憶食尚臘味煲仔飯

营业中

休息中

與朋友聚會時嚟過呢間餐廳，這裡的煲仔飯及小菜做得很不錯。心裡一直都想帶老爸嚟，趁今日放假，與他過來食午餐，老爸廚藝精湛👨‍🍳，對食物要求高，享受美食嘅同時又要乾淨坐得舒服，他說這樣才算是一件美事。嚟呢度都好方便，地鐵柯士甸站A文匯街出口，行1分鐘便到。餐廳樓底高，座位舒適，還以屏風相隔提高客人私隱度。我哋點咗：✨廣式臘味煲仔飯有不同口味煲仔飯選擇，我哋選咗「廣式臘味煲仔飯」，店員把整個瓦煲送上，打開煲蓋，熱騰騰♨️，香噴噴，店員隨即幫我哋灑上蔥花芫荽，加上煲仔飯豉油，撈勻。臘味有臘腸、臘肉及臘鴨，味道甘香醇厚；飯粒分明、粒粒油潤煙靭，每一口都好滋味；食至最底，仲有金黃香脆的飯焦，脆而不燶，如米通香脆，吃完暖心又暖胃。🥬上湯娃娃菜新鮮的娃娃菜，以清甜的上湯濃烹煮而成，清爽好味。🐥薑蔥爆雞煲以薑片、蒜頭、乾蔥這廚房香料三寶爆香，然後加入雞件，不但把雞件去腥，還增鮮提味，這道菜惹味十足。😋這裏的店員招呼周到，而且有笑容，我哋兩個都好滿意，會再來。