憶食尚臘味煲仔飯

营业中

休息中

呢度同外面食煲仔飯既地方好唔同。一般食煲仔飯既地方感覺上都係污糟麻甩小小，但呢度既裝修風格比較似fine dining，而且擺設同茶具都好別緻。呢度提供三種茶，包括玄米，菊花同鐵觀音，我同朋友揀左鐵觀音，茶香味濃，比外面酒樓既茶好得多，我哋夜晚去，茶介$15/位。臘味煲仔飯份量充足，二個人食中份絕對足夠。我最鍾意就係呢度飯焦脆香，粒粒飯都油潤煙韌，飯粒分明，再配上臘腸油香同，非常開胃。豉油係煲仔飯中都好重要，呢度既豉油帶有鮮甜既味道，好適合送飯食。另外值得一提既係，服務員會係你面前幫你撈飯，非常貼心。金銀絲伴銀針有各種配料同醬料，包括瑤柱、蛋黃、粉絲、芽菜、櫻花蝦，一齊食口感豐富有趙口，蛋黃味都較香濃，芽菜好爽口。芥菜排骨煲因為都想叫個菜食，咁職員就推介左呢個煲，芥菜本身係苦苦地，個湯就有好重既胡椒味。總結黎講，中等價位可以係呢個環境食到高質素既臘味，性價比👍🏻

以前過嚟渡船街，淨係識得食日本嘢，同雞煲。前排經過呢間憶食尚煲仔飯，特別想試。因為以前食開煲仔飯，都要去油麻地廟街，但係環境一般，想食煲仔飯，都冇乜選擇。憶食尚嘅裝修好新穎，如果你就咁睇餐廳嘅裝修，你真係唔覺得佢係食中菜。除咗裝修新穎之外，呢度仲坐得好舒服，有梳化位卡位。我哋兩個人叫咗一個霸王雞，一個臘味煲仔飯，同埋一碟菜心。霸王雞好好食，佢啲葱好香，有爆過嘅。我咁啱配到下裝位，雞好滑，兼且啖啖肉！嫩滑嘅雞配上香蔥香豉油，好開胃又啱送飯！登登登登！最期待嘅係臘味煲仔飯！上菜之後，由侍應幫手撈起，服務一流。煲仔飯嘅料有臘肉臘鴨同埋臘腸，仲有最緊要嘅飯焦！個飯焦仲係脆卜卜，又香又好食！三款臘味之中，我都係最鍾意臘腸，肉同脂肪比例剛剛好。平時唔係好食飯嘅我，都食咗半煲呀！然後，我仲叫咗碟菜心。老公話我喺街度食菜唔抵食，但係偏偏呢度個個都叫碟菜，我就想試吓有幾特別。除咗菜心好嫩好新鮮之外，最特別係佢哋嗰個蠔油！佢哋蠔油係自家製，色水有啲似沙薑粉，係好香。呢度嘅侍應服務幾好！有問必答，仲好好咁介紹佢哋啲嘢食。呢度啲嘢食包括醬油都係自家製，誠意十足，實在非常之值得回頭！

之前已經食過呢一間嘅尖沙咀分店，不過發現原來尖沙咀已經執咗😵而剩低呢一間近柯士甸站嘅分店，有兩層，環境比已經執咗嘅尖沙咀分店更靚更舒服，好適合帶屋企人嚟食！.今次係嚟食lunch，同男朋友share午市menu上嘅一飯一麵，價錢都幾相宜，68至88不等，送咖啡或茶。我哋叫咗菊花茶，平時喺酒樓都好少機會飲到。呢度嘅菊花茶真係用菊花沖㗎！.我哋叫咗蝦球撈手工麵同埋瑤柱蛋白海皇炒飯。手工麵有驚喜！平時我都係鍾意食飯多過食麵，但今次我覺得個麵好食好多😋手工麵食落有少少酸味，食落令人好開胃，一個人食晒成兜都好easy！其實個炒飯都唔差，炒飯炒得粒粒分明，而且好足料，除咗面頭嘅蝦之外，入面仲有好多蝦粒。.呢一餐我哋仲叫咗每人一盅蟲草花燉雞湯。男朋友不嬲好鍾意飲湯，佢表示好開心😂見到入面好足料，有蟲草花、雞、瘦肉、紅棗同埋花旗參(?) 飲落就係好補嘅感覺🤣🤣.最後仲叫咗碟菜，菜心嫩滑唔老，配埋頭抽蠔油食就更正，不過菜心價錢有點貴👀但係整體成餐$300唔使，呢個食物質素、服務態度同埋環境，我哋都覺得係好抵食！有機會真係想試吓佢哋嘅臘味煲仔飯！

我好鍾意食煲仔飯🤤 係外國番黎香港一年都冇食過，今日真係好想食🤫就捉左男朋友陪我食 夏天熱辣辣食煲仔飯真係第一次🤣不過我簡左佐敦呢一間憶食尚，睇相覺得餐廳裝修同煲仔飯都好靚😍餐廳裝修非常有心思，座位闊洛而且冷氣足夠，所以我地都唔擔心會熱🥰一場黎到 當然要試下煲仔飯廣式臘味煲仔飯$148職員會幫手加入豉油並撈勻，煲仔飯份量好多😍 面頭鋪滿左臘腸臘肉同埋臘鴨😍😍油香滲入喺飯入面，配上微焦的飯底，脆口香濃😋😋😋薑蔥爆雞煲$98/例上枱時，雞煲仍然係滾住😍 爆香左既薑蔥做成既醬汁配上嫩滑雞件，十分惹味😋上湯菜心 配頭抽$68菜心翠綠幼嫩，煮既時間岩岩好🥰

星期六放假諗住去佐敦買個人氣麵包食。點知兩點零已經賣晒。咁咪四圍睇吓有咩好食！見到呢間餐廳個午餐唔錯！入去試吓先！餐廳裝修幾靚！坐得舒服！我叫咗個蝦球手工撈麵大大隻蝦球，食落彈牙爽口😋個手工麵又幾好食麵身幼滑。配埋佢個撈麵醬同青瓜絲正呀！🐽🐽叫咗呢個瑤柱冬瓜脆米湯飯夏天食湯飯最好！冬瓜又消暑！個湯飯配咗啲脆米食落好有口感脆卜卜！好足料勁多瑤柱、個湯又甜好味道！加埋碟油菜飽哂😁😋個菊花茶都好好飲👍

啱啱睇完戲，比戲院啲冷氣凍到我呢，於是我去咗附近食咗個熱辣辣煲仔飯！商場行過嚟唔使5分鐘。佢哋嘅臘味好正，川味臘味煲仔飯，有辣嘅臘腸、臘鴨、臘肉，咸味有層次，油香煙韌，半肥瘦，臘味香滲入米飯，加埋頭抽簡直正到痺！飯焦唔痴牙，係脆米通口感。仲有認真有鑊氣小炒薑蔥爆雞煲，秘製汁、薑蔥蒜同雞件鍋上，炒兩炒更香更惹味！叫返個清清地嘅菜心，飲啖精緻茶杯裡面嘅菊花中和膩感。座位舒適度高，服務幾好，簡單晚飯完美落幕。

鋪頭主打西式高級餐廳裝潢 但實際原來係一間真材實料嘅煲仔飯店🤣 環境攞滿分 食物質素又如何呢？特色臘味煲仔飯 -8.5分超有驚喜！係香港食過最正嘅煲仔飯之一～ 飯粒夠乾身 飯上鋪滿超大量嘅臘腸、臘肉同板鴨 鮮肉臘腸薄切肥瘦適中 咬落爆晒肉汁 臘肉唔鞋 油香陣陣油香 板鴨口感柔軟 食前店員會幫忙將特製豉油同蔥花撈入飯中 食完更幫手刮起飯焦 十分貼心🥰👍🏻金銀絲炒銀針 -8分一上菜時已經聞到好香 大量蝦乾提升鮮度 金銀絲賣相吸引 咬落偏軟嫩 夾埋十分入味嘅銀針 口感豐富 成碟餸充滿鑊氣🔥總括嚟講呢度嘅煲仔飯超級足料 而且食得出絕對唔係平嘅臘味🥰 每樣菜式都有花心思調味 鍾意食煲仔飯嘅朋友一定唔可以錯過‼️

👧🏻Wodafoodie in Jordan佐敦近柯士甸有一間行高檔路線既煲仔飯專門店，成間餐廳由裝潢至食具都有種高級西餐既感覺，好似去左酒店食野咁，第一次係地舖食中菜都食得咁high class😍😍✨🥘特色臘味煲仔飯 $148 (中份)一打開 臘味既香味撲鼻而來！ 三款臘味：臘鴨、臘腸、臘肉，排得好整齊好靚！店員會幫手灑上蔥粒、淋上自家製醬油，再幫你攪拌，好細心的服務！💛臘鴨帶皮肉質較實味道偏鹹，臘腸偏瘦但好入味，臘肉肥瘦適中香口無比，配上已經吸曬臘味油香既白米飯，真心好高質好好食😍😍😍😋！！！要特別一提佢個飯煲得岩岩好，飯粒條條分明，熱度同烹製時間控制得岩岩好，煲底係有香脆唔會燶既飯焦，食落脆到好似食緊薯片咁好正🥰🤤 而且好容易就刮到出黎，成煲飯都食得到唔會浪費煲底既飯，呢樣真係做得好好，值得一讚，真係我食過最好食既煲仔飯☺️👍🏻👍🏻✨🐥川椒麻辣雞煲 $98個麻辣同花椒香味一上菜已經聞到😍😍店員又會細心幫你攪拌，雞件同醬汁配合得天衣無縫，醬汁香濃，麻而不辣，雞件仲要熱左咁耐都仲好滑！配菜甜椒洋蔥都煮索曬d汁好入味但又唔會過分油膩，好好食！😋😋✨🥬白灼菜心 $68唔記得走油，但好彩都

憶食尚臘味煲仔飯網址: 地址: 佐敦文匯街22-24號地下2-4號舖電話: 35909933===================煲仔飯都唔係冬天先食架，中菜館係佐敦行10-15分鐘即到，出名架煲食飯點可以錯過，無食就白來。2人-3人份$148提供埋頭抽蠔油同豉油，臘肉油脂好香，融入飯中撈豉油已經是一道美食啦。成塊飯焦刮出來食先係我最期待架一刻，脆卜卜呀，再淋上豉油，無人同我爭幸福到暈呀！飯焦先係煲仔飯精華之處小菜小炒都值得一試架，晚市供應。糖醋咕嚕肉，三色椒同洋蔥保持爽身，肉塊酥香加返碟油菜啦，咁先健康腸道好。鍾意食佢架臘腸臘肉，仲可以買返屋企，隨時都食到品質高架臘味。

我同我老公係臘味忠粉，去親奶奶度食飯，都梗有臘腸同膶腸送飯。呢日我哋嘅佐敦Friend介紹我哋嚟呢間食，話個飯焦好正，又坐得舒服，結果呢間餐廳無論煲仔飯、環境同小菜都好出色，稱得上物有所值！廣式臘味煲仔飯（例） HK$148一打開個蓋，飯香同臘味香即撲鼻而來。臘味望落晶瀅通透，米飯亦都粒粒分明；食落口更加正，臘鴨咸香冇羶味（我老公平時唔食都食咗一半）、臘肉片得好薄唔會滯、而用茅台整嘅臘腸，咸得嚟有股好討喜嘅酒香甜，同啲較咸嘅臘味撈埋一齊食，再加埋蔥同芫荽，真係好爽！個飯焦更加勁，熱辣辣兼脆到極，我老公忍唔住話：「食剩半粒飯都覺得會對唔住個師傅」，結果我哋真係KO晒成窩飯，搞到夜晚食唔落飯。 辣子雞丁 HK$98一上枱嗰陣花椒香到不得了，啲雞丁仲有骨，外皮炸到好酥脆，香口惹味到極，搞到連「配菜」紅燈籠椒都好入味。 瑤柱蝦米雜菜煲 HK$85平時呢個菜我真係麻麻，一係好味精，一係好鬼淡，但呢個湯就幾好味，我哋覺得似落咗雞湯同金華火腿嚟煲，絕對唔係揸流攤，而所有菜亦都好入味，蝦米同瑤柱份量足，加埋蒜片，味道好有層次。

星期六約會友人，一起午飯，說說笑笑，開心😃 甚少去佐敦嗰邊，文匯街 「憶食尚臘味煲仔飯」，餐廳裝潢設計風格，漂漂亮亮，客人不多，寧靜舒適，樓上雅座，坐低不久，感覺熱呀！即刻叫店員，馬上開冷氣了😀蝦球手工撈麵大大隻蝦，爽口 彈牙，四隻🤗上下左右 整齊，白色幼麵，青瓜絲，灑上蝦子，撈亂食、香噴噴，吃得好滋味瑤柱冬瓜脆米湯飯炎熱天氣，飲冬瓜湯消暑，非常不錯，清甜可口，脆米脆卜卜，增添 惹味，瘦肉、菇、芫茜⋯⋯嫩綠 甜甜菜心一碟吃飽飽，逛逛書局，各自歸家

今天和寶寶因為有點事要辦，所以起床以後，便起行去了佐敦一趟～辦完事後發現經已一時許，便想在附近找個地方吃午餐❣️OpenRice了一下，便找到這間在附近、看來挺人氣的煲仔飯店😯正好適合近日都情傾中菜、台灣菜的我們～真是我們今天的不二之選🤓抵達店舖後，非常驚喜❗️一進去感覺已經有別於我們對中菜廳的認知😳還有些餐廳廠房自製的產品出售😲雖然店舖位置人流不多，但店內食客卻不少～經一番挑選下，我們竟然沒有試到煲仔飯😂但我們挑選的午市菜色也非常不錯👍🏻我們先來午市套餐配上的，一人一碗➡️蟲草花燉雞湯看起來已知道真材實料，用料超多的❣️目測有豬骨、龍眼、紅棗、蟲草花及一些熬湯藥材🌟喝下去一點藥材味也沒有，非常清甜，味道濃厚🥰真的有燉湯店的水平❗️🥢酸辣湯手工麵 $68還沒有放進口裏，已經聞到非常濃香的川式麻辣味💕吃起來有很強的麻辣感卻又不會太辣，非常適合我們這些吃不了太辣的人🥰他們的手工麵是店家在陝西的廠方自家手工制成的，而手工麵裏的川味臘腸也是店家自家醃製的，吃起來跟在市面上零售店賣的也不一樣～口感天然，油香滿滿的❗️餐廳店內也有現成產品出售喔❣️🥢瑤柱蛋白海皇炒飯 $88炒得非常出色🤩粒粒分明亦夠乾，而且蝦肉

-憶食尚臘味煲仔飯🍽-🥢酸辣蛋手工麵 $67呢個酸辣度唔錯個湯底有驚喜但略為酸如果唔太鐘意食太重酸味既朋友可以試下問要少酸🤣但辣度岩岩好🌶配埋滑嘟嘟麵條好夾😋本身見到咁幼以為係米粉原來係麵條🤣-🥢瑤柱蛋白海皇炒飯 $88呢個超足料既炒飯係勁多蝦🦐同好多蟹籽🤣不過個飯就比較軟身小編鐘意食乾身d既炒飯😝但個味道係唔錯既！-🥢上湯浸娃娃菜 $68娃娃菜直程係蔬菜界既冠軍🤣加埋上湯金華火腿浸住好好味呀勁甜😋😋-🥢燉中湯勁足料既燉湯😍勁清甜完全唔係味精味😉-🥤午餐包餐飲咖啡或茶☕️另外收茶介每位$15😉-🌟評分:🏅🏅🏅🏅🏅地址: 佐敦文匯街22-24號地下2-4號舖

最近天氣實在太熱，沒有什麼胃口，又不想在家煮飯，唯有出去走走，找一下有什麼清淡啲食物。佐敦附近見到一間中菜館，門前寫的午市套餐幾吸引，價錢亦非常合理。蝦球手工撈麵賣相雖然簡單，絕對好食。撈麵有蝦籽香味，不會覺得淡口。蝦球大大隻，爽脆。瑤柱冬瓜脆米湯飯呢個餐消暑最佳，濕濕地，味道又鮮甜。冬瓜消暑，脆米有嚼口，瑤桂鮮甜。正！蟲草燉湯夏天滋潤湯水不可缺，湯底清徹，有肉，有雞...材料十足，味道鮮甜，潤喉！

在渡船角有一間專食臘味飯的餐廳，樓面正正常常，一入到去裝修好高雅唯美，有驚喜！廣式臘味煲仔飯 $148 傳統的美食總是百吃不厭，不過可以一年四季都提供煲仔飯地方不多。一個煲仔飯夠4個人食，材料多有臘腸、臘肉、臘鴨等。食到最後有飯焦，香脆可口，好正。菜心$68 - 配上頭抽豉油，簡簡單單但已夠鮮味。頭抽好珍貴，不會太鹹，拌飯食一流。天蓬美人指 $88 - 辣醬炒臘味豬腩肉及秋葵。炒得很香，豬腩肉的臘味微妙地湛入到秋葵中，惹味非常。.服務都好好，見到有午餐都好抵，下次lunch食。