帕維亞意大利餐廳

营业中

休息中

打鼓嶺道集結酒吧、泰國菜、甜品店於一身！地膽朋友告知車房旁有間意大利餐廳,是晚便齊齊去試。燈光徘徊在光與暗之間,環境寬闊整潔。先送上溫度微暖的麵包,麵包外脆內軟,蘸上牛油、黑醋及橄欖油後味道更加出色！香芒大蝦沙律 - 侍應介紹是新菜式,推薦我們一試。擺設驟眼看蝦頭挺有霸氣！芒果皮上放滿數顆大蝦與粒粒芒果肉,大蝦挺厚身彈牙,保留著一種鮮味！墊在底下的沙律菜青綠爽口,既健康又可以消滯。白酒煮新鮮紐西蘭青口 - 件數雖不算多,不過每一隻肉質均肥美厚身,有著淡淡的酒香！蘋果汁 - 飲落不會死甜,有種淡淡的蘋果香,挺解渴！最後點上甜品作為整頓飯的尾聲！五款甜品選擇皆吸引人,喚醒了我已近乎飽的食慾！焦糖燉蛋 - 表面燒得一般,不過細味下覺得蛋味濃郁,口感軟綿綿！

每次來九龍城都是吃泰國菜，今次別開生面吃西餐，朋友推介帕維亞意大利餐廳，她說這裡十分寧靜，可以安靜地享受晚餐。在點餐期間，店員先送上餐包，芝麻餐包外層香脆，內裡鬆軟，而蒜蓉西多士亦富濃厚的蒜頭香氣。喜愛沾意大利黑醋與橄欖油的我當然要沾滿餐包呢~蘋果汁濃濃的蘋果香，當下喝完，口中像是吃了好幾顆蘋果，非常清爽，真的很滿足。Iced mocha即使是凍咖啡，依舊香氣濃郁，咖啡與朱古力各自扮演好自己的角色，卻又相輔相成，不搶對方風采，反而配搭更為出色~ 這杯Iced mocha順口好喝!芒果蝦沙律活靈活現的蝦頭，芒果「船」盛戴滿滿的蝦肉與芒果，豐富我們的視覺，跳動我們的味蕾。沙律香甜可口，有著芒果的清甜潤滑，以及鮮蝦的彈牙，口感非常有層次，整個沙律充滿著新鮮的味道，就連平日不太愛吃蝦的朋友，也被這沙律吸引了。白酒煮新西蘭青口又大又肥，光是看就口水直流😋青口用料實在，飽滿鮮甜，吸附滿滿的白酒香醇，整碟青口十分美味。焦糖燉蛋雖然沒有華麗的外表，可是它的美味程度卻不遜色，焦糖脆面不會過甜，味道剛剛好，而且燉蛋香味濃郁，口感軟嫩適中，是甜品中的極品。蘋果金寶先是聞到清淡的肉桂味道，第一口吃到酥香的脆粒

是日你都九龍城同朋友相聚慶祝生日，大家都好好奇點解唔係食泰國嘢，因為呢一度有一間意大利餐廳都幾出色，而且價格合理，所以就過嚟試一試！二人行點左幾個菜式，幸運的是每個菜式都十分之值得欣賞，先點左呢個希臘沙律希臘沙律用上希臘芝士同埋好多新鮮蔬菜，當然不少得嘅就係希臘食物一定會有嘅橄欖，希臘芝士鹹香又富口感，配上新鮮蔬菜蕃茄等等，和同樣都有帶點鹹香味道的橄欖，實在係一個開胃的小食。接住就係之前森美小儀都有介紹過嘅自家製黑松露海鮮意大利雲吞，傳統嘅意大利雲吞皮厚餡料比較少，食過咁多間只係覺得位於上環嘅00 係好好食，皮薄餡靚。估唔到呢一度嘅自家製黑松露海鮮意大利雲吞都好出色，餡料係美味嘅黑松露同海鮮蘑菇等等，包到好似講食餃子一樣豐滿，配上自家製黑松露忌廉汁，10分好吃而且都幾飽肚架！接着我哋重點左一個當日精選嘅彩色就係白汁煮紐西蘭大蜆，紐西蘭大顯係我其中一個十分之喜歡，一定會點嘅海鮮，只需要輕輕煮過都能夠帶出佢嘅美味鮮甜，而且肉大又夠爽口，最重要係帶點海水同埋本身肉汁的鮮甜感覺。這裏的紐西蘭大顯一樣都咁出色，美味而且分量很夠。兩個人食三碟已經好夠飽，最重要係價格合理，座位舒適強烈推薦一定要試佢

加完班係附迎周圍行，跟住突然見到呢間餐廳啲甜品幾唔錯，咁岩有小小餓就走左入去試下。蒜片炒意粉炒意粉最緊要係麵要炒得夠乾了，廚師炒得唔錯，份量十足嘅同時炒得夠乾身，個人係炒意粉嘅粉絲，餐廳絕對值得一讚因為意粉唔會濕，味道又夠平均。焗蘋果批（配鈕西蘭合桃雪糕）根據餐廳職員講呢個蘋果批係要提前預先準備的，蘋果批入口夠晒鬆脆，一啲都唔會淋，仲有好多蘋果片，餐廳果然係即叫即整，夠晒熱辣辣，一啲都無花假。焗心太軟（配鈕西蘭合桃雪糕）心太軟最重要嘅一點係入面要係流心，餐廳呢碟心太軟入口夠晒滑，而且朱古力味十足，濃度亦都好足，最後配埋冰凍嘅雪糕，兩者冷熱交融，真係

今日做完野係九龍城周圍行，本來諗搭車走，跟住突然見到呢間之前係朋友度聽過嘅餐廳，今日咁岩見到就走左入去試下。一入去可能我地都比較早，所以唔洗等都已經有位。白酒煮活青口根據餐廳職員講呢個白酒煮活青口所用嘅青口煮之前都仲係活架，認真新鮮，我地今晚就有口福食，青口唔算太重酒味，一啲都唔會乾，仲好多汁，餐廳果然係用新鮮貨，一啲都無花假。蒜片炒意粉炒意粉最重要嘅一點係要夠乾身又不失口感，餐廳呢碟炒意粉入口夠晒香口，而且辣味十足，份量亦都好足唔會太小，而且口感依然保持到適當嘅硬度。呢次真係唔錯,真係好滿足，雖然食得唔多，但真係食到師傅嘅功架，絕對值得再黎

朋友突然間話好想去九龍城寨果邊行下，跟住走嘅咁岩見到呢間意大利野，睇完餐牌見幾多野食，所以就入左去食住小小野等另一個朋友。生蠔(grillardeau)一入去職員就同推薦今日新鮮到嘅生蠔，首先都真係幾大隻呀，肉質厚實，即使無加任何嘅醬汁都夠晒咸味又唔會有苦味燒西班牙紅毛豬骨呢過豬骨真係幾大份下，明顯真係用一個唔錯嘅傾計主菜喇，入口唔算太咸而且肉質經燒制依然保持嫩滑，認真惹味。食完之後都真係幾令人驚喜，九龍城真係多野揀，下次再去發掘其他先

聽人講九龍城多泰菜，於是就去左搵下，跟住朋友突然話想食下啲唔一樣嘅，又話隔離有小巴方便走，於是就入左去食下。一入去就俾人能感覺都幾有情調，又唔會同隔離枱太逼48個月黑毛豬火腿沙律餐廳用48個月食像果嘅黑毛豬火腿，入口夠晒咸香味，再配埋啲鮮甜嘅哈蜜瓜，真係食到停唔到口燒法國春雞之前係第二度食過，真係乾到無得再乾，呢度就完全唔同，入口夠晒嫩又唔會太咸，二個人食一隻春雞真係超級幸福今次因為趕時間雖然食得唔算多，但都令人驚喜，下次有時都要再同朋友黎食下。

今日放假去左九龍城搵下啲凍肉舖，跟住咁岩經過呢間未食過，跟住就入左去，一入去店員都好熱情咁招呼我地，仲同我地介紹左好多野食~48個月黑毛豬火腿沙律上檯果下都感覺唔錯，因為比想像中大份，火腿質素都夠算唔錯，至少唔會太肥，之後哈蜜瓜都夠甜，兩者果然係都夾嘅食材燒法國春雞春雞係個一個唔錯嘅飽肚主菜，入口唔算太咸而且仲算滑身，兩個用手享受呢隻春雞都算認真寫意。精選薄餅薄餅嘅拉絲效果好正，黑松露香味濃加埋芝士一齊食，都算係幾正嘅享受，用黎傾計嘅主食，都算唔錯

九龍城真係好多食肆選擇，近期發現一間意大利餐廳，望到放係門外既餐牌，菜色名好吸引，而且價錢合理就相約好友一齊去食飯，順便慶祝聖誕，交換一下禮物落單後就會有一藍好香既蒜蓉包，仲混合左香草添，上台時包係微熱，可以即時食，咬落去夠脆夠乾身，我鍾意先來個希臘沙律，上面既芝士好香，食落口有著淡淡芝士味，好岩我胃口。而且蔬菜好新鮮法式焗蝸牛蝸牛質地嫩滑，而且薯蓉好香滑，牛油香味加上新鮮薯仔再吸收左蝸牛汁，個個都爭住食黑松露帶子牛肝菌意大利雲吞《必食之選》一放上台，黑松露既香味真係湧埋黎。餐廳更將傳統的意大利雲吞「皮厚餡少」，改變成「皮薄餡多」迎合香港人口味，真細心一咬落去好Juicy，仲有好彈牙既帶子添，另外個半我會再淋多次汁上去先再食埋佢因為個汁太正，我地係連汁都食埋白酒煮紐西蘭大蜆白酒分量剛剛好，不會過濃/過淡，加上香草，令大蜆肉好鮮甜，咬落去仲好Juicy、好彈牙添牛肉千層麵一上台就牛肉香氣撲鼻，加上我喜歡的千層麵，濃濃的拉絲芝士，真係好吸引，牛肉亦整得好鬆化，令人食指大動每一道菜都會換碟，保證原汁原味

今日去九龍城唔係食泰國野！竟然係去食意大利餐！細細間舖望落好高級！出面有餐牌寫住有咩推介一見到有黑毛豬火腿已經忍唔住想即刻入去食！入到去有另一個都係廚師推介嘅餐牌，推介款式入面樣樣都有啲，有小食又有主菜！坐低之後就拎咗蒜蓉包俾我地！唔知係咪自家製㗎呢！入面好軟身，外圍就脆脆地！而且切得好厚！好香蒜蓉味！又夠晒好口感！第一碟黎嘅就係風乾48個月西班牙黑毛豬火腿沙律！哇！比想像中多好多！火腿又厚又香！再食埋清甜嘅哈瓜！正！下面仲有好多沙律菜！沙律菜落咗黑醋汁，又係好好食！之後就有海鮮食～白酒煮紐西蘭青口！超級超級大隻！真係有手掌咁大！青口肉好肥美！好少食到咁大隻咁巨型嘅青口！味道仲要好鮮好多汁！意大利雲吞同中式雲吞完全唔同！你睇個黑松露忌廉汁意大利帶子牛肝菌雲吞俾勁多黑松露忌廉汁浸住！個汁香到不得了！雲吞點得越多汁越好食！最後仲叫咗個清炒大蝦墨魚麵，未試過炒墨魚麵，都幾得意！大蝦又係超巨型！口感超好！墨魚麵中間位有啲煙煙韌韌，好少餐廳會食到咁有口感嘅意粉！雖然係炒意粉，但又唔會太乾，今晚真係食到好多新野！

經過漫長的Weekday 工作後, 終於黎到Weekend 了, 應該搵間好餐廳食返餐好, 好好慰勞下自己!最終找到這間在九龍城的意大利餐廳, 食完之後重可以去其他餐廳食糖水這餐廳不難找, 在富豪東方酒店一眾巴士站走來只是大約5-7分鐘這是一間很橘子的餐廳, 座位不多但與其他食客仍保持一定距離, 方便談心每將桌上都有一個蠟燭擺設, 加上快將聖誕, 餐廳內都佈滿聖誕裝飾, 增添不少浪漫感而且餐廳會播放一些很出名的浪漫意大利流行曲, 例如Andrea Bocelli 的 Vivo per lei牆上又掛了很多藝術油畫, 各樣配合, 增加不少身處意大利藝術小鎮Pavia之感先來一個Starter, 風乾48個月西班牙黑毛豬火腿沙律, 火腿味道非常有層次而豐富, 有甜而帶咸, 因這是吃橡果的黑毛豬, 所以也會帶一點橡果味, 配多汁爽口哈蜜瓜, 中和一點咸味, 非常好的前菜龍蝦濃湯, 湯的密度很濃, 咸度適中, 內有2-3舊龍蝦肉, 有一點彈牙當晚的Special Recommendation, 白酒煮新鮮紐西蘭大蜆, 蜆肉很大隻, 而家多汁, 有鮮味, 有清新的白酒味, 相信餐廳對食材清洗工夫

九龍城美食林立除左泰國菜外, 亦好多選擇係打彭鼓嶺道發現左呢間情調小店聽說呢到既黑松露雲吞非常好食今日就黎試試店大約有6張枱而裝飾格局亦非常浪慢有情調好適合情侶黎呢到拍拖小店有set 比客人選擇但睇到chef recommendation好似好吸引..我地就決定散叫先黎個龍蝦湯龍蝦湯味道濃郁, 但略店左D而湯入面有幾舊新鮮龍蝦肉非常爽口風乾48個月黑毛豬火腿沙律餐廳係用左橡果黑毛豬本身肉味濃郁,食落口會散發橡果既幽香加上清甜多汁蜜瓜係個好開胃既前菜黑松露菌忌廉汁意大利帶子牛肝菌雲吞我期待以久既意大利雲吞出黎喇待應係落order 前好好咁提示, 一客6粒會否幫我地安排每人2粒我地就照佢安排每人 2位呢個驚喜之作一般出去食到既意大利雲吞皮會厚d但呢到就皮薄餡多, 有牛肝菌及帶子, 兩者都鮮味無比黑松露菌忌廉汁, 黑松露及忌廉汁非常濃郁, 味道亦好分明好食到我地想食"lam"埋隻碟白酒煮新鮮紐西蘭大蜆 大蜆煮到岩岩好, 用左白酒洋蔥同香草作調味, 令到大蜆鮮味更出但... 白酒味好似勁左小小海鮮牛肝菌忌廉意大利飯芝士味 忌廉味同意大利雲吞一樣非常濃郁, 味道亦好分明而意大利飯既硬度適中..唔

吃泰國菜當然要來九龍城才夠地道, 夠味道但原來好戲在後頭, 近九龍城廣埸那邊有很多各式小店, 也具有獨特風味今晚4個黑松露愛好者, 來到九龍城一間遠離大馬路的意大利餐廳決定遠離一下煩囂都市, 靜靜地細味一下意大利菜從街尾走入打鼓嶺道, 過了藥房就到, 一間外國裝潢的餐廳餐廳裏已經準備好聖誕節來臨而牆上都放滿意大利'肥佬'的畫及一邊播放著意大利音樂光線較暗, 整間店都充滿情調而且大門是非常隔音, 每次開門都聽到外面非常嘈吵, 但一關門就只有音樂我們是專程為黑松露意大利雲吞而來而其他選擇實在太多, 所以我們請店員為我們推薦一下菜式結果我們點了三道前菜, 兩道主菜。風乾48小時西班牙黑毛豬火腿沙律黑毛豬是用橡果餵飼, 微咸濃香細膩, 淡淡橡果味道由風乾黑毛豬色澤可見, 肉質亦保持油潤, 而不油膩密瓜鮮甜多汁, 配火腿食, 大家互相配合沙律菜亦爽甜, 非常新鮮及充分水份, 用小量黑醋汁吊味, 很開胃黑松露菌忌廉汁意大利帶子牛肝菌雲吞說好了我們專程來吃這一道菜, 當然要每人兩隻才試真味道店員介紹說一定要跟大量醬汁共嚐, 結果真的差點連碟都用去舌頭清潔乾淨黑松露味相當濃郁, 混入忌廉煮醬汁, 令醬

九龍城人人認為是小泰國, 其實當你漫步此地區, 你會發現好多隱世小店今晚約左幾位九龍朋友食西餐, 踏入12月, Pavia 餐廳內及門外Menu已經佈置了聖誕裝飾, 餐廳內燈光陰暗, 有情調, 每張檯上放了一個小蠟台,播住意大利音樂入座後, 侍應先為我地加水, 同時推薦餐廳菜式, 餐廳有set dinner有 a la carte,最後我地決定散點第一道菜主角是48個月黑毛豬火腿沙律, 黑毛豬主要食糧要橡果, 所以火腿脂肪有獨特既方香, 黑毛豬火腿肉連油脂, 品嚐到火腿既甘香味美, 呢份濃郁既肉味停留在口腔一陣子, 再配上蜜瓜, 清甜多汁, 底層沙律配上油醋汁, 挺開胃呢款雲吞一客6件, 下單時侍應會先說明亦問我地需唔需要加份量, 相當細心.先講雲吞餡料有帶子牛肝菌, 切開雲吞, 內裡流出原汁原味既汁, 帶子唔會煮到過熟, 入面材料豐富, 所謂的皮薄餡靚, 再配上廚師特別調教過既黑松露忌廉汁, 味道完全是非筆墨所能形容此道菜, 侍應再三強調一定要趁熱食!第三道頭盤是大蜆, 用了白酒洋蔥及羅勒葉, 簡單材料已經帶出大蜆既鮮味, 大蜆熟度剛好, 仍然保留蜆汁在蜆肉內, 咬一口, 蜆肉有大量

今日勁呀！為左換咖啡，我由鑽石山行左去九龍城，行到我氣都咳，一早book左餐廳開飯，睇facebook知道大廚上過TVB節目架！質素當然有水準啦！睇睇餐牌，都幾貴喎，餐廳已經有d聖誕裝飾啦，叫左個dinner set，有三樣野食，開頭仲有蒜蓉包食tim呀！香口脆卜卜既蒜蓉包正好為今晚上演個靚開頭呀！前菜我地點左意大利帶子牛肝菌雲吞配黑松露忌廉汁，黎到個樣好靚呀！黑松露味好出好豐富，係好香濃既味道，食完唔覺得膩！主菜本來好想食羊架，但係見到有魚我又心心喎！盲曹肉質鮮美，營養價值高，平時我媽媽都成日煮比我食架！盲曹煎過同醃過，初時無連埋d白汁一齊食都覺得夠味，似係黑椒鹽既味，點埋d白汁一齊食，更正！魚肉好滑，似係蒸出黎咁滑，外層脆口，入面嫩，而且零雪味喎！白汁有d似忌廉汁，加埋薯蓉一齊食好味呀！因為我唔夠飽，所以叫左個意粉食，煙三文魚忌廉汁菠菜麵，煙三文魚好香，好似平日食三文魚沙律嗰d咁，煙過，帶少少咸味，本人覺得比起普通煎熟既三文魚更出色！汁係忌廉汁（黎到之後我先發現我叫既所有野都係白汁），呢個白汁同其他的不太一樣，有d似金寶味，但濃好多！菠菜麵係闊條麵，食落有咬口！$138唔貴呀，值得