憶食尚臘味煲仔飯

营业中

休息中

天氣咁凍，除左打邊爐，另一個選擇就係食煲仔飯，煲仔飯我第一時間諗起憶食尚，今次二訪水準依舊有保證川味臘味煲仔飯$158煲仔飯一上枱，一打開蓋已經聞到好香，職員先問要不要芫荽及蔥，再混合豉油拌勻，臘腸食得多但係辣既臘腸就第一次食，估唔到又幾好食，臘肉肥瘦適中剛剛好，板鴨又唔會咸，唔好睇佢細細煲，3個人都好夠飽，底嘅飯焦夠香脆薑蔥爆雞煲$108雞肉唔會乾，而且仲keep到滑身，雞肉用薑蔥爆過好香，連薑蔥都食埋😆蒜蓉炒菜心$78佢嘅蒜蓉炒菜心做得非常出色，夠蒜味之餘菜心仲好嫩綠，上碟仲一條條葉心排返好，抵讚👍🏻

近排真係好多朋友生日🎂呢位朋友鍾意食煲仔飯，好貼地！趁住佢生日，我哋就揀咗呢間專食煲仔飯嘅餐廳試吓～川味臘味煲仔飯$158好特別嘅煲仔飯，其他煲仔飯店好少有嘅，因為佢嘅臘腸有特製嘅辣味，食落有微辣嘅感覺，但係接受到～幾香幾正！職員會用匙羹撈勻啲飯同臘味，煲仔飯邊仲有飯焦，食落覺得脆卜卜，好味😋薑蔥爆雞煲$108一大個瓦煲裝住好多雞肉，調味好香，雞肉大大嚿，有好多醬汁，配埋薑蔥，送飯一流～蒜蓉炒娃娃菜$78一大碟娃娃菜，蒜蓉整得好香，感覺幾健康，同樣好好送飯餐廳職員嘅服務態度好好👍🏻好熱情而且好好傾，好值得嚟幫襯～

今日天氣凍，朋友提議去佐敦文匯街著名的憶食尚臘味煲仔飯吃煲仔飯。中午一時左右店樓下已滿座。我們被安排上一樓。店裝修雅緻，枱與枱間有中式屏風隔開，樓面和廁所都衛生潔靜。我們坐的枱前面是電視營光幕，正放短片介紹臘味的製作資料，見到肥肥的黑䐁和鴨在自然環境下生長。兩個人叫了個例牌川味臘味煲仔飯。落單後等了約半個鐘新鮮熱辣的煲仔飯送到。待應打開瓦煲蓋飯香氣撲鼻而來，侍應幫忙將芫茜碎和豉油淋上飯面，再將飯畧攪拌方便我們食用。飯面煲滿川味臘腸，臘肉，臘鴨，還有小棠菜仔。川味臘腸有特色，入口有少少麻辣，有肉香，肥瘦比例適中，好好味。臘肉的肥肉晶瑩通透，入口不覺肥膩。臘鴨(南安板鴨)不太咸，有風味口感。米靚煲出來的飯有質感油水，吃每啖都覺幸福感，煲底的香脆飯焦更是我們的至愛。好正!蒜蓉炒菜心清甜美味，大大碟。薑葱爆雞煲有鑊氣，煲仔上桌又香又夠熱。雞調味得宜，雞肉結實有雞味，好食到配料薑葱都食埋。菊花茶清淡，是食煲仔飯最佳拍檔。吃得又滿足又飽，每人$200左右，好過去飲茶吃點心。食完外賣了臘腸臘鴨回家孝敬爸媽，俾佢地享受下老工藝又優質美味的一級臘味。

朋友話想食煲仔飯，於是佢帶左我黎柯士甸站附近呢間煲仔飯餐廳。一直以黎對於有得食煲仔飯嘅餐廳嘅印象都係會坐得唔太舒服，但估唔到黎到發現呢到裝修得幾靚，有啲似酒樓咁，坐得幾舒服。廣式臘味煲仔飯$158呢個煲仔飯份量都唔少，成煲飯上面滿佈臘味，更重要嘅係啲臘味唔會太肥膩，幾好。煲仔飯上檯之後，店員會淋上豉油，然後再兜下煲飯。聞落香噴噴，食落好惹味。最重要嘅係底下啲飯焦，雖然知道唔應該食太多，但脆卜卜嘅飯焦真係好好味。菜心$78點都要叫返碟菜啦，健康啲。菜心都幾鮮嫩。甜蜜咕嚕肉$88咕嚕肉外脆內軟，入面嫩滑嘅豬肉都唔會話太肥，外面嘅醬汁酸酸甜甜好開胃。

天氣凍凍地除咗打邊爐就最想吃煲仔飯，今日約咗朋友去西九文化區，順便帶我去吃臘味煲仔飯。柯士甸站行過去都只係4分鐘，好方便。仲以為吃煲仔飯嘅餐廳都係茶餐廳咁，估唔到環境咁舒服，感覺就係一間高級中菜館。秘製臘味煲仔飯🍚🥓😋($158)用茅台酒及黑豬肉釀製，臘腸甜而不膩，帶微微酒香，臘肉肥瘦均勻，肉味香濃，板鴨鹹香，飯焦香脆，火候十足。辣子雞丁🐔🌶️($108)雞粒炸到香脆，唔算太辣，加咗新鮮青辣椒一齊炒，夠想辣，可以吃埋d辣椒。上湯菜心🥬($78)菜心加入高湯同火腿絲，味道更濃郁，不油膩，可以連湯都飲埋。

間店裝修幾靚，有別於一般中菜館，而且環境唔錯，同朋友聚會傾計一流。自家製臘味炒飯 $88炒飯有色澤但又唔會油既感覺，而且炒到飯粒分明，好食😋秘製咖喱雞皇飯 $88雞件好滑，咖哩汁亦唔會好辣，份量都好足夠，撈飯一流。姜汁炒芥蘭 $88芥蘭唔會炒到苦，配埋姜汁，爽脆鮮甜，正👍有營老火湯 （跟餐送）一打開個蓋，好足料，有沙參、玉竹、蟲草花、圓肉等，飲落去，好清甜。茶介 $15位有菊花，玄米茶同鐵觀音簡，我地簡左玄米茶，玄米好香。

餐廳內嘅裝修係有一種高級中餐嘅感覺，座位坐得闊落舒適唔會迫夾。侍應有禮貌以及貼心。第一印象已經好好。上湯娃娃菜：娃娃菜煮得啱啱好，唔會過老，口感唔錯。仲有蒜片同金華火腿，夾埋娃娃菜一齊食，更加好食。薑蔥雞煲：火候控制得好，雞肉煮得啱啱好，肉質柔嫩。薑蔥豉油味，混入晒雞肉度。一打開個煲蓋時，已經聞到香噴噴。川味臘味煲仔飯：一上菜已經好有咸香味  好吸引。有臘鴨，臘腸，臘肉，仲有兩條菜。超多料，唔似平時食得幾舊。佢嘅臘腸係川味，有少少辣，出面好少見好特別，味道多一種變化。而且仲可以將煲底嘅飯焦刮出嚟食，香脆可口。

自家製臘味炒飯🍚炒到粒粒分明好乾身真係唔係到到食到，臘味切到細細粒一羹可以放晒入口，口感真係好好，好好味😋花生都係配臘味嘅好拍檔😂秘製咖哩雞皇飯🍚咖哩唔太辣好啱我口味，雞件仲係好嫩滑配埋三色椒好爽口，真係唔錯，送飯一流。瑤柱蝦米雜菜煲🥬我最鍾意樣樣菜有d可以食下唔同嘅野，湯底好清甜，飲埋都好正，瑤柱蝦米都好多食落有d咬口。蟲草花燉瘦肉🥣用料好足飲落好甘甜好舒服，一d味精都冇就係咁先係正。

好朋友移民前夕突然話想食煲仔飯，搵極啱位置，食評又唔算太差又近的煲仔飯餐廳，原本打定好似廟街一樣坐街邊，又會見到小強🪳的地方，點知佢係十分之乾淨又企理，廁所更無異位的餐廳，仲以為自己行錯地方，去咗茶樓添😂🤣坐低後，伙記好快奉上茶，唔會催促我哋快啲落單，企係一邊一一介紹我哋有興趣想知的餸菜，也會開玩笑的與我哋傾閒偈，十分有禮貌。下次可以約埋屋企人再來一次。

說到尖沙咀佐敦一帶的中菜館依一間也是我推薦的，常常在海港城逛完街，也會特意走過兩個街口來吃一份臘味炒飯。臘味炒飯非常香淋的小碎肉，配上脆口的花生，又加上菜心粒粒解膩，天衣無縫的設計，無論味道還是口感都是一流！跟餐還有一碗燉湯，可以說來這裡吃飯的重頭戲吧，湯味鮮甜無比 十分足料，湯底完全不會油 材料十足，喝完說只有兩個字 「滿足」！再叫上一份上湯菜心，不吃菜不行吧，但薑絲和肉絲也吊了一些味道出來，令人吃菜也不會覺得很單調。

與朋友聚會時嚟過呢間餐廳，這裡的煲仔飯及小菜做得很不錯。心裡一直都想帶老爸嚟，趁今日放假，與他過來食午餐，老爸廚藝精湛👨‍🍳，對食物要求高，享受美食嘅同時又要乾淨坐得舒服，他說這樣才算是一件美事。嚟呢度都好方便，地鐵柯士甸站A文匯街出口，行1分鐘便到。餐廳樓底高，座位舒適，還以屏風相隔提高客人私隱度。我哋點咗：✨廣式臘味煲仔飯有不同口味煲仔飯選擇，我哋選咗「廣式臘味煲仔飯」，店員把整個瓦煲送上，打開煲蓋，熱騰騰♨️，香噴噴，店員隨即幫我哋灑上蔥花芫荽，加上煲仔飯豉油，撈勻。臘味有臘腸、臘肉及臘鴨，味道甘香醇厚；飯粒分明、粒粒油潤煙靭，每一口都好滋味；食至最底，仲有金黃香脆的飯焦，脆而不燶，如米通香脆，吃完暖心又暖胃。🥬上湯娃娃菜新鮮的娃娃菜，以清甜的上湯濃烹煮而成，清爽好味。🐥薑蔥爆雞煲以薑片、蒜頭、乾蔥這廚房香料三寶爆香，然後加入雞件，不但把雞件去腥，還增鮮提味，這道菜惹味十足。😋這裏的店員招呼周到，而且有笑容，我哋兩個都好滿意，會再來。

去完新近揭幕之M+博物館，清風送爽，溫煦陽光，散步好時機，信步往佐敦道方向，途經文匯街，見此全舖以西式裝潢，但賣點是中式煲仔飯，有點好奇。入店，是連串禮貌式招待話語，還以為進了酒店cafe。店內裝修更為清晰，是一派英式cafe風格，角落之沙發椅尤為舒適。有提供大碗熱水洗餐具，但根本是多餘，所有東酉乾淨得不能挑剔，因此洗碗架生原封無須動。既然煲仔飯是店內熱推，就來個有板鴨、臘腸、臘肉的，每件排列有緻似閱兵，配上一碟蔥花，甜䜴油。繞圈灑上醬油有含蓄的滋滋響聲很治癒，先來一片臘肉，它是最搶眼球，果然柔靭濃香，肥瘦相間，再配一口甜油飯，終明白為何那麼多飯控煲仔飯瘋狂。臘腸甜、腸衣還有輕微脆。板鴨有點偏鹹，但切得夠小巧，撈白飯恰好。一直逃避吃生炒骨咕嚕肉之流，不是調味太酸就是肉太硬，這碟咕嚕肉令我改觀，肉是半肥瘦，肉邊還有炸豬油渣那種脆口甘香，令我對日後吃此橙紅色的物體再次燃起信心。菜心一碟也顯刀功，薑片厚薄均等，全呈平行四邊形，菜沒渣夠鮮。地方恬靜，侍應亦適時現身不會無故快速收碟打擾，市區難得一個愜意的食點。最後強迫症似的使出吃奶之力刮了煲仔沾有甜䜴油的飯焦，少許煙靭脆口，精華所在，完美句號。

黎呢到當然係食煲仔飯！店舖寬敞明亮，睇得出老闆對裝修設計別出心裁。點左2款煲仔飯，廣式臘味煲仔飯（有臘腸、臘肉同臘鴨）同香茹滑雞煲仔飯。上枱時一開煲蓋就聞到飯香😌，香噴噴嘅臘味油香四溢，簡直無得輸！冬菇味濃，雞肉滑嫩，佢哋嘅飯粒分明，配上秘制豉油，將飯既香味提升，食到最底還有金黃香脆的飯焦，脆而不燶，分外滋味，簡直係冬天嘅因物！鮑魚XO醬伴麵唔係熱辣辣，微暖，小小麻辣，同XO醬拌均吃，好食到不得了，真心推介。👍🏻整體食物、環境、服務都不錯，會一試再試！

天氣愈來愈冷，想食番煲暖笠笠嘅《臘味煲仔飯》😍😍🤗朋友仔介紹咗我嚟佐敦文匯街「憶食尚臘味煲仔飯」開餐🥢🥄店內裝潢設計高雅，好有西餐廳嘅feel ，環境唔錯坐得舒服又乾淨😊。呢度嘅👇🏻👇🏻💯絕對值得推薦，真係無得輸嗰隻呀😎！熱辣辣煲仔飯上檯🤩侍應一揭開個煲蓋香氣十足，臘腸、臘肉仲有板鴨整齊排列係飯面頭。侍應將蔥花灑上，再淋上醬汁，拌勻⋯食得😁。啖飯入口有濃厚煙燻香氣🥰土黑豬臘肉肥瘦相間，肉香肥膏爽口，板鴨鹹香肉爽，川式臘腸七分瘦三分肥夾帶麻辣辛香🌶️ 😋飯粒飽滿有嚼勁👍🏻👍🏻👍🏻食得差唔多，侍應就幫手刮出飯焦比我哋品嚐🤩飯焦又香又脆，呢煲確係極品👏🏻👏🏻！！仲有集香味、熱度、音效於一體嘅［川椒麻辣雞煲］🥰濃郁嘅風味醬汁，加上香甜嘅蒽同入味嫩雞件，「煲」氣十足嘅重口味小菜🥢😋。加埋碟

秋風起，呢個天氣最啱去食暖笠笠嘅煲仔飯，今日帶爸爸媽媽出去食嘢，想坐得好啲，就揀咗呢間。XO醬麵，麻香味重，用左西方嘅天使麵配中式XO醬，呢個中西合璧嘅配搭好挾！辣子雞丁，雞好香口，如果啲雞肉冇骨就完美！我怕辣冇食到啲辣椒🌶️屋企人話撈飯好正紹菜排骨煲，肉味重，好多黃豆，啲湯都好好味。之前有人問我一條IQ題最殘忍嘅廣東菜係乜～而家答案呼之欲出。我哋叫咗兩個，香菇滑雞煲仔飯/港式臘味煲仔飯。臘味超豐富，臘腸潤腸臘肉臘鴨樣樣有齊，配上秘製豉油，一流。而滑雞保持到雞肉嘅嫩滑，兩款煲仔飯各有特色。加上粒粒香米同飯焦，連平時唔食飯嘅媽媽都忍唔住食咗兩大碗！另外一提呢度嘅服務態度超好，不停為我哋加茶水，又為我地介紹佢馳名嘅臘味煲仔飯，敬業精神值得嘉許。愉快的一餐