憶食尚臘味煲仔飯

营业中

休息中

屯馬線開通了, 食飯選擇都多好多, 聽朋友講好近柯士甸站有間食煲仔飯不錯既餐館,一於去試下, 柯士甸站A 出口好快就到, 真係要唱返句 「屯馬開通真的很興奮」餐廳佈置都幾靚,上下兩層, 位唔算多, 以中式餐館來講係幾精緻,4人一枱限制下唔係用普通膠板隔開,而係用好靚既屏封,唔知無疫情下有無呢啲靚屏封呢…….餐具都好有心思,係有design既餐具, 雖然應該唔係咩貴野,但靚餐具都可令食客更開心來得一定要試下朋友口中幾好既煲仔飯,叫左個中size特色臘味煲仔飯,來到真係同餐牌張相好似,絕對圖乎其實臘腸係瘦臘腸,但又唔鞋口, 適量肥肉好平均分佈, 食到油份又唔油膩, 切得大少適中, 唔會太大舊或太細粒。臘肉好香, 肥瘦一層層分明, 個人好鍾意薄切, 夾埋飯一齊食, 唔會成口油，臘鴨就係正常質素。另外食煲仔飯一樣非常重要既就係豉油,呢度既煲仔飯豉油咸甜度適中, 同飯好夾, 唔怕落多左, 令個飯提升到另一個層次, last but not least 就係飯焦, 個人就好喜歡呢度既飯焦, 薄而脆, 剛好少少燶, 唔會過焦, 亦唔會硬到咬唔到, 可見師傅調較火候既功力雞煲份量適中, 雞件明顯唔係雪

上次做野經過開呢頭見到間新餐廳，格局好似酒店咁靚，屯馬線呢幾日開通，咁方便就約朋友去試一試😆😆😆侍應安排左張圓枱俾我地，2人都坐得好舒服，餐具擺設都好有feel😂😂⭐️特色臘味煲仔飯 $148 (中份)呢間餐廳出名臘味煲仔飯，當然要叫番個！一上菜，好香臘味，份量都好多！侍應服務好好，會問你要唔要蔥同芫茜，之後會落豉油幫你攪勻！👍🏻👍🏻唔使自己落手做，真係酒店級服務❤️❤️個臘腸入口香甜不太鹹，好正👍🏻臘鴨就有少少鹹，但都可以接受。煲仔飯食到最尾d飯焦脆卜卜但又唔燶，我朋友大讚👍🏻👍🏻😋😋⭐️上湯菜心 $68食左d臘味，都要叫碟菜去平衡一下。有少少蒜片同鹹腿絲喺面，上湯無落味精不口渴，菜心清綠嫩滑無渣👍🏻👍🏻，實屬不錯！⭐️甜蜜咕嚕肉 $76咕嚕肉啖啖肉，唔厚皮，個汁調得啱啱好，不會過酸，伴碟菠蘿係甜的😆。份量都不少，呢個抵叫好食！👍🏻👍🏻整體餐廳格局優美，環境舒適。食物味道好，價錢屬偏貴，但物有所值，所以會再次光顧😊😊

煲仔飯同秋冬天季基乎劃上等號但佐敦開設呢間餐廳，就可以滿足到任何時候都想食煲仔飯的念頭啦雖然係食煲仔飯的中菜餐館，但裝修相當整潔餐廳分上下兩層食物方面有單點或套餐我哋兩個人就選擇單點黎到當然要食煲仔飯啦！由於我唔食辣，所以揀咗廣東蠟味煲仔飯（中份 $148）相當足料，而且職員招呼好好上菜時會詢問人客要唔要芫茜同蔥花粒配備煲仔飯豉油職員會幫人客將以上的配料加入煲仔飯每粒飯都好分明，火喉一定係控制得好好了中份的份量大概每人可以食到兩個飯碗食晒之後當然仲有主角飯焦啦！好輕易就起到成片出嚟 ，卜卜脆另外我哋仲叫了兩個小菜咕嚕肉$76上湯浸菜心 $68兩個人食飽飽埋單都只係三百幾蚊再值得稱讚係呢度啲職員服務態度好好會主動跟進人客的食物到齊未如果有興趣仲可以買蠟味返屋企啊

臘味飯一向在港式主食上排在頗高的位置，在冬天特別多人光顧，也很受旅客歡迎。在柯士甸文匯街這邊的地道美食店之中，有家把煲仔飯提升了一個層次的餐廳環境：活像高級中菜館的感覺，位置寬敞服務：正常水平，會為客人處理飯焦加了點分食物：土雞板鴨煲仔飯$156飯量夠大，飯焦多而不過焦，口感爽脆不過油，雞肉不會是醃到稔而無味那款，實在不錯，另外的板鴨略鹹，可酎量減豉油金銀絲伴銀針$148樣子很像螞蟻上樹，不過用的是炒蛋 粉絲，味道比較清淡，也是另一種美味菜心$68非常爽脆也非常綠的菜心，剛熟不韌也少渣，加上蒜香味極濃的蒜頭，很好吃

依間餐廳主打係食臘味煲仔飯，不過下午時段就有做午市套餐，以依個幾舒適嘅用餐環境黎講，價錢都唔算貴，晏晝唔想食煲仔飯嘅話都可以試下！**********<蝦球手工撈麵> $78<瑤柱蛋白海皇炒飯> $88<時令蔬菜> $68蝦球手工撈麵用左手工素麵做底，再加上xo蝦子醬乾撈，麵條唔會痴實一舊舊咁，而蝦球都幾大隻🦐另外個瑤柱蛋白海皇炒飯都炒得粒粒分明，上面有一堆蟹籽，中間就加左啲蝦肉粒、魷魚粒、青瓜粒及蛋白去炒，份量都唔少嫁！時令蔬菜配左個頭抽蠔油，食得出有蠔味，沾少少食係幾好味😋仲有額外叫左兩盅蟲草花准山燉雞湯，啖湯非常足料好清甜，幾適合夏天飲☀️

呢排食得太多西餐，今日就去食下港式美食炒小菜！喺佐敦附近發現一間幾有特色嘅餐廳「憶食尚」，雖然有少少西式嘅裝修，但竟然主打煲仔飯！我哋叫咗：椒鹽一口骨$76呢味餸幾有特色，人哋一般都係椒鹽鮮魷，而佢就係豬肉炸完再用椒鹽炒，好夠鑊氣！而且椒鹽好多好香！正❤️特色臘味煲仔飯 $148價錢雖然看似比一般貴，但佢用料都非一般，一排臘鴨，一排臘肉，一排臘腸，令到飯好香，好重油味，加上火力平均，成個底都係飯焦，卜卜脆勁好味！😋食完真係唔覺得貴☺️時令蔬菜 $68今日嘅時令蔬菜係上湯蒜蓉娃娃菜，娃娃菜好入味，湯亦唔喊，幾清甜😉總括嚟講雖然餐廳位置唔係太就腳，但下次我都會特登嚟再食，因為性價比幾高，小菜來講算有質素，煲仔飯亦做得出色，環境又舒適，抵讚👍🏻

2021.6.6（日）$438朋友話同我慶生，只講去佐敦文乜樓，都知道美食林立既舊區，我自己行先左1個圈懷緬一下，行到憶食尚臘味煲仔飯。心想，如果係厘間就好啦，門內門外都優雅舒適。剛巧朋友來電原來就係厘間，真係心靈相通。朋友點左蟲草花燉雞湯：蟲草花/紅棗/龍眼肉/沙蔘/玉竹/杞子/豬肉粒/新鮮雞肉足料，味濃，此湯降血壓，抗衰老，提升免疫力，手腳冰冷最啱飲瑤柱蛋白海皇炒飯足料，啖啖蝦肉/蛋白/青瓜粒，平日不沾米飯的我，吃了3碗。這白米很高質素並且粒粒軟硬適中，每一啖都有窩心的滋味，點解師傅咁細心蝦球撈手工麵新鮮的大蝦，爽脆的青瓜絲，配上手工麵。看似很平凡，但靈魂在個撈麵醬汁，偷偷地細細聲問左師父個秘訣: 原來係鮑魚汁/雞湯/香蒜油（記住唔好話比其他人聽）時令蔬菜朋友唔食菜，但今日我話事，我要佢食菜，色澤是吸引了她並且唔油膩，另外有一碟頭抽蠔油，果然佢食左半碟菜，原來佢鐘意碟蠔油但唔會偏鹹玄米茶很特別，非一般，甚至極少餐廳用這貴價茶招待客人服務員的熱情招待，使我們已計劃必須再來一次，因為見到餐單有秘制臘腸臘肉。I will be back感謝店主安排我在這舒服角落，享受慶生午宴

佐敦行街行到攰！見Openrice咁多好評推介呢度，點可以吾試。一入店真係以為入咗西餐廳…安排上二樓。裝修典雅，乾淨企理！由於下午茶食得太飽，三個人只試了兩款煲仔飯。廣式臘味和香菇滑雞。茶香飯更香！先試了臘鴨，不會過咸，鴨肉軟身，充滿油香，飯粒潤澤軟糯，只嫌飯焦略厚硬。估吾到滑雞煲仔飯更勝一籌！可能水份較多，令飯粒更軟綿可口…雞件淡白，加了細碎的芫荽蔥和甜豉油後出奇地好味，邊食邊讚！轉眼一粒都食光…侍應哥哥好有禮，解釋煲仔飯選用“東北大米”，口感特別軟糯。臘腸係自家出品。還介紹有盒裝臘味飯可以買回家自煮，只要跟盒上指示便可。值得回頭！

今日約咗朋友去佐敦-憶食尚臘味煲仔飯lunch , 因為之前朋友話推介…憶食尚臘味煲仔飯其實近柯士甸站…初初以為只是茶餐廳..原來是高格調的中菜館，裝修似酒店質素的中菜館，很適合商務或朋友聊聊天😁原本諗住食煲仔飯，但朋友話想食瑤柱蛋白海皇炒飯和手工麵🥴因為今餐是佢宴客⋯⋯所以就下佢啦🤪蟲草花燉雞湯，足料，湯味濃郁！瑤柱蛋白海皇炒飯，白飯粒粒分明，夠乾身，而且很足料，有蟹籽，蛋白，蝦肉也很多！酸辣湯手工麵，用砂鍋上，有蠟腸，香脆花生和一大隻荷包蛋！湯底酸酸辣辣夠開胃，蠟腸很惹味，帶煙熏味，味道不會過濃夠適中。手工麵是幼麵夠爽滑煙韌！辣子炒雞丁，夠鑊氣，惹味，雞丁夠咬感！餸飯一流！值得一提就是這裡的菊花茶有驚喜，菊花味香，味道清清甜甜！

今日同出佐敦購物，又到搵食時間，友人提議食呢間煲仔飯，好耐都冇食過，一於gogogo 😊。進店便覺得裝修很有格調，用上屏風將每張枱隔開，令人食得安心又放心。呢度有別其他酒樓，有玄米茶可供選擇，於是我都點了玄米茶, 用上原粒玄米，茶香味好清新。煲仔飯點了#香菇滑雞，即叫即製關係，故都等了20分鐘左右。揭起個蓋時已經聞到好香嘅味道，店員首先會倒入醬油，再與雞件撈至均勻，據餐牌寫雞件是選用山上奔跑雞，肉質有彈性，肉嫩皮爽脆。咁我食落都覺得佢真係唔錯，雞件好滑，飯索晒d醬汁，好好食😋，而喜愛飯焦的友人，就將佢清晒😄。#咕嚕肉呢度嘅咕嚕肉好好味😋，炸得外脆肉鬆軟, 食得出係新鮮豬肉，酸甜汁味調得啱啱好，挾開仲有拉絲效果, 真係食到好開胃👍。#上湯菜心上湯加上火腿、薑同蒜蓉片，上湯味道清甜，菜心翠綠很新鮮。餐廳坐得舒適，店員主動換碟、加水，服務貼心，真係食會回頭嘅餐廳啊☺️。

數數手指，真係有好幾年無食過煲仔飯啦！！呢日接爸爸收工，佢竟然提出要帶我食煲仔飯原来係因為佢同過佢既同事食過，覺得好好食，所以要帶埋我黎試下我地要左一份中size既臘味煲仔飯$148然後再點左一份甜蜜咕噜肉$78同油菜$58因為呢度既煲仔飯係即制既，所以大概等左二十分左右先熱辣辣送上檯分別有三款油香十足既惹味臘味特别欣賞呢度既臘腸肥瘦適中，臘鴨香而不乾！！每粒飯都沾上油光、粒粒分明尾段更可以嚐到焦脆既飯焦小菜都唔錯，咕噜肉味道甜酸，非常開胃連油菜都有驚喜驚喜之處係配上既蠔油色澤雖淺，但味道更鮮，更能帶出菜心既清甜！！！

朋友今晚約咗我嚟呢度食煲仔飯，從來都冇諗過食煲仔飯竟然可以食到咁舒適咁高私隱度咁grand😂環境同服務真係一流👍👏🎉我地叫左個廣色臘味煲仔飯，芥菜排骨煲同埋小炒王～1. 廣式臘味煲仔飯有齊曬呢度主打既臘腸，臘肉同埋板鴨👍 肉味濃郁，鹹香味重，飯粒有咬口飯焦好香脆😆 配埋醬油食超香超正😋2. 芥菜排骨煲有啲黃豆係裡面，帶少許胡椒味，直頭可以當湯飲😯 (有啲似胡椒豬肚湯😂)排骨肥瘦均勻，肉質算嫰滑，芥菜亦唔會太淋，唔錯！3. 特式小炒王材料好豐富，有蝦乾，魚乾，魷魚，腰果同韭菜花等等，蒜味重，微辣，非常惹味！😋蝦乾好大粒，同腰果魚乾既口感都係脆卜卜，送飯一流👏我見附近每檯都有叫招牌既煲仔飯😁呢度廚師推介既小菜價錢都非常合理，真心特別推薦俾一家人或者聚舊既朋友黎👍因為中菜好大眾化，環境同野食都真係非常唔錯，價格唔貴私隱度高👍👍👍

脆香飯焦，粒粒晶瑩軟綿綿米飯，加上臘味油香，打開煲蓋香氣撲鼻，三扒兩扒食哂成煲！呢間出名煲仔飯食肆的確名不虛傳，須然坐落於佐敦舊區，但客似雲來！中 size煲仔飯只不過百幾銀再加2碟小菜兩個人三百左右已經捧肚而回！價錢唔貴但招呼一的都唔差！環境又舒服，坐位唔會坐得迫迫，又平又好食，推介椰子雞煲！

柯士甸站新舊區匯聚，🕵🏻好多美食臥虎藏龍！今日我發掘了⋯憶食尚臘味煲仔飯，🦉為食寶寶都話正 👍🏼！餐廳係新派粵菜，🥢傳統得來又加入咗新點子💡!甫入店內，已見自家製的臘味專櫃👉🏼信心有保證！🥘除了煲仔飯，仲有唔少正斗小菜！金銀絲伴銀針～打開煲仔，🫕香味撲鼻吱吱響，吞口水Tim! 粉絲的煙韌配上銀芽的爽脆；掛上櫻花蝦同桂花般嘅炒蛋！ 係正嘅👏🏼瑤柱蛋白海皇炒飯👉🏼炒飯乾身粒粒煙韌，mix 蟹子同脆粒青瓜，🥒口感很好！ 而且有大量的🦐🦐🦐爽脆鮮蝦，好重料啊！特別推介～🥬菜心配沙井蠔油，鮮而不鯹、🦪味滿分！ Evoke 喚醒味蕾的一餐🥳

炎熱天氣😷☀️太熱🤪揸車🚘出去搵嘢食😙經過門口見午餐🥣啱晒今日天氣👍🏻入到去環境好靚喎😍分隔每一台擺設好靚、好舒服👏👏就叫咗兩個午餐🥣～餐前仲有一碗老火湯（嘩👏蟲草花、沙參煲雞）～夠下火😚😚😚～蝦球撈手工麵～大大隻蝦、手工麵好煙韌（係冷面嚟嘅～啱晒依家天氣食）～瑤柱冬瓜脆米湯飯～見有一兜以為係蒜蓉原來係米通、放落湯飯卜卜脆，非常有咬咁😚好多材料超抵食、又好味😋～再整多碟菜心～個蠔油超好味喎👍🏻👍🏻諗住走啦仲有餐茶飲添😋中西合璧喎👏👏👏見隔離枱嗌左煲仔飯好正喎🤪傳來陣陣香味🥴🥴🤤🤤搵晚嚟食下佢個煲仔飯先🥴