好燒式串燒專門店 (砵蘭街)

营业中

休息中

這區好多好野食，行來這邊想看下食辣或食西餐，平時經過都見過這間串燒店，店舖細細，但好多款式食品，除了串燒，還又西式意粉，墨西哥薄餅，辣酒煮螺，泰式小吃和荷葉焗飯。入座後，還看到有食客開紅酒食晚餐，好西餐感。先來白汁芝士燒蠔，濃濃的芝士香，燒得剛剛好，好有肉汁。其實燒蠔可以選其他配料，可選煙肉，蒜蓉或什菌來燒。原條燒茄子都係愛在串燒店食，唔知點解自己燒唔到咁好味。茄子上滿是蒜蓉和辣粉，一絲絲又有汁。原隻燒魷魚筒，燒得剛熟，肉質軟身，點了泰式辣汁，辣辣地好惹味。雞軟骨好特別，是雞胸軟骨，好有咬口。安格斯都好有牛味，燒得好好。