楚撚記大排檔 (馬頭圍道) (已搬遷) 新店位置

味道！食出鑊氣！純食評，冇乜野特別負評，畢竟做任何一個餸都有一定水準！但糸管理上那種混亂亦屬頂班！首先！帮襯佢系一定要等！無論一早訂左位，walk in,甚至外賣，總之就系等得就等，佢絕不介意你單生意!訂左位試過企响門口無啦啦(裹面大把吉位)等左2O分鐘！walkin咁蠢既事試都咪試，等兩粒鐘起!外賣一個干牛河今晚都等左我一粒鐘！真系不吐不快，根本就系為左生意超出負荷，D枱又細又窄，一樣放7-8位，我試過3位比張面壁二人枱我，根本放兩個餸後連碗筷都放吾落。绝對做吾到真正大排檔果種快，靚，正！舖位迫迫挾挾。。今晚D員工話老細請人食飯，叫左四十個餸。。咁呢個老闆点解吾包起自己個場休息一天咪得囉，攪到全世界疲於奔命，客人投訴，夥記比人插到O反應。好似今晚盒牛河，等左半小時我巳經話退錢，最後都比佢地耍到我粒几鐘，行政，服務都算垃圾，總結呢間野除了味道好，乜都冇！绝不再浪費時間去。。自討沒趣！

昨晚一行七人去左呢間大排檔一試，一早已預訂位置，估不到星期二都咁爆埸，係Openrice 都book 唔到，要打去book。唯一問題係得一個廁所，等好耐都無得去，無計。

1直都中意大排擋,而且楚撚記都可以算出名,知道都比較受歡迎而且座位不多,所以1早訂咗9點, around 8ish, 收到餐廳嘅 friendly remind.由於1行7人, ordered 9樣餸+豬油撈飯:-激辣避風塘水魷-蜜椒排骨-鑊氣豉椒炒蜆-燕麥金沙蝦球-飛天通菜煲-蒜香骨-媽媽鮮茄蛋煮牛肉-香煎黑松露蓮藕墨魚餅- 金沙黃金白飯魚-豬油撈飯-辣味: 辣味比想像中淡, 不夠辣, 所以可以ignore "小心好辣"牌仔-水魷: 爽口, 彈牙, 但味道不足牛柳粒: 肉身夠"淋", 蜜汁味夠濃配菜: 薯仔, 紅椒, 黃椒, 洋蔥炒蜆: 蜆新鮮而且厚肉, 無沙, 香口鑊氣夠配菜: 豆豉, 青椒, 紅椒, 黃椒黃金蝦球: 蝦肉大而且爽口彈牙, 蛋黃味道濃郁燕麥: 原片燕麥, 麥味重帶甜***蝦球連燕麥1齊食,完完全全可以中和蛋黃蝦球嘅"漏"********best combination ever*****排骨: 選用腩排, 夠入味而且肉質嫩而厚蒜: 香口可口牛肉: 肉片厚度恰到好處, 嫩口無"渣"蕃茄: 新鮮, 茄味濃而不酸, 少甜, 味道完全 perfect蛋: 滑而不老*****

同朋友傾開呢排有咩新野食想試，從來唔講粗口既佢突然無啦啦爆粗...哦，原來係講緊前排好紅個間大排檔楚撚記，一於去試試佢！七點幾黎到門口，係小巷入面霸氣十足既招牌下面，已經好多人等緊位。我地本身都好餓，係出面隔住窗口見到Ｄ佳餚同傳出黎既香味，經已令人垂涎三尺。頂唔住，唯有望下週圍分散下精神啦！舖頭分左兩邊，出菜既係左面店面，傳菜要行出街經過小巷，好有懷舊風味。不過Ｄ餸每次出門都一定冚好蓋，算佢夠衛生啦！等左半個鐘，終於輪到我地啦！果然個餐牌都好有霸氣，好多個「＿」字，似乎又帶動到氣氛，加埋懷舊平民既裝修，平時斯斯文文既我地就好似身處係舊式大排檔咁冇哂顧忌，慢慢放膽大聲講野，差Ｄ想除埋對鞋。點餐後經過短暫既等待後，第一道菜終於黎到！碟餸一上枱，我就知道我地今次既期望同等待係值得既！金沙蛋黃九肚魚外觀名乎其實，金黃脆皮伴上一層濃厚既蛋黃，熱辣辣上枱仲出緊白煙。廚師仲好貼心咁溫馨提示：「請上枱即食」。事不宜遲，即刻叫兩碗「靚仔」黎開餐啦！九肚魚咬落去炸皮鬆化但又唔散，入口咸蛋黃香同炸皮香一齊進攻，包住香滑鮮嫩既魚肉，超級好味！跟住就到鮮人蔘濃湯娃娃菜。湯菜第一件事緊係試個湯頭啦！湯既人蔘味非常

朋友之前食過呢間，佢介紹我黎食，話呢到好值得特登過黎食，咁就同朋友去一去土瓜灣啦，老實講，真係好日都唔去🤣呢到雖然叫大排檔，但其實裝修好靚，都好乾淨，唔會坐到好唔舒服。首先就有呢個黃金蛋黃炸魚皮。塊塊魚皮都勁大塊，每一塊都有勁多蛋黃碎，明明應該好漏既食物都可以食兩三塊呢個係酥炸黑松露菌醬芝士乒乓波，其實係一個流心嘅牛丸，用嚟裝呢個牛丸嘅器皿都好靚！而且每粒牛丸都勁大粒仲要有食八粒咁多非常抵食食嘅時候要好小心因為啲爆漿係咁流出嚟但係真係好香濃嘅黑松露味鍾意黑松露嘅人千祈唔可以錯過！！不過呢個就覺得有啲漏啦！呢個就係去到大排檔必食嘅豉椒炒蜆。不過不失亦都有鑊氣唔會太多沙呢個就係豉椒鵝腸。味道方面其實同豉椒炒蜆係一樣嘅，不過食鵝腸就係要食佢嘅爽脆，而呢到每一條腸都大大條亦非常之爽脆最後要介紹嘅就係冇得彈嘅海山骨亦即係蝦醬炸排骨！黎嘅時候見到一層厚厚嘅肥膏就覺得會唔會好油好難食呢但係又聞落去超香嘅蝦醬味食落先知係完全唔會好油！佢將啲脂肪都炸到好爽，而且蝦醬味係會留係個口入邊好耐🤤🤤而佢都唔會炸到啲肉乾爭爭，蝦醬味配落酥脆嘅排骨非常之好食！！亦都已決定係我媽咪生日嘅時候帶佢過嚟食！！其實最後佢仲

同朋友好耐冇見 大家都好鍾意食大排檔野 所以就去咗土瓜灣間楚撚記大排檔試吓成間餐廳唔算大間，但充滿着懷舊風格，海報同Menu都設計得好有六七十年代嘅感覺之後即刻睇吓餐牌食啲乜野好野先酥炸黑松露菌醬芝士乒乓波一想到枱已經聞到好大陣黑松露醬嘅味道 之後店員都叫我地小心啲食 因為入邊啲黑松露醬好熱 一食落口震震黑松露醬嘅味道充滿着成個口 而且細細個都有八粒 但食一個兩個就有啲膩嘅感覺海山骨呢個食落口有少少蝦醬嘅味道 而且炸得好香口 越食越想食 朋友話好食都可以成碟食晒豉汁排骨陳村粉個陳村粉吸晒豉汁嘅味道 所以非常之入味 而且排骨都好香好大嚿 好正！！豉椒鵝腸碟鵝腸入邊會除咗加青椒紅椒之外 仲有加咗少少辣辣地嘅尖椒 食落口就非常惹味 鵝腸都幾新鮮 佢有腥臭味 而且仲好脆豉椒炒蜆呢啲簡直係我係大排檔嘅Favourite 蜆炒得好香 有少少辣 而且啲蜆都幾大隻 食落口都冇沙 食咗一啖之後就停唔到 好好正！！！呢間大排檔都幾高CP值 因為價錢都唔算貴 而且個個餸都幾大碟 環境又夠乾淨 食得都好舒服 同埋都見到好多人等位 下次早啲book定枱再嚟食！

早前看過食評見這裡也頗吸引，應該是好地方, 那就相約友人齊來試試。雖說是大排檔, 但此店裝修也算乾淨企理,坐得夠舒適,就當晚所見，人客也不少, 接近滿坐。就來一個啫啫唐生菜煲吧, 生菜是一等一的新鮮，清甜而爽脆，生菜份量足夠多，還有些蝦米, 而且放在鍋裏熱食，又有另一種滋味。當然要這裡的招牌菜楚撚原隻脆皮炸豬手, 豬手已預先切好，非常方便，一塊、一塊肉的放入口，相當痛快。豬手炸得外皮香脆，肉味鮮嫩，最重要是親熱食，才享受到那種脆皮的感覺，而且味道適中，唔會太鹹，本人也密密吃了多塊。豬油撈飯雖是極邪惡之物, 但也是極之美味,這裡的白飯是砵仔焗的白飯,是特別有飯香味的,先下些豬油與白飯撈勻，豬油滲入白飯內, 而米粒索盡了豬油的香味，再加入小許豉油，白飯也可以令人回味無窮。食物水準相當高, 其實有時跟朋友聚會, 簡簡單單去大排檔也可以吃過痛快。

新店試食。見到網上短片瘋傳。立刻早几日book定位去。平日時間book到0930咁晏門口都竟然排隊等位。個名叫大排檔。其實吾系大排檔。系一間小菜小炒飯店。有兩間鋪。第一次去食ㄧ定叫几款招牌餸。黃金椒鹽粟米。椒鹽就冇啦。但咸旦黃夠多。但几膩。激辣避風塘水魷。 有辣度咖。但都吾算激辣既。干扁四季豆。吾算太干扁。吾太油👍加左辣椒顏色靚。豬油撈飯$15。好香好正😋非常邪惡。原隻脆皮炸豬手。外賣宵夜😂反到屋企d皮淋哂lu😢肉都ok。但份量ㄧ般。平。靚。正之選。計埋3個飲品。埋單吾駛$四百。抵食夾大件。份量足😬😬枱就太細。擺餸都吾夠位。懷舊牆上菜牌仔有心思。#飯店 #小炒 #小菜 #大排檔 #港式風味 #豬油撈飯 #邪惡食物 #宵夜 #懷舊風味 #土瓜灣 #香港美食 #相機食先 #懷舊裝修

離開咗香港成五個星期第一餐晚飯就揀咗拉麵食今日第二餐就揀咗搵大排檔食其實講大排檔我只係食沙田嘅陳根記？咁岩今日嚟到土瓜灣 就即興喺附近搵吓睇吓有冇跟住就搵咗呢張幾懷舊有新式嘅抵食高質大排擋店舖入邊面積唔大 所以見食飯時間都要排隊 但係如果本身有訂枱嘅話就好快有得入 所以建議大家最好要訂枱首先其實佢嘅價錢係好公道 見到平均平時傳統會食嘅大排檔餸菜例如魚香茄子煲都係六七十蚊左右就知啦魚香茄子煲$68肉碎都幾多同埋夠香口咁耐冇返嚟香港一開始食覺得有少少油膩 但食呢啲食物都唔好預會油小啦同埋都炒得好香口店員都好細心 放低之後唔會即刻走咗去 會留低喺度幫你兜兩下 因為個煲太熱搞到啲茄子會窿 值得加分秘製黃金魷魚$88見好似係招牌菜式就試吓一上台服務員就提要即刻食我知呢度菜式唔算新但係一直都冇試過所以食得我幾驚喜下咬落去係鬆脆嘅鹹蛋黃皮鹹蛋黃好足夠 完全冇慳水香口之餘又鬆化真係幾特別幾好食件數就大概10舊左右啦 雖然有少少貴 我覺得個功夫係值得脆皮炸大腸 $82老姜番薯糖水當我叫埋單之際我先知道原來係會送糖水飲㗎糖水好夠薑味 落喉嚨嘅時候有少少辣喉 好爽 而且唔會太甜 糖水都好清澈冇因為番薯煲過龍

某日經過見到有間新野，我今日決定抽時間去試!入面好有懷舊風味，招牌廣告好靚!雖然等左好耐，因為我無訂位，但店員好好!招呼唔錯!我叫左一隻豬手，食落去D皮脆卜卜，而且唔肥膩!!仲好香口!既然黎到，緊係食埋豬油撈飯啦!佢比左砵仔飯，有蔥有芫荽，有一壺豬油同一壺醬油，加左豬油口感幼滑!醬油風味唔過咸!最後仲送糖水，食落去夠薑，其實番薯ok,話晒中國番薯，只係糖唔夠香，不過都好好味!最後店員服務態度好好，仲幫我手打包!下次我會試更多菜式，介紹朋友黎食!正!正!正!!希望你們保持質素!!加油啊!!各位店員!另外如果多D熱飲提供比較好，如果提供靚茶會仲正!

而家好多餐廳都要追上時代既步伐，估唔到大排檔都要楚撚記，淨係個名都夠爆，菜式有d都幾特別。唔肯定係咪有樓上，就咁睇地下果層，覺得位有d少，冷氣超級大，著左褸都仲有少少涼😱-menu好乾淨好清晰，用硬膠封死左既☺️招牌菜有唔少，仲有d新式野，離不開芝心，黑松露......-啫啫唐生菜煲真係冇諗過全晚最好味既會係呢個煲⚠️首先睇下佢d蝦乾，幾大隻❗️成個煲都係，入哂味，男朋友掃哂😅佢個煲上枱時超級夠鑊氣，『滋滋』既聲響個不停，陣陣香味傳過黎，胃口大開唐生菜一大棵，份量比兩個人食好多呢好甜，入口仲係爽口既。啫啫煲，調味一流，有少少香辣，非常惹味10個推介-酥炸黑松露菌醬芝心乒乓波牛丸八大粒牛丸，一上枱就好吸引，有個窩心小提醒：「小心爆漿」唔好睇佢八粒好小野，其實好飽牛丸好彈牙，果然係乒乓波🏓一咬落去，已經可以食到爆出黎既黑松露菌醬，好香濃美味可能因為我地得2個人食，每個人要食4粒，食到後來真係覺得好乾，始係係一大舊肉😣-香煎芝心咸牛蛋墨魚餅窩心小提醒：上檯即食淨係睇佢既size，已經覺得好抵食😜外皮煎到金黃色，口水都流埋🤤咬落去睇下裡面‼️墨魚超級彈牙有手打既感覺，仲有d墨魚粒增加口感咸牛肉加蛋，好

店舖位於土瓜灣一大街和小巷之間的轉角位，雖比大街的店舖隱蔽但亦不至於令人留意唔到它的存在。每次經過見到佢大大個霸氣店名同埋post出來的新式餸菜相都好想試，呢晚終於搵齊屋企人一齊過來食晚飯~雖說位置有少少隱閉，但來到的時候已見輪候人群，睇來口碑應該唔錯。店面唔大，不過來的人都唔少餐廳裝潢行懷舊大排檔風我地一行五人，家母以為小菜份量唔會多，一開始就叫左成堆餸，而事實係其實佢地小菜的量都好足好抵食，我地係叫多左😑可能因為人多，一開始上菜速度有點慢（以小菜餐廳而言），等左一段時間至上第一道餸：楚撚記小炒王$60之前食過的小炒王多以蝦乾或魷魚乾為主，略嫌有些難咬。楚撚記則較多用白飯魚仔，夠鹹香又脆口，另外亦加添肉乾同炒。雖則家母覺得偏鹹，但我地其他人覺得正是佐飯好餸菜～鮑粒海皇福建炒飯$68雖則淋左汁但飯粒仍然分明。只係本人本身唔特別偏愛福建炒飯，所以沒有很深刻。楚撚記原隻脆皮炸豬手$94好多肉，皮脆肉嫩🤤香煎黑松露蓮藕墨魚餅 $78是日最推介特色小菜。見到呢道自創菜式覺得幾得意就叫啦，外面煎得金黃，店家重插埋牌提醒食客呢道餸要即食。墨魚餅豐腴彈牙，黑松露、蓮藕同墨魚比例恰到好處，好有咬口，正

早前同朋友去土瓜灣馬頭圍道食串燒，剛好見到隔隣有食店開張，門口放滿花籃，是一間食中菜的楚撚記大排檔，因為我們已食飽串燒，所以當天沒有入去食，今日朋友提起，約我今晚就往這新店食，試試菜式如何！食店有二間舖，我們入了其中一間，店內地方不大，但地方整潔，座位不會太迫。餐牌都有好多款小炒和炒粉麵飯等選擇。我們點了白灼鵝腸，鵝腸清洗得好乾淨，連肥膏也去掉，將鵝腸、芽菜仔、薑絲葱絲和特配的豉油汁一起撈匀，一口食落好爽口又好味！七味黃金炸一口金磚豆腐，個名好長但一睇就知好味，七味粉惹味，炸豆腐香脆，一口一粒，又脆又嫩滑。酥炸鲮魚球(配蜆蚧)，又是一味香口餸菜，純正鲮魚肉炸得面金黃色，入面魚肉鮮味彈牙，我還食到很香的果皮味，再點些蜆蚧，味道更豐富。頭抽豉油皇銀芽炒麵，大大碟又夠穫氣，頭抽豉油調得夠味，炒麵彈牙不油膩。食完飯重有甜品送，蕃薯糖水，蕃薯林甜，糖水薑味濃。雖然是送的甜品，店家一點也不馬虎，值得一讚！而且食物份量大碟又不貴，又沒有加一服務費，整體來說都低食。

今天下午和同事往土瓜灣見客，辦完公事，大家往巴士站準備搭車回家，等車期間，望見有一家叫楚撚記大排檔的食店，同事說自稱大排檔一定是食小炒，行去了解一下，原來真的是大排檔風格，只不過將之搬入有冷氣的地方，令食客食得舒適，同事看過餐牌，說價錢不貴，不如入去試試，食埋飯至回家，我喜歡試新店，當然同意啦，入座去也！菠蘿拔絲咕嚕肉：咕嚕肉有口感，菠蘿清甜，醬汁酸酸甜甜的，味道好醒胃！七味黃金炸一口金磚豆腐：豆腐炸得外層酥脆，入面非常嫩滑，加上七味粉，一口一舊十分惹味。椒鹽鮮魷外層酥脆：鮮魷有口感，加上炸蒜的香味，令味道提升。炸香的豆腐和鮮魷在碟上有温馨提示牌：「請上枱即食」，提醒大家香口食物要熱食，凍了食味道和口感就差一點。瑤柱蝦粒帶子蛋白炒飯：份量不少，這就是大排檔風格，大大碟好抵食，又夠穫氣，炸過的瑤柱絲香口又有鮮味，蝦粒和帶子爽口，蛋白嫩滑，有多重口感，飯炒飯粒粒分明不會太油，好味！飯後還有蕃薯糖水送，為這美味的大排檔風味晚餐劃上完美的句號。

前晚放工要去土瓜灣睇牙醫, 之後要埋在附近反工既朋友食個晚飯..朋友說附近開左間比較新既餐廳, 所以我們二人就去”楚撚記”食個晚飯, 不知味道如何呢?餐廳分開左兩間的, 店舖雖小, 但不會感到太逼呢; 而且環境充滿左舊時既feeling~蜜椒薯仔牛柳粒：個人十分推薦這個牛柳粒，因為牛柳粒既肉質好嫩滑，熟度剛剛好，不會有硬既口感呢！當中配合蜜汁令到甜味提升，十分夾的味道！另外，薯仔成一細粒方便食客食用啊！整碟味道個人覺得甜中帶點惹味～酥炸黑松露菌醬芝心乒乓波牛丸：朋友特意order的食品，份量刀吾少。乒乓波牛丸大大粒，肉質十分彈牙，當中有肉汁啊！真的要小心食用，因為黑松露菌醬會爆出，其黑松露味十分濃郁，果然是好推介！黃金椒鹽粟米：粟米份量多，可惜不是我想像中的椒鹽，而是好似咸旦黃的製法，味道帶咸的。豉汁蒸大鱔：大鱔用豉汁蒸令到味道更為惹味，鱔既肉質鮮嫩；但食客需小心細骨，慢慢食用啊。酥皮炸大腸：炸大腸份量同樣多，炸大腸果然香脆，而且大大塊可以增加口感；配合埋醬汁更味道提升！底部還有菠蘿，令食客有多番味道，又不會覺得肥膩。甜品：蕃薯糖水的甜度也不錯！