帕維亞意大利餐廳

营业中

休息中

閒著食西餐一個人閒著就去了食西餐，要了卡邦尼意粉$128 個白汁好多又重奶味，令到意粉食入口好滑，加埋煙肉鹹鹹調味。覺得野食都做得幾精緻，而價錢都是合理的。另外加了mocha飲品，數十元杯，可以餐後慢慢享受。散點食物味道真的不錯，小店亦不會很嘈吵，在九龍城區來說是難得的。

書童@帕維亞意大利餐廳地址: 九龍城 打鼓嶺道85號地下印象中九龍城以中泰菜為主，見到有意大利菜完全是喜出望外。做完伴讀書童要食餐好的，吃貴一點獎勵自己的耐性。$328 有湯或appetizer,主菜同甜品水牛芝士配蕃茄是意大利菜中的常見菜式，清新柔錦的芝士，灑上黑椒強化味道。香煎澳洲盲曹魚，肉怕吃太多難消化，魚肉是項聰明選擇。魚扒經香煎，肉仍是嫩嫩，薯蓉打得香滑。是日甜品apple crumble，cream butler and tiramisu中要了tiramisu。海綿蛋糕滲了甜咖啡，食完來一份甚是幸福。

老婆大人話要去九龍城，話要去撞下發哥，拳佬同牙佬？行左半日乜佬都無，花曼都唔比個我老婆book左間食西餐的，一入到去就有熟識的歌，Time to say goodbye！我同老婆係dubai聽過的！我地叫左個3 courses餐，前菜同湯入面是但揀一個，為食既我地揀左前菜。前菜係牛肝菌雲吞配黑松露忌廉汁，有兩隻，雲吞唔算大隻，但齊料，食到蝦，黑松露同忌廉汁個味道參半，大家都唔會蓋過大家，味道香濃，作為前菜，份量算剛好，如果多兩隻便太飽了。主菜我地選了香煎澳洲盲曹魚這塊魚都不是省油的燈！盲曹魚好嫩滑，感覺似十足酒樓蒸魚咁，好滑，魚肉分明，一絲絲分開的，又無骨，好正！伴碟仲有薯蓉同雜菜，薯蓉內有少許薯仔粒，有咬口，賣點係夠甜！即叫即整，新鮮出爐，有水準！埋單時岩岩遇上警察叔叔，要快手走人！

九龍城出名美食多，有很多不同的餐廳可選，今天即興隨意去一間未食過的餐廳。選擇困難症發作，看著餐牌不知如何選擇，侍應主動過來介紹，指他們的煮青口用的是活青口，就信侍應推介吧，希望沒有中伏，另再點了一份清炒大蝦墨魚麵。青口上菜時份量之多真的意想不到，見到已經急不及待想食。青口肉質飽滿、味道非常鮮甜，跟冰鮮的完全不同級數。只是用了少許白酒加鹽調味，印證了只要有好食材，簡單的煮法都已能做出佳餚。大蝦炒墨魚麵用了蒜蓉加辣椒炒墨魚麵，同樣是簡單的烹調，大蝦肉質彈牙，非常香口。一向都覺得越簡單的煮法越考驗廚師技術，這裡做得出色。感受到餐廳對食物質素要求高，價格亦合理，CP 值比許多西餐廳高。

每次平日來到九龍城覓食，都離不開泰菜，越菜，今次星期六過來，有的是時間，決定慢慢閒晃一下，看看有沒有新餐廳，新驚喜！一路行，一路行，走到九龍城「食街」的街尾，便看見了這間和九龍城有點格格不入的餐廳，只看餐廳的門面，會以為自己去了西貢，或者赤柱，一試比較遠離塵囂既地方，再望店員拿了餐牌一看，價錢公道，好，決定試一試吧！走進餐廳，感覺真的和九龍城的餐廳分別很大，店裡裝潢很意大利，一看便知道是意大利餐廳的感覺，有一點簡約，而店員也會很細心的為你推介食物，協助你選擇最佳的配搭，這正是小店的優點。再看一下餐牌，有套餐的選擇，3個course $328，4個course$378，主要既分別在於選擇餐湯+Appetizer，或者選擇其中一款，而主菜則有3款揀，分別係燒羊架，香煎盲曹魚，和大蝦墨魚麵。雖然晚餐都幾吸引，但係因為我地不是很肚餓的緣故，最後都係選擇佐A la carte牆上都係一D A la carte既廚師推介，方便有選擇困難性既顧客去揀選食物。餐桌上既擺設也是走平實風，但卻帶一點特別的，雞蛋形的salt & pepper 樽幾可亂真！Iced Mocha ($32) 9/10首先來到的

星期六，市區周圍都係人，由於唔想同人係市區逼，又唔想係市區餐廳俾人限時限刻食完就要即刻埋單走，所以就黎左九龍城搵食啦上OP search有咩好食，多數黎九龍城都係食泰國越南野，所以今次想搵d特別o既餐廳餐廳小小，但氣氛不錯有set dinner，亦都有a la carte，價錢中等先來一份蒜蓉包，夠熱夠脆無投訴，不過我地今晚散叫無叫湯伴食Buffalo Mozzarella Cheese Salad ($128)Mozzarella Cheese向來味道偏淡，但就會滲出淡淡芝士味，配上最佳拍檔蕃茄同沙律菜，最緊要就係材料就新鮮，整件事情十分配合Smoked Salmon Spinach Tagliatelle ($138)煙三文魚鹹左少少，份量好多，隻碟係勁深，忌廉汁好香好CREAMY，菠菜意粉軟硬度煮得剛好，我地食完呢碟未食RISOTTO其實已經飽左大半Seafood Risotto ($178)其實我地今晚真係笨左，叫兩樣主食都係CREAMY類，搞到自己食到好漏，講番個味道先~呢個意大利飯真係夠晒多海鮮，有大蝦、青口、帶子、魷魚，樣樣新鮮大件，意大利飯要做到口感岩岩好都考功夫架，有

一個人走到九龍城幫朋友買蛋糕，見到有間西餐廳幾吸引，門口帶點浪漫神秘，就入去試一試。三文魚菠菜意大利麵。闊麵條掛上濃濃醬汁，忌廉汁濃香不單調，味道咸香滋味。三文魚份量多，入口咸鮮，煙燻味不重不會太咸。餐廳另有多種菜式，如：薄餅、意大利飯、排類，選擇多樣化。

落地玻璃設計，十分高雅cozy!大蝦意大利飯非常好食，兩個人食岩岩好一人一隻大蝦！雖然應該都係雪蝦，但蝦有蝦味，啖啖肉！肉質夠爽，口感唔會霉爛，算新鮮！大蝦開邊去左蝦腸，兼剝埋蝦殼，非常乾淨！岩哂愛吃又怕麻煩既為食貓，抵讚！Mocha 味道香濃，口感軟滑，唔會好苦!飲完精神為之一振！

九龍城出名多泰國菜食，估唔到都有好味既西餐廳！今夜考完試，近近地落左九龍城搵飯食，同honey見到宜間西餐廳價錢唔貴，環境又幾浪漫relax就決定入去吃一次！先上檯既煙肉芝士蛋濶條麵好香，芝士味雖然唔係好濃，但勝左夠香，同蛋既味道十分配合，口感creamy!而且淡淡既芝士味，仲唔會令人食得咁飽膩，十分喜歡！每條闊條麵有差不多有2cm闊，好有嚼口！每條麵條麵均勻沾上醬汁，加上芝士絲黏著，非常滋味！辣雞肉pizza岩哂中意辣又中意酸既我！Pizza係薄底pizza，非常香脆，雞肉帶有辣味，配上微酸既車里茄同酸瓜，為味覺帶來滿滿既刺激感，超喜歡！宜間餐廳味道夠環境都屬中上，平均都係百幾蚊一個人，覺得非常抵食，食完考試既煩惱都諸腦後了！

今日黎同朋友傾下偈,因為同事住係九龍城，所以係openrice搵左呢間睇落格局唔錯嘅餐廳，於是就去左試下白酒煮新鮮鈕西蘭青口（$168）餐廳僅用白，鹽等等去煮呢個鈕西蘭青口，餐廳用嘅活青口，粒粒都好飽滿，新鮮嘅海鮮果然係只需簡單調味已經令人一試難忘燒西班牙黑毛豬（$298）餐廳使用嘅黑毛豬同平時接觸到嘅黑毛豬係好唔一樣嘅，餐廳會將黑毛豬燒成大約7至8成熟，唔好以為口感好差，黑毛豬口感好厚實，燒得岩岩好，肉質依然保持細嫩，另外餐廳為客人提供左自家製嘅醬汁，醬汁味道酸酸甜甜，令黑毛豬或者拌菜嘅薯蓉入口味道更多樣化。風乾48個月西班牙黑毛豬火腿沙律（$168）餐廳用嘅係48個月風乾西班牙黑毛豬火腿，入口夠咸香味超級足，而且肯定係食像果嘅黑毛豬，果陣陣入口獨特嘅味道令人讚不絕口，配上帶甜味嘅蜜瓜，絕對係傾偈嘅必點小食兩個人放假黎餐廳食下輕食輕鬆下都真係幾舒服架，而且份量足又唔太貴，下次再黎九龍城又可以多個地方揀。。。

今日幫朋友慶祝生日,因為同事係九龍城放工係openrice搵左間個朋友鐘意食嘅意大利菜，於是就去左試下。一入去覺得環境氣氛都好好，環境寧靜好合適兩個人慢慢靜靜地享受呢次異國風情黑松露菌忌廉汁意大利帶子牛肝菌雲吞（$168）香濃嘅黑松露忌廉汁未上枱就已經領教到佢嘅威力，陣陣嘅香味令人真係流晒口水，餐廳用矜貴嘅粒粒帶子伴有黑松露包成雲吞，入口啖啖都係矜貴嘅體驗，香濃嘅汁配上呢種富貴雲吞令人一試難忘燒西班牙黑毛豬（$298）餐廳嘅黑毛豬係用外國進口的，呢種黑毛豬可以唔全熟都可以食用，餐廳會將黑毛豬燒成大約7成熟，入口肉味香濃，但又唔會好粗糙，另外餐廳配上自家製嘅醬汁，更令黑毛豬入口味道更有層次。清炒大蝦墨魚麵（$208）餐廳用嘅蝦係海蝦，入口夠彈牙，而且仲要有膏架。跟住經炒製嘅墨魚麵夠乾身，入口粗硬度適中，唔會軟淋淋而且份量十足，絕對比一般食到都唔一樣架兩個人黎餐廳享受下放工嘅輕鬆都真係幾好架，而且又唔會貴，下次黎九龍城除左泰菜之外，我地又多左選擇喇。。。

我鐘意去九龍城覓食，因為唔會太多人，又有好多值得支持嘅小店，今次就發現咗間過咗幾條街嘅高級意大利餐廳。其實呢間餐廳都開咗幾年，不過因為位置唔係九龍城主打嗰幾條街，所以比較少會過去！之前都有經過幾次，不過都冇入去，今次專誠過來！今日嚟係食lunch，Lunch set 以扒類為主，意粉有一款選擇！一落完order好快就送來了烤得香脆嘅蒜蓉包，顏色金黃！煙鴨胸脂肪肥美鮮嫩，廚師還把鴨胸輕輕烤了一下，令鴨胸更加惹味但不會過鹹！再配合蜜桃清甜味道，沙律油係自家製嘅，同個沙律好配合！加了沙律油嘅沙律，沙律菜絕對新鮮！這份是今日廚師推介嘅黑毛豬扒！這份黑毛豬肉質好柔軟，肉味濃郁而且肉汁又多，仲有陣陣橡果的Nutty味。全因黑毛豬係以橡果作飼料，所以脂肪特別甘香，帶有橡果的Nutty味！而且廚師把黑毛豬烤得帶有點炭燒香味，同時保持肉汁豐盈。旁邊嘅係廚師自家調製黑醋，甜味較為突出，酸味較還帶點果香甜味！Lunch Set可以加甜品，由$22-28不等，而呢個chocolate pudding 都只係$28，點可以唔試呀！chocolate pudding是否流心極其重要，輕輕切了一下朱古力漿已經開始流

同老公食生日飯入到餐廳感覺環境浪漫，店員服務友善，食物質素滿意，羊扒一啲都唔蘇，牛扒質素普通，意大利雲呑特別出色，再加甜品心太軟，老公事先已叫店員寫上祝福字句，店員更於心太軟旁加生果點上蠟蠋，感覺驚喜！生日飯消費約$1300

同事生日午餐環境：挺浪漫，略嫌有點太暗（本人怕很暗的餐廳）服務：我們事先請餐廳職員在甜品上寫生日同事名字，他們很樂意幫忙，也寫得很漂亮食物：煙鴨胸沙拉：很好吃，沒有醬料但搭配煙鴨胸和桃都已經很好吃Roast Lamb Rack with Thick Fries：羊5成熟，不會太"so"，10分甜品點了心太軟，我沒吃，可是同事吃得很滋味。

1年前同朋友食過一次, 佢個黑毛豬無論口感定味道都認真一流, 個sauce even better!上年年中帶另一個朋友食多一次, 唔知係換左個廚定換左供應商, 個sauce無變, 但黑毛豬完全唔得! "鞋"恰恰咁...朋友都好失望....上個禮拜再試多次, 睇下會唔會有返以前既水準, 點知更加失望... 塊黑毛豬兩邊都好"un", "鞋"恰恰咁, 但中間仲係場粉紅色, 未煮熟...真係失望到不得了。 講真加埋一, 塊扒成$400+, 真係唔應該係呢個水準, 間餐廳越做越差....真係好難再會有下次