憶食尚臘味煲仔飯

营业中

休息中

朋友話想食煲仔飯，於是佢帶左我黎柯士甸站附近呢間煲仔飯餐廳。一直以黎對於有得食煲仔飯嘅餐廳嘅印象都係會坐得唔太舒服，但估唔到黎到發現呢到裝修得幾靚，有啲似酒樓咁，坐得幾舒服。廣式臘味煲仔飯$158呢個煲仔飯份量都唔少，成煲飯上面滿佈臘味，更重要嘅係啲臘味唔會太肥膩，幾好。煲仔飯上檯之後，店員會淋上豉油，然後再兜下煲飯。聞落香噴噴，食落好惹味。最重要嘅係底下啲飯焦，雖然知道唔應該食太多，但脆卜卜嘅飯焦真係好好味。菜心$78點都要叫返碟菜啦，健康啲。菜心都幾鮮嫩。甜蜜咕嚕肉$88咕嚕肉外脆內軟，入面嫩滑嘅豬肉都唔會話太肥，外面嘅醬汁酸酸甜甜好開胃。