戀 (QRE Plaza)

营业中

休息中

呢間之前已經食過一次超高質食材勁靚勁新鮮但係價錢非常合理😛😛😛知道佢喺灣仔開咗一間新嘅即刻狗衝過去因為仲近我今次就揀咗晏晝平民價錢又有 貴多少少嘅都有嘅真係肚餓到爆炸 忍唔住叫咗成三個餐 成枱都係嘢食🥸有好幾樣嘢食仍然好味到10分驚人其中一個串燒五色拼盤好出色🤓所有肉類都好嫩 完全冇伏每樣嘅調味都配合返食材 唔係一式一樣嘅百塔汁!!仲有火炙三文魚丼火炙三文魚一如既往燒到恰到好處又見返我熟悉嘅海老天婦羅🤍🤍🤍佢絕對係我number 1至愛海老超大條啖啖肉 肉質爽口甜美！每次食親都超滿足🥹🥹🥹🥹·壽司拼盤終於嚟啦其實都已經飽到上心口不過都無礙我想食嘅意欲最後飲埋杯latte做今次圓滿嘅結束佢哋嘅咖啡都做得唔錯仲會輕輕拉吓花雖然係一個好肥嘅心唔知係咪影射緊我食咗好多嘢係一個大肥婆😗

見到新開無耐，當然要試吓啦～有串燒有壽司、刺身，鍋物，炸物……..好似幾多選擇環境都幾寬敞，果日18:30到都未有其他客人鹽燒～蘆筍豚肉卷、雞肉唔太咸～豚肉卷幾好食，雞肉有少少乾左啲海老野菜天婦羅拼盤有兩隻蝦，野菜新鮮有南瓜、茄子、冬菇各兩件炸衣不錯、酥脆香口雜錦魚生丼魚生都有4-5款，仲有蟹柳、甜蛋、蟹籽、青瓜，顏色鮮艷、口感豐盛，魚生新鮮，青瓜解膩牛肉豆腐野菜鍋都幾多料～有牛肉、豆腐、大葱、芋絲、金菇、冬菇、紹菜等等，食完暖笠笠，湯底幾好味，飲多幾啖都無口乾總結：幾啱一家大小、朋友聚會，多款式選擇，可以各自叫喜歡既食物

發現在openrice 訂檯有串燒送，就一於去食晚餐我們6時多已到達，太早人不多，稍候已滿座。我們就坐卡位，幾舒服。牛肉豆腐野菜鍋 $158熱騰騰、香噴噴上檯，吸引牛肉數量不少，有經燒汁烹煮過，嫩滑有豆香的豆腐，還有可愛的星星形紅蘿蔔片、魚蛋、冬菇、洋蔥、菜等，用料豐富。雜錦魚生丼 $148色彩繽紛，有三文魚、吞拿魚、有2款白身魚、蟹籽等，魚生新鮮。海老野菜天婦羅拼盤 $168有2隻大蝦南瓜、冬菇、蕃薯，每款有2件鹽燒雞肉 $32/2串，燒得剛好，肉質嫩滑蘆筍豚肉卷 $32 串，豚肉香脆配爽脆蘆筍很不錯。佢

今日同朋友嚟到灣仔，咁好耐都未食過好西，咁佢知我鍾意食日本嘢，咁我哋就去咗呢間幾高級日本餐廳到食。 入到去見到個場其實都幾大，而且張枱都新束束， 講多無謂咁大家睇下我叫咗啲乜:清酒煮蜆:呢個清酒煮蜆，我覺得D蜆幾大隻同厚肉，同埋啲蜆都幾好食， 清酒味己香， 而且都畀都幾多蔥花同海帶， 大家可以當餐前小食去食。特選壽司三色拼盤有三文魚吞拿魚同甜蝦跟住再嗌多個海膽軍艦， 咁其實要講嘅呢就係海膽軍艦真係幾鮮甜，啲海膽真係好似喺日本食咁樣，當然價錢就見仁見智，不過我覺得係值嘅，三文魚同吞拿魚都好新鮮。 Texture都幾好， 甜蝦亦都鮮甜，所以我都幾鍾意呢個壽司拼盤，唔怪之得都見到好多人嗌。鰻魚炒飯：其實呢個鰻魚炒飯都幾有驚喜，因為佢落嘅鰻魚比例都算好多，同埋佢個鰻魚汁同個炒飯，炒到都幾好食， 總括嚟講 ， 炒飯炒得香口，鰻魚肉有鮮鰻魚嘅味道，I like it!最後我覺得呢間日式餐廳嘅裝修幾簡潔同幾乾淨，同埋食物我覺得都幾有quality， 咁如果大家經開灣仔呢頭，咁可以試下呢間餐廳， 我覺得都值得一試。

恋 Tsukiau地址：灣仔皇后大道東202號QRE Plaza 10樓10/F, QRE Plaza, 202 Queens Road East, Wan Chai由尖沙咀衝出港島了, 前2兩個同朋友去過尖沙咀, 串燒真是有水準, 好有去了日本食架風味同感覺, 見新開了在灣仔, 又方便我地放工去, 一於ENCORE 串燒呢。掛念美味的串燒, 又點了拼盤, 兩店都是一樣維持到水準, 高溫鎖住了肉味及肉汁, 個MENU 都是一樣呢!$68 月見照燒免治雞肉棒，淺嚐一下回味串燒，一客兩串，把蛋黃攪拌做沾醬,更見美味。$158豚肉豆腐野菜鍋 ，一大鍋入面除了大量豆腐同野菜,個湯好飲極之清甜。各$40 油甘魚同三文魚子壽司，叫壽司有飯氣落肚。裝修同尖沙咀好如出一徹

去開灣仔又想食日本嘢，就去咗呢間食。我地兩個人叫咗幾樣嘢，雜錦魚生丼、特上壽司四色拼盤、日式炸豆腐、月見照燒免治雞肉棒、汁燒雞翼、海老野菜天婦羅烏冬。魚生丼嘅刺身幾新鮮，食落都有鮮味，但飯可以多少少壽司醋酸味。壽司拼盤我推介帶子同吞拿魚，帶子好夠厚身同鮮甜，吞拿魚感覺幾新鮮，清清地唔會有血腥味。月見照燒免治雞肉棒隻生蛋咁放好得意，雞肉棒同燒雞翼都烤得剛剛好，冇烤到乾晒，食落仲有肉汁。海老野菜天婦羅我比較欣賞隻炸蝦，一來脆粉唔厚，二來隻蝦好彈牙亦好有蝦味。整體而言絕對可以一試嘅。

新年後第一☝️日返工同事慶生，一早OpenRice book咗戀，送八式拼盤。灣仔QRE食飯時間最衰，得3部𨋢但幾十人地下打蛇餅等𨋢，等咗10分鐘先有𨋢。一出𨋢就見到招牌俾咗大枱俾我地，午餐都多選擇揀咗牛肉豆腐野菜窩、串燒四式拼盤、鹽燒花魚，餐飲揀咗蜂蜜冰糖菊花（熱）同冷泡荔枝紅茶（凍）。叫咗冇耐就上訂位免費🆓既八式拼盤，（原價$388），好正，有齊肉串同菜串，最正豚肉荔枝卷牛肉豆腐野菜窩，睇落唔錯，好滿足串燒四式拼盤，好豐富，有埋燒飯團🍙，正。可惜豚肉荔枝串俾錯咗豚肉露筍串，投訴咗俾侍應就俾番串豚肉荔枝串我鹽燒花魚，同事話太乾蜂蜜冰糖菊花（熱），餐飲，好清香冷泡荔枝紅茶（凍）,餐飲，有粒荔枝好有heart紅豆🫘牛乳奶凍，餐甜品🍮，好滑，正忌廉泡芙，餐廳🍴送，暖暖地，外脆內cream正呢間幾抵食，又送咁多嘢，推

聽講“戀”係灣仔區QRE新開了間分店, 今晚就黎試下佢！地方非常寬敞, 坐得舒服一D都唔迫. 食品選擇都幾多, Menu刺身壽司, 串燒, 鍋物同甜品賣相都唔錯！我哋就叫咗魚生丼同串燒炸物同甜品試下！串燒六式拼盤($268) ~ 有牛舌, 和牛, 雞肉, 羊肉, 雞翼及五花荔枝肉共6串, 用了鹽燒方法, 十分惹味. 和牛仲幾juicy😋雜錦魚生丼($148)~ 滿滿的魚生粒舖滿飯面, 色彩繽紛十分吸引, 份量足夠我哋2個share.月見照燒免治雞肉棒($68) ⭐~ 見佢menu寫廚師推介👍🏻所以叫黎試下, 真心做得非常出色好味, 必叫之選.日式作豆腐($48) ~ 外脆內軟, 雙重口感又唔熱氣！日式糯米滋($58)😋~ 6粒糯米滋(內裡有蜜瓜). 配上香蕉塊及藍莓, 賣相100分！而且好好味❤️

<灣仔區抵食好味居酒屋>🤩灣仔區QRE 新開了間日式居酒屋, 地方寬敞超大, 坐得舒服. 而且食品種類選擇多. 刺身壽司, 串燒, 鍋物等都十分多選擇, 連甜品都有😋正.鍾意食串燒既我直接order 左 <串燒六式拼盤> ($268)😋 ~ 分別有牛舌, 和牛, 雞肉, 羊肉, 雞翼及五花荔枝肉共6串, 用了鹽燒方法, 十分惹味juicy.<雜錦魚生丼> ($148)😋~ 滿滿的魚生粒舖滿丼飯, 新鮮而且魚生種類多, 好味.<月見照燒免治雞肉棒> ($68)😋 ~ 呢個做得非常出色好味, 必叫之選.<日式作豆腐> ($48)😋 ~ 絕對係炸到外脆內軟, 有脆卜卜口感, yummy.<日式糯米滋> ($58)😋 特別既甜, 6粒糯米滋, 咬入口內裡是蜜瓜味. 再配上香蕉塊及藍莓, 好味.🍣餐廳 : 恋🍱地址 : 灣仔皇后大道東202號

呢間野專食串燒，話有1000度烤爐瞬間將肉汁鎖住，食左串雞翼同免治雞肉棒覺得好正，天婦羅都好好食😋，下次可以再黎食天婦羅同串燒👍🏽汁燒雞翼 $32好味，嫰滑，雞皮燒得香脆月見照燒免治雞肉棒$68/2串點埋個蛋汁好好味海老野菜天婦羅烏冬$128，大蝦🍤天婦羅有驚喜😍，彈牙有夠大隻；冬菇，南瓜🎃同茄子🍆都炸得好乾身好好味😋日式炸豆腐$48雜錦魚生飯$148特上壽司四式拼盤（8件） $218加埋一，埋單$706

了解QRE新開一所不貴的日本歺館，今午試吓，經OpenRice 預訂有半打串燒送。可惜，出歺甚慢、食品不熱，尤其烏冬和串燒，可能不夠廚房，而且新開，應接不暇，食物質素一般，味道尚可，最好食是尾盤甜品而已，但價錢相對不太便宜。短期內不會再去☹️

🐟特上壽司拼盤 ($238)壽司有三文魚、帶子、吞拿魚、油甘魚同炸蝦牛油果飯卷壽司🍣 刺身全部好厚切比得足料，飯嘅份量唔會好多，所以刺身同飯食落個比例啱啱好😙 咁多裏面帶子最新鮮~🐄安格斯牛小排($225)牛小排好淋，充滿肉汁同油脂，本身冇咩調味，所以牛嘅味好出，點買燒汁食鹹度啱啱好😄 牛小排會連埋個細爐一齊上，可以自己燒返鍾意嘅生熟程度☺️ 🐓月見照燒免治雞肉棒 ($68)生雞蛋蛋味濃郁，雞肉棒點埋照燒汁食幾好食😊，不過略嫌表面啲麵包糠唔係好多，同埋感覺唔係好黐住雞肉棒🥺🍮紅豆奶凍（跟餐）奶凍好滑，奶味幾出，連埋紅豆食一齊好夾😉-呢間餐廳裝修幾精緻，午市嘅時候都好多上班族嚟呢度食，座位唔會好迫，下次再嚟嘅話會想試吓啲串燒！-味道: 7.5/10服務: 8/10環境: 8/10回頭率: 7.5/10總評: 7.5/10

灣仔多選擇日本菜🤍-👀沒有立場資訊-🍣特上壽司拼盤 ($238)包括有三文魚、吞拿魚、帶子、油甘魚同埋炸蝦牛油果飯卷壽司🫶🏻啲飯粒粒分明，刺身都幾新鮮，整體表現唔錯！另外跟餐嘅前菜沙律份量適中，啲菜都幾新鮮😋🥩安格斯牛小排 ($225)餐廳另外會比一個爐，用嚟加熱牛小排去到理想嘅熟度🫡牛小排咬落肉質軟嫩，充滿油香，油脂分布都好靚，不過如果個汁再濃多少少會更好😗另外亦都有刺身三點同埋白飯，刺身一樣都幾新鮮，白飯應該係用咗日本珍珠米，所以一樣都係粒粒分明👀🍳月見照燒免治雞肉棒 ($68)雞肉棒口感豐富，不過照燒汁略嫌比較淡，如果甜味再多啲就可以提升味道嘅層次😘🥛紅豆奶凍 (跟餐)奶味唔算好出，不過甜度適中，配上甜甜嘅紅豆蓉啱啱好🫶🏻餐廳平日嘅人流都好多，選擇都幾多，裝修都幾精緻，之前小編都有食過尖沙咀分店，個人覺得都唔錯！味道 7.5/10服務 8/10環境 8/10回頭率8/10總評 7.75/10😙🤍人均消費 $291💰-📍戀 灣仔皇后大道東202號QRE Plaza 10樓(其他分店: 尖沙咀北京道12A號太子集團中心6樓)#米食灣仔 #米食尖沙咀 #米食日本菜 #米食居酒屋 #美食

今日嚟到灣仔既《戀》，地點有點兒隔涉，店舖裝修以居酒屋為主，但店內氣氛就冇乜居酒屋feel。野食方面叫左一口和牛、吉列炸蝦、雞白湯嫩雞烏冬。一口和牛（$128）生熟度適中，肉質嫩而不老，唯獨牛肉味道普通，缺乏和牛油脂香，底部放了大半個洋蔥，份量一般但尚算可接受。吉列炸蝦（$88）有五隻，皮薄肉厚，冇油益味，亦唔會食到成口油。雞白湯嫩雞烏冬（$128）用上普通稻庭烏冬，唔係手打個種；雞白湯味道一般，雞味唔濃，雞肉肉質亦比較鞋，價錢較貴。整體嚟講小食比主菜好，餐廳亦有做緊酒精飲品優惠，鐘意飲酒既人都可以留意下。

聽講尖沙嘴店開左一間分店係灣仔霖住識個經理，佢話調左去灣仔幫忙過去支持下佢點知佢同事就話佢咁啱放下半晝咁算啦，都照支持下佢！好啦，員工安排我地坐卡位心霖張凳短到咁都叫卡位？都算啦，照坐！全場就得2個員工心霖咁把炮？2個員工都可以踩全場應付到？後頭就犀利！送嘅串燒又乾又鞋完全無興趣叫佢menu嘅串燒送嘅串燒都咁，menu嘅就唔預期有幾好有好嘅買蠔豉半打送清酒如果想體驗生活嘅都可以黎！d員工得2個，完全唔得閒理我地我地可以好似大x樂或者大快x咁樣聽號碼到櫃檯取餐d野食唔係差但一定唔係好得去邊祝大家去食之前有定心理準備六星級酒店嘅價錢，快餐店嘅質素同埋個裝修個風格真係唔會想食得落口直升機停機坪！伏伏伏伏伏伏～