天天海南雞飯 (Fashion Walk)

营业中

休息中

呢一間新加坡過江龍嘅餐廳，專食佢哋最出名嘅海南雞，亦都有其他唔同嘅出色菜式。見到佢哋亦都有啲米芝蓮二人套餐，但係我想試多啲唔同嘅嘢，所以就散嗌啦。佢嘅天天海南雞份量都唔少，醬汁又比三款，雞肉非常滑身，而且啲皮唔會好肥，味道比較淡，但配埋啲醬汁一齊食都夠味。另外佢哋嘅螺片燉雞一定要飲，味道非常之濃郁，飲得出冇乜味精味，入面嘅食材都10分足料。斑斕汁椰香鱈魚食嘅時候好方便，而且佢配埋啲斑斕汁亦都幾夾，亦都唔會好油。炸蠔餅比較油，但係食得出蠔嘅份量超級多，每一啖都可以食到蠔。呢一個色彩繽紛嘅金邊粉非常值得點，啲魚乾同配菜撈埋之後非常之夾，會令到你一啖接一啖咁食。