憶食尚臘味煲仔飯

营业中

休息中

👧🏻Wodafoodie in Jordan邊個話夏天唔可以食煲仔飯，怕熱既其實揾間環境舒服d既一樣可以食😝自從食過呢間之後，每次有fd話想食煲仔飯我都會帶佢地黎😌環境好舒適，優雅，服務又好👍🏻呢到既🍵茶可以揀烏龍/玄米/菊花茶。✨🥘川味臘味煲仔飯(中份) $148醒目既店員會俾你相機食先📸再幫你落豉油蔥粒撈😆今次試川味臘味，有臘腸臘肉同臘鴨，臘腸切成薄片，帶少少辣辣地唔錯喎😋臘鴨同臘肉既油脂俾白飯吸曬，鹹味有層次。用瓦煲上，好容易就刮到脆口飯焦，又唔會燶曬，有種煙燻味，搞到我朋友一路食一路讚好食🤣🤣比起傳統既臘味我會覺得川味帶微辣更加有驚喜同出色🥰👍🏻👍🏻✨🍍🐷甜蜜咕嚕肉 $76咕嚕肉炸得好脆，個汁唔會太酸較得岩岩好，每一粒都比甜甜酸酸既汁包住，好好食，送飯一流😋好鍾意佢有好多菠蘿好甜🍍😆👍🏻✨ 🥬上湯菜心 $68出去食飯我都會想健康d，上湯清甜，清淡又解膩，健康之選～📍 憶食尚臘味煲仔飯 (佐敦)佐敦文匯街22-24號地下2-4號舖

話說媽咪前2日話想食煲仔飯,我又唔想去啲油麻地好污糟質素又參差果啲地方食,於是就上網搵左呢餐廳啦。呢間真係一間proper既餐廳,個格局係食中菜既,好乾凈企理,每張枱之間都有個大屏風隔住,做足安全措施! 川味臘味煲仔飯上枱時侍應會先幫你淋豉油撈均佢,個飯好香,食落粒粒分明,臘腸,臘鴨等食落辣辣地好惹味!食到停唔到口呀!食到咁上下,侍應仲會問你想加上湯落個飯到定幫你起啲飯焦出黎,食得煲仔飯就緊係要食飯焦啦!佢好快手地就幫我地起曬啲飯焦,正!甜蜜咕嚕肉咕嚕肉外皮炸得夠脆,入面個肉食落夠嫩,食落酸酸甜甜,好開胃!芥菜排骨煲其實我本身唔係好食芥菜,但呢個煲佢整得真係好好味!個湯加左胡椒同薑,飲落係辣辣地好暖胃既感覺!有啲似我最鐘意既胡椒豬肚湯既味道!我同媽咪2個人order左3個餸，最後都係食唔曬架!呢到除左野食好味之外,不得不讚下既侍應既態度非常有禮!亦都夠貼心!凈係幫我起飯焦果下都已經加曬分!下次想食煲仔飯我一定第一時間會諗起呢間!

<Hong Kong🇭🇰•Jordon>“咬我唷！特色臘味煲仔飯”「臘味⋯臘味⋯煲仔飯⋯香噴噴也。」葉總唸經咁唸。聽到我起了雞皮又跳動🙂快！即刻食！特色臘味煲仔飯呢個煲仔飯令我對臘味改觀😳「特色臘味」包括「南安板鴨」、「土黑豬秘製臘腸」同「廣式臘肉」👀🦆南安板鴨色澤均勻，皮薄肉嫩，骨脆可嚼！🍖 土黑豬秘製臘腸，豬肉佔多，肉鮮美味，油香細膩！第一次覺得臘腸可以咁好味😋 廣式臘肉，皮爽肉香，夾齒留香！煲仔飯🍚飯質煮得乾爽，粒粒分明，滿滿臘味香唷！蝦球撈手工麵蝦球金黃，爽口鮮甜唷！秘制XO醬撈手工麵，手工連繫餐廳自家做，撈埋香口惹味嘅XO醬，真係停唔到口！正👍🏻(建議大家買返樽返屋企炒菜撈麵！）臘味炒菜呢個人有臘味煲仔飯未滿足😗連我條菜都要配臘肉😂不過又幾好味嘅，青菜通常要炒啲肉先好食（呢個爸爸話嘅😚）之前總係覺得臘味、燒味都係麻甩佬、叔伯先食！經歷咗今次臘味初體驗，港女都愛你唷❤️你臘味好野唷！會令人刮目相看嘅臘味煲仔飯👍🏻❤️下次要帶爸爸過嚟一齊食先🥳葉總仲買埋500G臘腸，話要蒸臘腸飯比女朋友食😂👍🏻呢個麻甩佬捧捧唷😂......#chantaljj尖沙咀#changalj

呢間係佐敦嘅臘味煲仔飯唔係朋友介紹都應該唔會識尼雖然佢好近西鐵站 但係附近人流唔太旺算係一間幾新潮嘅中菜館 裝修餐具都時尚而且幾欣賞佢每一台中間都有一個屏風增加私人空間感首先必須要試嘅一定係特色臘味煲仔飯大概裝到三至四碗飯 面頭臘味嘅份量都算多上菜後會有專人加蔥加豉油之後幫你撈埋不得不讚下個臘腸好香濃嘅茅台酒香味個臘肉肥而不膩 至於個臘鴨亦帶有鮮紅色食落唔鞋口 係有少少鹹咗啲 不過送飯就OK嘅 飯底係用東北大米 比較乾身粒粒分明有咬口當然唔少得飯焦 我食到最後都輕鬆鏟起啲飯焦 伴隨住豉油香 非常可口惹味另外仲嗌左蔥油清遠雞 薑蔥絲切得好幼細豉油同油嘅比例好好 淨係啲汁都可以撈兩碗飯 最後買單嘅時候見到佢有零售因為臘腸太好味 都忍唔住買返一包返去比屋企人試吓！

今日去開佐敦個頭，午飯係憶食尚臘味煲仔飯搞掂。呢間憶食尚臘味煲仔飯係高檔版既煲仔飯餐廳，裝修企企理理，座位隔開好有私隱度，坐得幾舒服架。今次上樓梯坐一樓，原來上面多好多位，都有好多屏風隔開，仲有貴賓房。餐具都唔係普通煲仔飯餐館格局。午餐有四款揀，有炒飯，手工麵同湯飯，亦有2人同4人餐。午餐送咖啡或茶。上次試過瑤柱蛋白海皇炒飯同酸辣湯手工麵，今次試吓另外兩款先。蟲草花燉湯今日慳荷包只係叫左一盅燉湯分享。燉湯係蟲草花。湯味非常清甜，都幾足料，有蟲草花，玉竹，桂圓，紅棗，豬肉，雞肉。瑤柱冬瓜脆米湯飯 $88 另加一瑤柱冬瓜脆米湯飯個湯用個煲仔上，湯好清但係肉味都可以。配料有肉片，乾瑤柱絲，蟹柳粒，冬瓜粒，草菇同薑片。脆米另上，浸左湯一陣都仲脆。一碗白飯都係另上。蝦球撈手工麵 $78 另加一蝦球撈手工麵有四隻蝦球，已剝殼，味道可以。手工麵有d似上海麵，又幼又稔滑。加左青瓜絲增添口感，上面加左肉鬆同少少蝦籽，味道係可以嘅。上湯娃娃菜 $68 另加一另外叫左一碟上湯娃娃菜。娃娃菜份量唔少，上面加左火腿片，蒜片同薑片。今餐冇糖水送，食完轉場食甜品先。

知道佐敦同柯士甸交界開咗一間新嘅中菜館，專門食臘味煲仔飯，今日專程嚟呢度試下正唔正！雖然地點唔算係鬧市，但勝在交通方便，搭地鐵嚟行幾分鐘就到。餐廳裝修幾靚，乾淨企理。入口處仲有唔同嘅臘味禮盒可供選購。2個人叫咗2個小菜同煲仔飯，份量整體都足料。蒜蓉炒菜心，菜心新鮮無渣，好爽脆。廣式臘味煲仔飯，有臘肉、臘鴨同臘腸，咁多臘味加埋一齊，米粒夠晒油香，唔需要落好多豉油已經好夠味！煲仔飯即叫即整，包保有飯焦，臘鴨同臘肉略嫌有少少過鹹，不過就好好送飯！一煲已經夠2－3人食用！甜蜜咕嚕肉，一客份量都唔少，咕嚕肉嘅炸粉唔會好厚，肉有好多舊，不過菠蘿就細粒咗少少，中意食菠蘿嘅可能會對呢個有啲失望。食埋碗雪梨龍眼糖水，夠晒滋潤！

落雨既天氣真係日日都濕粒粒，回味返呢間環境唔錯，私隱度比較高嘅煲仔飯主打既餐廳決定今日都係度醫肚😋今次試咗個香菇滑雞煲仔飯，成個煲出黎熱辣辣，雞肉滑嫩 肉質新鮮彈牙 食落有雞味，食材一啲都唔馬虎求其👍🏻香菇切得好簿，加埋芫荽薑蔥，成煲飯色 香 味 俱全！而最令我欣賞既就係佢啲飯既香軟度，把握得非常出色！飯粒粒粒分明得黎完全唔硬身，軟綿綿放入口每啖都感受到成個口腔充滿住飯香👍🏻我哋都叫左一碟椒鹽一口骨同埋上湯菜心🥰一口骨既椒鹽味好足好香，但係驚喜地唔會食完太口乾！肉粒多汁又入味，唔會成口油，香脆可口既一碟小吃👍🏻上湯菜心既上湯配搭有誠意！用咗烘乾嘅蒜片、金華國火腿加埋薑片，突出菜心嘅清甜👍🏻個人來講，食到差唔多，隨後一路傾偈，一啖一口骨配搭熱茶真係幾enjoy！值得一提係依間餐館嘅服務好到點，有幾次我未開口問想攞啲野，職員都已經安排左遞俾我，職員細心有禮，安排亦乾淨企理👍🏻所以食落都好安心！係有質素嘅食品下，又食到特式既煲仔飯 舒服咁慢活既一個星期六下午實在難得🥰

裝潢燈飾佈置新派🎐以藍綠色為主調 感覺柔和舒適枱與枱之間有屏風阻隔 私隱度高 有別於一般食煲仔飯嘅地方環境寧靜舒適 ˜”*°•爭風玉玲瓏(68)🌶️•°*”˜因為食煲仔飯有好多臘肉嘅關係 所以叫個清清地嘅蓮藕作為前菜 每一片蓮藕厚薄都好平均好爽脆 雖然有辣椒但醬汁香而不辣 好開胃 可惜份量有點少˜”*°•芥菜排骨煲($98)🥬🍲•°*”˜另外仲叫左個芥菜排骨煲 諗住有啲菜食下又有啲湯可以飲下除左排骨 芥菜 仲有黃豆雖然賣相平平 但個湯有驚喜胡椒味非常香 好好飲 記得要趁熱飲˜”*°•川味臘味煲仔飯($148)👶🏻🍚•°*”˜之後就係主角煲仔飯喇!唔係呃你 呢個可能係我食過最好食嘅煲仔飯首先 臘味份量非常豐富 有蠟鴨 臘肉薄切 同川味臘腸薄切臘腸係職員特別推介自家製之餘 仲有四川的味道臘肉切到好薄 隱隱透光 所以唔會好鹹 亦唔會一口油好肥膩 臘鴨嘅鹹味亦都啱啱好重點係個飯 唔會太乾硬 又唔會太濕爛呢度嘅飯煮得近乎完美飯粒油潤有光澤 煙韌飽滿 粒粒分明仲食到淡淡嘅煙燻味 頭抽香同少少豬油香煲仔飯又點少得飯焦差唔多食曬嘅時候職員會過黎幫你準備再加啲頭抽撈混 令飯焦再香啲煲底脆卜卜嘅飯焦同剛才

憶食尚臘味煲仔飯今日約咗朋友喺佐敦食飯 ，佢話帶我去食高級煲仔飯聽到佐敦都有啲驚係好遠 ,滿懷希望咁出發 ,原來喺柯士甸站行過去5分鐘左右就到,都幾方便啦門面好大，好容易搵到,望落去嘅裝修都好靚每張枱嘅距離都好足夠 亦都係好適合傾偈食飯嘅地方唔似一般食煲仔飯嗰啲茶記我哋兩個人點左一個例牌招牌特色臘味煲仔飯因為店員話比較大份 可以兩個人share帶住個白手套上菜 ，落豉油果然高級哈哈哈臘味 份量好足夠 成個飯都好香辣子雞丁 -非常香口 佢嘅辣嘅程度呢 係偏辣嘅鍾意食辣嘅朋友就啱晒上湯菜心 正常嘢囉有啲應該係金華火腿絲鋪面總括嚟講呢 感覺係好良好食完之後我諗到嘅就係會帶國外啲朋友嚟主要因為呢一度裝修比較舒服整潔 優勝過普通嗰啲茶記煲仔飯好多好多食完覺得佢啲臘腸靚嘅話佢仲有個專櫃可以買呢一個真係幾特別 開頭我以為呢一個櫃係賣蛋糕仔

又係Happy Friday要四圍搵嘢食嘅時候啦☺️️ 今次特登放工入咗去九龍站同佐敦站中間比較偏遠少少嘅地方食嘢，貪佢星期五無咁多人嘛，今次試咗一間幾出名幾特別嘅煲仔飯，特意介紹下😬山長水遠黎到，緊係叫左個馳名煲仔飯先啦！😍 呢度既臘腸都係自家製架！川味臘腸本身有川式的麻辣味，食落帶有少少麻，配合埋簿切半見瘦臘肉同埋超級入味嘅臘鴨件，溝埋熱辣辣嘅飯同脆脆嘅飯焦一齊，加埋煲仔飯豉油，真係超好食！連平時唔多鍾意食飯嘅我都好快清咗🤤除咗煲仔飯之外，我哋仲叫咗啲小菜。其中一個係川椒麻辣雞，又係另一個必食之選😋 雞肉嫩滑，無咩多餘脂肪，配上川式嘅調味，唔會好辣，味道剛好，而且非常醒胃，呢道菜送飯食一流呀😆因為食得太多辣野嘅關係，我哋再另外叫咗一個比較清淡嘅上湯菜心清清腸胃，感覺無咁 heavy🥸 佢哋啲菜芯幾嫩口，完全無渣，亦都煮得剛好，夠爽脆，唔錯！總括而言，呢間行高檔路線嘅煲仔飯雖然比平時食嘅貴少少，但勝在煲仔飯夠特色，餐廳環境又靚，打破咗我食煲仔飯要喺好嘈加衛生環境冇咁好嘅大排當食呢個concept🤪 想食煲仔飯又想靜靜地同人吹下水，呢度係不二之選🤙🏻

🥃憶食尚佐敦八文樓不嬲出名多隱世食店🌭，小編朋友近日突然又話想食中餐🍽，上網搜尋就見到呢家，店舖裝潢華麗🍸，完全吾似印象中賣煲仔飯的店家🏚，坊間不嬲盛傳他們的臘腸出名好食🌟，今次就試呢家吧😝。🪴🪴🪴🪴🪴🪴🪴🪴🪴🪴🪴🪴🥢廣式臘味煲仔飯 HKD$148小編不嬲不太喜好臘腸🐷、潤腸、臘鴨🦆之類😅……但呢個煲一上枱，陣陣飯香飄然而至😚！朋友夾了一件板鴨過來，勁鼓勵小編一試😅！😳！板鴨完全不似印象中又死鹹、又乾、又柴頭的口感😭！反而肉質嫩厚😋，有臘味熟成的味道👍🏻。不得不讚賞他們用茅台酒浸的土黑豬🐷臘腸😍👍🏻👍🏻，簡直可以用Juicy嚟形容😆！(小編最後離開店鋪之前都忍唔住買了一包臘腸和一隻安南板鴨回家😋😋。)飯面的臘肉🐷切得薄薄的精瑩剔透，完全沒有其他坊間臘肉的油膱味🙊，配豉油煲仔飯，每啖都回味無窮🤣👍🏻。🥢芥菜排骨煲 HKD$98/例完全沒有味精😙，芥菜膽🥬黃豆配排骨，加埋胡椒粒和薑片，成個湯不得了👍🏻👍🏻😋！小編飲左好多碗😋😂！🥢霸王蔥油雞 HKD$98/例超香超入味的蔥油雞🐔👍🏻 ！肉質鮮嫩多汁口感很滑😙，小編在飽肚的情況下都可以成碟連蔥清盤😋😋！🐥 憶食尚📍佐敦文匯街22-24號地下

係我記憶中食煲仔飯都係係廟街，食到身水身汗😂 今日去左食高級煲仔飯，門面好似懷舊既西餐廳，其實係中菜，入面環街都好西式，而且色調用上貴氣既藍色，格局即刻提升左，最欣賞佢枱與枱既分隔係用屏風而不是膠板，成件事靚好多，而且有自己空間，抵讚👍🏻廣式臘味煲仔飯$148製作需時20左右，臘腸用土豬肉製造肉鮮，臘肉肥而不油膩，板鴨鹹香適中又入味，東北米夠Q糯，醬油都特別鮮甜，職員會幫你配上蔥花同芫茜拌勻超香，飯焦又香又脆，正😋😋😋霸皇蔥油雞(例)$98雞肉夠油，蔥油夠香，個豉油好好食，d蔥比雞更快食晒😂芥菜排骨煲$98個湯用白胡椒煮湯，而且夠薑，又有有黃豆，啖湯好甜，排骨又食得返，芥菜又唔會苦，推薦👍🏻最後仲買左隻板鴨同臘腸回家😆😆

環境高檔，裝修高貴別緻。入到黎個人非常平靜，坐得好舒服，唔似一般中餐館。侍應嘅服務都好殷勤，淨係用餐環境及氣氛已經令人驚喜萬分。先來一個蟲草花燉湯，入邊有沙參玉竹、蟲草花、龍眼肉，材料好足。個湯亦相當美味，能夠以燉湯作為前菜開胃，真係一絕。瑤柱海鮮蛋白炒飯個飯炒得好香，飯粒乾身而且爽口，炒飯裏有不同嘅海鮮，其中蝦比較多， 口感彈牙，整個炒飯水準相當高。麻辣川味臘腸蛋湯麵湯麵有龍龍嘅香料味，湯底有點像四川風味嘅麻辣，麻味不是太重，淡淡的花椒味帶出辣味的層次感。蒜蓉炒菜心非常香口，蒜蓉味十分香濃，菜炒得卜卜趣，而且原條食都唔會覺得太硬，呢一個菜相當突出，因為普通嘅炒菜做得好，顯岀廚房嘅功架！

食煲仔飯通常都係冬天坐係街邊度食，朋友說今晚帶我嘆住冷氣食煲仔飯，一定很不錯呢：） 柯士甸站集合行5分鐘便到了, 由九龍站行過來也不遙遠呢。估不到這舊區竟然有一間環境極像酒店的食店！ 這裏除了煲仔飯之外，還有其他小菜及湯麵等食物。估不到招牌煲仔飯內的臘肉臘腸也是自家製的，店內的不同角落也放置了臘味制品供客人買回家品嚐。我們點了一些小菜及煲仔飯～ 小菜很有鑊氣，經典的菠蘿生炒骨是我的至愛之一。這間店的生炒骨啖啖肉， 山楂糖漿極多像拔絲一樣，伴白飯一流。 金華火腿浸時蔬， 有點惹味又感覺很清新。當招牌臘味煲仔飯上枱時，店員為我們下了一些芫茜蔥及煲仔飯豉油，令整煲飯香氣濃濃。 鴨髀、 臘肉、臘腸各有特色， 恰到好處不會感到太肥膩又足料。最後食埋 煲仔飯的脆脆飯焦，超級滿足呢！

果日諗住去試下佐敦嘉多利既法式布甸咁岩見到有間附近有間環境唔錯既中餐廳就入左去試下位置係文匯街星期日既中午人唔多安排左坐樓下位置有三種茶可以揀我地揀左鐵觀音呢間憶食尚裝修唔錯仲有屏風隔開座位幾特別餐牌有午市套餐亦都有其他單點先上既係炒飯擺碟幾靚兩人share都夠食而且炒得幾夠味唔錯燉湯清甜同多料咕嚕肉一樣都係炒得好香口菜心都唔錯蒜容味好香仲有兩杯野飲呢度環境比傳統臘味店好坐得好舒服食物亦都有驚喜可以一戰