帕維亞意大利餐廳

营业中

休息中

好耐冇同閏密撐下枱腳啦 雖然唔係咩大節日要慶祝但咁耐冇見都想食番餐好 餐廳環境好高雅 燈光昏黃 有情調而不失放鬆朋友超愛海鮮，炸魷魚圈更加係必選名菜炸魷魚圈 .粉漿超薄，炸得香口，完全不覺油膩粉漿同時間掌握得好好這點真的超讚，很香口又不覺熱氣的小吃餐廳仲有榨檸檬汁小機器，就係圖中右上方用夾夾實檸檬，汁好容易就可以榨盡一分一毫仲唔使整污糟隻手添燜羊腿配闊條麵海鮮係朋友嘅最愛，而我就鍾意食羊 呢到既燜羊腿就岩哂我 份量好多，比想像中大，自己一個應該好難應付 羊腿燜到好淋，用叉輕輕一拉，就好輕鬆分開 而且夠曬騷，喜羊人士，一定要一戰醬汁味道都係偏濃，但又提升左味道既層次唔但只係羊味咁單一身旁既闊條麵好有咬口，唔鬆散混合醬汁一齊食都唔dry

九龍城一直比我既印象係食泰國菜既地方，但萬萬都諗唔到原來呢區都有意大利菜食😋。今晚約埋幾個朋友選擇呢間Pavia餐廳食飯，呢間餐廳內環境舒適，氣氛亦不錯。今晚我地叫左set餐，前菜揀左蕃茄水牛芝士沙律 水牛芝士沙律，鐘意食芝士既朋友真係要試下呢道前菜，因為水牛芝士夾埋蕃茄呢個配搭真係好正👍🏻好開胃👍🏻 餐湯方面係 -周打魚湯-魚味濃郁😋 美國頂級西冷牛扒 對於我呢d唔係太鐘意食半生熟既人黎講，不得不讚的係呢到既西冷牛扒🐮大大塊好juicy , 5成熟口感食落去都唔會覺得好生，好夠淋 ，必食！。香草三文魚薄餅 脆脆的薄薄的唔會覺得滯。蕉糖燉蛋就食得多，但要整到咁香滑又唔太甜既就真係第一次，值得推介必食！

平時好鐘意食意大利菜既我地 今次就揀左九龍城意大意餐廳 Pavia 嚟試試 外面睇已經好靚 入到去環境好優雅同舒適 地方夠闊 又唔會好嘈 岩曬朋友聚會或者係情侶黎食 我地今次揀咗個套餐 前菜有蕃茄水牛芝士沙律 芝士味道濃郁 清淡得嚟帶點色彩 沙律菜好新鮮 之後上周打魚湯 唔會浠又足料 魚味非常濃郁 值得一試 主菜 燴牛膝意大利飯 牛膝燴到好淋 易入口 加上意大利飯好多忌廉汁 好creamy 真係食到唔停口 甜品 推薦 焦糖燉蛋 好香好滑 又唔會過甜 一定要試

同另一半慶祝，朋友介紹下，就嚟咗九龍城食飯，試吓意大利小店餐前麵包小小暖，蒜蓉包香脆意式炸魷魚無得彈，魷魚新鮮，完全唔un，炸漿開得啱啱好，唔會好厚。配埋番茄沙沙醬，酸酸甜甜。正意式番茄海鮮意粉海鮮超級新鮮，番茄醬自家製調味啱啱好，意粉煮得好味，應該係自己整嘅意粉。越食越開胃，尤其青口絕對冇得彈，非常新鮮美國極品牛扒靚牛扒生都唔怕，要左五成熟，肉質好味，油脂好香，連條筋都好好味，靚牛扒絕對唔使另外加好多調味，輕輕點少少海鹽已經令成件事再昇華，配菜嘅薯蓉同埋蔬菜都完全唔會係好求其，用心製作真係食得出架心太軟配雪糕爆漿嘅心太軟，最鍾意心太軟暖暖地，配埋凍冰冰嘅雪糕真係好好味，心太軟冇焗過熟，所以用匙羹整開嘅時候啲朱古力醬爆出來。小店真係值得大家多啲支持，見着老闆娘全晚不停走來走去，問吓大家食物嘅意見，有閑話家常咁，好似都有幾台係熟客，我諗都係因為食物質素好同埋老闆娘熱情

放工後想去九龍城閒逛和吃個晚飯，去商場途中見到一間西餐廳，餐牌上的食物滿吸引，決定先醫飽肚子再去逛商場。先來一客麵包，外脆內軟，不錯。新西蘭白酒煮青口份量多，湯頭裡帶著香香的白酒味道，每一隻青口都很鮮甜，加上蒜片味道昇華到一個點。茄汁海鮮扁意粉配料有蝦、魷魚及大青口，扁意粉煮得剛剛好，配上微酸的蕃茄汁更開胃。炭燒牛扒格仔紋牛扒，份量滿厚，肉質嫰口，邊邊帶一點脂肪，吃下去更帶去牛香的味道。Apple Crumble最近開始接受到蘋果類的甜品，因為個人很怕肉桂的味道，這款吃起來帶一點肉桂味，香口的牛油脆脆配上蘋果粒兩者互補不足，吃起來不會太乾或太濕，有點驚喜。

平時食平價意式餐廳就食得多 今日就試下貴少少既，今次就去左呢間Pavia 入到鋪頭 感覺都幾有情調。坐低之後就serve左客麵包，有2款，食落熱同脆口，已經有驚喜。頭盤就揀左洋蔥白酒紐西蘭青口，呢個個份量真係厲害 ，2個人食既話食完都飽左一半。味道的話，青口都算新鮮，配呢個Garlic White Wine Sauce，都幾夾，可以話連汁都飲埋都得。跟住嗌左個煙肉辣肉腸Pizza ，不過就無特別驚喜，批邊係脆既，但可惜食唔出有煙肉同辣肉腸既味，但整體都算好食既。另外主菜的美國西冷扒， 5成熟， 非常冧，而且有肉味 煎得幾香口，推薦！最後甜品就叫左蘋果金寶，自己好少食甜品 ，蘋果金寶更加係第1次食。黎到既熱辣辣，即叫即焗 ，食落去，脆糠口感唔錯，蘋果肉應該係新鮮蘋果切粒，所以唔太甜，整體感覺係唔錯，會推介朋友一起來！總括而言，付出既價錢得到番相對既享受 值得一試

係九龍城少食西餐，呢間真係係要推介一下！首先講下個環境先，真係好適合情侶黎食，柔柔既燈光，暗暗既環境，什至D咩週年紀念黎一D都唔過份，仲好正TIM！自問少食意大利餐，但呢餐真係非常滿意，餐包都好食過人，重點係D包係暖既，凍既蒜蓉包係最難食，暖既就岩岩好，加埋牛油食仲好食！Honey Melon and Bellota Iberico Salad本身係HONEY MELON，老闆好有心咁轉左無花果俾我地試，因為見今日既無花果新鮮D！ 效果應該比HONEY MELON仲好，襯落個Bellota Iberico度真係好夾，呢種肉會散發一種香味，加埋橄欖油就仲香！Seafood Spaghetti in Tomato Sauce好足料，好多蝦，個番茄醬都較得好好，唔太鹹，值得一提係佢既意粉堅正，唔太硬唔太"林"，煮到岩岩好，好易入口。Roasted Spring ChickenCreme Brûlée蕉糖燉蛋係我既至愛，但要整得好食其實唔易，因為佢比出面食既香，原來係因為落左雲妮拿子，成本較貴，所以呢個就一定係推介！PS：我仲有鍾意佢夠實淨！食到好滿足既一晚！

今次真的要介紹朋友了，星期三那天跟我太太在九龍城行行下街，見到一間意大利餐廳，在門外睇過餐牌後覺得幾岩食，步入餐廳時服務員很有禮貌的上前招待安排坐位，看餐牌一會後覺得很多也想吃，我們在服務員的介紹下點了兩個湯、一個意式Pizza、一件西冷牛扒及一個甜品，點餐後我覺好像小了一點，太太話點了先再算，到上湯時飲落口發現比平時飲到的更正，那個是蟹肉忌廉湯蟹肉切成粒狀沒有散在湯裏，入口時很有味道不像平時在湯裏浸泡了很久沒有味道，湯入面還加了車厘茄及薯仔粒好好味，過了一會意式pizza出場喇看見一個一開四的pizza上面每一片有火腿，我拿了一片拎起覺得跟平常的芝士有小小不同，放進口吃時覺得沒有像平時的芝士那麼膩，火腿下還有蕃茄，整個Pizza吃起來很好味，後來服務員說在整之前餅皮由廚師親手即時整的吃起來有小小脆皮口感，之後出場是我最愛吃的西冷牛扒睇到都幾大件，還另外上了黑椒蘑菇汁，我正常一樣切好分好後準備吃時服務員說他們有靚的海鹽可以不用汁，其實大家都知如果一件靚牛扒用鹽食是很正的，當我點一少許放進口時真的感覺超好，牛扒很靚很新鮮，肉汁全鎖住了，肉的味道全在不會太乾身，品嚐到連配菜我也全部清了，碟

喺九龍城附近竟然有一間意大利菜餐廳，門面以黑橙色為主，仲有一盞好大嘅水晶燈係門口吊住，感覺份外華麗。首先店員來一籃餐包，餐包熱辣辣，再配以牛油，食落去外脆內軟，口感絕對唔會硬骨骨，倍感份外驚喜。餐湯係「龍蝦湯」，聞到有好濃郁嘅龍蝦味道，龍蝦湯入面仲有幾隻細細隻嘅蝦仔，飲落去好清甜，唔會太咸。「卡邦尼闊條麵」食落去好Creamy，意粉嘅配料有大大塊煙肉片，份量剛剛好，足夠兩個人食。主菜當然叫咗我最鍾意嘅「炭燒牛扒」，賣相已經好吸引，牛扒上鋪滿炭燒條紋，再加少少鹽，連埋牛扒一齊食，倍感份外滋味。牛扒本身肉質鮮嫩，咬落去好軟口，配菜炸薯角炸得非常香脆，食落去外脆內軟，唔使點茄汁食都好夠味道。甜品就係「焦糖布甸」，賣相亦都非常吸引，每次細細啖食落去，脆卜卜嘅糖漿連埋好滑嘅蛋布甸一齊食，冇得頂。呢一間係九龍城區中，我覺得最好食嘅西餐意大利菜，下次會介紹多幾個朋友，多啲人一齊試唔同嘅菜式。

估唔到九龍城都有fine dining呀，真係要讚一讚呢間餐廳環境好舒服，個個講野都細細聲，光線偏暗，好有情調首先有餐包和蒜蓉脆多士包仲係熱辣辣的，可以自己再加olive oil/ vinegar/butterHoney melon and bellota iberico salad原來bellota iberico即是黑毛豬，呢到既黑毛豬好正，不會像parma ham咁過咸，而侍應問我地轉做無花果好唔好，因為今日既無花果好新鮮，當然好啦!其實我係第一次食咁大啖既無花果，配埋bellota iberico好夾,食完好開胃Seafood sphagetti in tomato sauceSeafood有大大粒青口，好多大蝦，魷魚等等，好足料Roasted spring chicken食燒春雞既重點係佢既皮，烤得又香又脆，配埋veggie同薯角，好滿足Creme brulee呢到既creme brulee用雲尼拿籽，所以特別香濃，女仔必食

今日老婆懶神秘黎接我放工，仲話帶我去食好野，之後就帶左我去打鼓嶺道，我心諗:黎 body massage?!差唔多行到最尾，終於見到目的地《Pavia》餐廳環境幾舒適，微暗既光線，橙色牆身，無乜多餘既裝潢，簡簡單單幾副肥廚掛畫。食物方面，Order左魷魚圈，煙肉辣肉腸pizza同埋羊膝扁意粉前菜魷魚圈炸得頗出色，薄薄既外皮，包住彈牙鮮味既魷魚，醬汁係一個蕃茄醬，幾清新，如果想再多少少酸味，可以自己再加少少檸汁。Pizza十分足料，餅皮上面有厚厚既茄膏，煙肉，辣肉腸，芝士，岩晒我呢D重口味令我驚喜係餅底，外面烤都脆卜卜，中間位口感有別於其他pizza,感覺似係食緊台式手抓餅，幾特別羊一向係我最愛既肉類之一，呢個羊膝整得好好，肉質好軟，唔黏肉羊味好夠，好好食，醬汁係由蕃茄洋蔥混合而成，酸酸甜甜，整體配搭唔錯。

同男朋友慶祝生日，梗係要揀返間有情調、有氣氛，食物又得嘅餐廳喺網上做咗少少功課，就約咗呢一間餐廳 餐廳有種舊日情懷，好似我係外國食過既老式餐館嘅環境，又幾特別 ，估唔到香港可以搵到因為男朋友最鍾意食嘅意粉係卡邦尼意粉咁就無理由唔叫啦~一上枱就聞到香味，而且見到醬汁比較多，係剛剛好再多少少嘅程度啱曬我男朋友，因為佢係好鍾意食醬汁嘅人，又好怕乾身 雖然醬汁比較多,但都唔會覺得好膩而且煙肉並唔係普通超市買到嘅貨色咸香類近帕瑪ham，帶有香味，入口唔會過鹹主角意粉，唔單止軟硬適中，重點係有咬口 比起普通意粉，係需要稍為用力先可以咬開嚼落有質感，唔係粉粉碎碎蘋果金寶 雖然係男朋友生日，但去到甜品環節就當然係有女朋友話事啦crumble面頭嘅脆脆好鬆化 蘋果雖然焗完係會淋咗，但仍有一定嘅口感再配上少少提子乾點綴 ，味道同口感都有層次

屋企住九龍城附近，細細個就成日去九龍城食泰國菜，一直知道九龍城好多好出色既小店，朋友介紹話有間唔錯既餐廳，襯住紀念日，就一於試下呢間好似幾hit既意大利餐廳。環境舒服，音樂好情調，好怕又嘈又播大大聲流行曲既餐廳呢，餐抵食，散叫都唔貴。一坐企就送上麵包，有芝麻包同蒜容包，可以點olive oil/ vinegar / butter。 自己選擇 面包暖身香脆！酥炸尤魚圈海鮮呢家野，不嬲麵係愈新鮮愈好味，加埋適當既調味，薄薄既粉一炸，外脆內軟，完全唔un，出色! 配埋個沙沙醬，無得彈!吱檸檬汁個夾好得意。好細心，等大家唔使整到隻手！海鮮蕃茄汁意粉意粉食落就知係好野，唔係自家製既話就係入好高質既意粉。煮落無過淋，岩岩好少少咬口，蕃茄汁同香草配搭得好好，加上海鮮新鮮，由其個青口，好肥，咬落去會卜一聲爆汁點解可以咁好味，係澳洲食過活青口都無呢個咁好味，下次一定要淨係點一碟青口美國頂級西冷扒好靚既網紋 靚扒緊係生d好，叫左五成熟。正呀，肉味濃，舊筋同脂肪香到爆！！！好滿足呀！！！！好想再食呀！！配菜一樣唔輸蝕，薯容用新鮮薯仔做，香牛油味好軟滑心太軟外面脆皮，加中間暖心香濃既朱古力醬，配埋冰凍既雪糕，

兩個人專程去到九龍城試吓意大利菜，餐廳外面方便泊車，而且容易搵到，所以入去試吓。首先黎兩個熱辣辣嘅餐包，再加埋佢嘅「龍蝦湯」同埋「雜菜湯」。雜菜湯相當鮮甜，味道新鮮好特別。龍蝦湯味道濃郁，湯入面還有龍蝦仔，再加埋餐包相當一流。「煙腩肉卡邦尼闊條麵」，煙腩肉相當肥美，食落去一啲都唔會覺得鞋，再加埋佢卡邦尼醬汁嘅闊條麵，味道濃郁惹味，一啲都唔會覺得溜，黎呢間餐館一定要食，好味。「安格斯西冷牛扒」是呢間餐廳嘅主打菜式， 客人黎到一定要食呢度嘅牛扒，牛扒相當大件，我們叫了五成熟，牛扒煎得恰到好處，一切落去陣陣牛嘅鮮味散發出嚟， 肉質鮮嫩，入口嘅口感有即溶嘅感覺，再加埋佢特製嘅黑椒汁，味道相當夾，再配上炸得好香脆嘅薯角，配上茄汁，再加一些雜菜，是相當好味嘅菜式，必食。「焦糖布甸」，佢呢度嘅焦糖布甸不同出面，面嗰浸焦糖好厚，非常之脆，一啲都不覺得甜，再加埋佢下面嗰層鮮奶布甸， 味道一流，簡直係絕配。

紀念日同女朋友去左呢間係九龍城既意大利餐廳，旺中帶靜，鋪面望入去都好似幾舒服咁，入到去環境都好寬敞好有氣氛，靚女職員都好熱情招呼，主動介紹左幾款鋪頭招牌，服務一流~~落完單後職員上左的餐包頂一頂肚，熱辣辣自家製好鬆軟，配埋橄欖油同醋食真係好開胃。 嘩，呢個酥炸魷魚圈勁有驚喜，入口勁彈牙，唔似出面個的難咬到食橡筋咁，出面個層粉漿又薄唔會話好滯，魷魚啖啖肉好新鮮超級好食，好值得推介既前菜。之後呢個蕃茄海鮮意粉我覺得幾適合女仔，佢材料都好新鮮大大隻青口、帶子、蝦仁，但最正我覺得係意粉，煮得剛剛好，好煙韌、爽口彈牙，真係落場見真章，配埋個sauce勁襯，新鮮蕃茄、洋蔥等等煮溶左，冇加多餘既調味醬，我女友食左大半…最值得推介既另一款澳洲西冷，8安士大大件勁香，網紋燒賣相都幾正，我地要左七成熟，廚師手藝好好剛剛燒到七成嘅水準，塊扒好靚，肉汁多又有勁濃嘅牛味，加埋炭燒，入口簡直係一絕，真心推介。食完晒傾下計，女友當然無放過甜品時間啦…叫左個心太軟配埋兩球雪糕，未上枱已勁香，賣相都幾靚，切開左佢入面的朱古力醬咁就流流流晒出黎…好香濃既朱古力，好好味。食完晒埋單又唔貴喎，平均每位都係二百零蚊左右，如果第