帕維亞意大利餐廳

营业中

休息中

受友人邀請，到九龍城尋寶搵食，見到有意大利菜，唔洗點等位，就膽粗粗試下。Pavia位置算方便，附近有巴士、小巴站。店舖有兩層，裝修簡約時尚丶舒適。餐牌嘅選擇唔少，試咗黑毛豬火腿沙律、黑松露菌意大利雲吞(極力推薦)、白酒煮青口、雜肉薄餅、意大利芝士餅。沙律青新開胃，配上店家特製黑醋，一流。雲吞皮夠薄，加上超香嘅黑松露汁，真係無得頂，用餐包點個汁食同樣滋味無窮。青口大細平均有酒香，酒味唔會好濃。薄餅餅底夠薄，脆口得黎加上滿滿嘅芝士，一口落去好滿足。芝士餅香滑creamy, 仲有香濃嘅咖啡味。服務一流，待應又NICE，值得下次再黎。

有一日，去到九龍城辦年貨，行到晚上準備食晚飯，本來想食泰國菜，但女友人覺得熱氣 ，怕生暗瘡，在飢餓邊緣發左一間西餐廳，抱住試一試既心態，真的出品唔錯有酒店水準，但平民價錢，味道卓越，回味無窮

呢次係我第二次寫食評.雖然我唔係經常寫食評既人,但食到好野,一定要開心share下... 九龍城,一般人第一時間想到九龍城寨或泰國菜,而今次有幸朋友邀請食飯,試到呢間餐廳,轉下口味,試下意大利菜.整體而言,呢度既意大利菜味道超,價格都算合理(好味道既野係貴dd...) 地理位置方面:呢間餐廳個位置有d 偏僻,位於內街.一般人如果唔係刻意去搵呢間餐廳既話,應該會唔多為意....個度我冇記錯既話,個條街好似有車位(咪表),如果有車既人去到,都好方便. 餐廳環境和氣氛:餐廳內長期都會播住d 外國人唱既歌(本人唔知係唔係意大利文),音量適中,唔會影響到跟其他人傾計.而且,我覺得個度都好寬落下,好多人一齊坐,都唔覺得迫,適合朋友聚餐. 食物質素:高...我今次聚餐中試左好多款菜,例如:白酒煮青口,精選pizza,雲吞等....(詳情見圖) 當中我最欣賞既係 呢間餐廳既黑松露菌汁,味道係超級超級正,唔可以用言語去表達,而且我覺得呢個汁係百搭既,配咩都好食. 呢個汁超濃'菇味', 入口之後,個種香味係味蕾度擴散,超級推介. 講講其他方面,呢間餐廳選用既食材

之前朋友介紹九龍城有間意大利餐廳d嘢食幾好味， 於是今日同frds一齊去試下。感覺的確幾唔錯，值得俾like。環境：餐廳以紅色為主格調，感覺幾舒服。內裡的裝飾畫同燈光都俾人幾warm嘅感覺。周圍幾乾淨，可以放心食嘢。服務：服務都幾周到，waiter幾nice， 上菜速度OK。食物：出去食嘢梗係希望可以吃好西。雖然我對意大利菜冇咩研究，唔知道係唔係正宗，但最緊要好味。我哋total都點咗7,8 個菜式，有意大利飯，薄餅，意粉，黑毛豬火腿沙律， 燒春雞，心太軟配雪糕，味道到幾唔錯。特別推薦燒西班牙紅毛豬骨，燒得啱啱好，好入味，幾細嫩。黑毛豬火腿沙律都幾特別，據說係用風乾48個月嘅西班牙黑毛豬火腿做沙律，味道好特別。最後來個朱古力心太軟配紐西蘭雪糕，好滿足。總體來講，味道唔錯， 價錢合理，無論一家大小來，同frds來食嘢吹水， 呢度都係唔錯嘅選擇。

原在九龍城也可以找到一間很有情調的餐廳，今天路過此地，一於就同老婆仔去試一下吧。單單地看了一下menu 非常的吸引，很多菜式都很有興趣。先來的是烤焗蒜蓉包，非常的熱手，新鮮出爐，麵包味很香，單單聞一下就令人肚餓了。蒜蓉醬看似原多，但吃下去後卻是意想不到的濃味。非常開胃。再來的是菠菜三文魚意粉。忌廉汁很香濃，加上大量的煙三文魚，咸香味十足，加上了軟綿綿的菠菜中和了其咸香，非常惹味。接著的是燒西班牙黑毛豬，用上了靚靚的豬肉，因為不一定要全熟。豬肉味香濃，油多肥美，非常的特別。平時很多時都只會嚐到牛肉味的香濃，想不到豬肉也可以有如此的味道。炸薯條炸至微焦，很脆口，帶點點的咸香。

這日則是約了朋友來到靠近遊樂場的意大利小廚食晚餐，小店的位置不算難尋，但不得不提地理位置屬於整個九龍城較外圍圈的地方，透明門面讓外邊的人可以一下子望到店內的一起，感覺這一道幾近透明的玻璃將懷舊港味濃郁又帶著一絲泰式異域風情的九龍城與店內的歐洲浪漫完全隔開，讓人一下子有時空錯亂的感覺，好似這道玻璃就是一面穿梭門，讓人步入的瞬間就置身于另一個空間。推門入內，整齊的白色餐桌椅，每一張餐桌都是細細長長兼小小尺寸，白色高背餐椅比較少見，直線條乾淨利索呼應整間餐廳較規整的空間形態；桌與桌之間的距離相當逼，緊靠玻璃門的櫥窗位置也放置一張餐桌，與入門靠牆未知的餐桌，成為餐廳中“最不規整”的兄弟，店家真是煞費苦心來盡可能多的設置就餐位了；整面的墻都刷成橙紅色，相當鮮豔的顏色，仿古金色吊燈卻能夠讓整個空間透出一股低調的熱情，即使牆體彤彤紅，都不覺俗氣，給人以暖意與溫馨。

去到9龍城真係10次有11次都係食泰國野或者打邊爐 但今次錯有錯著 揾緊車位既時候發現呢間意大利菜 門口不太起眼 但就好多食客 由於我地都未唸到食邊間 咁就一於試試呢度。入到去店鋪乾淨企理 店員面帶笑容 幾有親切感。由於我地完全未有idea想食乜 揭開餐牌又樣樣都吸引 總廚就出黎向我地推介幾款菜～我地都覺得唔錯咁就聽話order!店員送上兩款餐包 由於掛住傾計仲未開動 過左陣頭盤黑松露忌廉汁意大利帶子牛肝菌雲呑就上菜了！總廚教我地雲吞汁搽面包 果然好好食 好食過搽牛油 個包食完仲想食！再講講個雲吞 1定要趁熱食～雲吞皮算幾薄 連汁食黑松露味道好香好滑 加上豐富餡料 1粒粒帶子同牛肝菌 口感人豐富！極之好味～然後就到白酒煮新鮮紐西蘭大蜆 大蜆肉粒粒大如青口 咬落蜆肉去非常飽滿爽口 加上白酒味道令蜆味更鮮甜 味覺昇華！主菜香草燴羊膝闊條麵份量不少！羊肉不會很羶 肉質鮮嫩軟腍 口感不像冰鮮雪藏貨 百多元吃到這個菜真是驚喜！最後由于意猶未盡再Order了甜品 心太軟加上愛爾蘭雪糕實在少有 竟然有2球雪糕 看著都好開心 雪糕奶味香濃 加上合桃 口感十足～心太軟用上68%朱古力 甜度適中 口我胃口

揸車黎到九龍城揾食，發現左間唔太起眼既意大利菜，見都幾多人食，我同友人都膽粗粗入去試下！一坐底服務員就會送上兩款餐包加牛油，頭盤叫左個黑松露忌廉汁意大利帶子牛肝菌雲呑、廚師介紹的白酒煮大蜆、蒜蓉忌廉波菜同叫左一份主菜香草燴羊膝闊條麵。開頭諗住佢同其他意大利雲吞一樣，面皮厚加實心餡，點知一咬落去就有驚喜，雲吞皮厚薄適中，加上豐富餡料，入面真係有一粒粒帶子，非常有口感！記得食完雲呑至食包，因為用雲吞啲黑松露忌廉汁點包食真係冇得輸，好食到不得了！ 之後到白酒煮大蜆，隻隻都匙羹咁大隻十分飽滿，大蜆完全吸收曬白酒的酒香而不失本身的鮮味，如果鐘意飲酒，不妨飲埋個蜆湯。蒜蓉忌廉波菜十分細緻，層次分明香滑，唔會太多忌廉，一啲都唔會有溜的感覺，加上小小蒜蓉，香口非常。最後上羊膝闊條麵分量十足，羊膝非常鬆軟，香草味濃但依然保留羊的羶味，鐘意食羊的朋友一定要試。甜品亦都非常出色，心太軟加上愛爾蘭雪糕實在少有，心太軟甜度適中，愛爾蘭雪糕奶味十足，加上合桃香滑得黎有咬口！平凡的芝士蛋糕層次分明，咖啡酒份量恰到好處。坐底時服務員為你準備的那一杯水，可以飲到最後，因為所有餸菜不含味精非常難得👍👍👍。餐廳氣氛非常好坐

數數手指今次己經係第三次黎呢間餐廳晚飯喇!每次依然有驚喜! 除左餐牌上面既食物,記住望埋牆上面既黑板,會有D MENU上無既菜式食主菜之前先食左個好美味既餐包好欣賞佢個大大牛油,配合芝麻包一齊食超正個蒜蓉包個蒜香味都吾錯,鍾意食蒜蓉味既朋友一定岩心水今次揀左香煎北海道帶子配牛油檸檬汁,本身我都好愛食帶子,貪佢啖啖肉等左大概10-15分鐘有得食喇!我特別欣賞佢即叫即煮既STYLE 所有菜式保證新鮮帶子超高質,粒粒好大粒帶子外層較熟,中間位則6成熟到,食落口感一流!咬落去軟冧冧,帶住香濃牛油味,淡淡既檸檬汁更能提升帶子既鮮甜,愈食愈開胃朋友叫左隻蠔食,用左芝士焗當然無得輸喇我就食左佢個伴碟薯蓉 吾太多牛油味但勝在幾滑主菜我揀白汁闊條面, 面類都好出色,相比平時既白汁更香濃忌廉味仲要闊條面既份量都吾少,加上白汁比較飽胃,食左半碟都開始飽飽下次都係一碟同朋友share食較好

朋友約我九龍城晚飯補祝生日 仲話一定岩我食我心諗一定食泰國菜喇 扮咩神秘😏點知佢訂左意大利餐廳😯一推門已經感受到優靜既氣氛 絕對係談心好地方 睇左餐牌後覺得真係無揀錯 全部都係我中意食既西式菜😘😘揀左忌廉菠菜芝士焗蠔 芝士味吾算好濃 相對忌廉汁較出 我中意波菜吸收晒蠔既鮮味 超正 蠔肉食落好鮮 肉質夠嫩 $68/隻好抵蠔底仲有薯蓉伴碟 中意食薯仔既我一滴都無晒😬除此之外 蕃茄海鮮意粉都不得了值得一讚個意粉超級真材實料 有魚柳 青口 帶子 魷魚等海鮮 吾係平時蟹柳扮海鮮個個質素😂 個蕃茄汁夠晒濃郁 微微酸酸地更加開胃雖然睇落份量吾多 但其實個碟口好深 足足都有一碗多既意粉量 總結呢餐生日飯好滿足 亦令我改觀九龍城只係泰菜既印象哈哈

按完摩又係捃食時間，在九龍城出晒名係食泰菜同打邊爐，但食得多都會悶，無可能個個星期都食泰菜同打邊爐..... 好彩仲有其他選擇 ! 今晚走咗去打鼓嶺道食意大利菜。Set Dinner可以選擇3-COURSE 或者4-COURSE , 要APPETIZER或湯相差$50另外有聖誔大餐，都唔平，二人聖誕餐要$888 , 4人聖誕餐 $1788 ，不過內裡有我喜愛既龍蝦湯同心太軟 唔想食SET亦有CHEF RECEOMMENDATION另外，在牆上黑板仔亦有特別推介，我睇中咗白酒煮新鮮紐西蘭大蜆  甜品最後兩個人叫了一個4-COURSE SET DINNER同埋散叫湯同大蜆 晚餐內的頭盤意大利帶子牛肝菌雲吞配黑松露忌廉汁 (兩隻)我一向都不太喜歡忌廉汁，但這個出奇的啱我口胃，雲吞皮軟硬度適中，忌廉汁中有濃濃的黑松露香   龍蝦湯 龍蝦湯內有的蝦肉    晚餐內的周打魚湯 蒜茸包烘得香脆可口 新鮮大蜆無得輸 燒澳洲羊架  ~  平時好怕羊果陣味，但這道菜倒可以接受啊!廚師以新鮮薯仔弄成薯茸 Chocolate Pudding w/New Zealand Icecream HK$68朱古力心太軟

家任九龍城附近，外出用膳有不少好選擇，豐儉由人。吃膩了泰國菜，隨意走進一家西餐廳一試，卻有意外收穫。一走進去，發現餐廳幾乎沒有顧客，中伏乎？但是侍者盛情難卻，故且坐低一試。Set dinner索價$328，點了一份與友人分享。前菜店員推介了一道黑松露海鮮意大利雲吞。 上桌時黑松露香氣撲鼻，忌廉醬汁濃度適中，不會過鹹。雲吞內有一隻帶子，新鮮結實，十分彈牙。食材有質素且新鮮，十分對辦。主菜叫了一道大蝦炒墨汁意粉。大蝦亦十分新鮮，肉質結實，蝦頭有不少膏，肥美可口。墨汁意粉係自家手製，十分煙韌。只用簡單的香蒜辣椒等材料炒香，不會太油膩。最後甜品要了 Apple crumble，等了良久，原來是即叫即做。批面香脆，有牛油香味卻不膩，甜度輕微，加上云尼拿籽，為set dinner 作很好的結尾。這餐廳收費略高，但質素高且清靜，值得光顧。

今晚又到九龍城揾食，以往一諗起只想泰國菜、打邊爐、甜品舖，今晚見到間意大利菜見到又幾就入去試試。店內環境唔錯，幾有氣氛 。Set Dinner 有分3或4度菜，有前菜或/及湯、主菜、甜品及飲品。前菜選了帶子黑松露雲吞配忌廉汁，味道好好忌廉汁配上黑松露個汁好夾又好香，雲吞皮同肉份量適中，作為前菜剛剛好，當然好味想食多D。湯係周打魚湯，都食到魚肉香味。另加一個龍蝦湯，湯中仲有小小龍蝦肉，美味。主菜選了羊架，買相唔錯，6成熟剛剛好，唔生唔熟又唔so，面亦煎得好香脆。加咗一客蒜蓉包外脆內軟，正。又加咗個白酒煮大蜆，新鮮也好大隻，好鮮甜。甜品加錢食心太軟 ... 聽侍應講係用咗黑朱古力，所以冇咁甜而朱古力味亦比較濃，合我口味。飲品...coffee or tea ...

九龍城收工之後同同事諗住同同事食個飯先走，去左條平時好少行嘅街，發現左呢間意大利餐廳GrillardeauGrillardeau肉質夠鮮嫩，即使無加任何嘅醬汁都，單靠蠔本身果陣海水嘅咸味，都已經夠晒又唔會乾。‌精選薄餅薄明顯係用一個唔錯嘅傾計食物，入口夠香口而且焗到卜卜脆，果然係即叫即整，而且薄餅裡面仲有好重嘅黑松露味道，認真惹味燒西班牙紅毛豬骨肉質好滑溜，肉香味濃又好有香草味，都算幾開胃用黎佐酒或者傾住計食，真係非常之咁適合係餐廳一邊食下一邊傾下偈都都真係幾寫意架，下次再黎發掘其他先

黎到九龍城又唔一定要食泰國野既！ 今次試下呢一間西餐，咁岩門口仲有位可以泊車 非常方便！ (你要知道…食飯時間九龍城車位難求呀！) 點完菜之後，立即送上蒜蓉法包 熱辣辣又脆口既法包，加上香噴噴既蒜蓉味，正呀！ 希臘沙律 入面有番茄、黃椒、青瓜、橄欖，加埋上面一堆既菲達芝士(Feta Cheese)， 再用以及醋、檸檬汁和香芹末等等材料去做醬汗，呢個前菜好開胃 焗法式香草田螺拌薯蓉 呢個係必點既小食！D田螺都幾大隻… 因為自己好鐘意香草加埋田螺食最夾！ 黑松露帶子意大利雲吞 推介大家一定要叫呢個意大利雲吞，廚師有改良過小小岩返香港人口味 因為正宗既意大利雲吞係皮厚又小餡， 香港人當然要厚夠薄入面既餡要爆哂出黎啦 加埋滿到全碟都係黑松露忌廉汁包圍住， 香濃黑松露味帶小小牛油香味，D汁好快俾大家清哂 白酒煮紐西蘭大蜆 大蜆成隻手心咁大隻，冇沙之餘入面浸滿白酒既汁 D肉仲好肥美tim！呢個價錢唔算貴，起碼有咁大隻蜆