小鍋米線

营业中

休息中

好耐之前已經聽過依間小鍋米線，就趁今晚試下先！係康樂路落車行5分鐘就到，係一個橫街入面，要俾啲眼力搵下。其實野食方面同其他米線舖差唔多，都係可以自己揀餸（唔同價錢）。如果諗唔到食咩，都有啲配好左嘅揀。我叫左招牌小鍋米線配蒜香雞中翼同埋芝士腸。招牌小鍋米線包左雞肉、鮮菌、酸辣肉碎、炸醬、腐皮、芽菜、菜、甜酸菜，食落酸味比辣味突出，非常開胃。加埋即炸嘅雞翼，醃得好入味，好滿足！如果有時食慣左連鎖嘅米線，依間都係唔錯嘅選擇！

招牌米線 中麻辣🍜+雞翼～ 加杯冷檸茶 ，正！ 店鋪細，但翻桌率快～ 即叫即煮 米線熱騰騰～ 炸雞翼香脆唔太油～ 甜酸菜 好食～ 米線份量略少了一些...整體嚟講都 值得推薦既！！～

今晚去試下未食過嘅米線先，平時見經過幾多客咁，就試下好唔好味大約6:30，一般米線店細細嘅格局，但因為無乜人，所以環境清淨坐得舒適食到一半先記得影相朋友叫左一個南乳雞翼米線，我叫左一個豬軟骨中麻辣米線。我食左一舊南乳雞翼，新鮮炸起，外層卜卜脆，淡淡南乳味，唔錯。我個豬軟骨就一般，因為軟骨唔係我鍾意嘅啫喱狀，咬落去啲骨係爽嘅；但我鍾意個麻辣湯底，夠辣夠麻，而且唔油，有時去啲米線舖會勁油呢間就辣而不油仲有我地都覺得配料酸菜好好味已經諗定下次試下炸豬扒先

連鎖米線集團以外嘅選擇，元朗小鍋米線🍜小鍋米線嘅特式係，你可以自己揀米線款，而每個款已經有大量唔同嘅配料😋今日我就試咗呢個👇🏻👇🏻🥢成都酸辣米線麵底已包括👉🏻木耳、蛋花、雞肉、金華火腿、冬菇絲、甜酸菜、腐皮、時茶、荀絲，另外仲叫多左個餸👉🏻醉香雞翼，不過雞翼就差咗少少，食落有啲苦澀，不過整體嚟講都OK👍🏻

元朗隱藏米線，藏於嘉城後巷，日日都好多人等位，鋪頭細細，但食材多，好多種野比你選擇，好豐富每次食都叫招牌小窩米線🍜好大碗！經常食到飽到嘔咁走。佢會比超多菇，酸菜，芽菜同雞絲配食南乳雞件或香炸豬扒係最抵既鵝腸好少，不宜叫。辣方面小小辣就夠，唔好嗌太大辣，會死人的次次都食到流哂鼻水雖然d員工姐姐好惡，但黎多幾次就習慣佢地既嗌交模式加幾蚊就有杯野飲，算抵味道方面包你食過翻尋味*想坐得舒服點可去分店係水邊圍個頭*

食米線都唔一定喺要幫襯集團式。唔想食飯可以揀呢間穩世小鍋米線呢個米線店相信都好多元朗人鐘意，好食嘅嘢通常都要排隊。好在佢地上餐快客人用餐時間都唔長，通常等5-15分鐘就排到。鐘意食麻辣嘅朋友！推薦你哋食招牌小鍋米線，好香好麻。連食唔到辣嘅我都先咗一小口，之後條脷麻咗勁耐香炸豬扒唔乾，有口感，唔痴牙而我就叫左個上湯菜肉餃個皮唔太厚，亦無食到一舊舊粉。餡料唔算多，但贏在夠新鮮。套餐價錢唔算話好貴，仲有豆漿飲。

今次叫咗呢個招牌小窩米線，配南乳雞件。差唔多台台客都有叫南乳雞件，可以話係必食。另外招牌米線上邊有好多菇木耳雞肉酸菜，都係我鍾意食嘅一部份。其他米線同埋湯底正常一般。嘢食好味性價比高，但環境坐得好迫，香港地冇辦法啦。

與2粒友人下午茶叫了二碗招牌米線，二款小食，大家都叫左杯凍檸茶。招牌米線話係麻辣，但似酸辣，成個米線冇咩特別，但成完之後一出門口大家不約而同話好口乾！之後去左買野飲，到左夜晚都仲係好口乾，成個口都係味精味，冇下次！

第二次食呢個米線🤩真係好好食首先湯底係好濃既豬骨湯 真係忍唔到口去飲佢信我 個湯絕對會係你回頭返去食既原因😏仲有得揀辣度🌶我梗係狗衝揀大辣啦不過就冇我第一次食咁辣囉 唔開心咗一下其次係佢既甜酸菜 簡直係我食過人生中最好食既完全唔理解點解可以整到咁好食🤤🤤下次再食會叫佢俾多d甜酸菜我然後個麵質係彈牙架☺️試問有幾何可以食到彈牙既米線呢 然後我自選咗粟米雲吞 呢個就冇乜特別🤷🏼‍♀️下次再去一定要試下佢個蒜香雞扒 好似好正咁

🔸自選米線🍜 配一餸（蒜香雞翼）| $40 包熱飲 | 加皮蛋 +$4 係我最愛既米線店😍 雖然加左價 但都係抵食😂 不過好似冇之前咁好食🤧 但我都會繼續支持😂 最鍾意佢好多甜酸菜😆 配菜多 味道豐富👍🏻😁 依種味道係第二度搵唔到😎 （覺得好食過譚X😂 食完唔會好口渴）而且自選一餸 可以揀雞翼 好大份呢 大大隻 有三隻～不過飲品味道就麻麻～ 飲奶茶已經係安全之選～地點：嘉誠廣場後面

好耐冇食米線啦，作為一個米線控，小窩米線係我其中一間最鍾意食嘅餐廳。每次嚟到都係食招牌米線，最鍾意呢間嘅酸菜，酸酸甜甜十分之開胃！今日嗌咗竹笙，冇食咁耐，水準依然，支持小店！

每逢中午時間，呢間小鍋米線都會大排長龍，今日決定早少少過來，避開人潮，好快有位坐。入到去空間比較小，坐底發現座位比較窄。我同朋友兩個都叫招牌小鍋米線，一個跟醉香雞翼，一個跟南乳雞件，再加蘿蔔。睇餐牌自選一餸，雖然啲餸嘅價錢唔同，但揀8蚊果邊都唔洗再加錢。碗米線都幾大碗，上面有好多料，當中嘅木耳絲，雞肉，酸菜都好好味。醉香雞翼果陣酒味未必人人都岩口味，我鍾意類似嘅味道所以覺得唔錯，至於蘿蔔都夠入味，另一個餸南乳雞件，個皮超級脆，又夠南乳香，十分贊，我見周圍都幾多人叫，應該係受歡迎菜式之一。每碗米線免費跟一杯熱飲，凍飲就要加錢，兩個人食飽飽總數都只係90蚊，呢間真係物超所值，唔怪得咁多人排隊。

✴️小鍋米線 |#元朗 .🍜米線之家 超過十款湯底👅🔹成都酸辣米線 $40🔹招牌小鍋米線 $43.1️⃣成都酸辣米線單單湯底配料已有金華火腿 木耳絲 筍絲酸菜 腐皮 雞肉 冬菇 生菜🤗湯底清甜 有金華火腿的香味 還有蛋花🥚✨ 微辣微酸 剛剛好 麵底份量驚人 夠哂果腹👍🏻.2️⃣招牌過橋小窩米線招牌可以自選餸菜一份 餐廳最著名是南乳雞件和蒜香雞翼 炸得恰到好處 醃得入味🐔 過橋小窩米線湯底配料也有木耳絲 冬菇 腐皮 酸菜 芽菜 辣肉碎❗️湯底偏濃味 米線同是爽滑彈牙😋.小窩米線 提供超過10款湯底包括 成都 石林 大理 等💫每款有不同配料 適合各人口味🍜配菜沒有馬虎 大大份好抵食🙌🏻

與愛人共度幸福一天後，又是覓食時間，原定想試的新餐廳大排長龍，轉到附近幾間餐廳都話賣晒多款食物兜兜轉轉，終於選擇這家讓我們都滿意的小鍋米線價錢抵食，選擇豐富，自選餸非常吸引這是招牌小鍋米線，配料非常多，還有一餸分開上，由於選了bb辣所以冇有麻味，但仍有淡淡的香辣感覺，非常適合逢辣不沾的人士湯低非常濃而不過鹹，配合甜酸菜令湯味升華，米線的質素絕對是這店屹立不倒的主因，面質軟硬適中而且有一點點煙韌，絕對是高質的米線老婆選了大理米線，非常多菇香味，豬肉片也軟滑，非常食味蒜香雞排，不夠蒜香也不夠脆有點美中不足，希望可以更進一步總括而言，這小店能屹立多年，絕對是實力的表現，用平價而維持高質素，希望這店繼續為元朗人帶來美味米線

如果作為一個米線躉，位於窄巷中嘅小鍋米線，相信無人未食過，未食過嘅元朗米線愛好者真係要反省下今日叫咗個招牌小鍋米線，走麻小辣，配上招牌小食南乳雞件同蒜香雞扒，米線入面嘅酸菜我諗係鎮店之寶，酸中帶甜，好好食南雞有好香嘅南雞味，不過唔鍾意lur骨嘅朋友就唔好叫喇，雞扒皮脆肉嫩，值得推介叫埋凍奶茶，埋單一共$53，午餐嚟講都算係正常價錢啦不過小鍋米線最大特色係間鋪頭夠晒細夠晒迫，想坐得舒舒服服嘅就搵過第二間啦