天天海南雞飯 (新城市廣場三期)

营业中

休息中

呢間天天海南雞飯想試好耐。成日行過都好多人排隊，今日早收工，終於有機會一試。必點招牌菜天天海南雞(例牌)例牌份量都唔少，兩個人食岩岩好~海南雞已去骨，啖啖肉新鮮又嫩滑！雞皮偏薄唔會好多肥膏～面頭仲淋上秘製醬汁，唔點旁邊三色醬料都好夠味。天天石鍋雞油飯(細)粒粒分明充滿雞油香，有驚喜，同好友好快就KO哂!筋腩相逢炆煮得好入味!醬汁濃香又惹味，拌飯一流~牛腩肉質鬆軟，油脂分布均勻，牛筋爽滑軟Q好有口感，正。黑金叉燒半肥瘦叉燒脂肪分佈均稱，醬汁鹹中帶微甜，叉燒口感 Q彈且滑嫩，食落好有層次感，軟糯中帶嚼勁。花好月圓甜品揀左豆腐花配美祿朱古力粉，估唔到好有驚喜，豆腐花香嫩爽滑，配埋面頭既美祿朱古力粉，層次豐富。