帝樂德國餐廳 (Fashion Walk)

营业中

休息中

平時搭巴士成日經過轉角位呢間餐廳，今日心血來潮去食，呢到係一間德國餐廳。入面個裝修真係好有德國既氣氛。頭盤我地簡左德國風乾肉拚芝士拼盤，份量好足! 除左風乾肉之外，仲有燒豬腩片同埋德國面包pretzel，好豐富。芝士就有2款，分別係藍芝士同埋金文畢芝士。金文畢芝士奶味濃厚，口感幼滑，仲有少少似平時食牛油個陣味! 藍芝士相對濃味，配上餅乾，咸香咁食幾正。紅椰菜沙律酸酸地，好開胃，中和左芝士既膩感。Pretzel可以配上入口順滑既牛仔肝醬，幾好食。除左regular既餐點，因為正值冬天，仲有特別推出左冬日餐點，我地都簡左入面既紅酒燴牛尾配珍珠洋蔥。一上台時都嚇親，因為份量因為好多! 牛尾肉質鮮嫩，吸曬紅酒既香氣，而且好多膠原蛋白，有D位置有啫喱既口感! 呢個餐點係配炸蕃薯條，蕃薯甘甜，外皮好酥脆，而內裡就鬆軟，就算凍左都好食。臨走時見到cashier有擺賣賀年糕點既單張，今期係同安記海味crossover賣鮑魚蘿蔔糕，睇落都好吸引，感覺送禮都幾唔錯!

❤️傳統瑞士芝士火鍋配德國金裝豬肉腸.西班牙肉丸.炸薯角.青蘋果.葡萄及麵包德國腸就食過，德國腸芝士火鍋就未食過。德國腸好大條好長！重要有咁多款配料😍！❤️紐倫堡豬肉腸配酸椰菜腸仔有薯蓉和酸椰菜在底。❤️羽衣甘蘭，柚子，芒果，藜麥沙律沙律有混入了洋蔥碎的羽衣甘藍碎、芒果、橙、蕃茄仔、西柚、柚子肉、蝦、藜麥，七彩繽紛🌈，配搭好match，好清新，完全係我要嘅嘢。食完個沙律好開胃，好想繼續食落去。專登挑選未熟透的芒果，唔會過腍同埋唔會好甜。好難形容，真係要你哋親身黎試。❤️嗌左杯野飲：Berry Party飲品有紅火龍果、桃🍑、青提、藍莓🫐、士多啤梨🍓店員話我知佢地同安記聯乘推出賀年糕點——好事成三鮑魚蘿蔔糕。有興趣可以訂。

原來銅鑼灣都有德國餐廳 ！唔洗去到赤柱咁遠！呢到除左豬手出名之外，晚餐都同樣好食😋同朋友都好enjoy!!❤️德國風乾肉和芝士拼盤 hkd 280呢個拼盤大約可以比兩至三個人食，真係好食又好適合打卡！除左有黑森林火腿之外，仲有芝士配埋德式麵包圈，味道同賣相都滿分💯好適合同朋友chill 住食同傾計❤️ 紅酒燴牛尾配珍珠洋蔥，番薯薯條，蒜芯，甘筍苗hkd 368食完個芝士拼盤已經好飽，不過都叫左個main 2個人一齊share，佢個牛尾係用燉嘅方式，所以肉質比較滑，但係記得要趁熱食！❤️ Mulled Wine hkd 58即係熱嘅香料紅酒，呢一款係一定要叫喎！佢每一杯都好抌本咁樣放玉桂條，賣相都好吸引，而且真係好啱冬天飲，飲完係暖笠笠！同朋友都勁鍾意！另外都試左Spice, 係用薑酒配金桔，但係熱紅酒實在太搶fo, 呢杯就算係比較清甜啲。如果想健康啲，唔想飲酒都可以試吓佢哋嘅jasmine’s garden,賣相好靚嘅花茶。另外，佢哋最近仲同好出名嘅安記海味合作出咗鮑魚蘿蔔糕，除咗個面有三隻鮑魚之外，裏面都有鮑魚粒，而且係冇防腐劑，真係好健康！而且而家買兩底仲有九折優惠添！嚟緊假期可以同朋友

又到brunch time 了! Weekend最鍾意食半自助午餐，慢慢食幾個鐘真係好享受😎今個周末就黎到Fashion walk 既帝樂德國餐廳！ 一個主菜既價錢，包埋自助沙律吧。 有沙律菜、cold cut、湯、凍海鮮（蝦、青口）、甜品。 熱盤有串燒、pizza，當然唔少得德國腸，最鍾意脆皮芝士腸，芝士好香！ 主菜點了2位享用既脆皮燒豬肘配酸椰菜及炸薯角每次來到都會點豬手，真心出色！ 大大隻豬手，店員先送上比我地影相打咭。 再幫我地切開，豬皮薄，脆卜卜好香口，脂肪唔太多，肉質嫩滑唔過火亦唔過咸。 酸椰菜酸度剛好，消滯解膩。炸薯角，炸得香脆可口，份量都好多！ 最後回到dessert corner🍮🍰除左鮮果、啫喱、朱古力蛋糕，最驚喜係Napoleon，酥皮做得非常酥脆，入口鬆化誘人。點埋杯熱咖啡☕️真係perfect match ! 臨近新年帝樂餐廳仲推出咗一系列嘅年糕：🥢櫻花蝦瑤柱蘿蔔糕🥢紅藜麥栗子紫薯糕🥢蘆薈楊枝甘露糕🥢鮮蔗汁桂花馬蹄糕仲有用安記鮑魚整既「好事成三鮑魚蘿蔔糕」。即日至25/1 ，購買2底仲有9折優惠🩷🩷

去銅鑼灣King parrot食飽先有力去維園行花市。選帝樂係因為佢有好多梳化位好好座。佢哋嘅午餐，：German signature set lunch for 2Crisp Roast Pork Knuckle with Sauerkraut and Fried Potatoes 脆皮燒豬肘配酸椰菜及炸薯角 $325個二人餐有兩個湯同沙律，食豬肘點可以冇啤酒，我哋餐飲升級咗做兩杯啤酒。餐湯係蘑菇湯，每個湯配咗一件包，麵包上面有啲南瓜溶喺面，蘑菇湯係絞碎咗嘅鮮菇，好Creamy好好味。個沙律有不同鮮果喺面同埋一啲沙律菜。兩杯啤酒好大杯，應該有500ml。隻豬手好大隻，兩個人食啱啱好，薯角數量都好多，仲有啲德式腌菜喺度，豬手熟到剛剛好，外脆內嫩，鹹淡調味適中，配埋啤酒一齊食就啱啱好。

👣值得科撈指數：🏃🏻‍♀️🏃🏻‍♀️🏃🏻🏃🏻 🏃🏻‍♀️帝樂德國餐廳位於銅鑼灣Fashion Walk，裝潢充滿歐陸風情，主打正宗德國美食，餐廳頗大，多人聚會有多個選擇。煙三文魚牛油果沙律大大份，蔬菜新鮮，醬汁配搭好，非常醒胃。 羅宋湯酸香中帶點甜，混合蔬菜同細細牛肉，味道唔會過分酸，岩晒香港人口味。湯的溫度控制剛好，飲起來特別舒服。 德國豬手餐廳的招牌菜，外皮烤得香脆金黃，肉質嫩滑不乾柴，豬手超大份，夠4-5 個人食…. 搭配酸椰菜同芥末醬同薯條，平衡左豬手既油膩感，值得一試！ #帝樂德國餐廳 #德國豬手 #羅宋湯 #香港美食 #銅鑼灣美食 #正宗德國菜 #FashionWalk #followmetasting

去銅鑼灣行街順路去德國餐廳食飯，響香港呢間都係數一數二出名食德國菜既餐廳，食物質素絕對有保證，環境舒適，座位非常闊落。職員都好熱心介紹餐廳招牌菜和季節限定 Winter Fest 的菜式，估吾到德國餐廳有芝士火鍋！⭐️德國風乾肉和芝士拼盤我地叫左個下酒菜，性價比超高，3個人食綽綽有餘。德國藍芝士同金文畢芝士更係我既摯愛，口感濃滑，中意食芝士的朋友必點！配合豐富多樣的拼盤小食同牛肝醬，再嘆返杯德國啤酒，大滿足！⭐️紅酒燴牛尾配珍珠洋蔥，番薯，甘荀苗Winter Fest的其中一款菜色，因為友人特別鍾意吃牛，燴牛尾好入味，紅酒香已滲入牛尾的骨髓中，加上牛尾有種其他部位沒有的骨膠原，亦比牛筋腩肉厚實，所以燴煮是需要時間的，它們就是燴得剛剛好，牛尾軟糯可口，配菜也很好吃。⭐️蕃薯條蕃薯條炸得金黃脆口，份量也十分充足，蕃薯條香甜脆口⭐️1664德國啤酒德國餐廳飲德國啤酒就是風味與感覺都很對，冰凍的啤酒最易入口，而且口感細滑，配上剛剛的前菜，黑森林火腿和燒豬腩片，感覺很爽！⭐️Spice 除左德國啤酒外，餐廳仲有不同特式飲料，如Jasmine garden 同mulled Wine ，我揀左呢杯Spice，

銅鑼灣是飲食集中地, 可以品味各國美食。這間餐廳位於京士頓街, 裝修優雅, 掛著德國風情嘅牆畫, 地方闊落, 用餐環境舒適。時近農曆新年, 餐廳也有作出賀年佈置。同時餐廳所屬集團也和海味公司合作, 推出數款精緻賀年糕點。講到德國代表食物, 當然是德國咸豬手啦, 午市有德國風味咸豬手餐, 有沙律、餐湯和餐飲。餐湯是磨菇湯, 稠厚幼滑, 味道清香, 餐包外脆內軟, 雞肉蔬菜沙律口感清新。咸豬手配薯條酸菜原隻咸豬手好大隻店員即席切件分拆, 豬手外皮香脆鬆化, 肉質鬆化嫩滑, 配以芥醬, 更加提升美味。加上特色酸菜, 可以清新解膩。薯條外脆內軟, 熱辣辣鹹香可口。餐飲是凍檸茶, 清新怡神。

呢間店係我同屋企人都幾鐘意嘅店，會成日去食，非常推薦佢嘅半自助午餐🤤🤤。起12/1嘅時候，因為屋企人同我都得閒，所以又去食佢嘅午餐。店舖起銅鑼灣比較僻靜嘅地方。環境明顯都係地道西餐廳設計，餐廳明顯分左2個區域，一邊客人餐桌，一邊拿食物地方。自助餐有分冷盤，熱食同甜品。冷盤包括2-3款德國特色沙律，西式燻肉，青口，蝦同翡翠螺。熱食有湯，德國腸，魚，自製面包，pizza，蛋餅等。甜品就通常有3-4種，當時食到有黑森林酸車厘子蛋糕，蛋白奶油蛋糕，拿破崙酥。食物種類會起客人食完一盤之後轉變。所以次次都都有唔同驚喜。當中，海鮮新鮮，沙律特色，尤其是熱食，明顯味道超級豐富，的確新鮮。尤其是pizza，餅底酸種面包，配上蕃茄醬同其實配料，超級好味。蛋餅都極之推薦，酥皮底，內餡係蛋煙肉，洋蔥等混合一齊，可以感受到佢香草，牛油，酥皮同食物混合嘅味道，超正。除此之外，半自助餐可以選唔同主食，包括意面，意飯，肉朳等。認真唔錯。但其實去淨食自助餐食物都已經非常飽足。總體而言非常推薦食佢午餐。👍👍👍

如果問我德國咸豬手邊間好食，我會諗起帝樂，呢間真係做得好出色，亦都開咗好耐，起碼都有十幾年！裏面裝修已經係好傳統嘅德國風格，亦都掛有不同的畫！星期一至星期五lunch set 12點去到3:30，有沙律、餐湯、主菜及飲品我哋揀咗呢個2人午餐是日餐湯： 香濃蘑菇忌廉湯配香軟麵包，烘過的麫包上面有啲芝士，點落啲湯度，麵包吸晒啲湯再食蘑菇味出晒嚟前菜： 烤雞肉凱撒沙律，個沙律好大碟，雞肉好嫩，又有生菜，車厘茄，芝士…好醒胃，呢個沙律有啲驚喜，初時以為嗰粒係花生嚟，但係食落去類似啲炸麵包粒，口感幾特別主食： 脆皮燒豬肘配酸椰菜及炸薯角，隻豬肘好大隻，外皮燒到脆卜卜，上枱嘅時候，店員會幫我哋切開。肉質都幾嫩，唔會好鹹，記得點芥辣食，好惹味。薯角亦炸得好香脆。酸椰菜酸酸，可解豬肘嘅肥膩感。飲品：凍咖啡，飯後嘅醒神良伴。           另外再點Peach Punch (非跟餐) , 呢杯飲品顏色好靚，仲有塊菠蘿可以打卡😍飲落去幾清新，係一杯橙汁再加桃味嘅薑味汽水仲有見到Menu隔離有放埋可以預訂安記鮑魚蘿蔔糕的單張，買來過年送禮自用一流👍🏻除咗蘿蔔糕，仲有幾特別的蔗汁桂花馬蹄糕，健康的紅藜麥栗

🍖脆皮燒豬肘配酸椰菜+炸薯角（2位用）｜💰$488冇諗過德國菜都有半自助Brunch～1個價錢包自助區+主菜，任揀凍肉盤、熱盤、海鮮、湯、沙律、薄餅同甜品，超抵！特色德國豬手超大隻可兩份share，外皮卜卜脆、肉質嫩滑、調味剛好，配埋酸椰菜好出色，小女子超級無敵鍾意個薯角！超大條，真正做到外皮薄脆、肉裹軟糯，簡直係人間極品！唔點茄汁都好好食(˶‾᷄ ⁻̫ ‾᷅˵)冷盤海鮮類有青口、海螺、蝦，全部都好新鮮，海螺特別大隻鮮甜，最推薦～仲有各款自助沙律，可配黑醋或橄欖油，想食健康啲又得熱盤有幾款炸物、pizza、湯，全部都keep住溫熱，炸雞特別好食，醃得入味炸得都脆+肉juicy，試咗粟米湯口感好creamy，大愛配埋黑糖麵包食～甜品有幾款蛋糕選擇，黑森林蛋糕係signature，甜度恰到好處，用佢作為成餐飯嘅完結真係好滿足，另外仲有好幾款特別嘅甜品款式，好有誠意～另外仲見到佢哋同安記合作推出🧧賀年糕點，有款係超奢華🍊鮑魚蘿蔔糕！勁啱用嚟送俾長輩🤩小女子就想試🍊蘆薈楊枝甘露糕～決定下次嚟入手番幾個🤣

德國之旅三周年，決定食返餐德國嘢慶祝。餐廳裝修有feel, 似傳統德國餐廳，布sofa、木枱木櫈、掛畫。Server好好，天寒地凍，一入嚟即刻有杯暖水。 ✦ 羽衣甘蘭柚子芒果藜麥沙律賣相精緻、顏色豐富。大蝦鮮甜、芒果同柚子、藜麥有咬口。羽衣甘蘭切碎、冇平時強烈嘅草青味。美味開胃。 ✦ 薯仔雞肉湯熱辣辣。質地薄身，但味道香濃，啖啖都飲得到雞肉同薯仔嘅香氣。 ✦ 脆皮燒豬肘Server先原隻上俾我哋影相，再拎去起骨切成細份，方便享用。豬手份量充足，外脆內嫩。皮薄、燒得好crispy。肉厚，啖啖juicy。配菜都好用心，有酸椰菜及脆薯角。 ✦ mulled wine/ spiceMulled wine味道傳統，好香肉桂味，相對酒精味較濃。個人推薦Spice, 少辣嘅ginger wine 配搭好香甜嘅honey, 好暖胃。餐廳仲有賀年糕點賣，試完咁好食嘅菜式，積極考慮試試佢。

終於凍凍哋有點寒意❄️我哋去咗食芝士火鍋🫕帝樂德國餐廳，裝修好有地道德國餐廳嘅風格，用了木製家具及牆壁裝飾💂🏻‍♀️🫎呢度唔只有德國菜，見到有瑞士芝士火鍋🫕傳統瑞士芝士火鍋 $388配德國金裝豬肉腸、西班牙肉丸、炸薯角、青蘋果，葡萄及麵包瑞士芝士火鍋濃郁而香滑，當麵包粒蘸入熱騰騰嘅芝士中，完全索晒芝士🧀嘅味道，每一口都充滿了幸福感。其它配料同樣令人驚喜，德國金裝豬肉腸好彈牙且香口，搭配上火鍋嘅芝士，口感更為豐富。西班牙肉丸啖啖肉，加上芝士，令味道提升。而炸薯角嘅香脆，則為整體嘅用餐體驗增添了一份滿足感。另外，青蘋果同提子嘅搭配令整個火鍋更顯清新，酸甜嘅口感喺濃郁嘅芝士中形成了完美嘅平衡，讓人不覺得油膩。🍝 意大利寬條麵配紅酒燴牛面脥 $180紅酒燴牛面脥炆得好淋，意大利寬條麵沾滿蕃茄醬同香料，味道不錯飲品方面，點咗冬季特飲：🍷Mulled Wine $58紅酒加上Gin酒及其它香料、果皮等嘅熱飲加熱咗嘅紅酒，香味散發晒出嚟份外誘人，風味獨特🍸 Spice $58薑酒，加上薑、茉莉花茶及蜜糖飲落好舒服，飲完暖笠笠總括嚟講，環境氣氛，再加上味覺同視覺上嘅享受，係一個很好嘅體驗，如果你都想喺冬天

.‼️❤️ 記得CLICK我PROFILE關注我呀 ❤️‼️.🌞 德國菜嘅半自助BRUNCH @ 🌟 帝樂 - 德國餐廳 🌟.💁‍♀️ 圖片展示美食：扒美國安格斯肉眼牛扒 HKD 268扒大蝦挪威三文魚柳 HKD 260鮮奶咖啡 + HKD 10朱古力咖啡 + HKD 10.👀 德國菜竟然有半自助BRUNCH食，一個價錢包曬自助區同主菜。任揀凍肉盤、熱盤、海鮮、湯、沙律、薄餅同甜品！.🥘 今次揀左「扒美國安格斯肉眼牛扒」同「扒大蝦挪威三文魚柳」。牛扒足足八安士，配炸薯角真係非常肥美。而大蝦同三文魚則配番茜新薯，再以蒜蓉牛油汁調味，好健康又好味，好豐富！.🍹 加配咖啡，夠濃郁，悠閒地享受週末。.😋 食德國嘢一定會黎呢度，德國風情嘅裝修擺設，仲要每逢週末都有半自助餐供應，絕對值得試下！.📍 銅鑼灣京士頓街8號Fashion Walk新豪大廈地下A及C號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.

紅酒燴牛尾配珍珠洋蔥、蕃薯條、蒜芯、甘荀苗一食就感覺到，牛尾經過長時間既燉煮，肉質軟嫩超入味，一啲都痴骨，入口即溶，紅酒香氣濃郁又不唔會太搶口，加埋配菜與蕃薯條既酥脆，層次感大增。紐倫堡豬肉腸配酸椰菜外皮夠薄，肉質夠鮮嫩，搭配酸椰菜既酸味，又開胃又平衡左豬肉既油膩感。德式麵麭圈牛仔肝醬醬汁濃郁與麵麭的彈性相得益彰，麵麭仲熱，係新鮮焗出黎。飲品 Spice: stone ginger wine, fresh calamamsi, fresh ginger, jasmine tea, honey生薑酒既辛辣與新鮮檸檬香氣撲鼻，搭配茉莉花茶清香同蜂蜜甜味，清新的口感又暖胃，好適合冬天飲。自家製既各式年糕仲有早鳥八折優惠