小鍋米線

营业中

休息中

呢間小鍋米線經常都坐滿人，要等位，所以今次大約十一點半到達，因為時間尚早，可以即刻入坐今次照舊，叫左招牌小鍋（小辣）雞排，+招牌小鍋（走辣）豬排米線裡面的配料方面，可能比較耐冇食過，有小小唔同，多左甜菜，以前的雞肉粒變左瘦肉粒，木耳，菇菌都一樣的麵量足夠一個正常男士食架，所以男仔都唔怕唔夠食，女仔就可能會食剩小小😅小辣湯底對我黎講都已經夠了，PS平時去食麻辣火鍋都係食小辣！我習慣一邊食一邊配湯飲，味道更加一流

元朗美食多唔再講，但哩間真係由細細個食到大，啲米線係好足料又好夠份量，今次揀返最愛嘅小鍋米線，因為有一個自選餸，多數都會加個南乳雞件或者蒜香雞翼，因為真係最抵食，豬扒都唔錯。小鍋米鍋已經有雞絲、冬菇等等嘅配料，仲有佢個湯底又係一流嘅，每次都想飲曬佢啲湯，又唔會口渴，不過今次可能外賣所以個南件雞件有啲失水準，凍咗唔好食，仲送豆漿一杯，甜甜地幾啱我飲。每次去諗住堂食都會嚇一嚇，永遠條長龍都排緊隊，坐外面食都熱死，所以都係外賣食最好。

打機癮、煲劇癮、上網癮、購物癮，但猜不到一碗米線竟會令我上癮！記起前居於紅磡的那些年，附近民泰街的一間米線店，經常是我獨個兒或與老公結伴，相隔兩至三天便萌生渴食的食店。那種渴食的感覺就像上癮似的，心思思、不吃不快！後來該米線店的味道轉變了，加上遷居東涌去，自始那鋪米線癮就如大江東去，不復還矣！ 米線癮消失後，依舊會喜歡嚐米線，可是上癮的感覺沒有再出現！直至 ......... 直至我們由東涌搬到元朗，發現每次路過都總是門庭若市的「小鍋米線」，尤其在冬季，室外擺放的食桌由大門的前方伸延至右方轉彎位。就在好奇心驅使下，一試便不得了，心思思的感覺返來了，於是一個月內去了四趟，好肯定老公和我再次遇上會上癮的米線！ 「小鍋米線」地方不大，室內用餐區呈 L 型，位置有點狹窄！ 窗口正是輸送廚房完成製作的飲品和食物的唯一地方 （包括外賣），所以特別繁忙！ 簡單來說，米線分為小鍋和精選米線兩大類，湯底的豬骨雞湯可選大、中、小的酸辣或麻辣，米線與拉麵及米粉同價，薯粉需加三元，每款價格包含豆漿或熱飲，凍飲則另加兩元。在三款小鍋米線中，我最喜歡自選米線，因它包括「小鍋米線」三大必殺技，這點容後再詳細跟大家分

朋友上學時期既飯堂，佢經常黎食，知我中意覓食帶我黎，都滿座！唔算大，坐得逼小小，一見餐牌好得意，有分昆明米線、麗江米線、玉龍米線等等，每款都唔同配料，我就比大理米線吸引左，點左呢款大理米線 $42食過後好難忘！！！晉升我米線list頭幾位！叫左大理米線，配料有金茹,牛肝菌,豬肉,蕃茄,茶樹茹,腐皮,芽菜,特制甜酸菜,菜。呢碗米線真係不得之了！本身好中意茶樹茹，成個湯底十分濃郁，就如燉湯咁既味道，帶點，配料多，個湯飲哂都得，其他米線類，會都會想試哂佢！實在太特別而且好食，會特登入黎食！

每次試新餐廳既時候都會上openrice睇食評。前排突然心血來潮，不如自己都寫食評啦尼間鋪頭並唔係位於大街，係元朗行左咁多年都唔知道尼間店既存在。前排去新明苑飲茶，經過見到好多人排隊就決定要搵機會試下。星期六大約１點左右到，見到門口好多人等緊，好彩佢地係等緊外賣。咁岩有人埋單就好快有位。收費都唔算貴，加２蚊就有罐汽水。我叫左香炸豬扒招牌小鍋米線（小麻辣）配可樂。尼間算係暫時食過最多配菜的一間，竟然仲有雞肉同鮮菌，米線份量都算多（鐘意食米線既我都食唔哂）。由於隔離就係廚房，見到廚師每次都係煮一碗米線，所以米線都入味。豬扒就正常，唯一美中不足既係小麻辣唔夠辣（友人就話小辣都好辣）。友人就叫左南乳雞件招牌小鍋米線（小麻辣），仲加多一個餸，魚蛋。魚蛋炸過，口感似魚腐，幾好食。最正既就係南乳雞件，非常惹味，仲要係熱辣辣，全部都係雞翼其他鋪頭比較少有尼個餸。下次要再來食南乳雞件同試下中麻辣

話說收工想食米線除左譚仔之後同事推介左lee 間☺️☺️☺️☺️☺️☺️好多選擇心大心細我選左南乳雞件既招牌米線好足料呀有雞肉，炸醬，芽菜等等☺️☺️☺️☺️叫左小辣岩岩好，成為$44 包野飲，正下次試下其他先

平時好少去元朗，水邊圍村呢邊幾乎都未去過，輾轉問左好多人先搵到我地要去既參觀地點><參觀完，我地就快快揀左食米線做午餐～餐牌招牌小窩米線 $39 同 自選米線 $35 既分別 就係招牌小窩米線 多左雞肉、鮮菌同炸醬，兩者同樣都有芽菜、肉碎等…想食得豐富Ｄ一定係揀招牌小窩米線吧！ 米線可以揀一個餸，但我發現揀$4-$8都不用加錢，心理上覺得揀$8餸抵好多呢個係朋友點既小辣招牌小窩米線 ～肥牛自選米線蒜香雞扒招牌小窩米線 $39有好多菇呀，佢既米線係偏幼身架，湯底唔會太咸～不過我麻麻地佢既雞扒，一黎冇咩蒜香味，二黎就係非常油，三黎係有一陣我唔中意既「蘇味」><熱柑桔~ 呢個天氣夠晒潤!食物還好啦，但態度有待改善，明白地方淺窄，但每次侍應經過都一定會撞到坐旁邊的客人，我諗我同朋友都撞到7,8次以上><

豬軟骨雞亦中酸辣小鍋米線小鍋米線既底料已經好豐富有菇菌, 芽菜, 腐皮, 生菜, 秘制甜酸菜, 雞肉其實淨食米線同底料都已經好飽啦湯底比起米線大鋪的好，飲完唔會好口渴但係辣的程度比想像中小，中辣＝小辣今次係第一次試豬軟骨，夠入味而且肉質軟淋。唯獨本人比軟鍾意食燜煮到軟骨變成入口即溶雞亦炸到好香脆，裡頭既肉好嫩滑仲好juicy　好味！我鍾意雞亦多過南乳雞球南乳雞球其實係切開一半既雞亦，但略乾唔似雞亦咁多汁這間小店位於小巷子裡，一點也不起眼。但係長期都有人等位我是真心覺得比起外面既米線好食咖

我平時唔喜歡去食米線的, 包括咩仔咩哥, 我都覺得好普通, 都係白滾水底加味精加辣, 然後例牌的配菜, 但呢家小店的出品就好好多, 地方唔算大, 座位亦係逼的, 絕對唔係傾計閒聊的好地方.招呼OK啦, 無乜特別.出品好多選擇, 佢的餐牌上已經有六七款什錦米線, 每款都有成十款八款的配料. 堆到滿滿的, 雖然湯底都有少少味精, 但整體上都係好美味的.我尋晚點的餐, 內有豬肉, 雲南什菜, 虫草花, 雲南火腿, 什菇, 芽菜, 腐皮等等,  基本上每一啖都係大把配料的.才44蚊(包括兩蚊凍飲), 絕對係物有所值的.飲品, 凍奶茶普普通通

小鍋米線當說到要吃米線可能大家立馬就會想到一些比較有名的連鎖店而這裏雖然地方小座位亦較為逼夾姐姐們態度衛生尚可但是我卻偏偏獨愛小店店家的米線搭配有很多種類均用上了中國雲南省地名來命名我個人喜愛麗江米線因為米線裏的配搭都是我喜歡的有這裡獨有的雲南野菜包含在內湯底裏頭下了金華火腿有淡淡的咸香味秘製甜酸菜酸甜爽口開胃得很另外我還選配了南乳雞件很喜歡它的香脆惹味是我每次到來必吃的我覺得好吃不等於你純屬個人意見愛分享

星期六，夜晚想食個簡簡單單嘅小鍋米線，上網搵左呢間寫明係「小鍋米線」，咁就試一下！呢間鋪頭好細，座位都好迫，食完要即刻走嗰隻。見到個Menu好簡單，只有一張，但係就會令你有選擇困難症！因為佢已經pre set 咗八款心水米線套餐俾你揀，每款米線都有10種不同的配料，搞到我揀食邊一款米線都揀咗10分鐘⋯⋯⋯最後，我揀咗「江川米線」，貪呢個有蟲草花，皮蛋，野菜，木耳絲，金華火腿，甜菜！ 好似幾唔錯咁！配搭果然唔錯湯底好入味，金華火腿粒係個精髓！$41包飲品，呢一餐晚餐好抵食！下次我會再嚟試其他！

嗌咗個成都酸辣米線，配料有齊鷄肉，冬菇絲，笋絲，木耳絲，金華火腿，蛋花，腐皮，芽菜，生菜同埋秘製甜酸菜，雖然個賣相有啲似廚餘，不過其實幾好味，我揀咗大辣，覺得酸度同辣度都可以重手啲，嗰個秘製甜酸菜淨係得甜味，完全無酸味，略嫌失色。炸豬扒，豬扒揼得未夠鬆，味道亦都唔係好夠，以後可以唔嗌。炸醬，第一次試呢度嘅炸醬，淨食嚟講會太鹹，溝埋落個湯底度就啱啱好喇，不過始終都係同譚仔個炸醬無得比，譚仔嗰個無咁死鹹之餘又甜甜地，所以可以淨食而唔使撈埋落個湯度，咁就又可以當多一樣餸啦。

自從幾年前朋友帶我來食過之後，就一直念念不忘，曾經每次經過都不想自己入去一個人吃，自從有一次鼓起勇氣一人晚餐之後，這裡就成為每次自己在元朗吃米線的餐廳每次必點招牌小鍋米線可配一款配料但其實佢本身都已經有唔少既配料，包括:雞肉, 鮮菌, 酸辣肉碎, 炸醬, 腐皮, 芽菜, 菜, 秘制甜酸菜其實佢仲有好多唔同配好料既米線，有唔同既名，都好吸引架，不過我就次次都食小鍋因為樣樣配料我都好鐘意食，甜酸菜又甜又酸，真係好佢個湯底同出面其他唔同，多左一種咸香味，好特別好同埋叫辣既時候，感覺唔會好油，有層油係面咁配料可揀一個餸，佢好好咁冇限定要揀幾$既餸，你要揀最平/最貴都可以而我經常都係點南乳雞件因為呢個平時係其他舖頭好少食到，南乳味重，炸到好香口，不過有時都係炸過龍，不過當香口熱氣d都可以既不過而家件數同以前有d唔用，而家有時會轉左係成隻雞翼當日想食下菜，所以點左碟，黎到好大碟呀咁既價錢有咁大碟，好抵食，佢有得揀蠔油或者豉油，揀左蠔油，連蠔油都好多呀不過唔鐘意食既，記住叫少蠔油啦跟餐有得揀豆漿同埋熱飲，凍飲+$2，仲可以要汽水呀佢呢到d檸檬係有酸味架，唔係d篤到爛都冇味既總之就係好

今次嗌左招牌小鍋米線 $39見餐牌寫住要配小麻辣 但其實係可以配強啲既辣度架😉 不過我吾食得辣就小麻辣算了😂 招牌小鍋就比普通既多雞肉雜菌 菇係我最愛 所以比較下貴4蚊都抵😏 但雞肉就麻麻地啦 同埋米線稍淋同幼 不過每間米線都有其特色 吾會一夾就斷就得啦😌最欣賞係佢既自選配料係可以配雞扒、雞翼既👍 好似圖中既蒜香雞扒好香脆 又juicy💕 都係舊時既味道而39蚊包豆漿或熱飲 都ok既👌 其他凍飲加2蚊 依家小辣我handle到啦✌ congratulations~~

夠大碗，分量亦都好足夠，今次食咗個成都酸辣米線，（係個炸豬扒比較硬咗啲）成碗米線都真係好正估唔到住咗元朗咁耐，竟然發現唔到有一間咁好食嘅米線😅下次一定要試埋佢其他款式嘅米線