天天海南雞飯 (新城市廣場三期)

营业中

休息中

去開沙田行街，見到呢間新加坡嘅過江龍餐廳，就喺度落腳用膳喇。餐牌選擇好多，除咗招牌嘅海南雞飯，連和牛、酸菜石斑都有，樣樣望落都好吸引香茜蟶王蟶子爽口彈牙，芫茜同麻油好香好夾，非常推薦嘅一款前菜！天天海南雞　（例）選擇再多，都一定要叫海南雞啦～雞肉幾靚，夠新鮮，有雞味；肉質夠滑，滑得嚟又冇多餘脂肪，而且基乎全部都已經去骨，食起上嚟好方便，啖啖肉三色醬料有：薑蓉、黑醬油同秘製辣椒醬，個人最鍾意秘製辣椒醬，味道酸酸辣辣咁，開胃惹味。天天石鍋雞油飯　（１—２人份）必點，飯粒粒粒分明，雞油香而不膩，仲帶有陣陣嘅蔥香，淨食飯都好好食。蜜瓜螺頭好少見用蜜瓜燉湯，味道有驚喜，比一般嘅燉湯清甜；湯料都多，仲有啲真材實料。花好月圓 （加配美祿朱古力粉）本身想叫燕窩豆花，可惜賣曬，不過美祿豆花都唔錯，食落有啲似木槺布甸好彩早嚟，食完已經有唔少人等緊位。整體上呢度嘅食物質素唔錯，以米芝蓮餐廳嚟講價錢算幾親民，下次會再嚟試吓呢度嘅其他菜色

個個嚟到天天海南雞都一定會叫海南雞同油飯，今日同朋友就偏偏反其道而行，試盡其餘嘅星洲菜式😛其實呢度嘅menu菜式都好豐富，雞以外嘅選擇都好多，前菜就先揀咗蒜泥白肉青瓜早已經同豬肉片卷好，一碟上枱小巧精緻，醬汁用另一小碟上，可以滿足唔同人對蒜嘅喜惡，又唔怕底層嘅白肉浸透係醬汁之中會太咸餸菜方面揀咗兩款海鮮，分別係黃金大蝦同黃金蠔烙，雖然個名好似，但味道就完全唔同黃金大蝦係以咸蛋黃包裹住新鮮蝦肉煎炸而成，外層脆薄，內裏肉質厚實，一碟起碼有十幾隻蝦以上，以呢個價錢嚟講絕對俾足貨，另外仲有啲黃金翠肉瓜係到，瓜肉多汁，咬落去中和咗煎炸外皮嘅油膩，仲好食😋黃金蠔烙就類似潮洲蠔餅，但相對炸粉會較少，邊邊脆但中心較軟，蠔一啲都唔腥，連一向怕腥嘅朋友都食咗三件😝主食方邊就冇揀到飯，要咗菌王水晶，係羊肝菌同肉碎熬成嘅湯煮水晶粉，味道濃郁，水晶粉又煙韌，加上有個小鍋一直熱住，食完個胃好舒服😋另外呢度嘅飲品超大杯，一杯兩個人share 都夠，水蜜桃西柚香橙茶酸酸甜甜，解膩一流😛

同屋企人去沙田行街，見到呢間餐廳未到7點已經好多人，決定入去試下。原來餐廳係新加坡過江龍，仲係米芝蓮，唔怪得咁多人啦。同屋企人叫咗天天海南雞，黃金大蝦，筋腩相逢，天天石鍋雞油飯同花好月圓(加配美祿朱古力粉)。~~天天海南雞賣相好靚，雞肉好嫩滑，連雞胸都好滑。冇咩肥膏。雞肉已經去咗骨，食落好方便，好啱懶人。~~黃金大蝦好重鹹蛋黃味，係隻隻蝦都有。大蝦食落好爽口。忍唔住不停食。~~筋腩相逢牛筋同牛腩都煮得好入味。牛筋食落好軟滑爽口，充滿骨膠原。牛腩軟腍鬆化。~~天天石鍋雞油飯飯粒粒分明，好香雞油味，但又唔會太油，好好味。用石鍋上，溫度保存得好好。~~花好月圓（加配美祿朱古力粉）豆腐花好滑，好重豆味。加埋美祿朱古力粉，味道好夾。

天天食過好幾次，但今次先第一次寫食這評，寫得就當然有原因！今次去係無食到海南雞，而係食咗燒雞。燒雞好食，但呢個都唔係重點我酸菜石斑先正！ 完全估佢唔到！辣度酸度剛剛好！啲魚又鮮，無滑又彈！真係估佢唔到！食完依個酸菜石班，再配埋個肉骨茶同埋雞油飯，掂晒！上面果段無講燒雞，被補返先。雞皮超脆有驚喜，肉又唔會太乾，剛剛好，依個又係估佢唔到！肉骨茶同埋雞油飯，好似一下嘅水準，依然高質。最後一個驚喜，就係杯茶。飲落有伯爵茶味，但又好似不止於伯爵茶，但又唔好意思問職員係咩茶，希望係依到揾到答案。總之今次係驚喜之作，希望下次再去嘅時候又有新野試到。

黎到新城市廣場三期，知道依度裝修左之後，多左好多新餐廳揀睇過menu之後就去左天天海南雞飯，點知員工話海南雞同燒雞都暫停供應，原本重諗住試個燒雞添！餐廳裝修都幾新潮。入到先知原來要計茶位，$9/位，不過茶都refill得好快。Menu都圖文並茂，唔駛估估下我地點左：黃金軟骨前菜黎講好野味香口。用左咸蛋黃再炸雞軟骨，味道香之餘，每粒都有起沙既口感辣子雞翼辣子雞翼係T骨雞翼黎，炸得脆口。但係唔多辣，同埋可能前菜關係，份量一般，得6隻T骨筋腩相逢米芝連推介既菜式。牛腩同牛筋都好淋。用砂鍋再一直燒住，唔洗擔心會凍晒天天文昌雞（半隻）都係米芝連推介菜，係唯一既選擇 不過又幾有驚喜wor雞肉有雞味，肉質幼嫩，雞皮薄而且重好彈牙，不過唔敢食太多。因為半隻既關係，就一定有唔滑既肉出現，不過可以接受。天天石鍋雞油飯（細）唔怪得咁多人推薦雞油飯，真係好食不過諗住佢用鍋上會好熱，點知只係暖既程度。可能怕太熱會變飯焦？不過我一樣會推介大家點依個飯

米芝蓮聞名嘅「天天海南雞飯」，一直都好希望同朋友去品嚐，今日終於都有機會，見到門口都有好多客人，好彩依然可以即時入座！餐具都偏向有風格嘅！令人更覺期待！睇返餐牌，會有唔同嘅餐，當然亦都有單點，而最主要嘅海南雞飯都係二人餐裏面，所以我就直接點左二人餐啦！蟲草花拌～首先嚟咗個前菜，係冷盤嚟嘅！翠翠綠綠既合掌瓜切成絲，加埋有營養嘅蟲草，拌勻麻油等調味，清新爽脆！蜜瓜螺頭燉湯～燉湯非常香濃，真材實料，見到湯料亦都非常足夠，當中不乏我最愛嘅螺頭！天天海南雞～肉質非常嫩滑，雞皮呈透明狀，絕對冇肥膩感，加上青瓜伴碟，更覺清新！醬料方面有三種選擇，一種係帶薑味，一種係酸辣，最後一種係鹹味，基本上就算唔沾汁都已經夠晒味！天天石鍋雞飯～石鍋飯以非常精緻嘅形態出現，視乎自己食幾多，就可以攞幾多，十分方便！飯粒全部都粒粒分明，而且油香滿佈，令人回味無窮！花好月圓～雖然佢叫自己做豆腐花，但係佢滑嘅程度，同燉奶係冇分別！而且甚有豆味，真係一試難忘！

原本以為米芝蓮推薦都唔太差，但試過之後我話你知係極差，完全名過其實。叫個招牌海南雞飯，肉質鞋，無雞味。燒味白切雞會好過佢。感覺類似食雞胸肉咁啦，咬落口肉係散嘅。叫個肉骨茶，上菜睇果顏色就覺得賴賴地嘢，同新加坡又或者蘇媽蘇媽果類已經唔同色，呢間係白色嘅。一食……哦………..….原來係胡椒豬肚湯而已服務呢….唔講啦…有興趣自己感受下，麻煩唔好係我食緊嘢期間問我D菜要唔要就得😩至於環境，雖然唔係咩餐廳，但個開放方式其實可以做翻D屏風都嘅，則邊係商場通道，如果你鍾意同其他人互相對望都OK嘅

「不是猛龍不過江，不是靚雞不渡洋」，新加坡Michelin Bib Gournand推介的天天海南雞三年前進軍香港，現在已陸續開了多間分店，捧場客甚多。前天我和外子打了第二針疫苗，心情輕鬆，便到沙田新城市廣場第三期的分店吃晚飯。午市有較優惠的個人套餐，晚餐只能散點，我們點了一個例牌海南雞，一個酸菜石班魚及一小鍋油飯，都是人氣菜式。海南雞保持水準，例牌份量足夠，雞肉起骨，皮爽肉滑，半浸在特製醬汁裏，保持肉質嫩滑有味。調味醬有三款，甜豉油、辣椒醬及蒜蓉醬。全部食物放在同一盛碟上，非常美觀。酸菜石班魚，鍋上，青椒籽、芫茜、紅椒及黃色菊花瓣鋪面，很美。中間是嫩滑魚塊、芋絲及菇菌，底層是酸菜，湯清甜帶辣味，很開胃。雞油飯，滿滿一小鍋，飯粒粒飽滿彈牙，但椰油味稍嫌不足。很滿意的一餐飯，雖説這邊一個例牌相等於新加坡Maxwell Food Centre 原店一隻雞的價錢，但環境舒適，是大牌檔無法比的。

🌟海南雞同飯既份量都好多 仲會配埋湯同酸蘿蔔🤣絕對夠食！海南雞係去骨的🐔食落去啖啖肉 呢到既特式系雞皮薄 如果肉質嫩滑啲就更加好🥺雞肉再點埋個醬汁 味道更上一層樓🤣雞上面配左芫荽 芫荽控表示好香😂除左常見既黑醬油、辣醬同薑蓉之外，雞肉上面仲加左啲好特別既醬汁🙈個人非常推薦個黑醬油🤤超濃味 好出色🔥如果唔食得辣 建議唔好點個辣醬 因為都真系幾辣下🥲 🌟成間鋪頭既風格好漫畫風 餐牌都好精美 牆上好多唔同既人物 座位好闊落 坐得好舒服🙈不過太多人食 所以排隊都排左陣🙈#香港美食 #平民美食 #沙田 #沙田美食 #香港 #美食 #高質 #hkfood #hongkong #hkfoodie #openrice #hkfoodblogger #hkfoodies #likeforlike #hk #hkig #foodshare #hkrestaurant #foodies #852food #hkfoodblog #食評 #美食推介

第一次試食，花膠豬手勁足料，豐富既骨膠原！黃金雞軟骨必叫，大人細佬鐘意食，又唔會太熱氣，下次一定要再黎！炸雞好味，油飯又唔會太油，真心推薦大家黎試下， 另外見到隔離台叫左咕嚕肉，出晒煙，小朋友即刻心心眼，又好飲好好食咁，下次一家要試試！

海南雞飯同新加坡店完全兩回事，雞肉超鞋！雞肉超鞋！雞肉超鞋！完全冇雞味冇鮮味。員工服務亦好差，喺門口攞飛時問依家嗌到幾多位，問兩次都唔理你，當聽唔到，入到去落單同賣單時亦睇到當睇唔到，員工行來行去就偏睇你唔到，應咗你之後又冇咗回事，已經過咗最嘅繁忙時間嚟幫襯都咁様……另外，此店員工一般都係黑面，中午落場休息時店員會在店內大聲喧嘩，商場走廊遠處都聽到，因沙田店是三面全開放式店面，觀感真不好。總結，唔會再幫襯～！

甚少寫評論，但真心貴而且她難食😂 特別係海南雞咁簡單嘅菜式我都覺得難食，慎入！！！仲有其他菜式，叫左豬手、腩肉，都係唔掂。真係唔知有咩咁好食，希望快啲執左佢換間正常啲餐廳啦🙏

肉骨茶湯就普通，味道還可以油飯普通，沒特別最後講解下牛筋腩真係難食，之前有食評講太咸，我無睇食評試左，今次唔係咸，而係唔好食，個汁好怪，好似低價花膠味。服務：由於我點左牛筋腩先睇到劣評，就想改叫雞，但職員話已製作中，但我食到尾段先上個牛筋腩，好明顯牛筋腩係同汁分開煮，因表面肉係無汁整體份量算多，2至3人叫一個肉都夠

一收到消費券，馬上總動員去沙田新城市消費。血拼一會，消費券已經差不多用完，還是要繼續消費，就是去食飯。商場人山人海，唯有分頭去取籌，等了差不多一個小時才有位。這間新加坡料理，是由幾位新加坡名廚主理，打著美芝蓮美食聯盟的旗幟，在香港已經開設了多間分店。我們三人點了天天海南雞(例牌) ($158)、天天石鍋雞油飯(細) ($38)、酸菜石斑 ($128)及軟骨大根 ($108)。店員說天天海南雞(例牌)的份量會比較少，而且是雞胸肉為主。上來的碟頭，雖然雞肉下面有些瓜墊起，但份量也還可以，三人食也足夠。據稱他們用的是新加坡自家農場飼養的雞隻，皮薄肉滑，有雞味。除了常見的黑醬油、辣醬及薑蓉三種醬汁外，雞肉上面還加了些特別的醬汁，味道有點像雞汁，就是不蘸那三種醬汁也可以。天天石鍋雞油飯(細)說是一兩人份量，我們三個人食也足夠。秋天將至，據中醫食療所說，宜酸不宜辛辣，所以我們點的酸菜石斑是不辣的。魚是用上石斑，而且也有很多件，魚味鮮美。其他還有秀珍菇、芋絲及黃菊瓣等。不辣的就只有酸味及石斑的鮮味，味道也很理想。美中不足的是等了很久才到的軟骨大根，到來的卻是牛筋腩，又要再等。最後終於來了，豬軟骨雖然

平日來到一間新加坡米芝連人氣餐廳吃午餐，點了天天海南雞飯套餐 (Tian Tian Hainanese Chicken Rice Set Meal)，以 HK$78 的午餐價錢，能吃到啖啖肉的海南雞，還有前菜、湯和飯，都很不錯，而飲品方面，我點了凍頂烏龍冷泡茶系列 ~ 窈窕淑女 (洛神花陳皮酸梅蜂蜜冷泡茶)，朋友就點了 1950’s 豆花系列 ~ 豆花金牌咖啡，兩杯都有特色，我喜歡自己那杯冷泡茶，洛神花和酸梅的味道很 match，酸酸的很美味 😋🍚