天天海南雞飯 (ELEMENTS圓方)

营业中

休息中

新加坡過江龍天天海南雞系新加坡米芝蓮3星Fusion食店，主打天天海南雞，天天文昌雞，天天燒雞。餐廳開在圓方，環境好坐舒服，系約朋友食飯嘅好選擇。酸湯石班魚石班魚新鮮，肉質鮮嫩，口感細膩，酸湯汁則帶有微酸的口感，增加咗石班魚嘅風味層次。酸得很開胃且配有好多菇類提鮮，非常好味。天天海南雞拼燒雞鐘意食雞又選擇困難症，我哋揀咗一雞兩味天天海南雞拼燒雞。結合海南雞同燒雞兩種，海南雞皮薄肉嫩，雞皮好似啫喱口感，非常有驚喜！燒雞帶有炭燒的香氣，口感脆香亦十分入味，雞肉嫩滑，搭配調味料特製醬汁，淋上青檸，香氣四溢。石窩雞油飯細份已經足夠2-3人食用，用石頭窩熱辣辣呈上，相當好口，打開蓋就聞到香噴噴嘅雞油味，超級吸引！

今日放工同朋友去到公司附近既圓方搵嘢食，圓方好大，餐廳既選擇都唔少。上網search到呢度既天天海南雞飯係好出名既米芝蓮新加坡菜。係度享受晚餐真係正，重可以望到個日落，睇到夜幕降臨既景色。茶位每人10蚊就可以嘆到呢壺好清香既烏龍茶啦！呢度有各種好有特色既咖啡，我同朋友都每人叫左一杯。呢杯係海南卡布奇諾，奶泡好綿密，入面加左少少斑斕葉，味道好香，充滿海南特色！另外呢杯係椰香南洋拿鐵，咖啡加上椰香的配搭，比起純用鮮奶更加吸引！上菜啦！黃金大蝦，好誘人啊😍！海蝦好大隻，每一隻都均勻咁沾滿左鹹蛋黃，又香又脆！参巴醬辣椒炒通菜，通菜炒得好爽嫩，加上蝦乾同少少辣，食落口感層次好豐富！最後一個菜係斑斕汁椰香鱈魚，鱈魚炸得鬆脆，裡面魚肉鮮嫩，配住椰香斑斕汁食，係地道既東南亞菜！再黎一碗夠兩個人食既雞油飯，今餐好滿足！

今日老公放假，夜晚就去左呢度行街兼食飯，佢話好想去新加坡米芝蓮餐廳開餐。餐廳都幾大，裝修都幾靚，仲可以坐房，朋友飯聚都幾適合。餐牌好多選擇，之前在其他分店食過佢D海南雞幾出息，今次就揀其他。老公叫左個燉湯、炒菜、魚同埋炒飯。火焰椰子八寶燉雞：原隻椰王上，黎到時候職員先幫佢點火，熱一熱佢先，好有睇頭。裡面有淮山、杞子、圓肉同埋瘦肉，用料十足，加埋用椰子水一齊燉，湯水原料原味，味道好甜有雞味，無咩油，老公好鐘意。參巴辣椒炒通菜：用鐵鍋上，一邊食一邊keep住熱，通菜幾有鑊氣，加埋魚乾一齊炒，炒得爽口夠綠又夠香，幾好食。酸菜石斑魚：估唔到連酸菜魚都整得幾好喎，石斑魚幾嫩滑，結實，帶鮮甜，仲有芋絲同秀珍菇等配菜，湯味道微辣，酸酸地，幾開胃。食神魚籽菠蘿海鮮炒雞油飯：賣相骨子，炒飯鋪滿魚籽，份量都幾多，裡面有帶子同蝦等海鮮配料，仲有菠蘿，炒雞油飯唔算太多油，入口係食得出雞油飯味，唔錯。

天天海南雞係新加坡過江龍，新加坡店係街市熟食中心環境，黎到香港定位反而係比較高級，開係elements。環境高尚，冷氣足，燈光柔和，好舒服嘅氛圍。唔止有海南雞，仲有其他好味道嘅菜式，例如海鮮喇沙等。先講返呢度嘅招牌菜——正宗海南雞，另一款叫天天海南雞係有汁嘅，個人鍾意無汁就叫左正宗海南雞。啲雞肉好鮮甜，分量又足夠，而且好嫩滑。另外，呢度嘅海鮮喇沙都好好食。佢嘅湯底有椰子香味，好滋味。而且湯底入面嘅配料都好豐富，有蝦、魚蛋、魷魚等，每一啖都可以食到新鮮嘅海鮮味。如果你想試下其他美食，可以試下呢度嘅羅勒街頭小食拼盤。呢個拼盤嘅分量好豐富，每一樣小食都好香口好味。個人最鍾意係蝦餅。雖然價錢肯定貴過新加坡食，但係係elements都算係好唔錯。

今日好開心同屋企人去咗圓方商場嘅一間天氣海南雞飯，食過一次，真係好食到頂呱呱，一定要介紹俾朋友食呀，一間餐廳真係性價比高，食物質素好高，而且好啱一家大細， 或者朋友嚟傾偈聚會食飯，而且呢度嘅裝修都好靚，好舒服，而且每一張枱嘅空間都好大，可以好舒服咁傾偈，呢度最出名嘅就係海南雞飯，呢度嘅雞好滑，好鮮嫩，真係入口即溶，而且呢度嘅小食都好特別，出面嘅餐廳一定食唔到，而且佢哋嘅份量都好足夠，而且呢度係米芝蓮推介，真係冇介紹錯啊，佢哋嘅Tall 都好好飲，全部即叫即正，好新鮮，價錢有經濟，真係好好食，而且佢哋嘅服務質素都好高，好專業，全部嘅師兄都好主動親切，有賓至如歸的感覺，所以我覺得你呢度食飯嘅人，真係好識選擇

已移民星加坡的舊同學來港公幹，入住西九龍圓方的一間酒店，相約在附近水區一樓星加波過江龍的天天海南雞飯餐廰相聚。中門大開的門面，以藍色燈光做主題，燈光柔和，地方寛敞，裝潢時尚，還有幾間VIP房，適合親朋歡聚的一個好地方。分量十足的的黑椒鵝肝醬花膠,富有骨膠原的花膠，養顏首選，充滿黏糯口感，爽脆洋蔥和色彩鮮艷的青紅黃椒做配角也一不遜色。貴精不貴多的酸菜石斑魚，需然份量略為少些，但勝在夠矜貴，魚肉鮮甜嫩滑，酸菜爽脆酸甜；加上熱辣辣酸酸甜甜的湯令人感到胃口大開。外皮香脆可口，內裏嫩滑的脆皮豆腐配星加坡辣椒汁，一啖一啖放入口吃過不停！鎮店之寶不油不膩而且份量十足的香噴噴油雞飯，粒粒晶瑩通透，軟熟香口,難怪差不多每枱食客都必吃。

我嚟同大家分享下我食咗天天海南雞飯嘅食評啦。我就揀咗個二人餐。食咗沙律、海南雞飯、炒通菜、同蝦多士。先講下沙律啦，佢嘅份量好足夠，有好多新鮮嘅蔬菜同埋水果，味道清新爽口，好好味。不過，最令我讚賞嘅係海南雞飯啦！雞肉好滑嫩，肉質唔會太腍，而且啲肉汁都好鮮美，令我不禁一口接一口。啲米飯又煮得好香好Q彈，同埋啲醬汁配合得恰到好處，好開胃又唔會太膩口。加上啲老火湯，真系一流！最後，蝦多士呢？味道唔錯，但相對其他兩樣菜色，佢嘅亮點好似唔夠突出啦。不過個汁就係幾好食。總括而言，我會非常推薦大家去食天天海南雞飯，特別係佢嘅海南雞飯，真係好好味啊！

店內裝潢設計風格舒適，而且店內侍應態度良好。待坐好後，好快就上左暖茶。☕️豆花恐龍美綠既豆花口感滑嫩，加上濃郁美綠味，相當好飲。非常適合夏日飲用。👍🏻雞飯米飯香氣逼人，而且雞肉嫩滑，沾上特別醬油既鮮雞味和辣椒醬的微辣，令人回味無窮。薑絲細膩且配汁一絕，清爽解膩，而且每件雞肉都晶瑩剔透，十分值得一嘗。🐔👍🏻串燒烤得金黄酥脆，每一種口味都烤得恰到好處。豬肉串外焦內嫩，烤得非常入味。此外，還有牛肉、豬肉。搭配豆花恐龍美綠，十分滿意。❤️在食完主菜後，會幫客人換上乾淨既暖碟，再上甜品- 桂花糕配班蘭醬。桂花糕綿密軟滑，散發出淡淡既桂花香，特別是配上斑斕醬，甜度與芳香之間的平衡恰到好處。成晚既享受絕對比得上米芝蓮。值得去！

一直都好想試呢間米芝蓮餐廳，原來佢哋推出咗呢個好抵食嘅新加坡米芝蓮二人套餐，梗係同屋企人嚟試吓！呢個套餐都幾豐富，包括：🟣鳳梨涼瓜干貝燉龍骨佢哋嘅燉湯材料好豐富，落咗超多龍骨一齊燉，非常之甜！.🔵海南沙律呢個海南沙律有齊無花果、草莓，石榴，酸酸甜甜非常之開胃😍.🟢黑松露墨魚蝦多士蝦多士非常之熱辣辣，分量充足，好味！.🟣天天海南雞天天海南雞係餐廳嘅馳名菜式，有唔同口味嘅醬汁：包括薑茸、甜酸汁等配搭。雞肉皮薄肉質鮮嫩，唔怪得知係米芝蓮推薦！.套餐嘅辣椒炒通菜亦都非常惹味，好有鑊氣！另外，佢地嘅雞油飯一啲都唔油膩，飯粒分明，配埋海南雞一齊食，簡直係絕配！套餐仲有兩杯嘢飲，成個package好豐富！

今日和朋友去尖沙咀行街，喺圓方睇完戲就喺附近搵嘢食，海南雞飯也不錯，就決定這裏食飯，餐廳地方簡潔寬敞。點了一個二人餐米芝蓮推介應該有相當水準，這個鳳梨涼骨干貝燉龍骨，湯頭濃郁有菠蘿清香，而且有乾瑤柱的鮮甜，足料好味道。黑松露墨魚蝦多士，多士外層，炸到很鬆脆，入口而且不油膩，多士表面有生菜絲同埋木魚花，因為有山菜，所以入口很清新，吃一口多士表面香脆，中間的墨魚和蝦膠滿滿的，黑松露的獨特香味，令多士味道層次更豐富，口感外脆而且彈牙。海南雞飯，入口雞肉夠嫩滑，而且並不肥膩，入口淡淡的雞香味，加上自家調製的醬汁，很出色，而這個雞油飯也不得了，吃一口飯身軟硬適中，而且每粒飯表面都包滿了雞油，入口甘香，非常好味。雜菜煲用上了高湯，有不同的雜菜，粉絲，蝦米，粉絲吸收了濃郁的高湯，入口香濃有口感，而且蔬菜也很新鮮很清甜。最後加上一杯甘桔蜜，我潤喉，非常滿足。果然有相當的水準，會有下次。

📍天天海南雞飯, 九龍站圓方近期聽到有一間米芝蓮推介嘅海南雞，就特登慕名而來。一試，不得了，果然名副其實！🦪🦐🍲海鮮喇沙水晶粉, $159喇沙湯底極之惹味、鮮美。鍋內海鮮亦都其其足料！海鮮吸收咗湯頭之後，味道亦都非常濃郁，湯中嘅香料和辣椒，讓湯頭更加豐富多彩。蝦又大隻，青口又肥美，魷魚又唔會韌。同時間湯頭濃得嚟又唔會搶晒海鮮嘅鮮，平衡得好好！水晶粉份量充足。每一啖咬落去都好彈性同口感！超級飽肚！🦐🦑🍞黑松露墨魚蝦多士, $109多士外層炸得勁酥脆，而且唔油膩。加上多士上面嘅生菜絲同埋木魚花，能夠喺食炸嘢嘅同事，保留一點清新嘅口感，識落佢唔會覺得好膩。切開多士後，可以睇到裡面嘅墨魚和蝦膠，非常足料！加上黑松露飄香，令整道菜的味道更加豐富。墨魚、蝦、黑松露三者相互融合，外脆內彈牙！🐓🐓天天海南雞, $189皮薄肉嫩，口感滑溜唔粗糙，肉質唔柴口。浸雞嘅處理都做到恰如其分，雞肉吸收晒上湯嘅味道，鮮美好味！本身已經有特製嘅天天招牌醬汁淋咗喺面，在配以薑蓉、辣醬、醬油三式醬，一款菜式四款口味，非常有新鮮感！整體評價每款菜式份量都非常豐富，食完飽到行唔郁咁滯！兩個人食基本上好難食得晒，所以建議大家多

經朋友介紹嚟到圓方食飯， 位置比較偏，所以平時唔會點經過，旁邊有個出口，方便有車人士/的士上落 店內環境舒適，有卡位有包房 餐牌內樣樣都好吸引，好多種類豆花美綠同咖啡，一上枱勁surprise 即刻諗起圖片只供參考🤣咁大杯既！超開心啊 ！好味呀一次滿足幾個願意 南洋醬汁醃花蛤 侍應姐姐好貼心， 除咗食品質素仲滿足客人打卡嘅心態，問我要唔要影相等我首先準備好相機再落水喺乾冰上等佢出煙 ，嘩！凍盤，少少辣有青瓜墊底，唔錯 招牌菜就係佢喇正宗海南雞 ，配上幾款醬汁任君選擇，雞肉嫩滑 雞油飯 圖片只供參考👍佢真係夠曬大碗夠曬兩人食 米飯粒粒分明唔會太油 ，我身為一個飯桶真係畀佢ko咗 ， 但都係食唔曬 ， 真係唔多份量泡菜大蠔餅 ， 即煎熱辣辣上枱 總結，飽肚度110% 甜品胃都可以行埋一邊

今日去圓方嗰邊睇完戲，就落去同朋友一齊食天天海南雞飯。金湯酸菜石班。這道菜的魚肉非常鮮嫩，入口即化，而且沒有任何腥味。酸菜的味道非常清爽，與魚肉非常配合。湯汁中加入了一些醋和糖，使得湯汁酸中帶甜，非常開胃。此外，湯汁中還加入了一些香菜和辣椒，為菜品增添了一些香氣和辣味。整道菜的味道非常豐富，非常適合夏天吃。黑磨豉牛筋牛腩煲。這道菜使用的牛筋和牛腩都非常嫩，經過長時間的燉煮，口感非常滑嫩，吃起來很有彈性。豆豉的味道非常濃郁，而且與牛肉非常搭配。煲內的湯汁非常美味，味道非常濃郁，非常適合搭配白飯食用。此外，整道菜的香氣也非常撲鼻，讓人食指大動。沙嗲串燒。這道菜的肉質非常鮮美，沙嗲醬汁的味道非常獨特，辣度也非常適中。肉串烤得非常入味，入口香嫩，而且肉質非常嫩滑。由於上次到訪時，已經食咗海南雞，今次反而想食多啲佢嘅其他嘢，所以冇食到雞，果然其他菜式都一樣唔會失望

Came to eat on a weekday lunch, with 2 kids and 2 adults, the restaurant is not kid friendly at all. You can see they are so busy trying to serve business people as it was Lunch time. There were some rude male staff and without discussion moved my baby stroller and insisted it was blocking ( when I had it there for awhile and no one spoke up), when I said I am leaving anyways, he just continue to move my stroller away. I can see people were waiting. But honestly I was only there for 40 minsThey

清爽海蜇頭，調味夠晒香口入味，仲加人左小小麻油食落又爽脆有咬口，入面仲有馬蹄同切條露. 全部都夠爽口，所有食材都夠晒時令。 天天海南雞拼燒雞，每一件都無骨，每一口都係雞肉完全無骨，用既係雞胸肉但肉質做到好滑好淋，皮都好夠薄一點都唔會肥同油。一款就係炸子雞方法製作，外皮做到薄而脆。仲配有三款醬料，佢既辣醬好香辣同外面有小小分別，愈食愈想食又好開胃。 黑松露墨魚蝦多士，呢個食落好幾好食，一共有四大舊，入面夾有紫菜同麵包，炸過後好鬆脆同鬆化，而且每片都有蝦。每口都好豐富同滿足。 入到去都9成滿，店員有禮服務良好主動為我們加水，環境不錯夠大夠舒服。