天天海南雞飯 (Fashion Walk)

营业中

休息中

幾年前去新加坡食過天天海南雞飯，好好食，一直回味，估唔到依家係香港都有得食😍😍😍我地叫咗2人套餐，有好多款食物可以揀，好抵食！前菜-海南沙律🍓有新鮮無花果、蕃石柳同士多啤梨，酸酸甜甜，好開胃😆小食-黑松露墨魚蝦多士🍤🍞呢個十分推薦，炸得非常香口，啖啖蝦肉，絕無偷工減料，重好彈牙👍🏻燉湯-鳳梨涼瓜干貝燉龍骨燉得好入味，好似平時媽媽啲住家湯😋海南雞-天天海南雞🐥最鐘意食起骨嘅海南雞，肉質滑嫩又重雞味，重有3款醬汁可以點。主食-雞油飯小煲啲飯粒粒分明，每粒飯都食到雞油嘅香味，好有之前係新加坡食嘅味道，大推！👍🏻蔬菜-海南雜菜煲🥬湯底清清地，用雞腎同雞肝調味，有西蘭花、小棠菜同娃娃菜，重有啲粉絲吸味，好健康😆招牌超級水果茶🍉🍎超級大杯😍有一公升咁大，重要有好多水果，茶味偏濃，唔算甜！恐龍美祿☕️好邪惡，滿滿嘅美祿粉，係回憶呀！重要好濃好好飲，啲冰溶咗都重有美祿粉

經常聽身邊既朋友推介「天天海南雞飯」，今次終於有機會去食啦，真係好值得去食。首先推介下我最愛食既海鮮喇沙水晶粉，海鮮豐富、喇沙味道香濃帶有少許微辣，水晶粉十分入味，非常好味，所以超級超級推介大家食黑松露墨魚蝦多士擺盆好靚，打卡一流，味道亦都十分出色，墨魚餡料豐富最重點推介超級大杯既水果茶，900ml既水果茶只需要$38，完全無唸過居然咁抵飲，而且味道十分好飲，入面水果都非常豐富

同老公去完灣仔會展展覽，到銅鑼灣區覓食🧡一直想試試新加坡過江龍，天天海南雞飯，今日終於一試😁新加坡米芝蓮二人套餐$499蝦皮素肉鬆凍豆腐蝦皮配上素肉鬆，想不到是這麼配，配上酸辣汁後的凍豆腐，更加惹味！黑松露墨魚蝦多士蝦多士吃得多，再配上彈牙的墨魚，超好味！一共有四件，大家都吃得滿足🤭鳳梨涼瓜干貝燉龍骨鳳梨涼瓜湯好足料，清一清熱，夏日之選。正宗海南雞來到主角海南雞，雞肉鮮嫩，超有雞味，配上特製雞汁和三色醬料，我味道。最喜歡當然是辣醬料，配上片片辣椒，味道更豐富和有層次，喜歡辣的我大愛。雞油飯雞油飯有淡淡香茅黃薑味囉，配上雞油，整碗飯熱騰騰、香噴噴，好味道。海南雜菜煲雜菜煲有潤、西蘭花、甘筍、娃娃菜、大量粉絲等，上枱時熱辣辣，香噴噴！喜歡這個餐的原因是因為有這雜菜煲，很健康。豆花恐龍美祿簡直是童年回憶返晒嚟！啖啖美祿粉配上冰凍豆花，好正🥹🙏🧡

呢一間餐廳氣氛有dd酒吧feel, 有少少格調, 同上次九龍站分店係兩個feel今日就叫咗海南雞(中份), 肉骨茶, 小食方面叫左班蘭椰汁鱈魚。班蘭椰汁鳕魚上枱時已經香濃撲鼻, 有斑蘭同椰汁嘅香氣, 點左椰汁同炸得香口既鳕魚粒, 混埋一齊口感十分有趣, 有少少甜品的感覺,好開胃。海南雞方面依然極嫩滑,本身嘅醬汁已經好入味, 唔特別需要點黑豉油或其他醬了。海南雞中份已經夠2-3人。細嘅油飯係夠3-4人食！！肉骨茶滿滿新加坡味道, 胡椒嘅香味,入口已經感受得到, 四條大大舊肉排同豆腐卜同腐皮, 我倆都食到個肚仔脹晒, 真係要去做返運動先。呀, 我地仲點咗個豆腐花奶茶, 個size 好大😂,真係可以當甜品咁飲 價錢我覺得可以接受,每人大約二百多, 去唔到新加坡都嚟呢度食，一樣滿足到

之前係沙田食過一次天天，環境比較明亮開放，適合合家歡一家人去食。銅鑼灣呢間分店既裝修明顯有好大既不同，枱櫈，碗碟，燈光都比較有情調，適合情侶或者同朋友傾計飲返幾杯海南雞有分2種，正宗海南雞雞味濃啲但有骨，我哋就揀左無骨既天天海南雞，肉質比較嫩滑，無骨啖啖肉。半隻雞份量都幾多，兩個人share都未必食得哂食海南雞必配雞油飯$39 小碗既雞油飯一啲都唔少個鍋大約係韓國石頭飯既size本身都已經好香 撈埋海南雞個黑醬油落個飯到更升華 斑斕汁椰香鱈魚 幾有驚喜 好似一粒粒fish & chips既感覺 炸漿酥脆而不油膩 好快清哂成碟👍🏻金香雞油脆米叉燒 下面既脆米撈埋叉燒蜜汁甜甜地脆脆地又幾夾鴨屎香檸檬茶，水果茶2杯都好巨型 咁既價錢真係好抵飲

是你不想我啦，甚至不找我啦？其實我一直等緊你，你又知唔知？食少日海南雞，我都心亂如麻…又點會咁誇呀，不過海南雞我真係鍾意食既咁又唔洗日日食既，間中食下回味一下，都唔錯呀。👇📌十 大 招 牌 - ▪️ 天 天 海 南 雞 - $169 ▪️ 雞 油 飯 - $39▫️ 講到招牌，無可能唔食呢個「天天海南雞」，海南雞做得非常唔錯，肉質香滑又夠嫩，最重要係過份冰冷既感覺，非常新鮮，加上夠哂二人份量既「雞油飯」，惹味得黎又唔會太重油膩感，好有驚喜。📌小 菜 - ▪️ 參 巴 辣 椒 炒 通 菜 - $89 ▫️ 呢個「參巴辣椒炒通菜」炒得夠哂火喉，腐乳就食得多，估唔到參峇醬反而鹹香得黎帶少少微辣，本身通菜口感相當爽口，送飯真係一流。▪️ 黑 磨 鼓 牛 筋 牛 腩 - $139 ▫️ 最後試埋個「黑磨鼓牛筋牛腩」，牛腩鬆軟入味，牛筋夠腍滑，最重要係個醬汁濃郁鮮香，加上個底部有個爐頭慶住保溫，呢點做得幾細心，整體幾有水準！

天天海南雞飯黎到銅鑼灣Fashion Walk 除咗有好多西餐之外仲有呢間新加坡過江龍餐廳 相信大家都唔會陌生 天天海南雞飯 😙 叫咗個二人餐其實份量有四人份量 食到好飽 差啲要帶個盒去裝埋做第二日午餐🤣新加坡米芝蓮二人套餐 （$499）✨前菜 海南沙律其實佢就係好似一個生果拼盤 有切片士多啤梨同埋芭樂 仲有無花果 賣相好靚同埋唔係剩係得菜咁普通 甜甜地幾開胃✨小食 黑松露墨魚蝦多士上面勁多日式章魚燒嗰啲碎碎 蝦多士嘅外皮超級香脆 加上椰菜絲口感非常特別 中間嘅蝦膠加上墨魚仲好彈牙添✨燉湯 鳳梨涼瓜干貝燉龍骨見到佢成碗湯連埋個玉璽嘅容器 非常奢華嘅外表😂 碗湯仲要落足料 有苦瓜仲有瘦肉！呢排天氣熱真係要食多啲瓜類食物消暑✨海南雞 天天海南雞嚟到呢度點可以唔試海南雞飯！有天天海南雞同埋普通海南雞 天天海南雞仲有一個醬汁 淋喺上面 海南雞好滑✨蔬菜 海南蔬菜煲有粉絲 有菇 有螺肉 仲有唔少嘅西蘭花 配料十分充足豐富！✨主食 雞油飯好大碗雞油飯 最尾真係食唔晒 油份適中唔會太多✨飲品 50年代系列飲品 凍金橘檸檬 成杯jar咁大 應該有700 ml咁多 好抵飲✨熱薏米水比較養生系列 最岩清

呢一間新加坡過江龍嘅餐廳，專食佢哋最出名嘅海南雞，亦都有其他唔同嘅出色菜式。見到佢哋亦都有啲米芝蓮二人套餐，但係我想試多啲唔同嘅嘢，所以就散嗌啦。佢嘅天天海南雞份量都唔少，醬汁又比三款，雞肉非常滑身，而且啲皮唔會好肥，味道比較淡，但配埋啲醬汁一齊食都夠味。另外佢哋嘅螺片燉雞一定要飲，味道非常之濃郁，飲得出冇乜味精味，入面嘅食材都10分足料。斑斕汁椰香鱈魚食嘅時候好方便，而且佢配埋啲斑斕汁亦都幾夾，亦都唔會好油。炸蠔餅比較油，但係食得出蠔嘅份量超級多，每一啖都可以食到蠔。呢一個色彩繽紛嘅金邊粉非常值得點，啲魚乾同配菜撈埋之後非常之夾，會令到你一啖接一啖咁食。

剛好經過銅鑼灣，見到天天海南雞。之前在新加坡食過一次， 超級好食！所以印象好深刻。佢係香港開左好耐分店，我都一直未試過。入到銅鑼灣既分店，裝修得非常堂皇，十足入左酒吧。天天海南雞 （中份）$169雞油飯 （小煲） $39黎到天天，當然要點佢既海南雞啦。不過海南海同飯要分開點，加埋就二百蚊夠其實夠三人份量，我地兩個人都食唔晒。雞既肉質鮮嫩多汁，有三款醬比你沾黎食，勾起雞既鮮香。黑松露墨魚蝦多士 $89入口有驚喜，冇諗過會外層咁卜卜脆，中間夾雜蝦同墨魚，外脆內爽，口感一流。仲要中間有一層黑松露醬，既爽脆又有濃濃既黑松露味。海南沙律 $69前菜沙津係以芭樂生果為主，加上咸香既配料。整體極具東南亞氣息，作為前菜小食十分開胃。石鍋蘿蔔黑磨豉豬軟骨 $118作為米芝蓮推介，絕對唔會令你失望！我極力推薦大家這款菜式，濃稠嘅湯汁配以軟林林嘅豬軟骨同蘿蔔，芬香撲鼻入口即溶。

呢排食得太多西餐，閂晒飛滋，都冇諗住今晚食西餐，所以找了一間食海南雞飯的，起碼不會咁熱氣。見到天氣咁熱，本身諗住叫兩杯水果茶，但是我們決定叫冬陰功湯，怕會太多湯水，所以先叫一個水果茶。水果茶一上枱已經嚇了一跳，竟然足足有1公升，即是1000毫升，仲係平時在飲品店買兩杯的份量，但是竟然收一杯的價錢。除咗份量大之外，所採用的生果絕不熱氣， 10分新鮮，好像是兩大嚿西瓜，又多水，又甜，絕不是浸糖水出來的甜度，而是天然的。雜菜煲適合我們生緊飛滋都可以食，上面竟然有雞腎，湯底不會做得太鹹太濃味。海南雞10分滑，我們已經叫中份，但是份量真的十足，雞油飯零瀉不同，會比較香。記住叫最細份的就夠了，可以試吓其他菜式。Jelly fish 值得推介，醬汁調配得10分配合，墊底的青瓜朔晒醬汁的味道，真的想用來送飯囉。這個冬陰功湯上枱時15分有氣勢，火焰冬陰功湯出場，入面有齊青口，蝦，魷魚，連蕃茄仔都有好多啦，我們叫侍應不要整得太耐，所以整個湯會比較甜容易入口。

同男朋友經過銅鑼灣行街，想食海南雞，就搵到呢一間天天海南雞於是入去試一試。嗌咗一個天天海南雞同油飯。上到枱賣相好吸引，雞皮微黃表面滑溜溜，下面啲雞肉有光澤，唔會乾爭爭，食落去好嫩滑，還有輕輕的彈牙。醬汁會分開放，雞醬鹹鹹的， 配合香濃的海南雞味，相得益彰 ，當然唔少得傳統嗰三味醬， 我自己最鍾意就係酸辣醬，酸酸地好開胃。成碟海南雞飯量都好多，兩個人一定夠食。我哋還叫了煙燻香茅蝦，上菜方式係放喺一個飯盒入面，好特別，香茅蝦新鮮彈牙，外表有少少煙燻味， 和醬油味， 食落去有淡淡的香茅香氣， 整體味道不錯。小食方面就嗌了黑松露墨魚蝦多士， 蝦多士炸得非常香脆，入面墨魚膠十分彈牙，還有濃濃的黑松露味中，十分推薦。豆花恐龍美祿同油柑鴨屎香檸檬茶就係我哋嗌嘅兩杯飲品，豆花中和左美祿嘅甜， 還增加咗口感。檸檬茶都十分大杯，有淡淡的甘香味，十分清新。 整個用餐體驗十分良好，環境舒適，食物質素不錯，下次會再試下其他菜式。

呢間新加坡過江龍經常大排長龍，喺Element lunch time時間成日無緣一試，今次就過黎銅鑼灣食。 入到黎裝修唔錯，有少少去左中國城市嘅感覺，餐具精緻，茶壺都特別重手！不過埋單嘅時候先知原來要收每位茶芥$10。 朋友最近要增磅，於是2個人就嗌咗個抵食2人餐($499)。 1）鳳莉涼瓜干貝燉龍骨 好足料有瑤柱，而且清甜唔苦，養身嘅感覺lol 2）黑松露墨魚蝦多士多士香脆唔油，黑松露醬都好多，仲有滿滿嘅椰菜絲鋪喺上面，滿足！ 3）蝦皮素肉鬆凍豆腐 正正常常，麻辣汁開胃，原來係素肉鬆，真係食唔出！ 4）天天海南雞 問左餐廳天天海南雞同正宗海南雞有咩分別，原本天天係滑啲，正宗就重雞味～食落唔錯，幾滑，啲醬汁好開胃😋 5）雞油飯用好似韓式石頭鍋載住，可以keep住個溫度，幾貼心。份量夠２人食，味道都唔錯，飯唔會太濕。 6）海南雜菜煲菜煲鮮甜！原來有豬潤同腎，驚膽固醇超標都唔敢食太多，但真係好難忍口。 呢個餐仲包咗2杯野飲，美祿恐龍用左成個啤酒杯咁大杯裝好滿足pp下次黎會試下正宗海南雞！

今日難得可以早放工，約埋朋友一齊試吓「天天海南雞飯」，聽講好出名，果然食物非常出色，環境也不錯👍招牌超級水果茶——超有驚喜，從來都冇飲過咁大杯嘅水果茶，而且水果亦都非常豐富，入面仲有西瓜、熱情果、蘋果同橙，非常抵飲，只需要$38就飲到，味道亦都好好，係咁熱既天氣真心超級推介大家飲依杯水果茶😍海鮮喇沙水晶粉——非常好食😍，入面既海鮮豐富，有蝦、青口、魷魚，而水晶粉亦都煮得非常好味，煙韌彈牙，加上配合埋喇沙香濃嘅味道真係非常正，下次必定會再encore👍👍👍😍黑松露墨魚蝦西多士——外觀非常吸引，外層炸到金黃色，食落去非常鬆脆，內面也充滿墨魚餡料，好味😋火焰沙爹串串——有牛肉、雞肉和豬肉串燒，一次過可以食到三種肉類嘅串燒，非常滿足，而且內裏亦都可以保留到肉汁，不會燒得太乾。整體上，環境以及食物質素不錯👍

唔洗等位有原因，大概估到一係食物有問題，或者服務勁差⋯⋯公平啲咁講，其實實物都唔錯，我哋已經叫晒就調味，但係都仍然好濃味。咁講返開頭，即係服務勁差啦😡當日帶住小朋友一齊嚟食，正常睇到都應該會開聲主動問需唔需要BB櫈，坐咗半個鐘，你唔開聲佢都唔會幫你，仲要成張凳車埋你，整到我同小朋友。到到買單嗰刻，我真係嚇親，原來係有茶位㗎？我由開頭食到埋單嗰下都冇見過，結果我問侍應嘅時候，佢就開返壺茶嚟俾我。係咪黐線？我食完啦你而家先開壺茶俾我做乜？

之前喺新加坡食過天天海南雞飯真係又平又好食相比起香港呢間嘅價錢就貴好多啦冇辦法因為間餐廳裝潢比較華麗睇得出裝修好俾心機碗碗碟碟茶壺都睇得出花過心思設計今次我就試咗呢個2人餐當然主角海南雞飯係我最期待啦我諗有¾嘅雞肉都係好滑 只有一部份會靭睇得出係唔同嘅雞放埋一齊不過整體都滿意嘅油飯非常香口亦都係海南雞飯嘅精髓燉雞湯不過不失唯一普通就係肉質太鞋但湯&料都係非常充足 呢個松露蝦多士真係不得了味道賣相全部都好高分超級香脆可口不過注重健康嘅朋友 呢款未必接受到因為佢真係太油太油太油啦！本身以為呢個水果沙律係伏因為我真係未試過呢種配搭點知一試 個味道好夾 水果好甜非常開胃係有驚喜嘅花好月圓甜品都係非常值得讚賞直情有高質布甸嘅感覺味道清 唔會過甜 由於相片太多歡迎再睇另一篇食評”🍋估你唔到嘅鴨屎香檸檬茶(環境&飲品篇)”