好燒式串燒專門店 (砵蘭街)

营业中

休息中

好耐無食過串燒, 咁岩見到有間係附近, 就入左去試下.店員都係D姐姐黎, 全部都好親切有禮. 見我無係放背包就好主動拎左張椅俾我奕, 十分貼心.另外店員會主動介紹當日有D咩時令食材, 特別菜式.店員推介左白酒青口, 燒豆付同燒茄子.青口做得非常出色, 首先青口夠新鮮, 白汁非常香濃, 仲有D洋蔥粒, 紅羅白粒, 露荀粒, 十分開胃.燒豆付黎講, 燒到外皮好脆, 內裡好嫩滑.燒茄子都好唔錯, 好香, 燒到好金黃.另外叫左個雞泡魚干, 送酒一流.成晚最驚喜就係個燒大眼雞, 未食之前會諗點解有2塊魚皮係上面, 原來佢先將魚皮起出黎, 再鹽燒.真係好好食, 好脆, 有小小咸香. 人生中暫時食過最好食既魚皮

最近勾起的串燒癮，繼續周圍搜索下好味串燒店❤︎早排太子行街有印象見過，原來旺角都有一間好燒式，咁有緣份便入去試一試，食物服務等等都超乎水準白酒青口；當日來貨的青口，煮法幾特別，酒味超級香而濃郁，加上蕃茄紅蘿蔔等配料，青口非常新鮮入味，色香味俱全❤︎真想加個意粉落去一齊食鹽燒大眼雞；十分有驚喜，最上面那兩塊魚皮！花心思分開擺碟上菜，魚皮燒得好香又脆之餘，魚肉仲keep得到嫩滑燒雞胸肉軟骨；有特色，第一次見呢類型的燒雞軟骨。雞肉、薄而長的軟骨梅花間竹串埋一齊，食法新鮮，軟骨嚼勁十足，值得一試墨西哥薄餅芝士雞肉；芝士多到流出來輕易做到拉絲效果，薄餅烤得香脆再配上雞肉，整體十分出色。燒日本雞泡魚乾；賣相靚又香口，正常水準，要來佐酒一流另外仲要了其他必食串燒，全部都超出水準，特別是日本甜薯，外皮無燒焦變柴皮，控制得好好整體都非常滿意❤︎特別是店員的服務，十分親切又周到，一眼關七。走的時候仲提醒我們不要漏東西、小心回家，好有媽媽的味道

人多又晤想等，記得提前book咗位，店舖細細地，但味道、服務是超正的，朋友無介紹錯。當晚食咗好多嘢，食完有D唔記得咗名🙈，品種多，味道好香、正。大可選擇自己喜歡的試試，一定不會失望🤨😬必試推薦：蝦多士、海鮮🦞。哥仔手腳好快，又全程留意客人的需要，有問有答又搞笑😆🥳。其實好唔好食，睇下相已經知道啦，大家不妨試試。

星期日晚睇完戲，想搵野食。誤打誤撞下，竟然撞中呢間好野👍🏻店內裝修無咩特別，但坐位都唔舒適，唔會太迫。同朋友兩個人，order 左10幾款串燒（無影晒相）。每款都燒得岩岩好，好入味，唔會只係食到調味粉味，食物原味都仲保持到。只係串牛舌燒得乾左D，其他都好好味。另外叫左個麻辣花螺$98，比其他串燒貴小小，但份量好多，兩個人完全食唔晒。味道好好，但有D鹹。真心推薦呢個牛油金菇！！牛油味好香，好好食！一定要試😍😍另外想講，呢間店既服務員態度好好，又細心，提左我幾次小心D頭髮掂到食物，又會同客人講笑，令氣氛好好👍🏻溫馨提示：呢間店既特別之處係每檯有一碟泰式醬，一定要沾！！！完全係另一個食法😋

今日收工前收到朋友嘅電話☎話係太耐冇見，約出黎食宵夜甘原本就揀左食糖水🍮食完都覺得唔係好過癮，於是就講左句，好耐冇食燒烤，朋友就話附近有間燒烤店唔錯，於是就黎左試下！我地幾個都幾大食下，點左都唔少，中意食海鮮嘅我，魷魚必叫🦑辣酒煮螺🐚燒烤又點少的燒雞翼🐔燒菠蘿🍍等等等候時間都唔算太長🕰估唔到味道都唔錯👍🏻又唔會燒到濃曬！推介辣酒煮螺⭐⭐⭐⭐⭐好好味，螺肉都算新鮮，又唔會霉，中意食辣嘅朋友必點，辣的好惹味🌶🌶🌶好好過癮，而且分量都唔少，食完唔夠喉，仲打包左份翻屋企比老媽子試下🤤🤤🤤其他食物質素都算可以，唔會太差。燒菠蘿🍍都幾甜下，不過茄子🍆就覺得一般般，唔係好夠味之餘，仲有啲唔熟😑😑😑總體感覺都唔錯，會有下次😋

之前經過砵蘭街，次次經過呢間串燒店都會見到有人係到等位，跟住次次都會同友人講下次一定要黎試下，今晚終於都黎食啦!餐廳唔算好大，但店員服務都很好!看看點餐紙，樣樣都好似想食咁，最後就揀選了幾樣試下!蒜蓉燒蠔($32/隻)，我同友人都係蒜蓉怪，呢度既燒蠔上面有爆多蒜蓉，啖啖生蒜味，真係好正!蠔肉多汁飽滿！雞中翼($18/2隻)，雞翼佢有全翼同埋雞中翼揀，為左唔好食到成塊面都係，所以揀左雞中翼食!雞翼肉質嫩滑，有少少孜然粉同辣味!牛丸($16)及墨魚丸($16)，食串燒真係唔知點解好中意食丸，特別好食D。個外皮燒到脆卜卜，又有調味料，特別惹味!燒茄子(原條)($32)，燒茄子又係每次必點的。茄子原條攤開上特別有霸氣，而且好似好健康咁!茄子又係有好多蒜蓉，而且原條的話可以用筷子一條條咁撕出黎，特別過癮!飲品揀選了王老吉($14)同埋津路烏龍茶($15)，兩者都係食串燒的好良伴。總括黎講，因為第一次黎食的原故，食物點了小辣，個人覺得就唔係好辣啦，下次可以點中辣!同埋要再試下其他野食!

難得早收工，可以約朋友岀旺角行下街。行到攰攰哋，想坐低抖下兼食啲嘢，lunch食得太飽又未食得落晚餐。朋友於是提議搵間串燒食，可以一路吹水一度食。行過lee間嘢，見價錢唔算好貴，一於就入去試吓。難得佢有鹽燒大眼雞，即刻嗌啦！！個伙計都好好咁提我話今日多人嗌大眼雞，要等耐啲。反正唔趕時間，可以食住其他嘢等。之後再嗌咗雞脾菇，牛舌，牛肋串，同羊扒。穩陣起見，全部嗌咗小辣。雞脾菇，唔會燒到好乾，又唔會太鹹冚曬啲菇嘅味牛肋串，唔單止有肉汁，仲要唔韌。羊扒(其實應該係羊架)配薄荷醬，羊唔會好羶，中間仲有少許粉紅色牛舌，通常都會燒到好乾，但係lee度係燒到岀面脆入面嫩，好似煎香嗰面。鹽燒大眼雞，起定兩塊魚皮，鹹鹹哋之餘，可以好似燒魷魚原塊食，夠味又香脆。魚肉唔會好乾同好“鞋”，仲要條魚唔細條，兩個人食啱曬

串燒都幾多款，肉類，蔬菜，海鮮都有。串燒叫左小辣，等左唔算奈就到，佢一碟上幾樣岩岩燒好既野食。必食既燒9菜🥬，okay，不過我自己就鐘意多小小汁同香料，唔算超入味。另外試左menu 推介既燒豆腐（左一）唔錯，外面脆脆地甜甜地既汁。試下都可以。中間3樣分別係（左二）黑毛豬肋肉🐖，牛舌🐂同安格斯牛肋肉🐂。豬比軟好味，好軟熟同小小肥👍🏻而最差係牛舌，有一兩件比較乾同鞋。燒茄子🍆🔥唔夠多款同蔥，一樣多d香料會更入味，小小失望😞燒蠔（蒜蓉燒）外面燒得比較微微金黃色，比起之前食既燒蠔比較乾身挺身，不過蒜蓉蔥辣椒似乎唔係一起燒，只係放上去，所以同味道係分開，無平時蒜蓉海鮮既香口，小小失望😞叫左一枝Asahi大啤，加埋一，埋單二百幾。唔太飽但都唔知叫咩野食好，所以就埋單走。

以前讀書時期經常來油麻地這邊這裏有好多小店 當天就來到好燒式這裏主要是吃串燒 但它的西餐也很有名店舖挺整潔的 餐單上的海鮮是時價 可以問問店員或看牆壁上所寫的價格串燒豆腐（$16）：豆腐size不小 有三塊 上頭已經有點燒汁 表面較脆 裏頭還是挺嫩的鹽燒牛舌串（$26）：每塊牛舌都好厚 啖啖肉 一咬下去很濃的牛味 鹽只用作吊味 不搶走牛原身的香味雞軟骨（$16）：量比一般的雞軟骨串多很多 口感好羊肉串（$18）：孜然的味道和羊很搭 羊肉還保留肉汁燒雞胸軟骨串（$25/2串）：軟骨的部分軟薄和爽脆 又有雞胸肉連着 肉和軟骨相隔 有兩種滿足 喜歡各類燒蠔（$32 可選白汁芝士、煙肉、蒜蓉或什菌）：和朋友一人叫了一隻 選了煙肉及蒜蓉配料的份量很多 佈滿蠔的上頭 味道濃郁鹽燒馬友（$100-140）：當日叫是$108 烹調的時間較長 可早點下單等熱騰騰地上菜 還冒着配檸檬汁較清爽 肉質滑嫩韮菜（$16）：韮菜十分入味 而且份量也多泰國露荀及泰式燒豚肉（$19及$38）：兩個都是點了一份的份量 但可見還是很多配有泰式辣醬 用來點豚肉 泰味十足 肉質嫩滑蒜蓉燒茄子（$32）：可選擇切片燒或原條燒

好多串燒舖頭啲蒜蓉包會好Hea但係佢呢個蒜蓉包好出色外面好脆 蒜蓉味好重 又好平每份串燒都好多肉 好抵食不過晚晚都好多人排隊肚餓嘅請留意 要預返時間排隊1個鐘黑松露芝士薄餅都好特別因為出面好少串燒舖頭會做趁熱食 可以拉芝士 黑松露味好夠

宵夜最中意食串燒，貪佢細細串唔會好飽。知道旺角新開左間串燒店，一於今晚收工就試下！除左常有既串燒食品，仲有海鮮，小食同意粉提供，聽聞老細之前係做西廚架所以意粉都好高質素，不過因為今晚唔太餓所有無試意粉。餐廳唔算太多、大概有十張檯，入座時無咩人，坐左陣就滿哂！啤酒係串燒既絕配，一於啤一啤佢燒茄子，可以揀原條或者切片，我就揀左原條，茄子上灑滿調味粉，不過份量剛好唔會太濃味。串燒豆腐，豆腐炸過再搽上醬汁燒，外脆內軟，醬汁酸酸甜甜好醒胃燒牛舌咬落好腍身又重牛味，而且份量慷慨岩哂我呢個牛肉麵舌愛好者另外叫左店鋪推介既黑毛豬同牛肋串，豬肉既串燒好易會燒得鞋口，呢度既火喉就控制得岩岩好！入口仲好嫩身！牛肋串肉質鬆軟，必叫！多春魚唔會燒到甩皮甩骨仲有一定要叫串燒菠蘿，店鋪好細心已經切好一舊舊，方便食用，好甜！叫左十樣野加啤酒都係三百蚊有找，一定有下次

難得喉嚨痛好番 即刻又要去食最喜愛嘅燒烤店😆好懷念之前黎嘅所有串燒 原本諗住試下太子分店但太full唯有番去旺角店每次見到咁多選擇都覺得好難揀🙈Book左六點🤣所以唔使等位燒豆腐 豬頸肉 厚厚牛舌仲有雞脾菇☺️☺️全部都燒到好juicy😋😋今次揀左原味 特別係豬頸肉 非常香甜可口 仲額外揀左粒燒芝士 當作飯后一點甜今次都有叫到每次黎都要食嘅例牌燒脆肉瓜😻成條切片 但我發現脆肉瓜加孜然粉更惹味😏燒鱔第一次試 朋友都讚口不絕🙀當然唔少得成條茄子！水準不減😆隔離台叫左一人一條😂呢個豬仔脾食埋就岩岩好fill in我地成個胃 肉質偏向挺身 相信同豬仔嘅運動量有關😂😂下次要去太子店試試😁😁

七點零鐘6個朋友黎旺角搵食，見到呢度幾多選擇🙈🙈 睇真係menu，除咗各種串燒之外，仲有其他唔同嘅主食😳😳😳 諗住就算食串燒未必飽，都可以用意粉頂下肚。 所以就入咗嚟食呢間好燒式。串燒都唔錯，燒得幾好😎😎 起碼唔會太熟或者燒燶曬😂 配埋啲醬汁酸酸味味又得，又可以加辣，都幾惹味燒物份量都okay。不過絕對唔建議食意粉，佢聲稱係酒店級。但係賣相同味道都強差人意，我地六個人食一碟都嫌多💀💀💀

好燒式係我同男朋友最鐘意既串燒舖🍢，事緣有次上網google串燒舖就搵到呢間🤣已經幫襯過幾次架啦，不過個時未開始寫食評，所以到而加先補寫。今次我地又黎食好燒式，好彩都仲有位，唔洗等就可以入座。今次都係嗌左好多之前試過好味既串燒，再加一啲新嘗試😂。雞翼、雞軟骨、雞腎、多春魚、魷魚鬚⋯⋯呢啲平時都嗌開，燒得好正，好香～！日本年糕係本人最愛🤣，煙煙韌韌！👉🏻 牛油金菇包呢個必食！牛油太香啦😭真係好好味！👉🏻 韮菜｜翠玉瓜韮菜又係燒得好香😭👍🏻（題外話：我整跌左一舊翠玉瓜，侍應哥哥即刻幫我清潔番個地下，真係唔好意思😫但佢地服務真係好好）👉🏻 菠蘿｜朱古力香蕉菠蘿好甜～朱古力香蕉就第一次食，侍應哥哥上碟個陣仲提我地要襯熱食👍🏻！但我覺得就普普通通，係熱既香港加朱古力醬⋯😂👉🏻 芝士墨西哥薄餅呢個又係我地必嗌，因為淨食串燒食飽都唔少錢，所以我地會嗌個薄餅墊底先🤣因為舖頭大細所限，要比個位比啲book左檯既客，我地食食下要轉位（之前食都係咁），所以有少少麻煩～但不得不提，好燒式既服務真係好好，侍應哥哥仲同我地有講有笑😆！

同呢朋友黎吹下水飲下冰凍啤酒不知幾爽，我朋友介紹呢間好燒式D串燒唔錯，咁我同朋友去試下，地點又不遠，都係喺登打士街附近。【青島啤酒(大)】一去到舖頭點都叫支啤酒嘆下，一飲入口非常冰凍，超正!!【黑松露什菇墨西哥薄餅】我見好多人都會叫呢個薄餅，咁試下這個薄餅先，餅皮好薄，食落仲好香好脆，而且用料十足，加上每一啖都有濃郁芝士同黑松露味，熱辣辣，我非常喜歡這個，值得推介！【左起：泰國露荀、安格斯牛肋串、鹽燒白鱔、串燒豆腐】露荀：細條幼身版，但勝在爽口無渣，燒到剛剛好。安格斯牛助串：肉質非常之香又好嫩，食牛的朋友呢個不錯。白鱔 ：超肥美多肉又有魚油香，外皮勁香脆肉質勁彈牙，不過係多少少細骨。串燒豆腐：外皮香脆，豆腐嫩滑，食落甜甜辣辣的，好香口，好有口感。【上：鹽燒牛舌串、雞全翼】牛舌：牛味十足非常𣺉身，這個都是唔錯的選擇。雞全翼：都算大隻，燒得皮脆肉嫩，又帶點小辣，令胃口大開。