天天海南雞飯 (新城市廣場三期)

营业中

休息中

🏖天天海南雞飯由新加坡發跡，得到米芝蓮推介，早幾年來到香港，港九新界也有分店，但我今天才有機會第一次光顧。 .🐥天天海南雞(中份)  $158 7/10平常吃海南雞飯也是一碟過，但這裏卻是分開的，像去了中菜館一般的叫例牌或者是大份整張檯共享。海南雞上檯時我有點驚訝，因為這份海南雞上面是有勾上了芡汁，應該算是獨有的，這種小技巧有助提升雞肉滑溜口感。旁邊配上了黑醬油、辣椒醬和薑蓉，最有驚喜的是薑蓉，帶點清爽感覺，不會太重口味，這道菜性價比正常👍 🍚天天石鍋雞油飯 $38 7.5/10份量很足，2人吃也很飽，相比$28的白飯很超值，石鍋保持了米飯的熱度，因為有雞油所以飯粒分明，油香四溢有點點咸味提鮮😋 🥟三色小籠包 $98 7/10蒸架上堆疊著3個蒸籠，味道分別是黑松露、麻辣和原味，上面插著一小枝醋，非常可愛。黑松露的菌鮮味帶出了肉餡的濃香味道，麻辣味道尚可，不嗜辣的人也可一試，原味中規中距，皮略厚🤏

滿心歡喜嚟到米芝蓮海南雞得到既係失望名過於實，價錢高，味道差服務差：都唔知係我俾錢定佢俾錢半隻海南雞：雞無雞味雞油飯沙嗲串串：凍住上枱…美綠豆花：豆花唔滑 其實仲有叫一樣嘢不過已經唔記得咩只此一次無下次

首先講野食先海南雞飯啲雞肉又鞋又淋埋啲似蠔油嘅汁係面 不倫不類油飯一啲都唔香個湯更加唔洗講 味精重 飲水都好過飲佢分量又細 我同我個fd食完都好似冇食過野咁嗱重點黎啦 茶位每人9蚊一坐低枱面有壺茶得幾滴 凍嘅 明顯上一手留低叫佢俾壺新嘅仲好似我地好麻煩咁 siu4服務就唔洗講 差到貼地得門口個男仔同個後生嘅女仔好我堂食無啦啦俾即棄餐具 明明隔離枱個個都唔係好聲好氣叫佢換 黑口黑面又唔耐煩埋單多謝都冇句大家真係唔好去試伏啦 良心建議

天天海南雞飯—嚟咗香港咁耐終於的起心肝去試，整體都滿意，不過居然油飯出色過雞😳⭐️天天海南雞 （例牌）$158⭐味道：7/10👧🏿 👦🏻: 雞肉真係嫩滑嘅，簿皮，冇肥膏，肥瘦適中。佢哋比較特別嘅係一上菜已經淋咗佢哋獨制嘅醬汁，即刻唔點一般海南雞個3種醬都好夠味😯但唔知係咪呢個原因，佢哋個3款醬汁都好淡味，質地偏水，扣少少分啦🤣⭐️天天石鍋雞油飯 （大）$58⭐味道：9/10👧🏿 👦🏻: 油飯用石窩裝住上枱， 啲飯一啲都唔油膩，粒粒飯都好飽滿，淨食飯都得，正！😋 食到最後個飯仲係熱嘅，不過餐單寫咗話唔熱可以叫職員加熱返👍🏻⭐️辣子雞翼 $68⭐味道：6/10👧🏿 👦🏻:單邊雞翼，方便食用。辣子雞翼外皮炸得好酥脆，都惹味嘅，唔太辣適合大部份口味，但食到有股油益味😖

the flower tea have a quiet distinct taste . The lemon tea is abit to sweet but it's not bad .The Singapore chicken rice is good but not worth the price at all for only a half of chicken.The Wenchang chicken that supposedly in the menu ,I was told that it was finished (I went here 3 times just to make sure). I was about disappointed that they do not speak English but it's fine.

中午12點到達點餐，點海鮮粿條，服務員告知"賣晒"。(剛剛開門，菜色賣晒？) 改點海南雞飯套餐，等咗40分鐘，旁邊比我遲來的客人已食飽離去，我的套餐始終未到。8, 9個服務員行來行去，視若無睹。只好請其中一位跟進，走咗，冇友應。繼續唔理我。只好俾錢走人，對唔住都冇一聲，多謝又冇一聲。店家羞恥心何在？

今日母親節一家食飯打算食好D本來拎籌去唐宮小聚無奈輪候時間太長所以過左隔離呢間名好吸引的米之連推薦天天海南雞飯先講一下結論大家唔使黎呢間，間餐廳又貴又伏，味道十分普通毫無特色，出面求其食應該都好過呢間，呢間餐廳完全襯唔起米之連的稱號，簡直係米之連之恥首先講下海南雞，肉淡而無味，肉質唔嫩滑，完全無海南雞的任何特點。北海道牛奶龍蝦更無厘頭，好似只係灼熟D龍蝦然後放係一堆蛋白上面然後鋪D蒜頭，極之普通，龍蝦滑，完全唔新鮮，亦無北海道牛奶的味或係其他有特色的味道，可能凍肉鋪的龍蝦味仲好食D。此外仲有兩味係今次叫左，一個係青瓜豬肉捲另一個係豬軟骨蘿蔔煲，但係都係不外符貴同埋十分普通。結論，大家真係唔使黎試，味道實在太普通，襯唔起米之連個名。

聽講天天海南雞飯好出名就黎左試 野食種類好多 叫左三樣野酸菜石斑：佢個湯底係辣嘅但係啲石斑就比較韌而且完全冇味海南雞：雞肉算係比較彈牙食落算係新鮮嘅 但係又唔算話真係好滑油飯：38蚊一鍋 2個人食左右 啲飯真係幾分明一粒粒唔會一pat野咁使唔使見仁見智啦

今晚路過沙田，見天天無乜人等位，所以就試吓，睇吓食唔食得返新加坡嘅味道。晚餐叫左：海南雞（例牌）水煮牛海鮮喇沙海南雞肉質係幾滑，不過淋上面嘅汁就太鹹，蓋過左雞嘅味道，浪費左雞肉嘅鮮味。水煮牛就一般般，無乜特別。海鮮喇沙就真係好差好差。。。。本來用石窩上，有賣相又可以keep 住溫度，其實都幾好。 可惜，麵底係一堆類似粉絲嘅麵，上枱嘅時候粉絲已經吸晒所有湯，而且麵已經淋晒，夾起上嚟好似一 pat 嘢咁，完全唔覺得係食緊麵。 湯頭味道亦過鹹。總括來說，味精好重手，食完勁口喝，性價比低。

今天叫了外買，訂咗個海底椰烏雞湯，嚇咗一跳，份量小得驚人，如果訂過大x活嘅例湯，人家買十幾蚊，而天天要差不多五十幾蚊，外賣碗本身已經細，仲只有一半多少少，扣埋啲湯渣，只有兩啖，唔會再買囉！佢個碗同大x活差不多，咁少，呃消費者

朋友住大東北，大家約食飯一人行一步去沙田就最適合不過。今晚終於嚟到鼎鼎大名嘅「天天海南雞飯」食飯，過江龍店人氣特別高，堂食客人同外賣訂單一樣咁多👏。呢度嘅餐牌非常精美，好似成本書咁📚，每版都圖文並茂。菜式非常之多，睇到我眼花撩亂，哈哈。餐廳主打新加坡菜，不過我感覺同中菜都幾相似。我哋唔想諗，嗌二人天天海南雞套餐就啱哂，承惠$388。套餐嘅前菜係蟲草花拌，即芥末蟲草花拌合掌瓜。呢款前菜幾新穎特別，因為合掌瓜多數用嚟煲湯🌵，好少就咁食。估唔到合掌瓜絲食落都幾爽口，有少少似萵筍，調味就似麻油多過芥末。蜜瓜螺頭，即蜜瓜瑤柱螺頭燉雞湯，湯品味道唔錯，🍈蜜瓜清甜，用足料煲，而且仲一啲都唔油。飲湯最緊要夠熱，餐廳深明呢一點，所以燉湯底座放有蠟燭熱住。天天海南雞(例牌)，🐓海南雞果然係餐廳招牌菜，因為係每一枱嘅必點菜式。例牌份量唔少，兩個人食夠哂。海南雞係去骨的，食落啖啖肉，正！呢度嘅特色係雞皮薄，雞皮下無咩肥膏，較平日食嘅健康，但肉質就唔算嫩滑。天天石鍋雞油飯，食海南雞點少得油飯呢？圖中嘅係一至二人份量，大約係兩碗酒樓白飯嘅量啦🍚。用石鍋裝住唔係整色整水，因為真係有保溫嘅作用。山楂丸子，即紫薯山楂炸

嚟到天天乜都想試 所以就揀咗佢哋既二人餐 可以一次過試哂啲名菜😂😂😂蟲草花拌爽口 食落有芥末同麻油既香味 兩個味好夾 食落有麻油既香味 唔錯嘅前菜海南雞本身海南雞已經有淋上一層醬汁 佢有少少既蠔油香味 可以帶出雞味既精華  而雞肉就好嫩滑無渣 雞皮仲好薄添👍🏻👍🏻一啲都唔會有肥膩嘅感覺 雞油飯好香好香既雞油味 雞油飯粒粒分明 軟硬適中🤩🤩蜜瓜螺頭湯下面仲有小爉燭係度 一路暖住個湯 好濃好濃嘅雞味同螺頭既味道🤩哈密瓜煲完湯食落仲有甘甜味 個湯真材實料 有見到乾瑤柱、螺頭、雞件、瘦肉軟骨大根石窩入面放咗好幾嚿大大件嘅豬軟骨 啲豬軟骨炆得好鬆化 食落啖啖肉😻 仲有嗰啲蘿蔔都炆到好腍好腍 炆半溶化 仲吸晒啲汁 超級好食👏🏻豆腐花滑嘟嘟 👍🏻👍🏻👍🏻唔太甜 正

之前經過好多次都想試，話晒米芝蓮推介當晚叫左：1）海南雞（半隻）$268嘩！真係嘩一聲！米芝蓮推介招牌既海南雞點解可以咁、鞋、既？無雞味鞋烚烚我好肯定求其一間燒腊店白切雞好食過佢😤我好接受到水門雞，大家都係白雞，點解可以咁差好似我烚比隻狗果啲烚雞胸咁2）古法肉骨茶 $148一上菜已經覺得奶野！唔熱，只係暖暖地！無胡椒味，似緊清湯咁🙄好彩舊豬肋骨雖然無咩味，但咬得開。3）筋腩相逢 $108呢個味道正常，3舊牛根2舊牛腩，其他碎濕濕咁，$108唔算貴，無咩要求可言。4）松露咸蛋雞油飯 $128呢個係成餐飯最好食既，飯夠干身，松露同咸蛋好夾，呢個可以讚！5）豆花年代奶茶 $32其實係將百福豆花加維仔奶茶咁既味，唔難飲，但普普通通囉期待佢係拉茶味，但係佢完全無既6）外賣盒 $3*2個由於味道唔好，食慾下降，但埋單成$779，又唔想浪費，唯有帶飯啦😭總結呢間野已被納入我的永不超生名單！貴真係唔緊要，真係唔好難食囉，由其佢所謂個招牌海南雞啊

今晚晚餐到天天海南雞飯， 位於沙田新城市廣場3期3樓，有米芝蓮口碑應該都ok， 店內環境裝修簡約，茶位$18， 今次試下二人天天海南雞飯套餐$388， 蟲草花拌、 涼瓜鳳梨湯、 天天海南雞、 天天石頭雞飯、 花好月圓。📝蟲草花拌～ 味道清爽， 涼拌小菜。📝涼瓜鳳梨湯～ 入口順喉， 清清地。📝天天海南雞～ 沒有特別， 肉質不夠嫩滑， 有點失望。📝天天石頭雞飯～ 普通雞油飯。📝花好月圓～ 全晚最正是甜品， 豆腐花口感香滑。整體性價比不高， 海南雞不夠嫩滑。

今日6點半去到已經都幾多人，好彩行快一步，可以馬上入去坐🤣都keep住不停有食客！佢個位好易見，一行去一田個邊就見到啦！！佢裝修都好mordern 一入座就有靚茶，係港女至愛嘅early grey 🙈好濃好好飲，不停飲🤣都飽哂！不過佢個茶壺好重🙈🙈🙈黃金軟骨用鹹蛋黃炒嘅雞軟骨！第一次食咁樣嘅配搭，香脆個味又好正！！做前菜一流！！ 筋腩相逢係牛筋同牛腩！！！兩樣都好淋，好入味，而且啲牛腩大大件🤣不過牛根我鐘意食啲！！！佢一上菜嘅時，仲係卜卜卜，熱辣辣㗎！！哪吒鬧海其實係海鮮喇沙薯粉🤣🤣🤣鍾意食湯可以一上菜即刻食，不過我就鍾意放耐少少🙈等啲喇沙湯變成撈薯粉，成為第二種食法！！！佢個喇沙都幾辣，海鮮就有青口，魷魚，兩隻大蝦！2個人食夠哂！！古法肉骨茶佢有豬肚，炸枝竹，豆腐卜，豬軟骨連排骨，好多料！！不過個湯就唔係似傳統肉骨茶，反而有少少似胡椒豬肚湯🤣🤣🤣🤣我都啱食！不過個排骨先正，一大條仲要有4條，好好食！！！天天嘅份量都幾大其實🤣🤣如果大食，就啱哂！！！