廳，菜做得還可以，所以會當回頭客。但這次外賣加10% service charge我真搞不明，我問前台為什麼要加服務費呢？前台大言不慚說香港都這樣。真當我剛來香港啊？ 又是一個為何香港餐飲業衰敗的案例。以後不會再來了，畢竟周邊的大排檔還有那麼多其他的選擇。…查看更多

打電話去訂位嘅時候話冇限時，隔咗兩日又打返嚟話有限時，限兩個鐘。咁我咪問清楚，如果冇人等位係咪可以繼續坐？佢又話係。但係今晚個場都唔滿，仲要有吉枱（我二人檯啫），但啲呀姐都係都堅決收晒我哋啲嘢趕我哋走，唔緊要，咁咪冇下次囉！…查看更多

冇鑊氣、冇禮貌的食店同朋友聚會食晚飯，諗住搵一間大排檔有鑊氣，可以炒吓小菜，飲吓冰凍啤酒，嘆吓chill 吓！見到網上食評好好的，所以專程到灣仔試吓呢間，點知原來是這樣不濟🥶下次唔使預我🌚入單亂晒籠、食物質素差！號稱自己是「大排檔」但菜式一般都是水獺的，完全冇鑊氣🤬🤬…查看更多

早幾日去左灣仔食大排檔都有幾多唔同選擇 啫啫芥蘭煲幾好食 新鮮熱辣出嚟 海鮮方便 蒜蓉粉絲蒸扇貝 都幾出色員工服務都唔錯 有過嚟問下啲嘢食o唔ok呢度幾啱 一大班朋友嚟食因為有圓枱 大家為埋一齊傾計都方便啲有埋海鮮 人均唔使三百蚊 下次會再嚟…查看更多

Hi it’s me again Nice to be back at Lo Shang Restaurant,It’s been a year when I was there with my friends .If we have a gathering I would choose this place ,if u want to experience the old decoration style .The place is big enough so that the table was given to us is comfortable.They have a lots of new menu The most I like the food is Pork spareribs good for 5 person Scallop with vermicelli .But their sweet and sour pork is not so good .maybe it depends on our taste .Overall it’s good enough for me and my friends .The staff is great,although that’s what should happen in all restaurant.Sorry for now I can’t pose our picture due to personal reasons.Maybe next time …查看更多

最近被公司調職來灣仔上班，昨天同事就帶我到這店吃午飯。發覺這裏的午餐很便宜，送湯送凍飲（不加錢）。就決定今晚帶朋友嚟食飯，雖然我們點的菜式不算很特別，味道也不錯。而且還播放懷舊嘅歌曲，對我來說我很喜歡這裏的環境。而且我覺得呢度嘅服務態度都算OK，而且她們也很和藹可親🫶🏻…查看更多

大排擋野食應有盡有員工服務態度不錯我地4個人叫左8個小菜自己最鍾意食蒜蓉開邊蝦（成碟餸啲粉絲俾我哋清曬）個花甲 辣辣地 味道不錯 全部餸都幾開胃有鑊氣又可以一邊飲啤酒🍻個雞份量超夠我哋四個人食都食唔晒仲可以打包返去淥麵食地點都方便下次再帶屋企人嚟食…查看更多

早兩日中午去食晏，食客都好多，要等位，其中有個客戶問要等幾耐，但一個四眼妹聲大大（唔知係咪經理），呼喝佢哋話唔知，仲話阻住晒，另對餐廳伙記態度都很差，依家飲食業競爭咁大，除食物品質外，服務態度都好重要，真睇不過眼，希望管理層改善，但補充食物質素還可以，60多元送湯及凍飲（不加錢），都不能要求咁多。…查看更多

週末想搵個地方同朋友聚舊支持下本地消費 朋友推介去灣仔食小菜 我哋最鍾意揾有圓枱既餐廳圍住食飯呢度地點都算方便喺杜老誌道灣仔地鐵站行過去都係幾分鐘菜式質素不錯 個人認為佢哋廚師推介特別 出色 個金沙大肉蟹真係淡淡肉一啲都唔水, 蛋黃整既黃金蝦就食得多但係呢一種(黃金蟹)我係第一次食 高分👍🏻另外仲有一個麻辣抄花甲 麻辣味道完全係融入咗喺花甲入面 個辣度接受到 唔會過辣別致裝修亦藏住滿滿既懷舊風格, 輕鬆愉快嘅用餐氛圍 我哋食咗好多海鮮每人平均都係三百幾蚊 性價比高 下次要再嚟食👍🏻…查看更多

朋友聚會嗌咗八個餸，大部份都唔夠熱，冇鑊氣，一上枱就已經係暖暖地，有啲好似冇調味咁，極不推介菠蘿咕嚕肉 $138炸粉比較硬同厚，調味一般，感覺炸咗好耐，然後再用個甜酸汁兜一兜香醋蜜椒牛柳粒 $188牛柳冇牛味，但係夠淋既，黑椒味唔出，冇鑊氣，洋蔥完全唔夠淋椒鹽粟米 $58 又係唔熱，粟米乾身唔夠甜古法炒蜆 個芡汁完全唔熱，蜆肉嘅size OK，但係冇鮮味，完全冇鑊氣八味豆腐 $58又係只係岩岩暖，完全冇炸既感覺，偏淡無調味魚香茄子煲 $88因為連煲上已經係最熱嘅一道餸，呢個調味正常胡椒豬肚湯 偏淡，無乜胡椒味，酸菜唔酸蓮子荷葉飯 $98 完全係求其炒個飯，放入荷葉上面，冇荷葉味，炒飯亦都冇鑊氣，唔夠熱，完全唔入味大排檔都係想食佢個鑊氣，調味其實都係嗰啲，但係都做唔到，連溫度都控制唔到，價錢亦完全唔平，不推介D落單白衫既姐姐幾好人態度好，但著便服收銀樓面個阿姨，態度好差，同佢講野完全唔應又冇表情…查看更多

見地點方便，星期六晚飯時間又臨時可以訂到枱，決定同朋友試吓上到去入座率 得兩三枱客我叫咗四個餸-椒鹽鮮魷 （勁多炸粉）-涼瓜炒牛肉 （冇味道）-蠔仔菜脯煎蛋 （還可以接受）-啫啫生菜煲 （冇啫啫味，上枱唔熱）-白飯 （軟硬適中，有飯香）食物質素偏低，沒有味道，沒有火候 ，食到一半唔想再食服務超差。 明明訂枱6:30-8:00pm 。 7:30pm 未食完就叫我哋埋單快啲走。 但係周圍明明多過一半空枱，又唔見有客人等位。 唔怪得知冇生意唔會再去…查看更多

今日同朋友慶生，上網見到呢間，地點適中，諗住灣仔區差極有限，點知去到得少貓三幾隻，都感到伏伏哋，既然嚟到就試試佢，就叫幾個小炒送吓酒，嘩嘩嘩！不得了。。。完全無鑊氣，是但揾間兩餸飯都好過佢，不過都算，見佢靜靜哋坐得都幾舒服，就同朋友傾吓講吓，點知佢哋都真係幾趕收工，9:30 就同我哋講，最好10:15 前就好走，怪不得香港d飲食業越做就越死，真心真係冇下次。總結：價錢唔平服務唔好唯一可取 ( 夠靜 )…查看更多

諗住假期留港消费，見呢間装修幾特别，打卡一流 ，就試下。點左3個餸，發覺完全唔掂，葱油雞似出面買返嚟再蒸熱咁，茄子腩肉煲，有2舊只有肥膏，完全冇肉，另一個九菜花炒蝦仁，完全冇鑊氣，唉..失望…查看更多

今日我嚟到灣仔一間好特別嘅餐廳，就係位於群策大廈7樓嘅樓上大排檔。呢間餐廳裝修得好有舊香港嘅感覺，成個環境都好似返咗去以前嘅大排檔咁，每一個角落都係打卡嘅好地方。
最正嘅係，喺呢度食飯，你可以享受到大排檔嗰種獨有嘅風味，但係又唔使喺熱辣辣嘅天氣下食到成身汗。成個體驗真係一流，好舒服。
食物方面，樓上大排檔都唔係得個樣。佢哋嘅菜式好高質素，每樣嘢都整得好有心機，而且價錢仲好抵添。成個性價比真係好高，無論係同屋企人定係朋友嚟食，都係一個好好嘅選擇。
…查看更多