帕維亞意大利餐廳

营业中

休息中

邊個話去九龍城一定要食泰國菜嫁，今日就同朋友誤打誤撞泥咗呢間九龍城嘅意大利餐廳！餐廳裝潢用咗橙色配黑色嘅色調，鮮明嘅顏色對比，沉實得泥有帶點少活潑。餐包有芝麻包同蒜蓉包兩種選擇，雖然，蒜蓉包蒜蓉味都幾香濃，但我個人就比較鍾意食芝麻包，微微嘅烘烤，食落有少少脆，配埋牛油就仲香。主菜方面，我就叫咗卡邦尼意粉，呢度嘅意粉同普通嘅卡邦尼都一樣，用咗大量煙肉、洋蔥同忌廉做食材。煙肉半肥瘦，用忌廉同蛋黃整成嘅醬汁唔會話好稠身，撈埋落意粉度就啱啱好，再加埋少少黑胡椒調下味。食西餐，點少得甜品呢，我最後就揀咗一個朱古力心太軟配雪糕，心太軟外部嘅蛋糕唔算好硬身，所以食落唔會好乾。而切開後熱辣辣嘅流心朱古力漿，同隔離嘅雲呢拿雪糕，一冷一熱，都好夾。