影片
更多
2017-09-07
43 浏览
屋企住九龍城附近，細細個就成日去九龍城食泰國菜，一直知道九龍城好多好出色既小店，朋友介紹話有間唔錯既餐廳，襯住紀念日，就一於試下呢間好似幾hit既意大利餐廳。環境舒服，音樂好情調，好怕又嘈又播大大聲流行曲既餐廳呢，餐抵食，散叫都唔貴。一坐企就送上麵包，有芝麻包同蒜容包，可以點olive oil/ vinegar / butter。 自己選擇 面包暖身香脆！酥炸尤魚圈海鮮呢家野，不嬲麵係愈新鮮愈好味，加埋適當既調味，薄薄既粉一炸，外脆內軟，完全唔un，出色! 配埋個沙沙醬，無得彈!吱檸檬汁個夾好得意。好細心，等大家唔使整到隻手！海鮮蕃茄汁意粉意粉食落就知係好野，唔係自家製既話就係入好高質既意粉。煮落無過淋，岩岩好少少咬口，蕃茄汁同香草配搭得好好，加上海鮮新鮮，由其個青口，好肥，咬落去會卜一聲爆汁點解可以咁好味，係澳洲食過活青口都無呢個咁好味，下次一定要淨係點一碟青口美國頂級西冷扒好靚既網紋 靚扒緊係生d好，叫左五成熟。正呀，肉味濃，舊筋同脂肪香到爆！！！好滿足呀！！！！好想再食呀！！配菜一樣唔輸蝕，薯容用新鮮薯仔做，香牛油味好軟滑心太軟外面脆皮，加中間暖心香濃既朱古力醬，配埋冰凍既雪糕，
屋企住九龍城附近，細細個就成日去九龍城食泰國菜，一直知道九龍城好多好出色既小店，朋友介紹話有間唔錯既餐廳，襯住紀念日，就一於試下呢間好似幾hit既意大利餐廳。
環境舒服，音樂好情調，好怕又嘈又播大大聲流行曲既餐廳呢，餐抵食，散叫都唔貴。
一坐企就送上麵包，有芝麻包同蒜容包，可以點olive oil/ vinegar / butter。 自己選擇 面包暖身香脆！
酥炸尤魚圈
海鮮呢家野，不嬲麵係愈新鮮愈好味，加埋適當既調味，薄薄既粉一炸，外脆內軟，完全唔un，出色! 配埋個沙沙醬，無得彈!
吱檸檬汁個夾好得意。好細心，等大家唔使整到隻手！
海鮮蕃茄汁意粉
意粉食落就知係好野，唔係自家製既話就係入好高質既意粉。煮落無過淋，岩岩好少少咬口，蕃茄汁同香草配搭得好好，加上海鮮新鮮，由其個青口，好肥，咬落去會卜一聲爆汁點解可以咁好味，係澳洲食過活青口都無呢個咁好味，下次一定要淨係點一碟青口
美國頂級西冷扒
好靚既網紋 靚扒緊係生d好，叫左五成熟。
正呀，肉味濃，舊筋同脂肪香到爆！！！好滿足呀！！！！好想再食呀！！
配菜一樣唔輸蝕，薯容用新鮮薯仔做，香牛油味好軟滑
心太軟
外面脆皮，加中間暖心香濃既朱古力醬，配埋冰凍既雪糕，一流呀，略嫌甜左少少，但老公好快搶食晒啦仲點左杯black cow，原來係可樂加朱古力雪糕，好過引！
幾時都話，小店難求，好既小店更難求，pavia除左食物出色外，最好係老闆娘同職員都好好，當日餐廳都full house，忙碌就一定啦，但除左關心食物質素以外，老闆娘仲會當大家朋友有傾有講，職員又不停換碟。希望pavia會hit爆九龍城！！
张贴
