憶食尚臘味煲仔飯

营业中

休息中

呢一間餐廳感覺上像西式餐廳 非常有格調侍應會幫我們沖一壺茶味道清香 減少油膩感港式臘味煲仔飯賣相相當之吸引！有臘鴨臘肉和臘腸 非常濃厚的煙熏味 臘鴨鹹香味十足臘肉油脂肥美 配上拌飯一流的臘腸米飯方面 粒粒分明 非常軟熟 配搭煲仔飯特色豉油正當然唔少得飯焦啦係煲仔飯嘅外層就可以刮落嚟食啦 濃郁嘅米香味再加埋卜卜脆嘅口感仲帶少少醬油嘅鮮味 係煲仔飯嘅靈魂麻辣雞煲呢個雞煲嘅醬汁係非常出色又麻辣又香 雞件好嫩滑仲好入味 比外面大排檔更加好食最後加上蒜蓉娃娃菜完成了今天滿足的晚餐

今日突然想食煲仔飯，但又唔想食街邊果啲，突然間諗起佐敦有一間餐廳嘅煲仔飯幾出色。餐廳環境裝修都幾高檔，好似去咗酒店食飯咁，枱與枱中間都有個屏風作間隔之用，私隱度同衛生都唔錯，洗手間亦非常乾淨。川椒麻辣雞煲 ($98) : 雞煲上枱時香噴噴，未食就已經聞到麻辣嘅味道 🤤 麻辣汁相當惹味，雞肉肉質嫩滑之餘份量亦幾多，三色椒等配菜亦好鮮甜。特色臘味煲仔飯 ($148 / 中) : 份量可以夠兩個人食，臘腸味道好鮮甜，腸衣一啲都唔韌 ; 臘肉切成薄片，肥瘦適中，而且外皮帶點脆口 ; 鴨肉一啲膻味都無，而且味道醇香，自己覺得煲仔飯最關鍵就係啲米，師傅火喉控制得好好，啲米夠熟之餘飯焦又脆口。由於呢度嘅臘腸真係太好食，所以買咗包戰利品返屋企慢慢嘆。🥰

一見到係煲仔飯的專門店都已經被深深吸引住， 因為我是一個煲仔飯愛好者！ 我是午餐時間去餐廳的， 餐廳都有提供一些午市套餐的選擇， 我就叫了一個瑤柱蛋白海皇炒飯和酸辣蛋手工麵。 先介紹一下那個瑤柱蛋白海皇炒飯， 份量超足，而且賣相很好看！炒飯好乾身，粒粒分明， 有不少蝦粒，青瓜，蛋白和蟹籽，令平凡的瑤柱蛋白炒飯增添了口感和色彩。 而酸辣蛋手工麵，賣相都幾吸引， 酸和辣的分配很恰到好處。 不會有側重於酸或辣， 手工面的水準來講， 這間的口感算不錯， 煮面的時間都應該控制的不錯， 面不會很淋。 最後還叫了一碟菜心來均衡飲食， 同樣煮得翠綠新鮮 ❤️

一行入餐廳感覺是進了西餐廳好高貴 整潔再看看餐牌 有不少特色港式菜選擇當然要叫煲仔飯啦！一上碟真係相當香噴噴 仲好足料有臘肉 臘腸 臘鴨 肥瘦均勻 煙熏味濃郁 陣陣香味 非常正！ 仲要相當大份 件數又多重頭戲當然係飯焦米飯粒粒分明 中間的飯非常軟熟同黎配臘味一流然後鍋邊的飯金黃香脆加上醬油 食落口除左有米香仲有點醬油的咸味 鐘意煲仔飯都一定要試！超級推薦香辣雞煲炒得好入味 醬汁香辣又不會太咸雞件嫩滑又大舊 每一件都有濃郁既醬汁送飯一流最後叫了一個蒜茸娃娃菜滿足的一餐

最近同屋企人黎左一間中菜餐廳食飯，餐廳裝修都幾似酒店嘅中菜廳，座位都幾闊落，有屏風相隔，唔會好似平時酒樓咁嘈吵👍🏻睇返餐牌，午市套餐都幾多選擇。店員好快就比左我地點嘅菊花茶🌼我地揀左蝦球撈手工麵，瑤柱蛋白海皇炒飯，油菜，仲有燉湯。燉湯：蟲草花燉雞🐓，因為係原盅燉，保留都原汁，味道好甜，都幾足料。蝦球🦐撈手工麵，手工麵食落幼幼嘅麵條，沾左XO 醬，都幾入味。蝦球大粒同彈牙☺️瑤柱蛋白海皇炒飯，食前先拌勻左飛魚子先，就可以食都啖啖都有魚子，炒飯都算有鑊氣，同埋都好多蝦仁🦐😋油菜我地要左菜芯，食落唔會太老😌

想像之外既中餐😋餐廳既格局同佈置好grand，打破左我對煲仔飯餐廳既認知😋 坐得非常舒適 餐廳亦都好適合打卡😚 上湯浸娃娃菜 $68 娃娃菜煮得夠冧而且入味😋 清甜既清湯再加少少金華火腿絲 增添口感💓酸辣手工空心湯面 $78 睇到相都覺得有種fusion感🧑🏻‍🍳見到餐牌有介紹呢款手工空心麵，覺得幾特別，結果都無令人失望呢😍 上菜時不忘提醒我地 麵條係佢地自家製🙈超強大。口感方面，麵條雖幼但仍然掛滿湯汁，口感獨特，而酸辣偏酸，胃口大開～ 再配埋一小片蠟腸一齊食😋 唔好睇少呢一薄片既蠟腸，佢係用河源自家農場嘅走地新鮮土豬同重慶黑毛豬整出黎 食落無乜負擔🥰瑤柱蛋白海皇炒飯 $88 一上菜已經感覺到鑊氣，非常香😍 配料大方～食到唔少既瑤柱絲，仲有蟹籽mix埋增添口感🤨 的確幾特別，最重要係飯粒炒至乾身粒粒分明😚

疫情好轉咗，咁啱喺依附近收工，就同同事食少少嘢，同事話想食煲仔飯，咁就試下呢一間餐廳， 入到去其實入面都寬敞， 而且枱同枱亦都隔得幾開，可以保障番安全， 我哋叫咗以下食品：時令時菜: 咁食飯之前，點都要叫啲有纖維質嘅嘢幫助消化，咁其實呢個菜就ok啦， 因為食菜係我習慣。川椒麻辣雞: 我地叫左隻例牌麻辣雞， 上枱嗰時啲個煲都幾大煙 ，個辣味滲到周圍都係但係都幾香嘅 。要讚嘅就係佢個麻辣醬真係幾辣，味道我覺得亦都幾濃味， 最主要就係個主角，隻雞幾嫩滑咁我覺得都幾好， 如果大家鍾意食雞嘅話， 唔夠可能要叫半隻。廣式臘味煲仔飯: 呢個煲仔飯，咁其實自己經開呢頭都想試，其實呢個煲仔飯都冇令我失望，因為佢個配料都幾齊幾足。 咩臘味都算齊就好似有臘鴨、 臘腸等不過就係爭咗我鍾意食嘅潤腸，都唔緊要因為其實我最鍾意就係個臘腸，個臘腸有少少肥同都幾juicy 臘肉亦都係半肥瘦，有少少肥先至有咬口，另外有店員幫我哋刮啲飯焦畀我哋食，呢個做得幾細心，而佢飯焦亦都好好味幾脆，所以我幾鍾意呢度D煲仔飯。最後如果大家鍾意食煲仔飯可以試下呢間餐廳，因為佢啲煲仔飯我覺得幾好味 ，而且啲料亦都足，行過可以試下。

煲仔飯是廣東廣西傳統美食，今天朋友說非常想吃煲仔飯，努力的尋找，為他尋找到這風味臘味沒添加煲仔飯。川味臘味煲仔飯飯店的臘腸質量棒，也有可以買回去吃的。每次吃一家新店就像賭博，這店份量大，吃起來既有肉料，米飯中還帶了肉香，由煲仔而出的飯味，令人慾大增。土黑豬川味臘腸、廣式臘肉、廣式鮮肉臘腸～時菜簡單的，也能令味道更令人記住～當季蔬菜，蘸上醬汁。我們這裡稱“淋時菜”，雖然很簡單的一道菜。但是味道是好。是各個酒店和小食店的拿手小菜。咕嚕肉酸酸甜甜，腩排肉質較嫩滑，脢頭淨肉版是廚師考牌之作，非常難學，醬料入味。五花肉入口爽彈口感，好好吃。裝修好看，長輩可以坐得舒服，食物有質素煲仔飯其實只是簡單的食材，不會複雜化。所謂一生做好一件事，煲仔飯就是店主這生要做好的事。當你一想起煲仔飯，就會想到它。店員上菜時介紹，服務好到棒棒！

某天坐車時經過佐敦渡船街一帶，被一間裝修雅緻的中菜館吸引了。 後來了解一下原來呢間店著名臘味煲仔飯而坐屯馬綫喺柯士甸站落下車後步行大概三分鐘便到西式般的裝修但又帶點中式的古色古香甫進餐廳即被臘腸專櫃吸引了餐廳自設工場 ,聽店員介紹一下後，我就決定一定要試有茅台豬肉臘腸嘅煲仔飯。而米飯特別選用東北大米 ,咀嚼起來很香.臘鴨臘肉 臘腸傳統煲仔飯臘腸香噴噴、米飯熱騰騰，臘鴨皮有光澤、呈金黃色臘肉肥瘦適中，肉質軟嫩店員喺我地面前放上蔥花，再慢慢的撈起白飯臘味的油脂平均地滲入米飯中，先吃中間的飯，最後餘温的熱力令到邊位的米飯成飯焦，非常美味。手工黃金麵麵煎得兩面香脆，而内層有小小軟錦，口感特別，喜歡酸酸地可以點上酸汁。胡椒芥菜排骨煲甫上檯， 已聞到胡椒味的香氣濃郁,排骨肉好腍身， 芥菜有一種特殊香味.用上胡椒湯底煮過後，飲住湯，食住菜變成非常開胃的一道菜。餐廳還有樓上層，還有獨立房， 下次可以約埋家人或一大班朋友來呢

有時夾岩同男朋友一齊係佐敦收工就會順便食個飯先番屋企😚佢中意食中菜，係openrice搵搵下見到間煲仔飯好似唔錯就決定嚟呢到😆呢到同平時食煲仔飯嘅格局好唔一樣，係一間幾舒適嘅中菜館，每一枱仲有啲屏風格住，比人感覺好舒適🥰#川味臘味煲仔飯 ($148 中份) 😋好味指數：(8/10) 入面有臘鴨、臘腸同臘肉。排排坐咁好整齊😚打開之後店員就會問我地要唔要蔥，然後就會幫我地加蔥同埋醬油再撈均佢😆我就覺得冇咩辣味🤣3種臘味都幾好味，最正係啲油香滲晒落啲粒粒分明嘅飯到🤤啲飯焦整得好靚仔脆卜卜又唔會好燶咁😙#川椒麻辣雞 ($168半隻) 😋好味指數：(7.5/10) 雞皮爽口雞肉嫩滑，幾好味🥰一開頭唔覺得辣，食食下後勁就出嚟，不過越食越咸🥲到最後仲有糖水食埋先走🤤

好耐冇食過煲仔飯見呢間舖頭 環境幾好就入咗去港式臘味煲仔飯一上枱嗰陣 已經聞到好大陣臘味嘅味道 打開更加唔洗講撈埋豉油侍應會幫手撈勻放入口 除咗有飯香之外仲有啲臘味嘅香 好惹味而啲臘腸 臘鴨 一啲都唔油膩而且份量仲好夠 絕對可以食晒成煲飯煲底仲有煲仔飯最重要嘅飯焦又香又脆 好耐冇食過咁多飯焦 大滿足超開心🥰🥰川椒麻辣雞煲雞煲都係另一個賣點一上枱已經有好大陣雞煲味香到令人想即刻食落口雞嘅質地好嫩 調味都好夠配飯都係一流上湯蔬菜上湯蔬菜都有驚喜本來以為會同平時食嘅差唔多但係個湯真係好入味 配埋菜嘅鮮甜 真係可以成碗飲晒

街坊系列–憶食尚臘味煲仔飯💚係香港對食煲仔飯既印象🧐唔係廟街熱到流哂汗既排檔🥵就係西環排極隊都食唔到😓仲可能被吹交枱既X記🙄終於搵到間坐得舒服咁享受煲仔飯🤗------------------------------環境: 位於佐敦同柯士甸交界🔄位置少許隱世🔍但唔算太難搵餐廳裝修非常落成本💵坐得好舒適枱與枱之間社交距離相當闊落👍🏻而且都有靚靚既屏風作為相隔😍又有私隱度🤫又可以做好防疫------------------------------食物: 特色臘味煲仔飯 ($148)🍚煲仔飯配料有臘腸🥓臘肉同臘鴨臘腸 – 非常之香既玫瑰露味🍶肥瘦均衡🤤一口咬落時有種爆汁既感覺臘肉 – 切成薄片🔪除左更易入口外臘肉既油份更易融入落米飯當中😍臘鴨 – 稍稍偏鹹🧂係成煲飯既味道來源飯質好靚🍚粒粒非常飽滿有米香師傅煲飯既火喉🔥掌握得非常好食完飯岩岩好食飯焦🥰啖啖好似食米通咁薑蔥爆雞煲 ($98)🐥味道濃郁😋香氣直攻味蕾雞肉既好嫰滑🍗份量亦都合理甜蜜咕嚕肉 ($76)🍖肉如其名😝味道偏向甜味為主採用新鮮菠蘿🍍再增添一份鮮甜每件咕嚕肉都可以做到拔絲效果🍯咕嚕肉炸既火喉唔錯🔥唔乾又有肉汁椒鹽一口骨 ($7

經過門口見到門面幾靚，但係竟然主打食煲仔飯，好奇心驅使之下，睇吓Menu有冇啱食同價錢先！見到價錢都OK亦都係時間食晚飯，就入咗去幫襯下！見到環境優雅，真係食飯都食得舒暢啲！仲要有我最愛嘅煲仔飯！酸辣手工空心麵～酸辣嘅比例啱啱好，大家都冇搶去大家嘅風頭！加上幼滑嘅空心麵，灌滿左酸辣湯，口感一流而酸辣嘅衝擊感都係非常特別！麵上面嘅係臘腸！臘腸都係自家製嘅！仲有得即場買走獨立包裝嘅臘腸，咁就知道佢係暢銷產品！一啲都唔覺得佢肥，而且香味獨特，睇返介紹，原來佢當中有酒，真係坊間未見過！絕對值得一讚！土雞板鴨煲仔飯嚟啦！由於煲仔非常滾燙，會由職員代勞，先加上蔥及芫荽，再加豉油，最後拌勻！土雞非常香滑，板鴨結實夠味！飯粒每一粒都均勻油亮，有水準！食煲仔飯，當然希望食到飯焦，呢度絕對冇令我失望，而且飯焦非常容易起出，既有焦香亦夠脆口！關咗出嚟食飯都會有菜，雖然係簡單嘅焯菜心，但配上嘅調味料竟然非比尋常！當佢係用頭抽嘅醬油膏！非常鮮味！而且容易沾上菜心。二人份量嘅晚餐，用呢個價錢食到呢個環境同質素完全覺得係超值！

憶食尚 - 臘味煲仔飯 今日嚟到佐敦一間中菜館，但感覺有別於一般中菜，這裏裝潢典雅高貴，酒店式的設計，主打煲仔臘味飯，煲仔飯也可以一樣優雅的體驗。特色臘味煲仔飯熱騰騰的瓦煲煲仔飯，有臘腸、臘鴨、臘豬肉，啖啖肉，油香四溢，加入豉油和飯粒伴著，邊邊還有香脆的飯焦。XO醬鮑魚撈麵鮮味有口感的XO醬，撈著爽口順滑的麵條，還有超入味的鮑魚，夏天食就岩哂。娃娃菜排骨煲湯底是香濃的胡椒味，飲完暖笠笠，娃娃菜入味爽甜，排骨肉質軟腍不乾柴。

別以為煲仔飯只是冬天或只有地踎街邊的地方才能吃到，原來位於柯士甸與佐敦之間有間隱世高級煲仔飯店，餐廳裝橫光鮮醒目，而且地方寬敞寧靜，各枱座位私隱度高，非常適合商業飯聚。鮑魚XO醬拌麵首先推介的是鮑魚XO醬拌麵，拌麵帶微溫爽口，而每一口每一啖麵都帶有微微麻辣的味道，不，舌頭只感覺到麻痹，似有辣但非辣，非常特別好味！臘味炒菜並非每家餐廳都能吃到臘味炒菜，因為臘味一般比人感覺是季節性食物，要冬季才出現。中意得煲仔飯的朋友自不然會同時喜歡吃臘味，我也不例外😍，薄切，臘腸的油香，炒上青嫩的芥蘭，正！香菇滑雞煲仔飯點滑雞煲仔飯最擔心就是雞皮多而肉少口感硬，但此家給了例外，雞皮少油份薄而且雞肉非常鮮嫩啖啖肉，加入香菇增加味道的層次，底層配上頂級米飯及飯焦，再臨吃前加入香蔥芫荽及醬油攪拌，粒粒飯香加鮮菇雞肉，非常好食！不得不再次讚其選用的香米，米和水的份量適中，令飯不會太乾身或濕軟，為其煲仔飯加分！