戀 (QRE Plaza)

营业中

休息中

今日和同事lunchtime試了這間日式餐廳，食物種類很多首先點了壽司三式拼盤賣相方面，三種壽司的色澤非常漂亮，看起來非常誘人。口感上，壽司米飯軟糯，魚肉鮮美，非常美味😋粒粒魚生沙律非常清爽，魚生種類和份量都多，有三文魚、吞拿魚、帶子和蛋等。沙拉的配料豐富，最重要是蔬菜食落很新鮮，清新開胃的前菜😝豚肉野菜鍋配料有娃娃菜、蘑菇、大蔥等，味道非常濃郁，豚肉和湯底的搭配非常完美，豚肉吸取了湯汁，很惹味。份量方面，足夠兩人享用🥳日式醬油和牛炒麵牛肉的味道非常濃郁，而且口感都挺香嫩，麵條炒過後不會太油膩，又保持到口感👍🏻

嚟灣仔食日本野😚呢間餐廳坐位好闊落，環境又乾淨💯而且QRE Plaza都好近地鐵站！行過嚟都幾快～Menu好多選擇✨有齊我鍾意嘅串燒、鍋物、飯麵😋淨係睇圖都覺得好吸引牛肉豆腐野菜鍋 $158料好足！牛肉唔似其他餐廳得面個層有🤣滿滿大一鍋，冬天食好舒服👍🏻一口和牛 $128好入味😂調味啱啱好，仲有啲炸蒜係面～雞肉（兩串）（鹽燒） $32鹽麴五花腩（串） $32蘆筍豚肉卷（串）（鹽燒）$32串燒嘅肉都幾大舊😚火候控制得好好鰻魚炒飯 $128每粒飯都沾滿醬汁😋鰻魚切粒撈埋一齊食，簡直係味蕾大爆炸✨紅豆抹茶奶凍 $48好滑🤣配紅豆一齊食好食啲！

今日朋友剛好經過灣仔而我在附近工作，便相約一起午餐。朋友提議到近來新開張的戀吃日式料理，我哋便相約12點餐廳見面。午市套餐選擇很多，串燒，壽司，天婦羅，咖喱飯等，我和朋友商量了一會，點了一客鐵板燒安格斯牛小排($225）和一客刺身定食（$228），另外再加了炸豆腐作小食。安格斯牛小排有6件，厚切份量適中，跟餐會配上一個日式燒皿，可自己根據口味再烹煮牛小排，又可以保持熱度，十分有趣。牛小排牛味濃郁，由於燒皿火力不會太猛，建議可煮耐一陣，食之前rest一下，待血水收乾會更好味。刺身定食有大約10件，有厚切的三文魚和呑那魚，帶子，甜蝦和𩶘魚。份量不多但新鮮，特別是呑拿魚，是日本吃到的赤身口感，另外跟餐再配有烏冬，不怕不夠飽。散叫的炸豆腐炸粉做得好簿，豆漿質感軟綿綿，不會散開，不錯。

這間比較新派嘅日本🇯🇵料理，在灣仔嘅一幢大廈樓上，唔搵都未必留意得到；舖頭大空間咁足夠，提供各式各樣嘅食物，午市套餐亦有選擇，定價$100+有交易🎌———————————————————————————🥢角切刺身丼配天婦羅烏冬🍜💬有飯有麵確係比較豐富，賣相亦精美，味道在水準以上，炸物即做夠熱度，附上麵豉湯同菊花茶，十分滿意🇯🇵.🥢三式串燒拼盤配飯團🍙💬相對呢個餐比較簡單，雖然串燒嘅食材係高級，有厚牛舌👅、花腩肉🐽同牛小排🐮，加埋飯團🍙感覺上都唔太有滿足感，若配烏冬或拉麵🍜或許更開心🇯🇵

灣仔QRE plaza新開日料，地方闊落，環境舒適，無論同屋企人定三五知己聚餐都好適合。一口和牛 $128和牛粒肥瘦均勻，配上濃郁既黑椒醬汁，個底仲有入哂味既洋惹，好惹味。鹽燒雞肉 (兩串) $32鹽麴五花腩 (串) $32鹽燒蘆筍豚肉卷 (串) $32我地既座位就喺開放式廚房隔離，即叫即燒，熱辣辣既串燒肉質嫩滑，又唔會太瘦或者燒烤時間過長令肉質變柴。 饅魚炒飯 $128炒飯外表吸引，蔥花作為點綴又可以增加鮮味，炒飯口感較為乾身，粒粒分明，唔會過油！牛肉豆腐野菜鍋 $158一大個鍋入面有唔少配料，除左牛肉同豆腐仲有紅蘿蔔、金菇、娃娃菜、大蔥、蒟蒻等等配菜，份量十足，非常滿足。紅豆抹茶奶凍 $48食到咁飽緊係唔少得食番個甜品，紅豆同抹茶簡直係最佳配搭，滑捋捋既奶凍甜度較低，可能就唔太適合螞蟻人。如果去開灣仔諗唔到食咩，都可以試吓呢間新嘅日式料理，除咗鍋物同串燒之外仲有新鮮嘅刺身同壽司，仲可以同同行朋友飲番杯～呢間餐廳仲唔收切餅費，歡迎大家帶埋蛋糕去慶祝生日😗

近期見到好多次呢間嘅食評，朋友喺灣仔附近所以黎試下。餐廳明亮寬敞，座位都幾舒服。午飯時間都好full, 要早少少攞位。lunch set選擇幾多，有鍋物、咖哩、刺身壽司、各種熟食。我同朋友點左刺身拼盤($228), 安格斯牛小排($225), 炸豆腐。lunch set包麵豉湯同餐飲。刺身拼盤跟烏冬，份量都適中，烏冬係清湯，唔會好淡。刺身有吞拿魚同三文魚都幾厚切，帆立貝同甜蝦偏小巧，仲有一款白魚。安格斯牛小排會跟個燒皿，可以一路食一路燒，唔怕太生/太靭仲可以確保每舊都熱辣辣，又幾好玩。炸豆腐味道都唔錯，裡面軟綿綿唔會散哂。整體來講，係平時返工過下壽司/日本菜癮幾好嘅地方。

*今日eatmug9 #84話說工作上有啲失意即刻約返啲fd子圍爐取暖lunch time 嚟到依間戀先發覺原來之前都食過佢其他分店嘅晚市我哋一共嗌咗3個set lunch 開心share Americano 正常冇乜特別雖然食日式嘢飲啡好似怪怪哋但作為咖啡控一日點都要飲杯啡刺身壽司拼盤三文魚略嫌唔夠肥但吞拿魚依然夠鮮味 goodgood沙律+烏冬沙律菜新鮮足料烏冬昆布夠多 湯底夠濃飲團炙得剛好啲飯唔會一口就散調味適中 有功架天婦羅炸粉薄 但自己擺太耐先食搞到miss酥脆嘅moment : (串燒特別推介肥牛包蔥頭啲蔥頭味吊起牛肉鮮味 再加上啲油脂香濃惹味最後由個紅豆奶凍埋尾濃郁奶味

恋 Tsukiau地址：灣仔皇后大道東202號QRE Plaza 10樓新開不久的日式居酒屋及日本菜餐廳, 因為了客傾公事同做年結AUDIT 同FINANCE REPORT ,要找個體面的地方。直接去了灣仔附近拎返AUDITED REPORT , 順便食餐飯, 多謝佢咁幫手趕完完成。清酒煮蜆$108清酒同味道香濃，蜆大隻厚肉，湯中帶清酒的米甜香, 很好飲。我飲了好多COFFEE, 其實唔是太肚餓, 所以2個人點多個鰻魚炒飯了， 輕輕鬆鬆食些東西。like 社交平台仲有柑桔酸梅菜。剛剛新開, 認知度未算很高, 所以都坐得幾疏,講野又唔會怕比其他食客 影響。以同區居酒屋比較, 食物同定價合理

呢間之前已經食過一次超高質食材勁靚勁新鮮但係價錢非常合理😛😛😛知道佢喺灣仔開咗一間新嘅即刻狗衝過去因為仲近我今次就揀咗晏晝平民價錢又有 貴多少少嘅都有嘅真係肚餓到爆炸 忍唔住叫咗成三個餐 成枱都係嘢食🥸有好幾樣嘢食仍然好味到10分驚人其中一個串燒五色拼盤好出色🤓所有肉類都好嫩 完全冇伏每樣嘅調味都配合返食材 唔係一式一樣嘅百塔汁!!仲有火炙三文魚丼火炙三文魚一如既往燒到恰到好處又見返我熟悉嘅海老天婦羅🤍🤍🤍佢絕對係我number 1至愛海老超大條啖啖肉 肉質爽口甜美！每次食親都超滿足🥹🥹🥹🥹·壽司拼盤終於嚟啦其實都已經飽到上心口不過都無礙我想食嘅意欲最後飲埋杯latte做今次圓滿嘅結束佢哋嘅咖啡都做得唔錯仲會輕輕拉吓花雖然係一個好肥嘅心唔知係咪影射緊我食咗好多嘢係一個大肥婆😗

見到新開無耐，當然要試吓啦～有串燒有壽司、刺身，鍋物，炸物……..好似幾多選擇環境都幾寬敞，果日18:30到都未有其他客人鹽燒～蘆筍豚肉卷、雞肉唔太咸～豚肉卷幾好食，雞肉有少少乾左啲海老野菜天婦羅拼盤有兩隻蝦，野菜新鮮有南瓜、茄子、冬菇各兩件炸衣不錯、酥脆香口雜錦魚生丼魚生都有4-5款，仲有蟹柳、甜蛋、蟹籽、青瓜，顏色鮮艷、口感豐盛，魚生新鮮，青瓜解膩牛肉豆腐野菜鍋都幾多料～有牛肉、豆腐、大葱、芋絲、金菇、冬菇、紹菜等等，食完暖笠笠，湯底幾好味，飲多幾啖都無口乾總結：幾啱一家大小、朋友聚會，多款式選擇，可以各自叫喜歡既食物

發現在openrice 訂檯有串燒送，就一於去食晚餐我們6時多已到達，太早人不多，稍候已滿座。我們就坐卡位，幾舒服。牛肉豆腐野菜鍋 $158熱騰騰、香噴噴上檯，吸引牛肉數量不少，有經燒汁烹煮過，嫩滑有豆香的豆腐，還有可愛的星星形紅蘿蔔片、魚蛋、冬菇、洋蔥、菜等，用料豐富。雜錦魚生丼 $148色彩繽紛，有三文魚、吞拿魚、有2款白身魚、蟹籽等，魚生新鮮。海老野菜天婦羅拼盤 $168有2隻大蝦南瓜、冬菇、蕃薯，每款有2件鹽燒雞肉 $32/2串，燒得剛好，肉質嫩滑蘆筍豚肉卷 $32 串，豚肉香脆配爽脆蘆筍很不錯。佢

今日同朋友嚟到灣仔，咁好耐都未食過好西，咁佢知我鍾意食日本嘢，咁我哋就去咗呢間幾高級日本餐廳到食。 入到去見到個場其實都幾大，而且張枱都新束束， 講多無謂咁大家睇下我叫咗啲乜:清酒煮蜆:呢個清酒煮蜆，我覺得D蜆幾大隻同厚肉，同埋啲蜆都幾好食， 清酒味己香， 而且都畀都幾多蔥花同海帶， 大家可以當餐前小食去食。特選壽司三色拼盤有三文魚吞拿魚同甜蝦跟住再嗌多個海膽軍艦， 咁其實要講嘅呢就係海膽軍艦真係幾鮮甜，啲海膽真係好似喺日本食咁樣，當然價錢就見仁見智，不過我覺得係值嘅，三文魚同吞拿魚都好新鮮。 Texture都幾好， 甜蝦亦都鮮甜，所以我都幾鍾意呢個壽司拼盤，唔怪之得都見到好多人嗌。鰻魚炒飯：其實呢個鰻魚炒飯都幾有驚喜，因為佢落嘅鰻魚比例都算好多，同埋佢個鰻魚汁同個炒飯，炒到都幾好食， 總括嚟講 ， 炒飯炒得香口，鰻魚肉有鮮鰻魚嘅味道，I like it!最後我覺得呢間日式餐廳嘅裝修幾簡潔同幾乾淨，同埋食物我覺得都幾有quality， 咁如果大家經開灣仔呢頭，咁可以試下呢間餐廳， 我覺得都值得一試。

恋 Tsukiau地址：灣仔皇后大道東202號QRE Plaza 10樓10/F, QRE Plaza, 202 Queens Road East, Wan Chai由尖沙咀衝出港島了, 前2兩個同朋友去過尖沙咀, 串燒真是有水準, 好有去了日本食架風味同感覺, 見新開了在灣仔, 又方便我地放工去, 一於ENCORE 串燒呢。掛念美味的串燒, 又點了拼盤, 兩店都是一樣維持到水準, 高溫鎖住了肉味及肉汁, 個MENU 都是一樣呢!$68 月見照燒免治雞肉棒，淺嚐一下回味串燒，一客兩串，把蛋黃攪拌做沾醬,更見美味。$158豚肉豆腐野菜鍋 ，一大鍋入面除了大量豆腐同野菜,個湯好飲極之清甜。各$40 油甘魚同三文魚子壽司，叫壽司有飯氣落肚。裝修同尖沙咀好如出一徹

去開灣仔又想食日本嘢，就去咗呢間食。我地兩個人叫咗幾樣嘢，雜錦魚生丼、特上壽司四色拼盤、日式炸豆腐、月見照燒免治雞肉棒、汁燒雞翼、海老野菜天婦羅烏冬。魚生丼嘅刺身幾新鮮，食落都有鮮味，但飯可以多少少壽司醋酸味。壽司拼盤我推介帶子同吞拿魚，帶子好夠厚身同鮮甜，吞拿魚感覺幾新鮮，清清地唔會有血腥味。月見照燒免治雞肉棒隻生蛋咁放好得意，雞肉棒同燒雞翼都烤得剛剛好，冇烤到乾晒，食落仲有肉汁。海老野菜天婦羅我比較欣賞隻炸蝦，一來脆粉唔厚，二來隻蝦好彈牙亦好有蝦味。整體而言絕對可以一試嘅。

新年後第一☝️日返工同事慶生，一早OpenRice book咗戀，送八式拼盤。灣仔QRE食飯時間最衰，得3部𨋢但幾十人地下打蛇餅等𨋢，等咗10分鐘先有𨋢。一出𨋢就見到招牌俾咗大枱俾我地，午餐都多選擇揀咗牛肉豆腐野菜窩、串燒四式拼盤、鹽燒花魚，餐飲揀咗蜂蜜冰糖菊花（熱）同冷泡荔枝紅茶（凍）。叫咗冇耐就上訂位免費🆓既八式拼盤，（原價$388），好正，有齊肉串同菜串，最正豚肉荔枝卷牛肉豆腐野菜窩，睇落唔錯，好滿足串燒四式拼盤，好豐富，有埋燒飯團🍙，正。可惜豚肉荔枝串俾錯咗豚肉露筍串，投訴咗俾侍應就俾番串豚肉荔枝串我鹽燒花魚，同事話太乾蜂蜜冰糖菊花（熱），餐飲，好清香冷泡荔枝紅茶（凍）,餐飲，有粒荔枝好有heart紅豆🫘牛乳奶凍，餐甜品🍮，好滑，正忌廉泡芙，餐廳🍴送，暖暖地，外脆內cream正呢間幾抵食，又送咁多嘢，推