小鍋米線

📌小鍋米線 小小辣米線份量充足🤩配料也同樣份量十足！有芽菜、甜甜地嘅酸菜、黑木耳、生菜、雞肉等等特別的是酸菜並不酸 反而是偏甜的～湯底叫了小小辣 本來想叫小辣的🌶️點菜時問了店員小辣是可以接受的程度嗎她說先試一下小小辣結果發現沒甚麼辣的感覺⋯😭下次會可能吃小辣/中辣🤣不過價錢竟然包了飲品（凍飲+$2）性價比不錯💖📌南乳雞球雞球入口有南乳味 金黃酥脆也不油膩💯炸得恰到好處 肉質嫩滑但吃下感覺就是切一半的雞翼🍗…查看更多

元朗小鍋米線的用餐體驗令人回味！湯底濃郁，帶有淡淡的香菇和蔬菜鮮味，米線彈牙，配上青菜和菇類，口感豐富。旁邊的炸雞亦是亮點，外脆內嫩，味道香濃，與湯麵形成完美搭配。環境熱鬧，服務快捷，適合與朋友聚餐。價錢合理，$46-$50不等，性價比高。整體而言，是一次滿足的美食享受！…查看更多

我咁鍾意食米線都係小窩米線，佢可以話係我愛上米線嘅起點，咁多年味道依然保持水準，真係難得。 米線嘅湯底開胃，配料份量十足，最鍾意佢哋嘅酸菜偏甜但我好中意，同湯底好夾。米線本身煮得啱啱好，滑溜又彈牙，，每一啖都夠味。 南乳雞翼外皮炸得金黃脆口，咬落去「咔哧」一聲，入面肉質仍然嫩滑。南乳醃得入味，第二度食唔到。雖然唔係咩豪華餐廳，但呢種樸實而堅持嘅味道，先最令人回味。經過元朗的話，不妨試吓，相信你都會鍾意。…查看更多

本身食開隔幾間舖嘅雲貴川，可惜今日冇開，就試吓哩間見平時咁多人排隊，但完全冇想像中咁好食，啲腩肉冇味又多肥膏，酸辣又唔正宗，個湯底又偏咸，譚仔仲好味啲，米線又偏硬，價錢係平啲，最好味都係杯檸茶😂，隔離枱話塊豬扒紙咁簿，不過都肯換😂😂…查看更多

叫咗三送自選米線 小辣，但碗湯淡嘅 完全唔辣。其中一個送係南乳雞件，食落好多碎骨覺得唔對路就問咗服務員，原來係雞翼斬件咁解😅雞件係雞翼斬開咁同雞翼有咩分別？仲要咁多碎骨 點食啊😅…查看更多

品嚐了一家名為“小窩米線”的餐廳，這是一家以米線為主打的小吃店，提供了多種口味的米線和一些特色小吃。整體來說，這次的用餐體驗非常滿意，不僅食物美味，而且價格實惠，是一個值得推薦的好地方。首先，我點了一份特色炸雞翅和兩碗不同口味的米線。炸雞翅外皮金黃酥脆，內肉鮮嫩多汁，調味恰到好處，既保留了雞肉的鮮美，又增添了油炸的香氣。雞翅的大小適中，一口咬下去，滿滿的肉汁在嘴中爆開，非常滿足。接下來是米線的部分，我選擇了酸辣口味和清淡口味各一碗。酸辣米線的湯底酸酸辣辣，非常開胃，米線滑嫩，配料豐富，包括了肉片、木耳、酸菜等，每一口都是滿滿的料。清淡口味的米線則是湯底清澈，味道鮮美，米線同樣滑嫩，配料包括了蔬菜、雞蛋、肉片等，非常健康。此外，餐廳的服務態度也非常好，工作人員熱情周到，上菜速度快，讓整個用餐過程非常愉悅。餐廳的環境也相當不錯，乾淨整潔，裝修風格簡約而不失時尚，給人一種舒適的感覺。最後，我們來看看價格，這次點的餐點總共花费了202元，對於這樣的品質和份量來說，可以說是非常實惠了。特別是對於學生黨和上班族來說，這裡是一個不錯的選擇。總的來說，“小窩米線”無論是食物的口味、服務質量還是用餐環境，都給我留下了深刻的印象。我會推薦給朋友，並期待下次再次光臨，嘗試更多不同的美味。對於喜歡米線的朋友來說，這絕對是一家值得一試的餐廳。…查看更多

招牌小鍋米線加豬頸肉 $54介紹一家在元朗內街的小店在元朗來說都已經算蠻有名的米線，不是漂亮裝潢，沒有卡位，還要搭桌，這就是地道特色，今晚吃了一個招牌小鍋米線配豬頸肉再加$10蒜香雞中翼3隻米線本身已經有雞肉、木耳絲、腐皮、肉碎、酸菜3隻雞翼是我每次去吃都必加的東西，另外有款南乳雞件也很馳名，只是我不太喜歡他原斬一半的雞翼，會很多碎骨，我還是中意原隻雞中翼多一點6塊左右的豬頸肉，炸完的豬頸肉很香，醃得很入味湯底我選了BB辣，已經夠我的辣度…查看更多

只係價錢平，服務態度差仲要唔好食，食晏時間坐係6人枱，大家都係食招牌米線其他4個人遲我地2個10分鐘入坐都食緊，我地追左幾次單都未到，總知問親待應就萬樣籍口，仲要坐對面條八婆搭嗲話我追單手指指無禮貌，呵，佢有得食就最有禮貌，元朗真係野蠻人集中地，請都唔會再食真無下次。認住其中一個女待應，問親佢就會話儲埋一齊煮，叫二個一模一樣嘅米線只係餸唔同咁都仲要再儲單，真係西米線請埋啲西人，當時坐後面枱食完個米線個餸都未上，人地仲要趕返工叫佢減返錢都唔肯，仲要叫人坐底食埋佢，真係食都唔開胃…查看更多

第一次食，嗌左昭通米線，入面有配料有，肥牛、芋絲、腐皮、雲耳、韭菜、炸醬、芽菜、菜、金華火腿、香辣黃金豆、秘製甜酸菜，額外加咗個芝士腸。由於第一次食唔知道辣度，揀左微辣對上既少少辣，冇咩辣味，所以湯底偏清冇咩味，酸度少酸。配料，肥牛偏細舊偏少，芋絲雲耳都有好幾粒。菜都有幾條，腐皮同火腿好似冇見到😳米線口感係林身既，唔會好碎，食落都唔錯整體不過不失，唔算特別吸引，但可能味道偏淡，食完都唔會太口渴嘅感覺，都係件好事…查看更多

記得第一次試這間米線店已經是十年前。那時候一配米線才三十元，現在已經漲了一倍。我點了昆明米線，還是當年那個味道，份量依然很足。這款昆明米線屬於清淡類，没有放辣椒的，味道清甜。如果喜歡辣米線，可以選小鍋自選米線，也有不少人選擇。咸菜很好吃，它是偏甜味的，跟湯底很配。另外，小吃選了雞件，南乳味的，炸得很香，也很入味，就是不明白為什麽叫雞件？ 明明是雞中翼，是一開二的雞中翼。不管它叫什麽了，好吃就夠了。凍檸茶不會很甜，茶底也不會很濃，好喝。:)…查看更多

初嚟報到，經元朗人介紹呢間必食米線。之前每次經過都大排長龍，怕排隊嘅我就無晒意欲入去食。恰巧有次晚上路過，又諗唔到食咩好，見到有位就即刻入咗去。外面睇入去以為好少位，原來比我想像中大。由於兩個人被安排四位座，難免要同人搭枱。橫掃餐牌，最後都係點咗：最出名嘅南乳雞球、雞扒，小鍋微辣湯底包一杯飲品，凍飲先至加$2米線份量充足，配菜豐富，有芽菜、甜甜地嘅酸菜、黑木耳、生菜、雞肉。雞球有啖啖南乳味，酥脆不油膩，炸得恰到好處。雞扒相比雞球就有點比下去，正常發揮。至於湯底，嗌咗最少辣嘅「微辣」，試一試低線，但略嫌唔夠味，唔食得辣嘅人都handle到，下次會挑戰下一級辣度。整體來講，性價高，係元朗值得一試…查看更多

喺元朗住，喺元朗返工返學嘅人，都會聽人講過呢間「元朗小鍋米線」～～份量多，選項多，味道咁多年都keep到！🤩超過10款以上唔同配料嘅米線！🤩超過60款以上嘅自選餸！～～☝🏻第一次去嘅話，建議直接叫【招牌小鍋米線】+【丁】嘅其中一款炸物（南乳雞件、蒜香雞扒、香炸豬扒），炸物出色，炸得好香口！～～如果唔食得辣，就一定要叫走辣！🌶️小辣都幾辣架🔥😖❌🌶️走辣就會轉唔辣肉碎俾你～☕️全部手調飲品都係伏千祈唔好對飲品抱有任何期望⋯⋯如果你有潔癖，建議你自己出面買定枝飲品先入去食米線啦。～$50有米線+小食+飲品，非常抵食，所以營業時間一直都爆場。～小店空間有限，枱枱都逼手逼腳，人貼人咁坐，坐得係唔舒服，食完就會即刻收碗，但唔會趕你走，等你自行離座。～…查看更多

首先，今次叫咗成都酸辣米線，加咗蒜香雞扒，小辣，熱檸水，當杯熱檸水嚟到嘅時候，就已經見到水面有勁多浮游物，啲檸檬又勁污糟，已經即刻唔想飲，所以叫佢俾咗杯水就算，到碗麵嚟到，第一下試吓個湯底先，就發覺超級酸，酸到完全食唔到咁，食食吓仲見到個碗有啲黑色污跡，已經搞到勁無胃口，到個雞扒嚟到，薄到完全唔知係雞扒，仲炸到勁乾，完全冇肉汁，所以先覺得點解啲人會覺得好食囉，已經俾咗兩次機會，又再一次試伏了，試唔試就大家自己諗。…查看更多

米線好滑，份量好多，上面嘅餸菜一啲都唔手軟，好豐富！😍😍😍特別鍾意食佢嘅秘製甜酸菜，爽脆惹味！招牌小鍋米線可以自選一餸，揀南乳雞件好抵，外面酥脆，裏面嘅雞肉好嫩滑！呢度嘅檸茶非常好飲，好多人都會叫！就算熱檸茶都唔會變苦，茶味好香，檸檬新鮮👍🏻👍🏻👍🏻一定要飲…查看更多

掂啊！元朗竟然隱藏咗一間咁心水嘅小鍋米線店，我真係有啲晚咗先發現。行過門口嗅到一陣陣嘅湯香味，忍唔住就入咗去試吓啦！🍲首先，個招牌小鍋米線真係攞筷添，湯底夠哂味，又唔會太辣，連湯汁嗰一滴都唔捨得浪費；米線滑溜溜嘅，啖啖都夠晒嚼勁，食完個口仲留住香。跟住，佢嘅南乳雞真係惹味到喊！啖啖肉，外皮炸到金黃黃嘅，又脆又香，入口即溶，香滑得嚟又唔油膩，食咗令人忍唔住咁撈飯～😋至於粟米雲吞，勁！個餡又豐富又鮮甜，一啖咬落去，咖哩味道十足，簡直係完美嘅湯餸搭檔。🥟總結落嚟，這家店嘅食物真係做到平民價錢，星級享受。下次要同朋友一齊嚟開開眼界，食多幾次先得！今次食飽食好，心情都好哂。記住啊，下次來元朗嘅你，就算你唔係美食博主，都一定要試吓呢度嘅小鍋米線！…查看更多