帕維亞意大利餐廳

营业中

休息中

無心插柳之下去左九龍城。發現到係打鼓嶺道街尾有間西餐廳叫pavia, 食過之後覺得餐廳對食物好高要求，我所食既dishes都好好味所以幾推薦呢間西餐比大家希望大家都知道呢間小店既存在黑松露忌廉汁意大利帶子牛肝菌雲吞，so far係我食過呢款菜式最好味既一碟個忌廉汁香滑又唔膩，配埋d黑松露更有個性個意大利雲吞皮薄唔會食到麵粉厚實實既感覺！但又唔會一夾就散！內層餡料豐富牛肝菌and帶子配埋好嫩滑食完最後仲有d忌廉汁。。。我忍唔住要食埋個汁真係無得輸燒西班牙紅毛豬骨，製作需時。。。可想而知真即叫即整外層燒到微微既焦香反而更令豬骨更香更入味肥瘦均衡肉質綿綿，再加旁邊既甜醋更驚喜好味旁邊d薯菜都好正夠哂熱辣辣整體上呢度service好好店員都非常細心又好客所以我會回頭的

黑松露菌忌廉汁意大利帶子牛肝菌雲吞必食之選，個汁好香黑松露味，香氣撲鼻，食落唔溜但cream係非常之香濃且質地濃稠。Parma ham and asparagus linguine in garlic white wine sauceParma ham 充滿鹹香，露筍香脆，少少的蒜片同white wine sauce調味，已經食到露筍的鮮味，扁意粉煙韌有咬口，味道雖然唔濃但配埋Parma ham食，搭配得宜。Grilled USDA Prime Sirloin Steak身為prime牛，呢種靚牛，唔點汁先可以試到原味，牛味真係好濃，有咬口，但又唔韌，值得留意的是連配菜都好有質素，連我平時唔多食的薯角都好香脆，凍食的秋葵，好爽口，內裡的籽黏性好強，個種潺我係ok 嘅。Apple tart crumble

去得九龍城, 畀我個印象, 都係食泰國菜多, 但係食西餐嘅, 就是第一次, 這間西餐廳俾我感覺, 非常之良好!餐廳有兩層, 坐咗一上層, 感覺別有一番風味, 樓底算幾高, 牆身畫上鬱金香花海, 睇住啲花, 一邊進食, 特別開心舒懷未食正餐之前, 餐廳提供一啲麵包, 麵包夠熱,  有蒜蓉包,同埋芝麻包, 我最鍾意芝麻包, 配埋牛油一齊食, 感覺幾滋味!意芝味雲吞. 意大利芝士味道濃郁，再配有黑松露既香, 口感軟滑, 不膩並帶有甜味, 意大利雲吞皮夠薄, 餡夠多, 內里之帶子同菇菌彈牙，爽口, 細嘗之下味道也非常之鮮美再食咗個蒜片蘆筍柏爾馬火腿扁意粉 , 扁意粉嘅質素無庸置疑, 有酒店級嘅級數 , 蒜片嘅味道令到扁意粉非常之惹味, 珀爾瑪火腿再加埋蘆筍嘅香味, 非常之吸引, 令人胃口大開再食一個燒PRIME西冷牛扒, 這個prime牛扒質素非常之上乘, 燒得剛剛好, 肉質非常Jjuicy, 而且沒有任何筋,  唔使任何醬汁已經好好食另外一提, 配菜亦做得非常出色, 令我食曬啲配菜, 今次真係第一次!

同朋友好耐無見約出黎食餐好既 想話食下西餐 咁岩另有朋友介紹呢間PAVIA 就去試下～食物方面就點了set dinner由前菜到甜品均已配好當然另有餐牌可供散點食物 款式都算多點餐過後先係送黎一份蒜蓉包同芝麻包蒜蓉包夠哂脆口蒜香味亦好夠芝麻包都唔錯 夠香口加少少牛油已經好好食磨菇湯湯好香好滑將所有材料都磨到最幼最細份量剛剛好，味道夠濃但又唔會感覺好稀口感一流白汁海鮮意粉呢款意粉係咁多牒中最喜愛的一牒菜式成牒意粉好足料海鮮夠多而意粉軟硬剛剛好 夠彈牙忌廉味重得黎又唔會太膩好香好creamy食落口好滑超推介呢一款菜式甜品就嗌左個最安全牌既tiramisu味道比較淡口 但唔會太甜總體黎講係好既店內裝潢簡單大方稍暗的燈光同枱上的蠟燭增添一點浪漫情懷氣氛超好而且店員都超nice會留意住客人進食的速度而調整上菜快慢亦會間中介紹所選菜式的特別之處

黎九龍城，除左泰國菜都有好多選擇既，今次就去左打鼓嶺道搵好野食，餐廳細細地，但裝修別樹一格，橙紅色外牆，可惜今次同女仔朋友黎，如果同男友黎一定好浪漫! 坐位不多，但坐得好舒服，闊落。先上餐包，蒜包好香好正😍 好想食多幾舊daily soup係mushroom my favourite! 好濃，好香，啖啖入味忌廉海鮮意粉好creamy，忍唔住撈晒d汁，意粉軟硬到岩岩好，岩晒我口感大蝦茄汁意大利飯，硬身，食到粒粒飯口感👍👍👍甜品tiramisu好正! 極力推薦，唔會太甜，好滑!上菜快，侍應態度好，滿臉笑容，好開心既一餐，有機會會再黎食!!! 份量睇落唔多，但其實好足夠，好夠飽👍

好食嘅意大利餐廳其實幾難搵，今日就走左去九龍城食到啦。呢間餐廳嘅環境燈光昏暗加少少情調如果同男朋友另一半黎食，感覺係非常之好。今日唔係太肚餓叫咗個燒春雞同埋帶子蒜蓉意粉。我好鍾意食帶子蒜蓉意粉，大大粒嘅帶子再加埋充滿蒜香味嘅意粉，口感一流我自己就好鍾意加埋黑醋同埋辣椒仔辣辣地好過癮。之後同店員吹左陣水，再叫買蘋果批配雪糕。呢個雪糕係嚟自意大利充滿奶香同一般嘅雪糕有點兒不同，兩者冰火交融，在口中有難以形容的感覺！結帳每人只是200多元，還算經濟實惠，下次一定再來。

喺九龍城原來都可以搵到好嘢食，今日去咗Pavia，裏面嘅裝修係正宗嘅意大利餐廳。印象深刻嘅係，一入到去職員同我溝通嘅感覺好似屋企人，語氣係好好，咁問我想食乜。又會講下我叫嘅每款送裏面有啲乜嘢材料。一嚟就係法國嘅麵包仔，呢啲西餐包全部都好特別，唔係就咁係街市買到嘅一袋袋嘅餐包，每一款都有唔同嘅特色，有個上面有啲芝麻幾好咬口又香口。因為我爸爸同媽媽都唔會食太油膩嘅嘢，所以一來就叫咗個帕馬火腿火箭菜沙律(Bellota Iberico Salad)，我爸爸即刻大讚呢碟野啱佢食，因為佢經常都食沙律菜，而且呢碟沙律份量仲好足夠。除咗火箭菜，仲附上幾塊青瓜，巴馬火腿亦都有幾塊，份量適中。之後嚟嘅係北海道帶子蒜蓉意粉(Hokkaido Scallop Linguine in Garlic White Sauce)見到大大粒嘅帶子再加埋炒香左嘅蒜蓉，真係令人垂涎欲滴。我哋三個就夾份夾腳好快食晒。另外仲叫咗隻燒春雞，呢隻燒春雞唔會好油膩，肉質亦都好硬實，適合一啲減緊肥嘅人士，我忍唔住食咗隻雞脾，都幾好食但係有啲瘦削。幾個餸就已經足夠令到我哋飽肚，職員就問我地想食乜嘢甜品，嚟到呢度當然係食啲即焗即食嘅嘢，

九龍城出名多美食，這天朋友生日，於是便決定到九龍城覓食。經過一間雅緻的西餐，窗口一個心心吸引了我們走進去哈哈。樓下已滿座，於是侍應安排我們坐樓上，橙色的牆更添復古。鴨脾沙律 沙律醬調得剛剛好，酸酸甜甜，非常開胃，鴨肉絲的份量也頗多，令到整盤沙律充滿肉香。餐包方面，提供了兩款，一款是蒜蓉包，烘得剛好，上桌時還是暖的。一款是滿怖芝麻的餐包，塗上牛油也不錯。Pizza 方面，我只愛吃這種薄薄的餅底，上面配料也頗多，鋪滿整個pizza，中間有溶化了芝士，ham也很大塊很香，與火箭菜很搭。Seabass是整晚我最喜歡的一碟菜，魚肉很鮮嫩，薯蓉和配菜也很好吃，醬汁調得剛剛好，沒有蓋過魚的鮮味，反而更加鮮甜。大讚！甜品方面，我們看menu點了chocolate pudding,上到桌才知道其實是心太軟，真好，我們兩位嗜甜的人很驚喜，心太軟一切開便有流心朱古力流出來。雪糕是咖啡味的，這個比起外面的雪糕更特別，更香濃。

今日同朋友嚟到九龍城，經過見到有一間意大利餐廳裝修幾靚，而且入面都有幾枱客人，我就同我個朋友入咗去試吓。坐低左我哋叫咗兩個餐湯，但係我哋係散叫的，一個係周打魚湯，一個係海鮮濃湯，兩個我哋都share黎飲。周打魚湯嘅味道好清甜，有好香嘅魚味道，而且啲魚真係新鮮魚，而唔係冰鮮魚，入面仲有少少蘑菇粒同埋蘿蔔粒，有啲似忌廉湯嘅味道，但係就好味過忌廉湯好多。個海鮮濃湯望落去顏色係龍蝦顏色，深橙色的！相信佢個湯底好濃好足料，望到湯入面有細細粒嘅魚仔、磨菇粒同埋蘿蔔粒，非常足料啊，而且味道好濃，飲落去好似食緊淡淡龍蝦肉咁，好好飲啊。之後我哋叫咗個北海道扁意粉，個意粉入面都有好多材料，有好大隻嘅帶子同埋蘑菇片，食落口啲意粉唔會太軟身，好有口感，而且帶子外面熟內面生，咬落去都好有好感啊，非常值得推介。之後我哋叫咗個深海魚柳配薯蓉，賣相已經好吸引啦，而且非常厚，塊皮煎得好靚，而且好有光澤，有好大堆薯蓉配菜，豆同埋蘿蔔條，食落口啲魚柳非常軟身，好有魚嘅味道，而且兩個人唔夠食啊，因為實在太好味啦。最後我哋叫咗個心太軟甜品一齊share食，再叫咗兩杯熱朱古力飲，大約等左15分鐘左右就黎到了，朱古力醬好濃味，又唔

好姊妹即將要去旅行成個月，襯佢出發既前一日，就約佢食餐好既呢間意大利餐廳位於九龍城，終於去九龍城唔係食泰國野啦😂可以試下其他國家菜~餐廳出面都擺好哂餐牌供人參考下有咩野食由於我地六點已經到左，所以暫時未有客人。餐廳環境掛滿油畫，感覺好有特色。坐位寛闊舒適。每張枱上仲擺左一個蠟燭，好有氣氛。近住門口擺放在一個酒櫃，可惜我同朋友都唔飲酒，唔係都叫一枝黎飲下，感覺一定好好。廚師推介嘅食物會清楚寫係黑板上，方便客人參考。Set dinner menu，望落幾吸引，不過我同朋友都比較想食餐牌上面嘅嘢，所以我哋選擇咗散叫~Order完嘢食之後，隨即送上一籃餐包，有芝麻包同蒜蓉包，熱辣辣既包配上凍冰冰嘅牛油，感覺好正。Duck confit salad:鴨髀都係第一次食，仲要配沙律，感覺好新鮮。鴨髀切成碎，食落好有咬口，好有鹹香。而下低嘅沙律菜中和左鴨髀嘅油膩感，配埋沙律醋，酸甜好開胃。Hokkaido scallop mushroom angel hair in cream sauce:未食個賣相已經好靚，Cream sauce 好濃郁，d天使麵索哂d汁，正!帶子肉質彈牙，超中意!Roasted

經過九龍城見到唔洗淨係食泰菜，呢間意大利餐廳都好似好得咁喎😳😳就膽粗粗試試佢啦～～我地6pm鐘去到，所以仲未有人客，環境幾有格調，暗暗地既燈光幾有情調，過左一陣，餐廳已經坐滿哂人客啦😳😳😳個芝麻包少啲見到，幾香而且重點係熱辣辣嫁！蒜香味好夠既蒜蓉包都幾正！搽啲牛油食簡直係very good既前奏😎😎啲用具都幾得意咁😀😀呢個前菜係鴨脾沙律😀鴨胸就食得多，鴨脾又真係少見啲😋啲鴨脾肉係風乾左咁好香口，個味道同口感都有啲似臘肉😆同fresh既沙律菜食又幾夾喎～呢個北海道忌廉帶子天使麵超正！好中意個sauce夠哂creamy,幼身既天使麵掛汁力好強😍😍菇好爽口👍🏻帶子幾厚肉同埋幾鮮甜，呢個意粉大大碟，兩個女仔share唔會覺得膩😎😎呢個燒雞好重香草味👍🏻👍🏻啲肉係好juicy!!個醬汁係黑椒味濃，覺得唔點汁食先食到雞既香草味😋😋呢個甜品係超有驚喜！😍😍😍vanilla雪糕中和左青蘋果既酸味，加埋個酥皮，三樣野係好夾好有層次👍🏻冷熱交融😆😆呢到既服務都好好，店員會主動問食客既意見😙好nice!

本身諗住去九龍城食泰國菜，但經過見到有一間意大利餐廳，裝修比較有氣派，喺出面門口望下佢個餐牌都覺得幾吸引，所以就即刻改變左主意入咗去食意大利菜。我哋兩個人，店員安排左四人座位俾我哋，入到去已經有幾枱客了，而且裝修以橙黑色為主，餐廳嘅樓底好高，見到佢哋啲水晶燈好靚，好有華麗嘅氣派。望下佢個餐牌有啲晚市套餐，但係由於我哋想散叫食，所以我哋係餐牌中選擇食物。首先就揀咗兩個湯，「周打魚湯」同埋「海鮮濃湯」各一，賣相都好吸引，周打魚湯就creamy d，海鮮濃湯就濃味啲，當然我哋飲咗周打魚湯先啦，因為周打魚湯比起海鮮濃湯較淡味。周打魚湯入面好多細細粒嘅魚，蕃茄粒同埋蘑菇粒，而且飲落去唔算太「流」，湯入面仲有好多其他材料添，有少少蘿蔔粒同埋薯仔粒，啲薯仔粒好林，好好味呀，又有奶名又有cream味又有魚味，真係真材實料，正！個海鮮濃湯就有好重嘅龍蝦味，而且入面有煆、帶子等等海鮮，好足料啊，飲落好似成口都係龍蝦海鮮味道，又唔會太咸，味道剛剛好，兩碗湯都好好飲！食主菜啦，我地就叫咗個「北海道帶子蘑菇忌廉汁扁意粉」，望落去個賣相都好吸引呀，真係精心調製的，就咁睇都見到好大隻帶子啊，帶子咬落去出面熟，入面少

今晚撞啱係九龍城收工，同同事得兩個人唔想食泰菜，行過見到有間意大利餐廳，就膽粗粗入去試試一入到去，就見到下層接近full哂，好彩，原來仲有2樓，上到去，燈光，音響，裝潢都有舒服溫和嘅感覺，絕唔會有坐得唔舒服嘅感覺，最啱約埋三五知已或者情侶拍拖約會坐底一陣，侍應先送上餐包同蒜蓉包，蒜蓉焗到啱啱好，好香口，又濃蒜蓉味因為今日下晏同老細食飯已經食左大量肉類，所有今晚唔太想食肉，第一道菜先叫一個白汁忌廉海鮮意粉，首先，意粉份量好足，入面嘅海鮮亦唔係一d冇誠意嘅普通冷凍雜錦海鮮，食得出有經過調味，意粉硬度適中，個汁完全唔會有膩嘅感覺，仲有好香嘅忌廉味第二道菜係香煎智利海鱸，主角鱸魚煎得非常好!外皮煎得好脆好香，但又唔會有燶，魚肉層次分明，唔會散開一舊舊，仲保留住鱸魚獨有果種好香好香嘅魚油味，配合佢由新鮮薯仔打出嘅薯蓉，中和番個味道，認真一流!最後甜品就叫左個雪糕配青蘋果批，雪糕冇特別，普通雀巢雪糕，但個蘋果批個酥皮就做得好好，配埋微酸嘅青蘋果，幫助消化，幫味蕾降溫，依餐食得好滿意估唔到九龍城除左泰菜出名，仲有一間禁嘅意大利餐廳，值得下次同女朋友再尼!

一心去九龍城係諗住食泰菜ge 但適逢肚仔😣唔太舒服 辣野都係算啦 沿住黃珍珍行番去街頭 就見到間意大利菜 望一望左個個餐牌 好似好豐富咁而且價錢又合理 所以就貢左入去試啦餐廳裝修都唔錯 平民FINE DINNING FEEL 而且有上下兩層 空間都ok咁岩樓下爆左 所以就被安排上去樓上 仲靜d time (仲有背景音樂)好~ 嗌野食MENU大致上價錢都唔算係太貴 中等 可以接受 因為我係比較細食 所以同男朋友都無諗住嗌SET 就分別叫左4道茶 APP – 周打蜆湯 & 海鮮湯Pasta – 海鮮cream sauce 意粉Main – 志利鱸魚Dessert – 蘋果TART其實嗌完先發現 全部都係海鮮 Anyway 肉都食等多啦 就食下海鮮~ 我個chowder 真係好正 開頭我以為會係PIZZ_ H__T質數 點知D料係好豐富 啖啖肉 又唔會太”杰” 又唔會太濃味 十個like 再加埋佢熱辣辣ge麵包 無錯 係熱辣辣 仲要有蒜蓉多士 好好味啊!!! 真係靜食麵包飲湯都滿足到意粉方面 同湯一樣豐富啦 出面街可能得幾舊海鮮 但呢到有蝦,有魚,有魷魚, 有元具,有蛤蜊 係哂底底吸哂D c

和朋友去到這間名叫Pavia的意大利餐廳，進去前以為這間是bar，因為燈光昏暗，甚具情調。.這裡環境安靜，坐得也舒適，聽見旁邊桌的客人都是在慶祝生日或記念日。.我們吃了西餐包、鴨脾沙律、北海道帶子天使麵、薯蓉烤雞，甜品則是意大利雪糕心太軟。.西餐包溫度微暖，軟軟綿綿的，表面層微脆。另外，奶油多士也十分脆口。.鴨脾沙律十分開胃，新鮮的蔬菜，淋上酸酸甜甜的沙拉汁，加上一些鴨胸肉，又酸又甜又咸，我和朋友都覺得非常特別。.隨著上枱的是北海道帶子天使麵，帶子新鮮彈牙，天使麵乾爽彈牙。.薯蓉烤雞是不錯的一道菜。一碟共兩隻完隻小烤雞，旁邊配上薯蓉及一些配菜。烤雞肉多結實，皮脆肉嫩，配上醬汁，令烤雞和薯蓉的味道同時提升。.最後，甜品是意大利雪糕心太軟。一個心太軟，旁邊伴著四小球意大利雪糕，賣相吸引。意大利雪糕十分滋味，還有一些像杏仁的東西，甚有口感。一切開心太軟，濃濃的朱古力醬湧出，濃郁的朱古力加上甜甜的雪糕，吃完十分滿足。 .順帶一提，店員跟我們說，所有菜色和甜品，都是由主廚親自下廚的。而且，服務員每換一道菜，都會幫你換新淨的碟字，服務也很周到！