帕維亞意大利餐廳

营业中

休息中

係九龍城食飯選擇實在大多，今次就搵左間意大利菜！餐廳面積唔算好大但空間感十足，感覺幾舒服。有選擇困難症嘅我地梗係食set dinner!首先打頭陣嘅芝麻包蒜蓉包已經食到唔停口！個包嘅溫度係焗得啱啱好，熱得嚟又唔會燙手，搽埋牛油食簡直係perfect!蕃茄水牛芝士沙律 - 幾新鮮，d菜唔會有太多殘留水份，唯獨係沙律汁少左dd, 所以自己加左少少欖油，感覺健康又好味周打魚湯 - 忌廉味濃，但如果魚味可以更濃郁會更好燴牛膝配意大利飯 - 牛膝肉口感不錯，有點入口即溶嘅感覺，絕對唔怕痴牙，入味嘅牛肉配上意大利飯食一流!北海道帶子磨菇忌廉汁天使麵 - 非常creamy的天使麵，有我最鍾意嘅帶子同磨菇，配搭不錯！甜品 - 開頭以為係平凡嘅tiramisu 唔會有咩驚喜，點知食食下發現裏面原來加入左少少爆炸糖，感覺好得意，估唔到加埋少量爆炸糖食都好味

上一個月黎過呢間餐廳搵食，食過返尋味，就再R咗另一位朋友陪我入九龍城九龍城雖然有啲遠，但為咗食好西，遠少少都無所謂上次飲恨既係，無食到海鮮，因為網上有唔少人介紹青口今次一到，就即刻整啲青口白酒煮紐西蘭新鮮青口 個盤好大，而且青口密密羅羅咁排列整齊畫面已經好震撼重點係青口睇落好肥美，企起身肥嘟嘟個樣，真係我見猶憐 青口新鮮 質感爽彈 ，口感同普通青口冇得相比唔易碎，有咬口燒春雞燒春雞體型雖然唔算大，但勝在肉質結實，又嫩口外皮燒得香口，又有焦香位雖則雞肉味道注定比較淡，但配埋稍為濃味嘅醬汁，就將問題解決左而不得不提嘅，係身旁嘅配菜:蘑菇、翠玉瓜、椒等 調味做得非常出色，蔬菜甜味中又帶有辛料既刺激而薯角炸得香口，薯蓉口感有層次，也是正正的

已經第二次黎PAVIA 了, 環境依然好浪漫, 服務依然好優越, 食物依然好出眾, 價錢依然好抵!今次食DINNER SET $398 PER HEAD, 真係超值! 牛油包+蒜蓉包- 新鮮熱辣, 超香香牛油味, 冇得輸!黑松露牛肝菌炒田螺 - 第一眼感覺係好大碟, 前菜咁抵食? 入口淡淡的黑松露味道, 田螺煮到好冧好香, 但不失口感! 周打魚湯 - 超級CREAMY, 而且好足料, 有好多魚粒, 超香香草味!燒澳洲羊架 - 羊架鮮嫩多汁, 十分有口感, 肉質彈牙, 算係我食過最好食的一間羊架, 沒有丁點兒的羊酥味, 好出色! 但有3款醬汁, 我最鐘意梅子醬, 比芥末醬更夾!煙三文魚忌廉寬條面 - 我臨時想食煙三文魚忌廉意粉, 特別要求餐廳幫我整一碟自選意粉, 廚師好好人肯幫我整, 咁FLEXIBLE 既餐廳的確好少有, 一定要讚下! 呢碟寬條面炒得十分好食, 忌廉汁夠晒濃味, 超多煙三文魚, 寬條面口感一流, 食到齒頰留香! 我大愛!Tiramisu  & Coffee - 老公最愛, 甜品夠滑不會太甜!

朋友訂了位去九龍塘食PAVIA, 好期待! 餐前湯周打魚湯濃郁，能嘗到忌廉奶味，很開胃。湯𥚃 有不少粗粒的魚肉，口感味道，看似簡單卻不單調。接著來的薄餅的餅底很脆薄香口，配料是豐富的西班牙火腿跟 rocket leaves, 而濃厚滑溜的芝士也是這菜不可忽略的賣點, 是傳統搭配然各配料是恰如其分。火腿肉中的鹹香加上既脆的餅㡳， 我們沒有失望。這道菜剛好給我們， 品嘗過後還是有空間去迎接下一道主食。縱然對羊架有興趣，但還是應景地選了典型的意大利菜— 燴牛膝配 Risotto. 主菜牛膝肉軟而不韌，輕輕切開不用費力，燴的火候值得讚賞。 配汁味道是濃而味美的，然驚喜之處是牛骨髓滑而不燙， 是精髓所在，吃的時候再舌上翻個幾圈再流到喉嚨， 是這道菜有趣處。意大利飯配的香草汁，有奶香， 美麗的包著每顆飯粒，多而不漏跟飯很配搭。飯後甜品是焦糖布丁。老闆還很窩心地特意給我倆的 latte 跟朱古力拉花。

邊個話去九龍城一定要食泰國菜嫁，今日就同朋友誤打誤撞泥咗呢間九龍城嘅意大利餐廳！餐廳裝潢用咗橙色配黑色嘅色調，鮮明嘅顏色對比，沉實得泥有帶點少活潑。餐包有芝麻包同蒜蓉包兩種選擇，雖然，蒜蓉包蒜蓉味都幾香濃，但我個人就比較鍾意食芝麻包，微微嘅烘烤，食落有少少脆，配埋牛油就仲香。主菜方面，我就叫咗卡邦尼意粉，呢度嘅意粉同普通嘅卡邦尼都一樣，用咗大量煙肉、洋蔥同忌廉做食材。煙肉半肥瘦，用忌廉同蛋黃整成嘅醬汁唔會話好稠身，撈埋落意粉度就啱啱好，再加埋少少黑胡椒調下味。食西餐，點少得甜品呢，我最後就揀咗一個朱古力心太軟配雪糕，心太軟外部嘅蛋糕唔算好硬身，所以食落唔會好乾。而切開後熱辣辣嘅流心朱古力漿，同隔離嘅雲呢拿雪糕，一冷一熱，都好夾。

好耐冇蒲頭嘅契姐突然之間打電話比我約我出嚟食飯 而且係去食西餐 仲話係佢請我梗係一支箭飆出去食啦契姐話呢間餐廳 唔係求求其其一般西餐廳 而係意大利餐廳 意大利雜菇湯 未飲已經聞得到有好香嘅菇味 一飲落口更加係不得了 味道真係好香 食西餐飲得湯就有包 啲包好好味 尤其是係蒜蓉包好香好脆好有蒜蓉味 就咁食又得 用嚟點湯又得 我個人就好實際嘅 既然契姐請 我梗係食好啲要鋸扒 咁就我就叫咗個 烤美國USDA Prime西冷牛扒 呢件牛扒好夠份量 考到啲肉好香口 咬落去又淋又好味 肉味好正 好耐冇食過咁好味嘅牛扒 而且啲薯條仲好脆口好好味好似食親西餐都一定會跟個甜品咁樣 呢度都唔例外 契姐就幫我叫咗個焦糖燉蛋 燉蛋好香蛋味甜甜地好好味 加埋個脆口嘅焦糖面好好食好多謝契姐請我食好西

念念不忘呢度嘅青口，再約朋友嚟pavia食，一入門口就見到親切既老闆娘嚟招呼！坐低見到爆哂場，呢到果然變成九龍城人氣餐廳首先緊係又有香口兼脆卜卜蒜蓉包同芝麻包！唔好講咁多，即刻叫番白酒青口，好掛住你呀！！水準依舊！鮮味十足！白酒汁好香！連蒜頭都唔放過要食埋！意粉上次食過carbonara 今日就試吓新野叫咗seafood spaghetti in tomato sauce,意粉口感好好！唔會過林，有咬口，係我杯茶！海鮮足料（又見面啦青口！）仲有蝦，魷魚，魚肉而且醬汁唔會過酸再嚟就試下燒春雞啦！配菜充滿牛油香，好食！薯角脆卜卜！係我至愛雞皮燒到脆脆地，點埋個醬食，perfect match！又要畫完美句號啦！焦糖燉蛋，好濃蛋味又夠滑！要翻兜再食既餐廳唔多，中意呢到既溫馨感覺，食物高質素，價錢貼地！食得好開心

九龍城泰國餐廳居多 今次同朋友去九龍城食飯 吾係去食泰國餐廳 而係食意大利餐廳餐廳位置吾係係當眼嘅地方 如果吾係朋友介紹我諗都吾知道 燈光柔和 好適合情侶同朋友聚會 感覺好舒服我地揀咗set dinner 餐包有蒜蓉包同埋芝麻包 攞上手仲係熱嫁 值得一讚蕃茄水牛芝士沙律 淡淡嘅芝士味 吾會太濃郁再加埋新鮮嘅蕃茄同蔬菜 好清新餐湯係周打魚湯 魚味好濃郁 吾會好浠 好正燴牛膝配意大利飯 牛膝燴到好淋 吾會太乾 意大利飯軟硬適中 好creamy 吾會好膩最後甜品有焦糖布丁 布丁打得好軟滑 好香蛋香味 同埋焦糖一齊食 真係一流

今日朋友生日，所以我就請佢食餐好嘅慶祝下啦。佢話食過九龍城有一間意大利餐廳幾好味，咁就食呢間啦！餐廳幾別緻簡潔，有好多情侶、一家大細食餐枱面放着一樽意大利醋同橄欖油，一陣點面包可以用麵包有兩種，一種係蒜蓉包，另一種係充滿芝麻灑喺面嘅包。前者比較香脆。後者係好重芝麻味，口感比較鬆軟，兩款都幾好味！牛油配芝麻包西班牙黑毛豬火腿沙律配哈蜜瓜Parma ham就食得多，呢款真係第一次食，佢比巴馬火腿味道更香濃，好香油脂口感實在啲。哈蜜瓜夠甜意大利pizza，有好大塊parma ham係面仲有火箭菜。pizza薄而脆，濃郁嘅蕃茄同芝士味好多芝士會拉絲嫁！！令小女生為之興奮燒美國頂級西冷牛扒（10oz)花紋好靚我order咗七成熟，切開啱啱好粉紅色，依然好嫩好重牛味，食之前淋上燒汁附上海鹽、芥末醬，牛肉識食梗係加啲海鹽喺上面啦，可以帶出牛肉嘅鮮味芥末醬就偏辣偏衝擊我朋友話呢間好岩佢口味

這晚來到九龍城探望D先生，順帶一起晚餐。晚上，九龍城的小店及車房紛紛打烊，途經漆黑的街道上，看到一間頗有浪漫情調的餐廳。這間是一間中價餐廳，意粉大約百元起，其中亦有不少不俗的紅酒選擇。點餐後，先有一份麵包，特別喜歡蒜蓉麵包，十分脆口，而且蒜蓉味濃。大讚的是這份Fresh New Zealand Mussels in Garlic White Wine Sauce，青口份量非常多，約有十隻，每隻也是大大隻。青口非常彈牙有咬感，而且新鮮，由於用了白酒來製作，故特別令青口擁有酒香，同時亦能去海鮮的腥味，值得一吃。Grilled USDA Prime Sirloin Steak，賣相亦不錯。先自行淋上黑椒汁調味。小妹較喜歡吃五成熟的扒，不會過火候失去原有的肉味，也不會有血淋淋之感。肉質感剛剛好，唯一這次比較就麻煩的事，難以切開。這塊西冷扒，就是牛牛的背部，不會不硬亦不會太腍，肉質剛剛好，同時亦有原汁有味之感。旁邊的配菜配上黑椒味後亦十分惹味。Bacon and Pepperoni Pizza，芝士味道濃烈，和煙肉及腸亦匹配，但就略欠脆口之感，不過不失。整體上，食物份量頗足，加上餐廳環境不錯，非

最喜歡周圍吃，一直都覺得九龍城是吃貨必到之地。上網睇食評見到呢間咁多like當然要試下龍定鳳~店內氣氛不錯，比起與朋友來，更適合情侶。大廚推介的每一款菜色都十分吸引。叫左4樣野, 青口, pizza, 西冷扒同甜品。坐左陣，香噴噴的蒜蓉包便送到了，吃完後更期待其他菜色~第一樣上青口, d青口真係好大隻, 大隻到一個點, 形容唔到, 未試過食咁大隻, 仲要好入味。第二樣上pizza, Bacon&Pepperoni Pizza。正常味, 本人鍾意再脆D。再之後就係西冷扒, US Prime 質素, 好味, 5成熟非常juicy, 加上海鹽調味, 正~最後係甜品Apple Crumble, 望落好普通, 但超好味, 肉桂香加上蘋果粒同牛油脆脆, 配合得恰到好處, 一D都唔過甜, 岩岩好, 岩哂唔食太甜既巴絲打。聽講心太軟都唔錯，但是肚已滿.....唯有下次再黎~！

星期六晚去咗九龍城拍拖，原來九龍城唔單只係食泰國菜同火鍋，我哋仲搵到一間好浪漫嘅意大利菜館，好彩時間尚早所以我哋係冇book位嘅情況下都入到去意大利菜點少得Pizza佢嘅Pizza即叫即製香脆可口淡淡香濃嘅芝士味好有意大利嘅風情牛扒亦都係西餐必然嘅選擇佢哋係用美國頂級西冷牛扒燒牛扒火候控制得好好，佢嘅肉汁燒完仲可以鎖住係入面配特製嘅燒汁可謂十分惹味除咗燒汁之外我都試過配佢嘅海鹽去食，會食到另一番風味甜品蘋果金寶即叫即製熱辣辣，侍應都好好服務叫我地小心啲熱佢嘅蘋果好似有啲玉桂味但又唔係好濃，好清新，佢面頭嘅脆脆同蘋果嘅配搭好夾今次同另一半都好滿足

最近朋友搬了去九龍城 又可以多個機會經常過來 這晚帶我來她家附近的餐廳總覺得九龍城小巷裡很多小店 座下來不久店員就送上餐包分別是蒜蓉包跟芝麻餐包熱辣辣的蒜蓉包香脆新鮮，食得出是即烘白酒煮新鮮新西蘭青口青口肥美新鮮，鮮嫩有彈性 而且份量蠻多的青口鮮味無沙粒如白酒味濃郁點更好燒美國頂級西冷牛扒炭香味道強烈，愈嚼牛味愈感強烈牛扒烤的顏色粉嫩，筋位不多 水準不錯Apple Crumble餅面鋪上非常香的金寶脆粒，來亦脆口內裡原來又有大量蘋果粒，增加鬆軟感覺味道調較適中如果多球雪糕相信更加滿足 九龍城打鼓嶺道85號地下

隨着九龍城嘅發展，高檔餐廳都多咗，但原來一直有一間意大利菜，開業都差唔多有五年，係暗街嘅一個角落，真係唔講唔知道餐廳內環境不錯，setting感覺都幾正宗，座位都幾寬闊。既然一日門口就見到條大火腿咁一坐低就一於叫咗個沙律試吓先！Honey melon 夠晒甜，風乾左48個月嘅西班牙黑毛豬火腿，果然係好味啲！就係層次不同啦Seafood spaghetti 真材實料，有大蝦又有魷魚，店員話如果唔係青口賣晒，材料更加豐富的。我最喜歡 tomato sauce 酸酸地，夠開胃朋友鍾意食澱粉質，一於叫多個pizza，bacon and pepperoni ，餅底又薄又脆，最緊要係面頭 full of cheeseRoasted spring chicken 春雞肉滑多汁，香草味撲鼻。最啱唔食紅肉既朋友。最後當然要叫番個甜品呀！chocolate pudding 好味過出邊甜品店多多聲，雲呢拿 ice cream 更加係炎炎夏日嘅最好選擇來到九龍城不妨一試

九龍城區人人都佳知係多美食既地方，所以約左位好耐無見既好朋友暢談一翻。 我地約左七點半到帕維亞意大利餐廳，一入到去餐廳已經深深感受到環境優雅既感覺，給人一種舒服的感覺。餐廳還有油畫欣賞，枱與枱之間不算太近，坐得好舒服，呢晚我仲留意到好多情侶黎享受晚餐，簡直係情侶首選之一啊👍🏼👍🏼👍🏼👍🏼。 我地2個女仔胃口細，所以點了個set,頭盤食左個蒜蓉包，蕃茄水牛芝士沙律，我特別鍾意佢軟滑口感, 芝士味不濃,飲左個清香既周打魚湯，燴牛膝配意大利飯。加一個足料既海鮮意大利飯(大大粒帶子~蜆肉)我食過有餐廳既意大利飯就比較硬身，但係呢間食既意大利飯軟硬程度岩岩好，非常岩我好味，而到最後既當然五小得餐甜品啦。食左個不簡單既燉蛋，如何不簡單啊。一個字可形容晒（滑)。 服務態度很好，環境很優美，坐得很自在很舒服經常有服務生加水。