憶食尚臘味煲仔飯

营业中

休息中

餐廳內感受到環境乾淨, 寬敞。我到二樓坐下, 侍應員有禮貌地問鐵觀音, 菊花茶, 玄米茶的選擇。廚師推介之甜蜜咕嚕肉配料鮮甜 當中有青椒紅椒紅洋蔥菠蘿 外脆的咕嚕肉炸得剛好 肉身嫩口 每一粒咕嚕肉 都把醬汁包裹住 而且醬汁酸甜適中 係一個開胃的菜式上湯娃娃菜很喜歡娃娃菜上加了蒜片和薑片 金華火腿條調味 而且上湯很鮮甜川味臘味煲仔飯臘味食材集合咗 臘腸 臘肉 鴨肉 吃下去第一時間嚐味到 茅台酒嘅味道 再配豉油 蔥花 更加野味 而米用了東北米(係一個五常米) 聽說肉類是用了 土黑豬 控制臘味不一樣 一年時間放養土黑豬 再用五十三度大曲醬香型茅臺酒調味 而且肉是三分肥七分肉 食到一半可以品嘗飯焦的香脆 可以用剛才的娃娃菜上湯 一起食 非常之襯。 真係製作用心的煲仔飯 非常美味 我會再次光顧的

今晚三個麻甩佬相約吹水，由於已是初冬，挑了這高級煲仔飯餐廳。椅墊還未坐暖，已點了製作需時的煲仔飯，再點了啤酒及咕嚕肉做前菜！“咕嚕肉”，炸漿夠薄夠脆，不會成滿口粉，豬肉夠嫩滑，無骨，啖啖肉，薄薄一層酸甜汁掛在外邊， 雖然味道沒有驚喜，但造型、口感不錯。“雜菜煲”，有大量蒜片、蝦米、元貝碎起鑊，所以湯夠香，如菜蔬新鮮的話，這雜菜煲已成功了一大半，它當然也辦到了！今晚主角出場，“特色臘味煲仔飯”，它有分大細，店主說 細份約兩碗飯，大份約六碗，我們決斷的說要大煲！今晚的主角就是“飯”，最後證明我們沒有錯！侍應把煲仔飯拿到我們旁的小桌準備上菜時已香氣撲鼻，可惜我們在吹水，侍應也沒有向我們查問，她已幫我們把飯摷亂（撈勻）， 所以我沒有機會拍一張擺盤優雅的煲仔飯，侍應姐姐跟我說了幾次對不起，言重了，說笑而已！飯面有臘鴨、臘腸、臘肉，所有食材不但鮮香，最難處理的臘鴨及臘肉均已蒸透、軟熟，最欣賞是那臘肉，肥瘦均勻，香口。飯焦底也做得很好，剛剛起焦，沒有燶，還容易鏟得起，脆口， 我們完全明白粒粒皆辛苦的道理，沒有浪費！

特色臘味煲仔飯 $158有滿心期待既飯焦、脆卜卜😋😋😋臘腸肥膏唔多，瘦得黎好香口，好食👍🏻川朝麻辣雞煲 $108好惹味，不過一啲都唔辣😆😆😆 上湯菜心 $78

天氣凍又係煲仔飯既季節😍呢間中菜餐廳除咗煲仔飯，仲有其他小炒，都有好多選擇👍特式臘味煲仔飯（小份）有臘腸、臘鴨同埋臘肉😀一次滿足三個願望✌🏾蔥係另外上，可自己選擇加唔加。而食唔食飯焦，侍應都會有唔同做法😆我地食飯焦， 侍應就集中處理煲中間嘅飯， 留低煲邊嘅飯焦，容後處理。 呢個處理方法可以令到飯都變得更加乾身， 更加脆口。川椒麻辣雞煲雞煲都係我冬天既至愛💛佢既麻唔會太麻，好易入口👍辣就唔太夠😆但啲雞都好入味同惹味！仲有青椒、洋蔥同紅椒一齊煮，一啲都唔單調👍蒜蓉菜心驚喜係佢既蒜蓉好碎，啲菜吸哂啲精華，好好食🤣

今天，天氣變得凍了，記得上一次和朋友選了一間，位於佐孰的餐廳來飲茶，是專門食煲仔飯，今次再来幫襯。。這間餐廳走高尚格調和獨有風格，入坐時服務員仍然是很懇切接待。每張枱有屏風相隔，屏風印有鹿圖案，枱布和枱墊也十分考究，筷子分了黑色和白色公筷和自用筷子，茶杯很別緻和茶壸蝴蝶花纹一套，枱面還擺設花裝飾，跟酒店没異。這次，也是要了壸菊花，真的很香。點了廣式臘味煲仔飯，菜心，和金銀絲拌銀針，是新菜式。煲仔飯好香，每啖飯都有臘味，臘腸和臘肉很惹味。煲仔飯週邊的飯焦，仍是又脆又可口，食腻了，可以食菜心和飲菊花茶来中和。而且，凈餘的飯焦可以要求厨房，再加了上湯拌吃，味道非常濃郁入味，另有一番滋味，絕對無浪費。另外，金銀絲拌銀針，上次未見有，今次一試，覺得没有選錯。拌上樱花蝦、芽菜、粉絲、和蛋碎一起夾来食，味道青淡爽口，但整體很好。最后，菜心加上金華火腿絲也好夾也很好味，三道菜加上茶和精心的環境佈置，可以推荐一試。天氣冷了，食煲仔飯絶對合時，另外，厕所也很整潔，掛着名人語句，格調高尚。

今天是立冬，天氣終於即將轉涼，所以和朋友去了吃久違了的煲仔飯。餐廳和平時的煲仔飯店有些不同，餐廳有兩層，裝修新潮而且令人感到舒服。前菜要了個煎蓮藕，非常爽口，帶有少許辣的味道。薯仔片配豬腩肉比較香濃，用了辣椒、香蔥和蒜片等炒成，薯仔爽而帶微辣。特色臘味煲仔飯有三款不同的肉，包括有三分肥七分瘦的臘腸，肉實而味濃的臘鴨和肥瘦適中的臘肉。最後的飯焦更是精華，好像吃米餅。上湯油菜中和了肉的飽膩，湯底材料十足。

秋風起 ，天氣開始轉涼啦！涼涼地嘅天氣最適合食煲仔飯啦！搵到一間餐廳位於佐敦，近柯士甸站個邊，呢間中菜館 主打煲仔飯，咁就啱啦！平時食煲仔飯多數都係大排檔，但呢間餐廳裝修非常別緻、好靚，一入大門口原來仲有兩層添，行上一層樓梯，大廳除咗平時中菜館嘅大圓枱，每張枱都有屏風隔著。朋友多的時候都可以坐房間，有自己嘅私人空間。一坐低就叫咗壺 玄米茶 ，飲落有少少花香味，好好飲啊！再來叫咗：🤩特式臘味煲仔飯臘味煲仔飯入面有 臘腸 、 臘肉 、 臘鴨 ，3樣臘味 ，煲仔飯一上菜聽到煲仔飯有咋渣聲！正呀🥰！加埋蔥花同埋芫荽撈埋一齊好香呀！之後再加豉油再撈，食多幾啖之後，職員哥哥就會過嚟幫手撈飯，刮返啲飯焦出嚟，我最鍾意食飯焦㗎喇☺️！脆卜卜，識落索索聲！又唔會太窿！啱晒我口味！🤩甜蜜咕嚕肉 我的最愛❤️，去邊度食都最鍾意食咕嚕肉 ！咕嚕肉一咬落去Chok一聲🤣，好脆好多汁，個汁都好正❤️❤️❤️酸酸甜甜好好味😋！最後仲有瑤柱蝦米🦐上湯菜心同場加映仲有好多食品可以買，個 #鮑魚xo醬 都好好味😋！攞嚟送飯、撈飯都好正！📍憶食尚臘味煲仔飯 (佐敦)地址：佐敦文匯街22-24號地下2-4號舖

天氣開始凍凍地，最好就梗係嘆煲仔飯，今晚去咗佐敦呢間煲仔飯專門店，唔係講笑真係好好味👍🏻睇門面格局，唔講仲以為食西餐，估唔到煲仔飯都可以坐得咁舒服，真係未食先興奮😆除咗招牌煲仔飯之外，當然仲有唔同嘅煲仔菜式，一時間都唔知食乜嘢好，好彩朋友話佢揸主意😂廣式臘味煲仔飯$158，有晒我至愛嘅臘腸、臘肉、臘鴨，一打開個蓋，香味撲鼻，真係口水流出嚟🤣金銀絲拌銀針$146，鋪滿櫻花蝦，帶出芽菜和銀針不同層次鮮味，估唔到咁好味👍🏻再調多個上湯浸菜心，上面有蝦米瑤柱，一碟普通嘅菜心都零舍不同，好入味😊呢個煲仔飯，加啲秘製豉油和芫荽蔥，真係神仙都難頂👍🏻👍🏻👍🏻臨尾服務員再幫我地剷起啲煲仔飯焦，估唔到真係脆卜卜，香噴噴，真係無得頂，滿分又滿足👍🏻

店子不太大，但賓至如歸之意極濃，小菜美味，特別是菠蘿咕嚕肉，味道適中，汁濃肉脆，乃是必食之選。煲仔飯確可稱極品，臘味香醇，絶不油膩，飯焦脆味可口，非一般厨師可造之物。服務貼心，店內裝飾溫雅，這食店絕對是心宜之選。

秋風起，又係食煲仔飯嘅時候喇。😜做下資料搜集搵下邊度有好味嘅煲仔飯食嘅時候，俾我搵到佐敦E一間高級煲仔飯餐廳！平時食煲仔飯可能都係啲市井少少好似大排檔咁嘅地方食，配上高級典雅嘅餐廳又係點嘅感覺呢？一於就去「憶食尚臘味煲仔飯」體驗下！😎餐廳入邊格局非常高雅，好似去咗高級嘅中菜館一樣。店員殷勤招呼，令我留下深刻嘅印象。點咗一份特色臘味煲仔飯同一份手工黃金麵。手工黃金麵即整即上，非常脆同香口，賣相金黃色好靚。嚟到主角煲仔飯，由店員奉上並且落醬汁兜勻佢。熱辣辣又香噴噴，又可以試到幾款臘味，痴住飯鍋嘅飯焦都係脆卜卜，唔錯唔錯👍🏼

最近天氣開始涼😖，除咗食火鍋之外，煲仔飯就係不二之選🤤成日好怕煲仔飯嘅餐廳都係比較簡陋，坐得唔舒服，尼間係一間比較新式😍嘅煲仔飯店。環境高尚，清靜，裝修風格柔和，有格調，感覺高級但價錢💰平民。⭐️特色臘味煲仔飯 $158作為招牌菜，梗係有齊三樣主打臘味包括「南安板鴨」、「川味臘腸」同「廣式臘肉」。三樣入邊自己最鍾意嘅係川味臘腸，坊間比較少見，入口麻辣味好正😍飯底每一粒飯都晶凝通透，飯焦每一啖都脆卜卜。另外不得不讚嘅係，店員服務態度好好，會幫手灑上蔥粒、淋上自家製醬油再攪拌！⭐芥菜排骨煲 $108潮州名菜之一，湯底係香濃的胡椒味，清熱暖胃口，芥菜不會過腍，排骨肉質軟腍不乾柴。⭐特色小炒王 $126好有鑊氣，送煲仔飯一流。當然主打用韭菜來做base，配上三色椒、蝦乾等配料，呢度嘅蝦乾仲要係幾大隻，食落更有口感。

入秋後，晚上天氣有點清涼，忽然好想食煲仔飯，朋友介紹咗我去位於佐敦文匯街的憶食尚臘味煲仔飯。有別於傳統餐廳裝修，這裏裝修別緻、優雅，每張枱都有屏風隔着，感覺到有獨立空間而且闊落，屏風上圖案清雅脫俗！首先我哋叫了一壺玄米茶，非常清香。侍應介紹了川椒麻辣雞煲，的確惹味十足，上菜後，侍應會親手為我們撈勻，芫荽同配料撈勻之後更覺惹味，一陣陣嘅辣味撲鼻，而且撈勻時聽到撲撲聲，色香味俱全，真係流晒口水。另外，上湯菜心好好好味 ，蒜片同金華火腿調出上湯美味，菜心大棵卻清甜冇渣。嚟到怎可能不叫煲仔飯，因為樣樣臘味都想食，所以點了秘製臘味煲仔飯，同樣上菜後，侍應會為我們加上醬油撈勻，油香撲鼻，最難忘是臘腸味道，豬肉多汁又不是成口油，而且有酒香味道，望望餐牌，原來臘腸是選用黑豬並以53度茅台酒來醃製，怪不得一試難忘！這間餐廳不錯，下次要帶家中長輩來試試！

煲仔飯癮起，揀左呢間裝修得幾精緻既中菜館。有特別嘅煲仔飯食，仲坐得好舒服。特色臘味煲仔飯點解話佢特別呢？因為佢係用自家製「川味臘腸」整，食落有小小辣味，更多係香料嘅味道；另外用左板鴨而唔係臘鴨，所以食落冇咁油膩，層皮都係薄薄的。滿滿嘅材料令成煲飯超香，粒粒分明好有咬口。侍應哥哥幫手撈勻個飯，最後仲起埋飯焦，脆卜卜咁，睇得出師傅手勢好好。咕嚕肉我嘅至愛，炸得脆脆仲好鬆化，冇肥膏，味道偏濃岩晒我，好夠酸甜。

「廣式臘味煲仔飯 」呢度全部臘味都用茅台酒🍶醃製 果然味道特別濃郁 成個飯有淡淡酒香👍🏻一打開煲蓋 飯上面鋪滿臘腸、臘肉同板鴨 臘腸好有咬口 食落juicy🐷 臘肉係我私心最愛 肥瘦適中 一食油香滿口🤤 板鴨切得夠薄 入口鹹香🦆 飯粒滲晒油香 粒粒分明 唔使落太多豉油已經好夠味🍚 煲底飯焦唔會過燶 一大片咁片出嚟 超有滿足感 真心高質😍「川椒麻辣雞煲」麻辣醬汁好香濃 但係唔會太辣 亦唔會好似大排檔雞煲咁有成棚油 感覺比較清新同健康少少🤣 雞件肉質彈牙 少皮多肉 相信唔係急凍雞 越食越上癮 煲底嘅燈籠椒同洋蔥都比我地食晒👅🦦「時令蔬菜」上湯菜心🥬最後要多個例菜 上湯用咗金華火腿 好重鹹香 菜心份量都唔少 抵食！

【中秋後急不及待食煲仔飯🥘】朋友搬咗過嚟佐敦住，過去house warming💕後朋友話中秋過後開始有秋天嘅感覺(我:🤣係咩？)，所以要食煲仔飯！咁我又真係大半年冇食過煲仔飯d飯焦，俾佢撩起我條引😌去到經理同員工都好好禮貌好nice，會主動介紹野食同埋見佢同隔離枱(應該係熟客)傾幾，感覺到小區人情味。📍薑蔥爆雞煲 🍲$108滿滿嘅鑊氣，爆完嘅薑蔥勁香！🐓雞件走過油，微脆得嚟保持到Juicy，整體上幾惹味，食埋啲蔥同薑仲好😋📍廣式臘味煲仔飯 🥘 $158 (小份)店員拎個煲仔飯上枱嘅時候已經feel到煲仔火熱熱🔥開蓋後店員會將蔥芫荽同埋豉油撈勻個飯。一落豉油就聽到咋咋聲😎臘味分別有臘腸、臘肉同埋臘鴨，臘腸有有酒香之餘入口又唔會覺得嗆喉，臘肉同埋臘鴨咸咸香香，食完都唔覺得佢太油膩或者太鹹。最正係個底勁多飯焦，脆卜卜😋 雖然係細份，兩個人都各分到兩碗以上📍時令蔬菜🥬$78今日嘅時菜係娃娃菜，蔬菜類係一餐入邊必須的🤟🏻走嘅時候發現有川味(辣嘅)臘腸賣😳都幾得意！憶食尚臘味煲仔飯📭 佐敦文匯街22-24號地下2-4號舖☎️ 35909933