憶食尚臘味煲仔飯

营业中

休息中

話說媽咪前2日話想食煲仔飯,我又唔想去啲油麻地好污糟質素又參差果啲地方食,於是就上網搵左呢餐廳啦。呢間真係一間proper既餐廳,個格局係食中菜既,好乾凈企理,每張枱之間都有個大屏風隔住,做足安全措施! 川味臘味煲仔飯上枱時侍應會先幫你淋豉油撈均佢,個飯好香,食落粒粒分明,臘腸,臘鴨等食落辣辣地好惹味!食到停唔到口呀!食到咁上下,侍應仲會問你想加上湯落個飯到定幫你起啲飯焦出黎,食得煲仔飯就緊係要食飯焦啦!佢好快手地就幫我地起曬啲飯焦,正!甜蜜咕嚕肉咕嚕肉外皮炸得夠脆,入面個肉食落夠嫩,食落酸酸甜甜,好開胃!芥菜排骨煲其實我本身唔係好食芥菜,但呢個煲佢整得真係好好味!個湯加左胡椒同薑,飲落係辣辣地好暖胃既感覺!有啲似我最鐘意既胡椒豬肚湯既味道!我同媽咪2個人order左3個餸，最後都係食唔曬架!呢到除左野食好味之外,不得不讚下既侍應既態度非常有禮!亦都夠貼心!凈係幫我起飯焦果下都已經加曬分!下次想食煲仔飯我一定第一時間會諗起呢間!