小鍋米線

营业中

休息中

呢間小鍋米線堂食就食咗好多次喇，見佢門口貼大字報出嚟鬧鬼人抄佢，真係搞笑。今日第一次嗌外賣，米線方面同堂食分別不大，不過就嗌咗個伏已中嘅炸魚皮餃，個炸魚皮餃炸到個皮超硬，應該叫炸硬皮餃。另外個豬扒底下竟然有攤水喺度，諗咗一陣估計嗰攤水應該係酸菜啲水嚟嘅，咁都冇咁驚。

之前跟同事去呢間食晚餐（其實我地接近六點食，七點到開工）～～～呢間舖的米線算抵食，可能係因為元朗區食肆多啦！呢碗係同事ge~~~我叫咗自選炸菜米線配香蒜雞翼，有點後悔係炸菜有dd辣（其實我dd辣都唔受），香蒜雞翼唔夠蒜味～～～飲品就叫豆漿，幾好飲，唔會甜到走果陣才見到門口寫咗張紙，原來呢間舖冇分店，水邊圍果間只係同名而已~~~

小鍋米線有好多米線邊擇，呢碗就唔係我叫，是關我唔食豬膶😂呢度啲米線餸多到你唔可以話佢唔抵，某程度我叫果碗係好味過譚仔好多，呢碗個湯聞就好香豬肉味。見到碗「昆明米線」面頭滿滿都知足料，木耳，金菇，生菜，冬菇，金華火腿，腐皮，芽菜，酸菜，豬肉，豬潤，強過譚仔🙄米線比一般幼細，我好鐘意呢種口感。如果揀湯底我唔建議呢款，我會推介我果款多啲，我地兩個飲完都話正😎呢個「石林米線」湯底真係冇得輸，非常濃郁雜菌味，因為落左唔少雞脾菇，茶樹菇係個湯到，再加上杞子，金華火腿呢啲煲湯一定會好飲既配料，鮮甜無比，最岩而家飲，包開胃😆我又飲哂個湯，哈哈。雖然呢款米線有少少手撕雞肉，不過我都係想食多少少肉加多左個豬軟骨黎試下 (share食唔好咁過份)🙊豬軟骨又幾好味軟硬適中，入味但唔會鹹😃果然冇加錯🙄韮菜，酸菜，芽菜，腐皮，粟米遍佈米線中。小鍋米線南乳雞同蒜香雞翼會揀邊樣呢? 南乳雞翼少少鹹香惹味，蒜香雞翼反而冇咩蒜頭味，唔怪得之差唔多個個都叫南亂雞冇人叫蒜香雞翼。

周不時經過小巷都會見呢家店長期爆滿兼有人排隊，於是決定今日午餐試一試，睇吓係咪咁好食。怕等得耐而且位置坐得唔舒服，嗌咗碗石林米線，加蒜香雞扒同竹笙返企嘆。幾好，食米線有杯豆漿送。石林米線即係有手撕雞，加啲配料好似酸菜，腐皮咁。料係多嘅，外賣仲幫我分埋湯，係細心嘅，不過整體就唔係好啱個人口味。手撕雞就鞋鞋地，有陣雪藏雞徐味。全部配料，連埋竹笙混合埋一齊有陣酸叔味，難以入口。能夠令我食到幾口麵嘅，係蒜香雞扒同啲酸菜。呢兩樣算正常，前者有咸香夠味，雞唔算滑；而酸菜就有足夠水份，又甜甜地幾醒胃。

叫左個外賣 自選雞扒米線 辣肉碎另上等得耐不在話下返到屋企，打開先發現，雞扒變左南乳雞翼，辣肉碎根本冇畀，大佬，可唔可以唔好亂落單，要乜冇乜。幫襯左小鍋五、六年，態度差可以忍，野食越來越差，仲要亂落單，點忍阿？冇下次！希望幫我落單既男老闆睇到。

這家小鍋，聞說比水邊圍那家小鍋米線更優勝，從未入過去，有天大雨順道一吃。一直以為這店子很擠很小，原來對正廚房再入，還有很多張桌子，六時許來吃晚飯，人流也不算非常多。看極都看不明雲南、大理、麗江有甚麼分別，大概是有哪種菇或荵菜之絲毫分別而已。 又點了清湯，腩肉蘿蔔米線。清湯微酸，米線份量挺多，不算太粗，微微彈牙，有點大角咀巴蜀的幼米線影子。此店的酸菜乃精要，愛吃酸菜的必要一試，大條細條均美味，大條爽，細條軟，微酸而略帶甜味，與米線配合天衣無縫！ 腩肉就像雲貴軒，這兒的更腍，亦是清淡的味道，不咸不辣，清純原味，五層肉肥瘦相間，一絕。蘿蔔吸湯能力佳，亦相當軟林，沒有渣，林得一夾即分離。 繼而盗取了一隻雞翼，比上次的所謂雞球好吃得多。雞球是小小的雞翼切開兩半，又細件又有碎骨，重點是 有骨就莫稱雞球吧？所以我以後不會點雞球，這次吃到雞翼就快樂，大大隻，即炸而不覺非常油膩，內裏肉汁如泉湧，好像有點南乳香。有三隻比起雞球划算而美味多了。二人晚餐兩餸米線加飲料，僅需$80，夫復何求？

過橋米線 金桔蜜 $39一個人好鍾意黎食呢間，特登早少少六點幾，唔使咁多人，因為佢啲位幾窄坐得會有啲辛苦。要快食食完就走。 大大碗好足料好抵食。一個人食都唔使加餸嚕。首先佢啲米線係比較林身嘅，相對譚仔嗰啲係會比較彈牙，但係我就係鍾意食林嘅嘻嘻。佢個湯好濃，飲落冇乜味精，絕對唔會好戲好似溝水咁，次次食親都係咁有水準。裏面嘅鮮菇同埋木耳得好新鮮，好爽口！豬肉雞肉都好諗唔會鞋颯颯，但都好有肉味唔會話乸到冇晒味。啲金華火腿係遲到好晒好細粒嘅，但我都真係食唔到因為真係好有味好鹹架。最正就係啲秘製鹹酸菜，個味真係好適中唔會偏咸唔會篇酸！夾埋啲米線都一齊食真係好正。另外杯嘢飲都好值得讚，唔會話淡茂茂交行貨，仲唔洗加錢！美中不足就係d杯好油，杯野飲同清水上面都睇到成層油呀。

經過元朗，要諗食乜的確好頭痕。林林總總既款式同選擇實在太多，有平有貴。男朋友突然間好想食小鍋米線，話好耐冇食過，就同佢去啦~ 老實講...我對依間野冇乜好感，原因係佢門面舊，好多野都見到有D塵，枱同椅都好舊，感覺坐上去就會發出依依聲咁...而且坐得迫。我地2個都揀左自選米線..跟蒜香雞扒同南乳雞球。米線煮得都算煙韌，湯底其實幾濃味，(中辣)有麻辣香但唔太強烈，味精味不太重。值得欣賞係湯底唔油。南乳雞球係依度既招牌貨，六塊，雞翼斬件所以唔大件，炸得香脆，外表夠乾身但保留到雞既肉汁，雞球醃得夠味，有突出南乳既微微甜味。反而值得一讚係塊蒜香雞扒，蒜味重，雞扒軟稔，雞皮香脆，夠熱度。我地有叫雞絲粉皮，不過冇粉皮試唔到，唯有下次啦..

招牌小鍋米線+南乳雞件+凍檸水 （$41）喜歡去小鍋米線食米線，份量比譚仔還要多又無譚仔咁貴，不過店較細不太好坐！米線裏面有得多配料，豬肉碎，雲耳，菇，芽菜，腐皮，甜酸肉等，only食碗麵都夠飽喇，南乳雞件香口不太油～推

朋友要去巴黎草莓買野，近近地就去左元朗，每次入到元朗我都特別開心，事關呢處真係好多好野食，平貴都有豐儉由人，豆腐花、串燒、車仔麵、甜品、燒鵝、拉麵、放題、韓國野、扒房.....真係數之不盡。因為遲下要破財，都係慳D駛好，諗住去士林食碗牛肉麵，點知遠見鋪頭落左閘，心知不妙，原來休店至7月尾，於是轉戰附近既<小鍋米線>。記得幾年前第一次接觸<小鍋米線>，係由Celine介紹，仲話呢度係全元朗最好味既米線添。去任何食店都會試試招牌食品，一於要招牌小鍋米線跟南乳炸雞，唔好睇小呢個米線，配料相當豐富，雞肉、鮮菌、酸辣肉碎、炸醬、腐皮、芽菜、菜、秘制甜酸菜。由於小弟唔嗜辣，所以冇加任何麻辣，但放心，湯底相當夠味，比起譚仔既清湯濃郁得多，而甜酸菜令湯中帶一點點酸味，可以中和肉類/湯頭既油膩，呢點最為我所愛。其實呢個米線淨食配料都夠，鋪滿左成個碗，米線都完全被遮蓋，十個正.....餸食方面就要左南乳雞件，用雞中翼一開二，味道都唔差既，但實在太細隻喇，仲要冇去骨，所以都冇乜肉食，講開米線店既炸雞，都係荃灣<老闆娘雲南米線>既酥炸雞球最正，啖啖肉，可惜已經結

論區內食粉面既首選，呢間都名列前茅喇！本身提供幾種set，方便初初來食既人揀配搭。但食得多既通常都會揀煎得外脆內嫩既雞翼或者雞扒。面煮得夠lum,配菜足料，都係30蚊上下，平價野又好食，仲要搵第二間？

之前睇過餐牌。覺得米線名字特別。二十多一碗。想試。今日经過。原来加到37HK D一碗送飲品。叫咗石林米線。只係餸唔同。好似屋企煮D湯面。無味精但唔特別。試過就算 啦

一直都想將阿貓對美食既所感所想同大家分享。趁著最近比較空閒，決定的起心肝說做就做!第一篇食評就選阿貓讀書時期最愛既小鍋米線相信好多元朗人對小鍋米線都唔會陌生，雖然位置有d隱閉, 不過為左尋找一碗好味又有誠意既米線既你又點會介意呢~ 已經有3-4年冇幫趁過喇, 呢日難得放假陪媽媽行下街順便食個lunch12點幾去到要等位, 我地係第三張, 等左10分鐘左右。未坐低已經諗定好食咩, 唔洗講一定係雞扒自選米線。my all time favourite!雞扒又香又脆又大件, 真係滋味無窮! 米線硬度適中, 湯底又香又濃。食得辣既不防叫中辣, 如果唔係既, 小辣都已經好過癮。媽媽就叫左個招牌既, 比自選多左雞絲, 冬菇絲咁。總括黎講倀物依然保持水準, 唯一美中不足既係米線分量比之前少左同埋有個落單阿姐比較暴噪。可能因為午市時間人多外賣又多啦。點講都好, 都係好少事姐, 唔會影響我再黎幫趁既心。

門面簡陋，而內裏亦簡陋，長桌，圓膠椅。多種米線，細列出各款米線原素，又大理又麗江又昆明之類。第一次來，就試招牌小鍋吧。小辣，不算太辣，比起平日譚仔或老闆娘沒那般辣，微酸。湯底已包含少許雞肉碎、生菜、腐竹，但原來其秘制酸甜菜才是王道！微酸微甜，入口像啫喱般，爽口而多汁，配米線或腐竹同樣讚嘆。腩肉雖看似多層，其實肥的部分都不太肥，全片都薄薄的，不怕太油膩。鵝腸，不夠爽，小小的太碎了，很難從大大碗米線中尋獲小鵝腸。米線沒特別，不幼又不韌。極之熱，環境何其焗促，坐近門口，沒半點風似的。小鍋米線蘊藏高溫湯底，米線雖不多，但熱煙不停，即使湯底不算太辣，也吃得汗流浹背。因此，大部分米線舖，長期開著強勁空調，方是上策。

今天路過元朗區，上OpenRice找找有什麼好推介，隨手選了這間小店一試要讚的是店員很細心幫排隊的客人先下單我們倆很幸運，沒排隊便可直接坐下來～ 聽店員說因剛剛走了一班人點了好評的米線及雞翼，不用等太久便有得食味道一般，米線彈牙～雞翼脆口，有南乳味總括而言，平民價錢，質數一般～ 可以一試