憶食尚臘味煲仔飯

营业中

休息中

路過就入左黎食🤣本身未入去以為只係一間食小菜同煲仔飯既餐廳😳對環境都唔會有咩期待但一入到去個環境好好 仲有少少優雅咁😳座位又夠大 同朋友傾下計超舒服自家制臘味抄飯 $88 （午）送有營老火湯首先叫左個午餐食 個臘肉同臘腸味好香而且食得出有油脂既香味😳抄飯本身唔濕又唔會太乾 😚濕度岩岩好同埋我好鐘意佢加左菜粒同花生增加個口感個老火湯不得不讚❗️ 真係落足料😳仲要好甜 好濃味辣子雞丁 $108 例鐘意食辣既真係要叫 個辣椒🌶️香味好出Bb辣者都食到既 唔會過辣 但個辣椒香味好好😚好食芥菜排骨湯 $108 例健康仔一定要叫個菜食🤣一上果時煲入面既湯仲滾緊!! 食到最後個湯仲係熱既 讚~湯加左少少胡椒 令個湯味更加豐富菜好嫩一D都唔乾 排骨重料😚

老闆最近搬屋， 我幫手去搬野後， 老闆當然請我們食餐好， 新家附件有間煲仔飯餐廳裝修好靚， 食物海報都吸引， 所以一齊食呢間！食物果然好味， 手工空心麵由師傅手工製作，又無防腐劑﹑味精同色素，其中有款手工黃金麵將手工空心麵煎至焦脆，口感酥脆但不燶，真係少啲心機都唔得呀！另老闆點了酸辣手工空心湯麵加入辣椒油、花椒油、辣椒醬、老陳醋等調味料， 微辣香口， 麵條充分吸收湯汁！俱備了四川麻辣感覺！憶食尚臘味煲仔飯 佐敦文匯街22-24號地下2-4號鋪

約咗朋友喺佐敦食晏，天氣開始涼涼哋，朋友話想食臘味，問我有冇好介紹，咁我即刻腦袋急轉一下，記起呢間，就決定帶朋友一齊去開餐😆呢度有午市套餐，我哋叫咗 $88嘅「自家製臘味炒飯」，$88嘅「秘製咖哩雞皇飯」，午市套餐送「有營老火湯」；再加一個 $78嘅「上湯菜心」😆- 「有營老火湯」先上，係「蟲草花煲瘦肉」，老火湯味道非常鮮甜，見到落咗好多蟲草花，好好飲，應該係落足料😋- 「自家製臘味炒飯」：米飯炒到粒粒分明，飯粒咬落Q彈，加埋臘腸粒、臘肉粒、花生、醬油，非常香口😋- 「秘製咖哩雞皇飯」：雞肉🐓幾嫩滑，咖喱雞汁濃郁惹味，要來撈飯食好正😋- 「上湯菜心」：菜心🥬新鮮，落咗好多蒜片🧄同火腿絲一齊煮，簡單好味😋叫咗幾個餸都簡單好味，朋友同我都食得相當暢快😆

天氣涼涼地最啱食煲仔飯，同老公嚟到附近搵朋友，佢介紹話呢度煲仔飯唔錯，咁就行過嚟試一試。薑蔥爆雞煲上枱嘅時候熱辣辣，薑蔥爆到好香。雞肉香口入味，份量都唔少。瑤柱蝦米娃娃菜有瑤柱有蝦米仲有金華火腿，個湯都好好味，娃娃菜鮮甜。特式臘味煲仔飯重頭戲當然就係依個煲仔飯，職員先幫你加入蔥花，再加豉油攪拌。煲仔飯煮得剛剛好，但有少少飯焦，有焦香味，而唔係燶。出去食煲仔飯最怕一係冇飯焦一係就燶咗。上邊嘅臘肉、臘鴨同埋臘腸。油份完全滲入飯裏面，每一啖都香噴噴。

環境優雅乾淨，價錢唔貴，服務好，性價比好高～位置近佐敦九龍站果邊，好岩同屋企人一齊去！❤️自家製臘味炒飯 好有鑊氣，炒到好乾身既，調味洽到好處，加埋臘味都岩岩好唔會咸，好香好味好出色!! 🧡秘製咖哩雞皇飯 咖哩味好香，微微辣，仲有好多件好嫩滑既雞肉，好高質rrr💛有營老火湯 跟餐非常足料嘅燉湯，有蟲草花，元肉，好清甜，好有誠意既燉湯，完全估唔到個餐湯會咁高質，淨係飲個燉湯都抵！💚上湯浸娃娃菜 清甜既上湯浸娃娃菜，少鹽少油好健康

黎到呢頭做野 附近好似都無咩野食甘 就入黎試下煲仔飯 甘岩天氣涼涼地餐廳間隔幾好 枱與枱之間都有段距離同埋有屏風相隔裝潢，餐具都幾靚我地叫左份娃娃菜，椒鹽一口骨同埋廣式臘味煲仔飯佢地有廣式臘味煲仔飯同埋川味臘味煲仔飯分別係廣式既臘腸係用茅台調 川味係會麻辣，烟熏味重d椒鹽一口骨 一上枱 香氣撲鼻 面頭鋪滿炸蒜唯獨口感就還好 未算係好脆 肉質再鬆軟d 會更好娃娃菜 好鮮甜 用上湯浸住 忍吾住飲左幾啖湯廣式臘味煲仔飯 材料都算豐富 有臘鴨 臘腸同埋臘肉臘肉肥瘦適中，肉質軟嫩 我幾中意呢間既臘肉臘鴨 瘦肉為主 外皮呈金黃色臘腸都好香最後飯焦可以用上湯上飯焦香脆 形成泡飯幾得意我地都未試過 又幾好食

今日午飯去左一間高檔版既煲仔飯餐廳，係位於佐敦既憶食尚臘味煲仔飯。玄米茶正。玄米好新鮮，米香茶甜。另有鐵觀音同菊花可選。茶介$15一位。如果食午餐可以免收茶位費。川味臘味煲仔飯 $158 小份 另加一川味臘味煲仔飯係用左廣式鮮肉臘腸丶廣式臘肉同南安板鴨三種臘味食材製作既煲仔飯，加入一d花椒醃制變身成四川風味。上碟前加入頭抽丶芫荽同蔥帶出香味。鮮肉臘腸富彈性同香味丶臘肉肥味香口丶南安板鴨皮脆肉厚，啱晒鐘意臘味嘅你。彩蛋在後頭，就係一層飯焦，脆過薯片，香過豬油！甜蜜咕嚕肉 ＄88 例 另加一甜蜜咕嚕肉係用油爆好既新鮮肉排，同三色椒丶紫洋葱同菠蘿一齊炒，完美保留左肉汁，味濃適合送飯。上湯娃娃菜 ＄78 例 另加一娃娃菜一開四上湯灼好，上面加上火腿絲丶姜片丶蒜片同百合，中和口腔油份。呢度裝修企理，枱同枱之間夠距離有私隱度，坐得算舒服。

近排天氣開始轉涼，所以都想食啲熱辣辣嘅嘢，諗起蛇羹同煲仔飯呢兩個選擇，但前排先食完蛇羹無耐，所以今次就食煲仔飯。😋講起煲仔飯不得不提呢間餐廳，之前自己都有幫襯過，煲仔飯同小菜味道唔錯，而且附近有停車場同鄰近地鐵站，交通十分方便。川味臘味煲仔飯 ($158 / 中) : 對上一次幫襯係食特色臘味，所以今次就試試另一款 😋 呢度嘅臘味無論味道同口感都非常有驚喜 😍 川味臘腸幾特別，味道帶點麻同辣，臘肉同臘鴨亦非常入味，可以講係惹味版煲仔飯。薑蔥爆雞煲 ($108) : 雞煲上枱時薑蔥味香噴噴，雞肉又香又嫩滑，炒得相當有鑊氣。門口位置仲放左好多包裝精美嘅送禮手信。

📍憶食尚臘味煲仔飯 秋天到咗 係時候又到食煲仔飯嘅季節😬食完煲仔飯成身都暖笠笠🥰 今次小編就同大家介紹一間位於佐敦嘅餐廳 佢哋另外都有賣唔同嘅臘味 如果係嗰度食完飯 覺得啲臘味唔錯嘅話 可以買返包返去整都得😆-廣式臘味煲仔飯 $158小編好耐未食過煲仔飯🤭 熱辣辣上枱 已經聞到好香嘅臘味味🤤嗰飯有小棠菜、臘腸臘肉等都好豐富🤤不過臘肉就咁食嘅話會偏鹹咗少少 但係撈勻連埋啲飯食就啱啱好😝 飯嘅份量適中 兩人啱啱好夠甜蜜咕嚕肉 $88有三色椒、菠蘿、咕嚕肉加醬一齊炒🤤食落酸酸甜甜 外脆內軟 咕嚕肉嘅份量都唔少 好味😋上湯菜心 $78有一啲生蒜放左係菜上面🤭食落會有少少辣上湯菜心個湯底幾好味🤤 食落又唔油 而且都幾大條🙆🏻‍♀️✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ . 8回頭率：★ ★ ★ ★ ☆抵食指數：★ ★ ★ . 7✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎

芥菜排骨煲 $108涼涼地最岩食返個排骨煲，個湯好重胡椒味感覺好驅寒🥰芥菜亦都唔苦（試過食啲芥菜苦過苦瓜😂）排骨肉質一d都唔鞋，成煲啲排骨都食哂😋一鍋上最好就係可以保持溫度！食完個煲仔飯再飲返碗湯都仲係熱嘅🥰四季豆干煸雞髀菇 $88四季豆好入味炒得好救鑊氣！好惹味！有加辣椒🌶️同薑炒食落辣辣地好過癮，仲有雞髀菇都入晒味口感好淋好易入口😋廣式臘味煲仔飯 $158一去到已經係咁聞到隔離枱上煲仔飯係超香！香氣撲鼻超吸引，搞到我勁心急期待煲仔飯快啲上枱🤣上枱職員會俾你相機食先，之後會幫你加豉油再撈勻，加埋煲仔飯豉油嘅飯有少少焦香脆口好好食（識食煲仔飯一定係食飯焦嘅精華🤭） 飯面有臘肉、臘鴨同埋臘腸，臘味唔會太鹹撈飯啱啱好👍好耐未試過咁正嘅煲仔飯‼️真心好正😋成煲份量都唔少，兩個人食最少每人兩大碗，最後竟然都係食得晒就知有幾好食🥰另收茶介$15@1，有得揀最愛既玄米茶🥰環境舒適座位闊落冇壓迫感，茶杯碗筷都有特色，建議喺OpenRice book位先，食左冇耐就見到開始要排隊🙈

一逢天氣凍，就超級想食煲仔飯，今次去左佐敦試下呢間煲仔飯，餐廳位置方便，柯士甸站一出行一陣就到。餐廳裝修雅緻，座位闊落，好似去左高級中菜館咁，仲有用屏風隔開客人，私隱度幾高，店員招呼唔錯，會主動幫手加茶，又會問我地d野食岩唔岩食>特色臘味煲仔飯：店員會將蔥+芫茜鋪面，再淋上豉油，跟手撈勻個飯。煲仔飯火力平均，個底好多飯焦，食落脆卜卜，臘味既油脂流哂落d飯度，鹹香入味，好好食>薑蔥爆雞煲：雞煲上枱時熱辣辣，一開蓋香氣撲鼻，雞件滑嫩入味，好足料，不過食到最尾會見到個底好多油，食完真係要跑下步>菜心：菜心嫩綠多汁，廚師會用油炒，如果想減肥就要叫走油店內地下仲有賣臘味，之後上網搵左下先知，原來餐廳設有自家農場+工場，做哂一條龍生意。

早到食館，踏入門口眼見有幾款自家出品，諗住慢慢睇睇，職員已不耐煩地催促「嘟」安心出行。當然食物質素確是不錯；奈何店員服務態度真的無服務可言。菜式不多，三款煲仔飯加幾款小菜，結論係出色的。煲仔飯精髓之處當然係飯焦，真的又香又脆；另外就係臘味下既嗰啖飯，吸收晒每種臘味滲出既油香，人人爭食就最興奮。評論服務差，具體表達一下: 要求額外餐具要問幾次；最後加單落甜品等了20分鐘後，「唔該 唔該 」叫幾次無人應，最後問甜品仲要等幾耐，先話忘記落單。

Book左8點但去到都係要等⋯最後8點半左右先可以座低⋯叫左個2人餐黎食，一開始個湯真係幾唔錯，清清地飲落好舒服冷盤係凍蓮藕，都係唔錯，可以比滿分雞煲既話，2人餐的話我就覺得講分量係唔夠，味道係幾好，但姜都幾多⋯（個人認為），同埋唔知做乜有一粒細薯仔係裡面，係得一粒😵‍💫唔知係廚房唔小心飛左一粒入去定點，anyway, 好食但就對個煲仔飯既臘鴨有啲失望，硬左啲少左啲，臘腸唔錯，個飯焦唔會太燶，呢個抵讚，有無燶係講煮果時個心唔心急不過，個人認為係除非過左疫情，否則唔會再黎食，因為book左位都要等半個鐘我係唔能夠接受而雖然係好食但又未去到令我book完重等半個鐘既程度

天寒地凍食咩暖身好？🐽仔提議食臘味煲仔飯。為食妺👧🏻超開心。即刻捉埋🐽仔去*憶食尚臘味煲仔飯*搵食😛。食完一定暖笠笠超正哦❤️。廣式臘味煲仔飯🥣打開蓋香氣噗鼻☺️。臘腸。臘肉。板鴨鹹香惹味。配上蔥花+古法頭抽拌勻。份外滋味😋。飯焦香口又脆口。非常出色。我倆一致讚好👏。薑蔥爆雞煲🐔雞件份量正常。薑蔥爆香雞件好惹味😋。上湯娃娃菜🥬娃娃菜清甜健康。臨走仲可以買番d臘腸臘肉番屋企加餸😍。

今日放假，經過見到有間食煲仔飯，入面裝修幾靚就同朋友入嚟食個午餐。入到嚟以為普通餐廳食煲仔飯，原來茶樓咁，好特別！佢最出名係煲仔飯！當然要試吓佢個臘腸啦！由細到大都好鍾意食臘腸！環境乾淨，餐具都好靚，唔錯！服務員態度非常好，地下岩岩拖完會提我小心啲，慢慢行👍🏻👍🏻入嚟待應問飲咩茶，原來有得簡我至愛嘅玄米茶！！！好正！好少餐廳有玄米茶飲！仲要好香！🥺🥺叫咗金銀絲拌銀針，擺位一嚟好靚，入面有櫻花蝦、芽菜、銀絲粉、雞蛋，撈埋一齊食真係好正！之後嗌左碟娃娃菜，以為普通娃娃菜，點知試第一啖，個菜汁超入味！又爽口！煮得太好味啦！嚟到我至愛嘅煲仔飯！好誇張！好足料！！！一嚟食左啖飯，咬落飯香，煙靭，以前我呀媽成日都話邊啲米好食唔好食，我覺得咪又係白飯，宜家終於領略到佢呢句說話，真係要食過好食先知咩叫米香👍🏻多謝你地，比我試到好好食嘅米飯。臘腸、臘肉全部都好入味，好香！第一次將成個煲仔飯清得一乾二淨，真係不得了！臘肉係晶瑩剔透，非常煙韌，味道一流！整體嚟講，呢間隱世高質臘腸煲仔飯真係一流，對於一個咁嘴刁嘅人嚟講，我好少可會比曬5星，呢間真係好值得嚟食，大家真係要試，難得香港有間咁好味嘅餐廳👍🏻👍🏻