憶食尚臘味煲仔飯

营业中

休息中

一直都好鍾意食煲仔飯，咁朋友就介紹左呢間，今日放工同朋友就特登試吓。每個位既距離都好闊，又有屏風遮住，增加私穩度得黎又夠衛生。一坐低就會問飲咩，有普洱、菊花同玄米茶。食物方面我地叫咗個土雞板鴨煲仔飯，一上菜就香氣溢人，陣陣飯香。侍應哥哥好貼心甘幫手加芫荽蔥同豉油，仲要幫手撈埋啲飯焦。啲飯粒粒分明，飯焦又唔會太乾，一份夠哂兩個人食。臘鴨咸香得宜，啲雞全部都係雞髀，非常嫩滑，食到停唔到。另外，叫咗個甜蜜咕嚕肉，肥瘦適中，酸酸甜甜10分開胃而且份量好多。有飯有肉，當然唔少得菜啦。叫咗個上湯娃娃菜，加咗金華火腿既香味，清甜得黎又夠味。

難得行到過嚟柯士甸站，一定要嚟試吓想食好耐嘅煲仔飯🤩🤩真係好少嚟呢邊，原來咁多嘢食。位於轉角位既憶食，餐廳都算起眼，一排舊樓之中比較新穎有格調。馳名臘味煲仔飯😍好耐冇食過臘鴨，以前好鍾意食但係人大左都要注重下健康耐唔耐一次 就要留返俾有水準既！好香好好食!!!呢個煲仔飯真係好值得一試價錢係比其他地方煲仔飯貴少少但係環境咁好，值得俾錢👍🏻👍🏻辣子雞丁真係幾辣，但幾惹味食得辣嘅人士可以一試！

好小去到柯士甸站，今日嚟搵朋友食飯，朋友帶我到佢平時食開午餐嘅餐廳。先上一個燉湯，清甜可口，真材實料。瑤柱冬瓜脆米湯飯夏日炎炎冇咩胃口，最好就食湯飯，冬瓜湯非常消暑，配上肉片，雜菇等材料，湯頭鮮甜清淡，可以配上炸脆米通吃，增加口感，脆卜卜非常好吃。蝦球撈手工麵外表有點像泰式炒金邊粉，味道是完全不同。手工麵質地有點像線面，炒非常香，蝦球足料好味。餐廳環境優美雅致，有淡淡茉莉花香，果然是柯士甸站的飯堂。唯一要提醒的是，店員說不久就會全部使用安心出行，不再接受寫紙填資料，如非常介意，最好先打電話到餐廳問清楚。

過左午市最多人時間，可以靜靜地食個飯，叫左個海皇蛋白炒飯，咕嚕肉，菜心，燉湯個炒飯賣相已夠哂靚，望落去好濕潤，面有一隻蝦，唔好以為裡面得蛋白，點知啖啖蝦肉同瑤柱絲，再加埋蟹子，飯唔油但都唔乾，真係好正，淨食個飯已經好滿足咕嚕肉好耐無食過咁高質既咕嚕肉，汁埋得剛好掛在肉上，肉既皮係脆，又薄唔厚粉，粒粒都係肉，唔會有骨多過肉既情況，真係會追住食上湯菜心賣相都係好好，面有金華火腿絲加好薄既蒜片，唯一美中不足係菜心有少少🤏硬，我比較鍾意食淋身少少燉湯好湯，真材實料，湯味完全來自啲材料

冇諗過佐敦有呢一間咁好食嘅中菜餐廳下午時間想飲下茶唔一定去茶樓有時去下呢啲中菜館都不錯呢間億食尚煲仔飯舖頭非常光鮮 總共有兩層仲有私人房佢嘅執修好企理乾淨完全唔似會食臘腸同煲仔飯的地方😂😂呢度有一般嘅臘腸飯、臘腸拼盤同粥粉麵燉湯同埋時令水果🥭都非常高質一入嚟飲咗杯熱茶可以係玄米茶或菊花茶喺出邊比較少叫 佢哋嘅製作比較需時全部即叫即製大概20分鐘就有得食 首先嚟嘅係特色臘味煲仔飯 有分大同細(大:$398 小:$148)size 多個四個人 建議要大size 如果唔係唔夠食 臘味但裏面有臘腸臘鴨臘豬肉 職員幫我哋細心拌好香蔥同甜豉油簡直色香味俱全～忍唔住匹多兩碗飯另外呢就將啲新菜式 叫咗個海皇踏雪($148) 佢係蒸蛋白加埋瑤柱 鮮蝦 蝦米仲有少少香蔥灑喺面頭 可以拌飯好香滑 最後想清清地 叫多咗個菜心 菜心都好靚夠晒翠綠 價錢只係$68 如果唔想咁寡仲可以揀上湯或者蒜蓉 增加食慾👍🏻👍🏻想買臘味同屋企人分享 仲有獨立包裝可以自由選購架

已經有一段時間冇食煲仔飯，有啲掛住嗰種飯香，所以今次去咗憶食尚臘味煲仔飯食煲仔飯加小菜。 今次order咗臘味煲仔飯，入面集合港式鮮肉臘腸、臘肉及南安板鴨等三種上等臘味材料，加埋頂級五常大米同埋頂級瓦缸頭抽豉油，個煲仔飯特別香濃而且臘味味道十足。另外點左金銀絲伴銀根，係用粉絲芽菜加埋雞蛋等材料大火炒而成，呢樣小菜好考廚師功夫及鑊氣，值得推介。另外點咗時令菜心，特別在係用咗頂級頭抽金蠔油而成，第二度地方好難食到，今餐又係滿足嘅一餐。

今日去遊車河，玩左成日見累累地就黎到佐敦附近搵野食，黎到呢間餐廳，裝修好優雅，而且服務員好熱情既招待好快就入左去坐。呢道既杯碗碟都好有特色，花紋好靚，我地叫左菊花茶，好香濃，而家好小地方有菊花茶飲啦。首先我地叫左個川椒麻辣雞煲，睇見賣相已經流曬口水，食落重有驚喜，我平時好食得辣，所以對我黎講都唔算太辣，川椒令到啲雞肉更加野味，提升左佢既味道，真係好值得一試。跟住叫左個瑤柱蝦米雜菜煲，係用左上湯黎煮，瑤柱味好出好足料，味道都好好。連我平時唔食菜既人都好鐘意呢味菜式。最係緊係唔少得既呢道既招牌菜廣式臘味煲仔飯，啲飯粒粒金香，飯焦非常香，口感一流，撈埋啲甜豉油食真係無得輸，世界級享受。臘味份量又多，真係值得一試。服務員態度好好，非常專業，熱情。我地都食得好開心。

在圓方天橋下來便看到這間中菜館，假日都有午市套餐，所以便試一試餐廳內環境舒適，枱與枱之間都會有屏風，吃得十分安心瑤柱蛋白海皇炒飯 - 午市套餐會跟燉湯，炒飯賣相很好，而且份量多是日燉湯是蟲草花燉雞湯，非常足料，燉湯主推沒加任何味精，十分清甜又滋潤瑤柱蛋白海皇炒飯有新鮮蝦仁，蟹肉，蟹籽和蛋白，炒飯炒得粒粒分明，非常有鑊氣川椒麻辣雞煲 - 即叫即整，上菜時都是熱騰騰的雞肉肉質鮮嫩，配上秘製麻辣醬是十分惹味麻辣雞煲另一個精華是配菜，三色椒和洋蔥吸盡麻辣醬汁，辣得十分過癮菜心 - 菜心十分新鮮翠綠，最驚喜是秘製的沙茶頭抽蠔油的醬汁，更能帶出鮮味這間餐廳環境十分舒適，午市套餐非常高質又有鑊氣，絕對值得再來

今晚揸車途經佐敦， 見到有間餐廳叫憶食尚臘味煲仔飯， 即興入去試下。 餐廳有兩層， 地下已經坐滿客人，店員安排我們到一樓用膳。 店內環境舒適， 每一張枱都有屏風隔住私隱度高。 原先想試下這裏的煲仔飯， 但後來三心兩意之下點了瑤柱蛋白海皇炒飯$88、 再加兩個小菜瑤柱蝦米雜菜煲$85和 霸王蔥油雞$98。⭕瑤柱蛋白海皇炒飯～ 炒飯夠乾身， 蝦肉大大粒又爽口， 賣相都好靚。⭕霸王蔥油雞～ 有大量薑蔥排在雞上，雞肉嫩滑新鮮。⭕瑤柱蝦米雜菜煲～ 有白菜、娃娃菜、菜心和西蘭花， 個湯清清地， 適合夏天飲用。今晚兩小口子不算肚餓，所以點三個菜式做晚餐， 來一個輕食的晚上。😊

煲仔飯不嬲都要大排檔先好味一係就去廟街呀果d地方食講真係咪真係咁好食 就真係一間間呢間真係門口都唔知係食煲仔飯🍲成間餐廳好乾淨不過門面就唔多覺眼行過左都唔知道🥲大家睇到圖好夠味！佢仲要有飯蕉不過掛住食無影相佢個飯住得好平均好夠火喉！街邊嘅大排檔其實都係食個氣氛、食個地道大室內嘅餐廳可以做到好過大排檔做出嚟煲仔飯嘅質素真係好難得！我深信廚師都有返咁上下閱歷先做得到！另外呢碟菜心嘅醬汁係由頭抽+蠔油秘製 好咸香咸香女士們可以去食👍🏻唔使驚污糟 仲有要花係檯😂😂

在佐敦開完會已經7點幾，見肚餓，就跟同事一齊食埋個晚飯。請教客戶附近有咩好介紹，佢推薦對面文匯文英街一些食店，而唔係佐敦道附近的，從提議中揀選咗煲仔飯，因好耐很無食過了。舖頭入口擺放大量自家產品，舖內裝修企理骨子，每張台用靚靚高身屏風隔開，個後生侍應服務快手到位，又夠禮貌，唔錯！平時飲茶飲得多，所以今晚揀咗少飲嘅（玄米茶），真材實料，d米係晒茶壺底，唔係用茶包！嚟到梗係點想食嘅煲仔飯，揀咗有3款餸😍嘅（特式臘味煲仔飯 ），上枱時煲仔無咩香味，心想唔係中伏呀話 😅？！打開個蓋就放心晒，香味散發出來，D餸排得整齊，年青侍應快手落 “自家製” 醬油撈混飯餸，醬油少甜微鹹，臘腸煙韌唔硬，肉軟有好香酒味，超正! 臘肉睇上去好似肥多過瘦，其實肥瘦適中，食落無肥膩感；臘鴨皮少肥，可以唔食，肉夠瘦，夠鹹；米飯煙韌又帶有飯焦，飯焦唔燶又脆香，好好味，下次都要點返嚟個。😋 4.5⭐海寶獻鳳皇（鮑魚雞煲）約有六，七隻一吋大小的鮑魚，一隻一啖，每人食到三幾隻；雞件走過油，肉質香，有饞勁，有雞味，兩者都很入味。（油菜）好青嫩嘅菜心，葉淋莖微爽，醮點少鹹的頭抽蠔油，味道確係唔同d。如果價錢平宜一點就更好。唔使等天

由小到大，都喜歡那金黃色、鍋氣滿滿（並唔是揹嗰隻😗）香脆有口感的飯焦…煲仔飯好多地方都有得食，秋冬更受歡迎，但要做到金黃、簿、又唔係太痴牙…唯有來依度，真係好鍾意❤️飯焦迷，唔好錯過。環境清幽舒服，最重要係空間，枱同枱之間有足够距離，講秘密都唔使蚊滋甘細聲。歐陸得來有種「禪」味，好好地食個晚餐，的確唔錯。仲有，個服務好好，細心。最緊要係咩？叔叔好識影相，可能影慣了，影得人好瘦。整體來講，開心、舒服、賓至如歸！會再去！

今日朋友約我到佐敦文匯街「憶食尚」食午飯🥣，我是第一次光顧食店，估唔到係舊區有間咁高質中菜館，湖水藍歐陸風格裝修令我眼前一亮，每枱都有屏風相隔，格調高雅，環境好清靜，朋友家人相聚又多咗過好去處🥰🥰原來佐敦餐廳為概念店，於深圳、安徽有分店，食物都是用自家產品製作，客人食過覺得好食，就可以喺零售店買走，所有臘味都用靚料炮製，不加防腐劑及化學物，選用河源自家農場嘅走地新鮮土豬及重慶黑毛豬，食得安心又放心😘😘酸辣手工空心麵 $78川味臘腸，食落帶煙燻香，肥瘦適中，肉味濃郁，四川酸辣湯底，麵條用上陝北手工空心掛麵係《舌尖上的中國》介紹過的張爺爺廠房製作，選用俄羅斯麵粉，人手拉成空心狀，質感似天使麵，微微煙韌彈牙，配上香菜、蔥花、炸花生🥜食落好滋味😋😋瑤柱蛋白海皇炒飯 $88米係用上東北五常大米，濕潤飽滿，廚師妙工了得，炒飯粒粒分明又冇多餘油份又乾身，配合大大隻彈牙蝦仁🍤，瑤柱、蛋白、芥蘭粒，蟹子，一口一口食唔定🤤🤤白灼菜心 $68白灼茶心，顏色嫩綠，鮮甜嫩口，伴上蠔油醬又另一風味😋😋一花定真情 $118朋友一天前預訂嘅菜式，雖然好似簡簡單單，但好有心思，愛意無限🥰🥰除具觀賞價值外，味道一個字「鮮

响疫情之前曾經食過呢間，佢哋自家品牌嘅臘腸，真係一試難忘念念不忘🤗今日專登出佐敦買順便食餐好嘅🤪裝備佈置無乜改變只係為疫情多加間隔屏風，係屏風並唔係膠板👍🏽餐廳環境依舊雅緻！今日主要任務係買臘腸😛茅台酒味香醇芳郁肉香濃厚，誠意推介🙌🏼一場嚟到梗係食埋啦！涼拌青瓜拼木耳：入口味道「麻」「辣」層次分明，青瓜切段勁爽口，木耳柔韌適中帶爽！𡁻完吞咗都仲有after taste😋真係越食越想食！金銀絲拌銀針：新菜式仲要係店員用心推介，一於試吓...蛋香惹味！芽菜爽口！最簡單係最美味😋土雞板鴨煲仔飯：因為買咗臘腸🥶咁就試下第二味...土雞口感結實有咬口！板鴨肉質細嫩帶少許咸香！煲仔飯由生米煲成熟飯需時20分鐘，採用上東北大米口感少少偏硬令飯焦更脆🤩鍾意食飯焦嘅朋友呢間煲仔飯真係非點不可！

一向懶寫食評的我都忍唔住出手了！因為實在好食！煲仔飯固然好食，多料、飯的焦熟度拿捏得很好，飯底食到的是焦香味，而不是「囉」味。我跟老公較欣賞南安板鴨粥，需然用臘鴨煮，但不油膩，還有種咸香的「嘢」味。至於雜菜煲，我們都食出菜的鮮甜。