影片
更多
2016-11-16
481 浏览
每次平日來到九龍城覓食，都離不開泰菜，越菜，今次星期六過來，有的是時間，決定慢慢閒晃一下，看看有沒有新餐廳，新驚喜！一路行，一路行，走到九龍城「食街」的街尾，便看見了這間和九龍城有點格格不入的餐廳，只看餐廳的門面，會以為自己去了西貢，或者赤柱，一試比較遠離塵囂既地方，再望店員拿了餐牌一看，價錢公道，好，決定試一試吧！走進餐廳，感覺真的和九龍城的餐廳分別很大，店裡裝潢很意大利，一看便知道是意大利餐廳的感覺，有一點簡約，而店員也會很細心的為你推介食物，協助你選擇最佳的配搭，這正是小店的優點。再看一下餐牌，有套餐的選擇，3個course $328，4個course$378，主要既分別在於選擇餐湯+Appetizer，或者選擇其中一款，而主菜則有3款揀，分別係燒羊架，香煎盲曹魚，和大蝦墨魚麵。雖然晚餐都幾吸引，但係因為我地不是很肚餓的緣故，最後都係選擇佐A la carte牆上都係一D A la carte既廚師推介，方便有選擇困難性既顧客去揀選食物。餐桌上既擺設也是走平實風，但卻帶一點特別的，雞蛋形的salt & pepper 樽幾可亂真！Iced Mocha ($32) 9/10首先來到的
一路行，一路行，走到九龍城「食街」的街尾，便看見了這間和九龍城有點格格不入的餐廳，只看餐廳的門面，會以為自己去了西貢，或者赤柱，一試比較遠離塵囂既地方，再望店員拿了餐牌一看，價錢公道，好，決定試一試吧！
走進餐廳，感覺真的和九龍城的餐廳分別很大，店裡裝潢很意大利，一看便知道是意大利餐廳的感覺，有一點簡約，而店員也會很細心的為你推介食物，協助你選擇最佳的配搭，這正是小店的優點。
再看一下餐牌，有套餐的選擇，3個course $328，4個course$378，主要既分別在於選擇餐湯+Appetizer，或者選擇其中一款，而主菜則有3款揀，分別係燒羊架，香煎盲曹魚，和大蝦墨魚麵。雖然晚餐都幾吸引，但係因為我地不是很肚餓的緣故，最後都係選擇佐A la carte
牆上都係一D A la carte既廚師推介，方便有選擇困難性既顧客去揀選食物。
餐桌上既擺設也是走平實風，但卻帶一點特別的，雞蛋形的salt & pepper 樽幾可亂真！
Iced Mocha ($32) 9/10首先來到的是iced mocha，大大杯，朱古力味幼滑香濃，但又不會完全蓋過苦澀的咖啡香味，平衡做得很好，冰亦唔會落得太多，所以絕對可以慢慢飲而不會變得太淡。
雖然今次我地沒有order餐湯，但係店員都為我們呈上了餐包，感覺很窩心呢！餐包係蒜蓉多士，很夠熱，蒜蓉味很濃，好好味
Buffalo Mozzarella Cheese ($128) 9/10Appetizer我地今次再揀佐水牛芝士蕃茄沙律，非常大碟，而且賣相吸引，絕對和高級酒店餐廳沒有分別，水牛芝士半溶的狀態配上新鮮蕃茄可說是perfect match，而座底的沙律菜也是非常新鮮鮮甜，未知是否有機的蔬菜呢。
Smoked Salmon Tagliatelle ($138) 9/10main course既第一款我地揀佐煙三文魚扁寬麵，白汁煮得好香濃，好rich，而麵條既熟度我覺得煮得岩岩好，唔會煮得太淋，食落有少少彈口感，而煙三文魚就有4-5塊，再加一塊沙律菜作伴碟之用。
由於醬汁非常足料，煮得有少少杰身，食完成碟，基本上我地2個都已經飽佐7-8成啦。
Seafood Risotto ($178) 8/10
食完個意粉，打算叫多個Risotto，很直接地，我地就揀佐最typical既Seafood Risotto啦，但係後來我地發覺呢個唔係一個好既選擇...講既唔係個Risotto做得唔好食，而係原來自己你個main course都點佐同一種醬汁
不過都唔緊要，個意大利飯係好食既，飯既軟硬度剛剛好，有少少黏口，而海鮮配料極多，而且新鮮，係難得地食Risotto也可以食到飽肚既惑覺。
蝦既新鮮，晶瑩剔透，爽口彈牙，配上白汁，好正！
埋單只需$476，非常抵食，好奇問一問店員有冇午餐餐牌，原來同樣地抵食，一個lunch set 只需大約$100，這個環境，這個質素，真係性價比極高，黎東九龍午飯又多一個好選擇！
张贴
