天天海南雞飯 (ELEMENTS圓方)

营业中

休息中

清爽海蜇頭，調味夠晒香口入味，仲加人左小小麻油食落又爽脆有咬口，入面仲有馬蹄同切條露. 全部都夠爽口，所有食材都夠晒時令。 天天海南雞拼燒雞，每一件都無骨，每一口都係雞肉完全無骨，用既係雞胸肉但肉質做到好滑好淋，皮都好夠薄一點都唔會肥同油。一款就係炸子雞方法製作，外皮做到薄而脆。仲配有三款醬料，佢既辣醬好香辣同外面有小小分別，愈食愈想食又好開胃。 黑松露墨魚蝦多士，呢個食落好幾好食，一共有四大舊，入面夾有紫菜同麵包，炸過後好鬆脆同鬆化，而且每片都有蝦。每口都好豐富同滿足。 入到去都9成滿，店員有禮服務良好主動為我們加水，環境不錯夠大夠舒服。

🍗🍗🦞🦞🇸🇬🇸🇬據說餐廳在新加坡已經好出名，再黎香港開分店，正宗新加坡菜，食到海南雞飯同其他特式菜式，相當吸引，所以想黎試一試餐廳好闊落，每枱相隔都一段距離，坐得好舒服，有落地大玻璃，空間感好夠有比較優惠既二人同四人餐俾大家選擇，但今次想試單點，因為想食既二人餐都未包括在內，所以價錢略貴天天海南雞拼燒雞($298)👍🏻👍🏻兩款拼埋可以一次過食哂兩種招牌菜式，份量唔算多，望落擺盤好靚，雖然唔係小店，但都感受到用心整，燒雞好香，皮都幾脆，海南雞好滑好嫩、完全唔鞋參巴辣椒炒通菜($89)用煲仔上，熱辣辣好香好惹味，味道好，少少辣岩岩好，但就落得比較多油，可能因為煲仔上，要多返少少油先做到佢有既鑊氣龍蝦湯鍋巴($139)👍🏻👍🏻超吸引超有驚喜，一個鍋裝住橙紅色既龍蝦湯，再慢慢搞均加鍋巴，半淋半脆沾滿龍蝦湯，好夾好好味，而且少用依種食法，好特別而且令客人印象深刻

今日好開心㗎，日去咗西九龍商場嘅天天海南雞食佢哋嘅正宗海南雞，呢度有米芝蓮嘅推介，原來食過真係好好食，一定推介俾朋友呀，首先呢一間餐廳位置於九龍站，一出口，行大概2分鐘，就覺得呢間餐廳真係好方便呀，而且呢度嘅環境寧靜優美，好有格調，所以呢度真係好適合一家大細，同朋友一齊相聚嘅地方啊，呢度出名係海南雞飯，真係一定要試呀，全部雞都係好滑口，全部都係好新鮮，佢個飯真係好正宗，仲有調味料，真係不得了，寫佢哋嘅集採粉絲煲，真係好入味，全部都係淡淡肉，仲有啲湯好濃郁，真係電視啊，而且佢哋嘅擺盤都係好精緻，見到個擺盤，已經好開胃，而且佢哋全部嘅食物都可以特色，例如我哋叫咗個酸菜魚，真係好好食呀，佢唔知出面嘅餐廳呢一度嘅餐廳我咁多味精，感覺上都係好好食，好健康，所以一定要嚟

我哋有選擇困難症 所以揀咗二人餐 乜都試吓😋😋😋海南水果沙律有無花果、紅肉芭樂、士多啤梨 賣相好靚 食落好清新好開胃黑松露墨魚蝦多士蝦多士超級脆口 有木魚喺多士上面好加分🥰🥰 黑松露香味好濃郁 推薦🥳燉湯- 鳳梨涼骨干貝燉龍骨湯頭有濃郁菠蘿嘅清香 見到黃豆、肉、仲有乾瑤柱 望到好足料 👍🏻👍🏻天天海南雞本身海南雞已經有淋上一層醬汁 醬汁嘅蠔油香味 仲可以帶出雞味既精華 而雞肉就好嫩滑 雞皮仲好薄添👍🏻👍🏻一啲都唔會有肥膩嘅感覺 雞油飯好香好香既雞油味 雞油飯粒粒分明 軟硬適中🤩🤩 剩係食雞油飯都好香👏🏻海南雜菜煲

天天海南雞有個雙人套餐都幾豐富，價錢合理，於是就試試佢！花膠太蛇史羹2份，上台賣相幾grand, 打開蓋滿滿蛇羹，雞肉，冬菇，肉絲，木耳等材料，質感濃稠！味道優雅清香好暖胃，再配上菊花，脆片，檸檬葉！更帶清新感。天天海南雞中size, 雞肉夠滑身而且幾肥美。肉與肉之間既jelly夠嫩身！肉質幾夠緊嫩！醬料都幾香濃，自家製蒜香辣汁夠惹味，超提升雞既味道。油飯size實係幾大份，2人食絕不成問題！油飯味濃夠香，幾濃蒜香味。齋食油飯都好好味。雜菜煲都幾花心機，上湯夠潤！好多菜都幾清新清甜，食得出係有heart之作。

已經很久沒有去過天天海南雞，今次再來的時候菜單都已經更新，最驚喜的是有二人晚餐，而且套餐定價非常克制， $499兩位實在是圓方裏面好好吃晚餐的性價比之選。二人餐的前菜我們選了海南沙律和炸蝦多士，海南沙律其實是以生果做基礎上面再加梅子粉，清甜爽脆的石榴和無花果配上酸甜的醬汁十分開胃，炸蝦多士水準也高，加上擺盤十分精緻，未吃主菜已經十分興奮。主菜我們選了天天海南雞，水準依然是一貫的高，因為沒有骨，吃得也特別滋味，而且這裏用的雞脂肪層比較少，或者會有人覺得喜歡吃肥雞，但對於女士來說，還是瘦雞好一點。套餐也包含一鍋大大的雞油飯，這個份量其實兩個人絕對吃不完，所以其實這個餐可以夠三位女士吃。最驚喜的是雜菜煲，因為煲裏面其實是有雞腎和雞潤的，湯底鮮甜，而且蔬菜選了好幾種，不會只有清一色，蔬菜鍋來說是十分高質。餐茶竟然可以選特色飲品，例如美祿恐龍和薏米水，不只有咖啡檸茶檸水的選擇。總括來說，這個二人餐是吃得超豐富，水準也是很高，在圓方裏面的選擇來說，這家性價比真是十分高。

天天海南雞飯位置喺element，讓人一進去就感受到舒適氛圍的餐廳。裝修還是菜品都讓人感到非常舒服。海南雞飯雞肉嫩滑多汁，再加上香噴噴的米飯，保持了最佳的口感和滋味。海南雞飯的調料也是非常重要的一個部分。特製的醬汁是由蒜、薑、辣椒、醋和醬油等調味料混合而成，使得雞肉入味更加地深刻，味道更加鮮，會搭配青瓜、番茄。再來，石窩雞飯，鮮美的雞肉和香氣十足的石窩米完美融合，味道惹味十足，讓人一口接一口。沙爹串燒用肉質鮮嫩，配上特製醬汁，味道豐富，過癮！

疫情過後，一切都開始慢慢回復正常。我都要振興經濟一下，開始出來為食外國朋友終於來香港重聚啦⋯⋯同佢去咗西九沾上藝術文化氣息後，就行去element 睇開飯搵好嘢食。見到天天海南雞有好多😊的食評，朋友又想食中餐，就gogogo 試吓米芝推介。太好了，早吃有著數，除了唔駛排隊，遇見香港藝人😊 之外，仲靜靜地（環境舒服）同朋友傾下計。十大招牌，我叫左兩款。再加我的心水之選。天天燒雞皮脆肉嫩建議：第一口，先食左原味（咩配醬料都唔加），食到雞鮮味。再試加左配醬又增加另一層次的味道砂鍋銀針粉有驚喜🎉🎉 有咸魚仔的咸香味加埋其他材料一啖吃，真心好味。果然招牌，必叫。黑松露蝦多士一放上枱，已經聞到好香松露味賣相仲唔錯多士當然趁熱食，馬上咬一口見到嗎？松露、蝦膠、多士的分佈，口感味道都好夾。喜歡蝦多士的朋友，要來試吓蝦頭膏金湯豆腐煲本身諗住清清地，有豆腐蔬菜。嘩。。又一驚喜，朋友話未食已經聞到好濃的蝦膏香味，再配合埋滑滑嘅豆腐，襯托濃蝦嘅湯底，不再簡單。除了食物外，天天的飲品選擇都多特色。憑名選擇了這杯冰茶。。油柑鴨屎香檸檬茶，fresh 感覺，配燒鷄，多士都唔錯。

今日約咗朋友去圓方行街,圓方商場真係好大好方便。最緊要有好多餐廳美食,我同朋友經常都會幫襯天天海南雞飯,呢間餐廳係米芝蓮推介,佢啲海南雞真係好好味,我哋經常都會嚟。海南沙律 69元,沙律嚟到已經好吸引 ,有士多啤梨,番石榴肉,上面加咗少少沙律菜同埋話梅粉,入口味道香甜真係好醒胃。正宗海南雞 199元,海南雞分量好多,雞皮好嫩滑咬落去仲係好爽口,雞皮一啲脂肪都冇,雞肉味香濃,加上去咗骨,食落去啖啖肉,另外有啲黑醬油香濃甜酸醬,我個人就鍾意配旁邊嘅青瓜,味道清爽又可增添口感,佢秘製嘅醬汁用雞淆出嚟,所以味道特別香。雞油飯二人份量 39元,雞油飯真係好出色,慢煮到粒粒分明,有雞嘅香味,真係特別開胃。黑松露墨魚蝦多士 109元,呢個蝦多士賣相好吸引,食落去有黑松露獨特嘅香味,墨魚同蝦爽口彈牙味道鮮甜,幾樣嘢配搭埋一齊令到味道更加有層次同口感。超級水果茶 76元,水果茶味道好香,飲落味道清新香甜,又解渴。水果茶真係又健康又好味。

新加坡米芝蓮餐廳🥕正宗海南雞拼燒雞$299⭐️⭐️⭐️⭐️☆份量真係好大，正宗海南雞係用左文昌雞，會比較重雞味，勁肥美又嫩滑，不過就可能比起天天海南雞會多骨。燒雞既皮就燒到好香脆，燒到雞既油香出晒黎，好邪惡！醬料最正係薑蓉，因為真係好重薑既香又多又不會太油。🥕參巴辣椒炒通菜$89⭐️⭐️⭐️⭐️☆通菜炒到好香口，又夠爽口，味道剛好不會太辣，食到後期可能會有少少油膩感。🥕豆花年代奶茶$32⭐️⭐️⭐️⭐️⭐️好香奶茶味，夠晒多奶又重茶味，再飲到清甜既豆花，不會太甜，成件事好夾好正！🥕豆花恐龍美祿$32⭐️⭐️⭐️⭐️☆勁濃郁既恐龍美祿，完全真材實料呀～一開始會蓋晒豆花香，只會知道有豆花，後期就好d啦～但甘濃郁既恐龍美祿已經好正🤣🥕新加坡原味豆腐花$22⭐️⭐️⭐️⭐️⭐️好香豆漿豆奶既感覺，又不會太甜，食落非常嫩滑，入口即溶既感覺，真係好正，每次🐰黎食都係必叫！🥕斑斕椰汁奶凍$29⭐️⭐️⭐️☆☆好重斑斕味，不過🐰同朋友都認為斑斕醬太多了，真係甜到頂5順，所以默默地𢳂走晒，古就食到好香奶味，又散發少少斑斕味既感覺，口感非常creamy既感覺。店舖燈光偏暗，冷氣足夠，座位寬敞舒適，而且仲有包間，如果坐到窗口位有機會可以睇到日落哦！需加一服

平時去到圓方見到呢間天天海南雞飯都排晒長龍今日可能夜左過嚟已經接近9:00，終於唔使排隊，咁梗係要入去試吓，天天海南雞飯仲係一間米芝蓮推薦嘅新加坡美食品牌，難怪晚市時段咁受歡迎，更被新加坡旅遊局評選為三大雞飯之一餐牌上面有好多選擇實有一款啱客人享用，環境非常寬闊，坐得好舒服，而且食物質素仲好好，每一碟都食到舔舔脷，尤其是係個黑松露墨魚蝦多士，比起出面有名嘅茶餐廳質素更加高，蝦多士真係值得推介職員一放低我已經聞到好香濃嘅黑松露味道多士炸到金黃色加埋上面嘅醬汁每一啖都好豐富就算擺得來都依然好脆口，中間夾咗墨魚滑，非常彈牙海南沙律，用咗無花果同埋士多啤梨為主嘅生果沙律配上秘製嘅醬汁上面仲配有話梅粉識落酸酸甜甜非常開胃海南雞雞皮顏色較為淺偏白色口感嫩滑，又唔鞋口，雞肉亦有濃郁嘅雞味，柔潤肥美，香氣撲鼻，配埋旁邊嘅薑蓉，黑醬油，同埋辣椒醬，最重要係加埋天天海南雞嘅獨門醬汁，味道真的不錯不得不試雞油飯用木蓋蓋住飯完全不油膩淨係聞到好香嘅雞油味飯粒非常分明，而且有個木蓋能夠保持住油飯嘅味道海南雜菜煲，呢個雜菜煲真係非常足料，無論係菜，粉絲都非常多，粉絲吸收左湯入邊嘅精華，每一啖都好好，用咗清雞湯來做

今日天陰陰，去唔到踩單車或者行山，改去下商場同啲小朋友放電就算數啦，所以最後去咗圓方。去到先搵地方食個晏先，我哋揀咗去天天海南雞，坐低就叫咗正宗海南雞，一鍋雞油飯，牛腩牛筋煲，斑斕醬炸魚粒，龍蝦湯鍋巴，金牌咖啡，最後叫咗甜品蒸桂花糕。海南雞嘅肉質算係唔錯，當然最鍾意食嘅都係佢啲醬汁，雞油飯到好夠味，小朋友唔使勞氣就食晒一碗。龍蝦湯海鮮鍋巴直情係好出色，最鍾意佢個鍋巴唔係好似飯焦咁嘅，感覺有啲似一條條蘿蔔糕，外脆內軟，配埋個龍蝦湯好好味。牛腩牛筋又係好出色，牛筋夠林，牛腩又有少少咬口，所以絕對要點嘅一個餸。最後，個甜品我哋揀咗蒸桂花糕，桂花味唔會太濃，淡淡的花香配合咖young醬，唔太甜又好味！

之前食過沙田分店，今日去完圓方買嘢，就順便去圓方呢間分店食埋飯先返去，呢度舖位唔顯眼，不過入面都係好闊落坐得舒服。上次食過海南雞，今次就食下其他，我地叫左個班蘭汁椰香鱈魚，黃金軟骨，黑松露墨魚蝦多士，同海鮮喇沙水晶粉。雖然今次冇叫到佢地既招牌海南雞，但其他都一樣出色，全部都好好味。班蘭汁椰香鱈魚-個炸鱈魚外脆內滑，再點個有班蘭香既椰汁，香甜好味。黃金軟骨-一上枱已經勁香黃金味。香口惹味，份量都唔少。黑松露墨魚蝦多士--呢個禾稈冚珍珠嘅蝦多士，上面鋪咗沙律菜同埋木魚花，下面就係大大件脆卜卜嘅蝦多士，多士入面有彈牙既蝦膠同墨魚膠，仲有淡淡松露香。海鮮喇沙水晶粉-上枱嗰陣仲滾住，材料豐富，有蝦，魷魚，青口，豆卜同埋水晶粉。個湯底超足料，充滿海鮮味，同個煙煙韌韌既水晶粉襯到絕。

My friend from Canada like Hainan chicken and snake soup. I therefore invited her to have dinner at this eatery famous for its signature Hainan chicken and snake soup.We ordered a two-person Dragon and Phoenix meal set (龍鳳配雙人套餐) comprising all our favorite dishes, including:■two bowls of snake soups (花膠太史蛇羹)■Hainanese chicken (medium) (天天海南雞)(中)■Hainan mixed vegetables clay pot (海南雜菜煲)■chicken oil plain rice (雞油飯)■two four seasons drinks (四季養生飲品)The snake soups were flavourful and good for heal

每次同朋友去圓方shopping,都會喺附近食晚飯,經常都會幫襯天天海南雞飯,無論食物嘅質素同埋味道,價錢嘅性價比都好好天天海南雞飯,米芝蓮推介,餐廳嘅地方好闊落,座位空間感非常足夠,餐廳整潔程度令我最欣賞,喺度食飯有種好舒適嘅感覺新加坡米芝蓮二人套餐 499元前菜海南沙律,沙律味道酸酸甜甜,有番石榴,士多啤梨,無花果,上面有啲梅粉,令到生果嘅鮮味更加突出,味道又香又開胃小食黑松露墨魚蝦多士 ,多士中間有黑松露醬配上一隻大蝦, 黑松露獨特嘅香味令到蝦嘅鮮味更加突出。味道好有層次。鳳梨涼瓜乾貝燉龍骨湯,湯的味道好清甜好潤喉,咁乾燥嘅日子飲返碗燉湯真係好潤。天天海南雞配雞油飯,呢度必須要試嘅就係天天海南雞,雞肉非常新鮮,一啲脂肪都冇,食落去雞皮好爽脆,雞肉味好香好嫩滑,我就最鍾意陪佢嘅雞汁食,獨家製嘅雞汁用鮮雞製造令到雞嘅鮮味更加有層次。鍾意食辣嘅就可以配啲酸辣醬,薑蓉同黑醬油試下,別有一番風味。雞油飯煮到粒粒分明,每粒都食到雞油獨特嘅香味。年代奶茶,奶茶入口幼滑,唔會太甜,最啱我呢啲比較鍾意健康嘅朋友。呢個餐性價比非常高，兩個食完飽飽的離開，非常滿足一定會再嚟幫襯