小鍋米線

营业中

休息中

嗌咗個成都酸辣米線，配料有齊鷄肉，冬菇絲，笋絲，木耳絲，金華火腿，蛋花，腐皮，芽菜，生菜同埋秘製甜酸菜，雖然個賣相有啲似廚餘，不過其實幾好味，我揀咗大辣，覺得酸度同辣度都可以重手啲，嗰個秘製甜酸菜淨係得甜味，完全無酸味，略嫌失色。炸豬扒，豬扒揼得未夠鬆，味道亦都唔係好夠，以後可以唔嗌。炸醬，第一次試呢度嘅炸醬，淨食嚟講會太鹹，溝埋落個湯底度就啱啱好喇，不過始終都係同譚仔個炸醬無得比，譚仔嗰個無咁死鹹之餘又甜甜地，所以可以淨食而唔使撈埋落個湯度，咁就又可以當多一樣餸啦。