大灣咖啡廳

营业中

休息中

其實入面的而且確有好多種類食物，可以話係花多眼亂！不過個人覺得環境質素高過食物質素。環境夠乾淨，而且待應態度全部都好好。食物放置得整齊有條理而且多gimmick!海鮮其實都係新鮮！起碼食落去唔腥！但係食到長腳蟹就覺得太新鮮，太咸！所以食左一啖就冇再食， 唔係話浪費！而係真係太咸！仲咸過咸魚！但其他蜆果d係正常不過冇咩蜆味！刺身係新鮮，有魚味！而且不停refill! 質素同食板長差唔多！不過係任夾。唔洗問佢地拎！韓式部隊鍋即叫即做！不過要小心唔好燙到自己！有小朋友係側邊要小心D牛扒呢個係我成餐最滿意！五成熟，而且則邊又會放埋配菜俾你自己夾，仲有唔同汁Tim !甜品雪糕口味特別，出面不常見， 可以一試！

超級喜歡吃這裏的自助早餐一早可以吃到很多自己喜歡的東西感覺非常幸福嘉里酒店的自助早餐是我近年來吃過的最好的環境非常整齊企理 侍應們都很熱情甜品和熟食的選擇非常多我最喜歡早上吃個粥 放滿鹹蛋榨菜 感覺很清腸胃乾炒牛河 雲吞湯 蘿蔔糕 中式點心 還有各種各樣的奶類及cereals 囡囡最喜歡煎太陽蛋甜品我們喜歡crispy rice 顏色好美 風景好美 早餐好吃非常感恩 給我漂亮心情的一天

已經幾年沒有吃buffet了記得以前係抱著掃場心態去食以飽到上心口為目標現在比較喜歡慢慢品嚐食物週末晚上選了落成不久的嘉里酒店換個新環境也換換心情未進場前已被維港夜景深深吸引是必然的打卡位吧沒有抱太大期望Openrice的食評也好壞參半不打緊就親身體驗一下吧已預知沒有生蠔的供應一進場我要了一件芝士焗龍蝦，肉質彈牙芝士味也夠濃途經海鮮櫃台的長腳蟹、蟹拑、凍蝦都是優質的刺身櫃的四款刺身也很新鮮我encore了一次呢中湯西湯各要了一碗中 - 青紅蘿蔔豬骨湯 清甜西 - 龍蝦湯 味道夠濃龍蝦肉夠多平時較少會吃的中式點心是晚有點驚喜蝦餃燒賣也是足料貨式感覺這酒店的蝦很新鮮喜歡蝦的朋友定必滿意餐廳七點半會有燉湯供應今次是海底椰燉豬肉未夠鐘已經開始有人排隊都頗期待而且又真係幾好飲近排天氣乾燥了 正好淸潤一下甜點也頗多選擇 我有選的味道都是正常的唯一雪糕是不令人期待的我點了伯爵茶跟椰子味兩者味道不太濃郁 甚至怪怪的總結 想找個靜靜的地方慢慢嘆一個晚餐 這裡是合格有餘 但想食物多元化一點這裡未必最適合

呢個酒店嘅自助餐可以話係大酒店之中比較差。啲嘢睇落好靚但係全部都唔好味，我同朋友食完第一輪已經開始食甜品，$700幾一位，咁既食物質素真係一啲都唔值。海鮮就係普通嘅幾款蝦，青口，長腳蟹，熱食有龍蝦不過全部都好乾，刺身啲豉油好鹹，之後諗住既然唔好食就試吓食個粉啦，雲吞皮又好厚，燉湯係全晚之中最好嘅，甜品都係好一般，佢嘅選擇係好多不過食物嘅質素真係有待改善。本來一直都係好期待哩間酒店嘅自助餐，不過食完之後真係好失望！

大概一年前我們也在這間酒店的自助餐，記得之前食物質素不錯所以今年親戚生日也帶他來慶祝。食品數量有很多，菜式有印度咖喱，燒烤，中菜點心，燒味，日式有壽司海鮮有青口凍蝦。食品質素是在正常的，不是話特別很好食，但是在這個價值上，我覺得應該值得更好，或許有生蠔和凍蟹話就好了！甜點卻是很不錯，款式和味道也很合我口味，不是太甜而且更有朱古力噴泉呢！

Came for dinner buffet, first time coming to this Kerry Hotel near the pier. Not a frequent visitor of whampo as this place is way too crowded... last time I came to this district was few years back then.Not a big fan of buffet. Not my pick but am ok to try new spot! There’s quite a lot of food and dessert (very nice to see yet none I want to try). They have no fresh oyster which is my must have at buffet especially their price is not cheapOnly the lobster and coconut soup taste ok... everything

整體環境不錯 但配上如此食物質素 實是有點可惜. 其他方面亦需改進.服務方面. 整體服務態度不差. 唯獨是收碟方面. 完全唔會主動問/幫手收碟. 之前有看過這裡食評. 有提過收得太密. 但現在是相反. 可見這方面需要改善. 特別對自助餐來說. 而且當晚感覺上不是太忙.食物方面. 食物選擇合格. 只是印度菜有8樣以上選擇. 中式口味 例如點心. 麵既配料 種類都任君選擇. 甜品方面亦有不同口味排得靚靚仔仔. 但味道方面. 整體而言 完全是失水準.最正常是龍蝦與蟹腳. 亦欣賞佢有椰青. 可惜唔夠凍. 飲左兩個情況一樣.最深刻當晚選左5樣甜品 原來只是虛有其表. 平日喜歡將雪糕mix窩夫一起吃. OMG. 綠茶雪糕味道超級奇怪. 窩夫係得個脆字同乾了的感覺 硬到最後埋單折左$5xx一個人.

會黎Kerry Hotel食早餐Buffet，係因為有個朋友一直想食好耐，我就陪佢黎啦！依間酒店好似新開一排，由一入門口所有環境都好靚好舒服，5星酒店既員工更訓練得好好，每個都有笑容有禮貌有服務客人既心，未食已經覺得好舒服！一入到去餐廳，行去安排好既座位時，沿路已經有勁多野食選擇，安排左坐窗邊旁位置，望到海景，陽光照入黎好舒服呀！其實好多食物都好美味，但早餐我真係食唔到太多，最欣賞係有即榨鮮果汁，而咁早已經有牛扒選擇，喜歡食牛既我就唔放過啦！不過食完眼前依碟已經好飽😂想再返黎試其他野再嘆個靚景吖❤️

又抵擋唔住榴槤嘅誘惑..見到上網介紹就心思思去試新野，仲要喺榴槤嘅主題~! $638 某信用卡有75折榴槤要排長龍而且只可以喺室外食，見到有人排完一路食一路再排過就可以狂食😂 冷盤不過不失，熟食都多選擇。。總體如果用75折後嘅價錢係可以接受，但如果唔太好榴槤就唔用考慮了。寧願選擇其他中價自助餐。

向來我都好少主動話要食自助餐， 因為覺得食得少又唔抵，食得多又飽又辛苦🙈但係今次畀佢個榴槤主題吸引咗，因為睇介紹有4款榴槤輪流任食，仲有鱸魚，芒果糯米飯，牛扒等等自助餐係六點至九點半， 榴槤就七點半先開始供應，一到7點半勁多人去排榴槤。。。。我自己就差唔多八點先去排，因為少人啲啲， 我以為係有幾款榴槤畀大家揀，但係原來係佢開到乜就派乜，冇得揀，每人每次最多可以攞一碟，大約兩件我第一次排攞到金露，第二次就係貓山王，但就冇見過D24, D88嗰啲款lu...不過睇住佢開都幾新鮮既～但黎到原來又無鱸魚又冇芒果糯米飯，淨係得芒果，山竹大約8點半已經冇曬，都幾失望。。😥其他嘢食質素整體黎講還好吧！個中式燉湯就幾有誠意👍另外都有龍蝦，長腳蟹，煎三文魚果啲都not bad甜品有一款分子料理，好多蛋糕同埋八種口味嘅gelato / 雪芭，味道正常成人每人$638，信用卡有75折至8折，呢餐整體而言ok 啦，但認為有進步空間。

去食榴槤呢一餐， 慘過去乞。 場面混亂，成百人排隊等果一兩粒 ，最慘係 有個廚師馬拉廚師， 破口大駡， 指揮交通， 越攪越亂。 D 野食又唔夠， 話明自助餐任食， 我只係住多一陣， 竟然同我講， 榴槤椰青mud 都冇。 究竟咩事？ 難道先到先得， 定收我的費用特別平？ 貼錢難受。 搵你去食。

我地今晚1行4人，去左嘉里酒店Big Bay Cafe，有個靚仔侍應生Zion，介紹今晚自助餐有咩好食之外，仲同我地講獅子銀行信用卡有75折優惠。今晚除左有海鮮及龍蝦，原來7-8月係水果市場作主題，諗得出既生果mud都有。個榴槤堅好食，重點係有個位專食榴槤， 即開即食，zion 仲同我地介紹，除左有貓山王，金枕頭，和最特別的紅肉榴槤，真係正到痺。真係多謝呢位侍應生哥哥全晚的體貼嘅招呼。//$638 1位，獅子銀行信用卡仲要有七五折。

侍應服務不錯，有禮貌，與旁邊外國客人對答不成問題，收碟速度快，每次拎完食物回座位已經收走舊碟。每張枱都放置兩杯水和剪刀，方便客人食海鮮，非常貼心。留意自助餐(我是午餐)價錢只包一杯餐飲，可以加錢任飲果汁汽水，而咖啡則要逐杯計。訂位時要求安排近窗位置，光線充足，可惜風景被植物阻擋又下大雨，功虧一簣。食物質素高，味道不錯，選擇也多，小龍蝦出爐時曾有排隊情況，但好快人龍便消失，可以自己夾。見到有人枱面有迷你漢堡，但係我找不到離場前甜品區出現人龍，拎西餅和sobet都好快，但等候整crepes時間比較耐(waffles反而快)。西餅好睇唔好食，大部分都太甜，而且味道差不多，食幾個已經覺得好濟，反而brownies和chocolate cupcake不錯

真沒想到第一次寫食評竟然是給劣評的。今日選中午自助餐是因為阿仔學校派成績表，不論成績好壞也大吃一頓讓他放鬆一下作為鼓勵。由於之前去過幾次紅磡海逸酒店食中午自助餐，覺得環境、食物都非常好，上網睇下新開的嘉里酒店把兩者的價錢比較一下，嘉里要$380，海逸是$280，心唸嘉里貴了一百蚊，食物質素一定是更高，結果便選了未去過的嘉里試一下。酒店入口、大堂、Cafe 等裝修現代簡潔，一點也不氣派，或許晚上會因為燈光關係變得豪華點。坐電梯上三樓大灣cafe。自助餐分了約7張枱(section)把食物分類。入門右S1. 冷盤、海鮮。三文魚無味，金槍魚不新鮮，油甘魚OK，墨魚無食，魚生就只有這4種。凍蝦、海螺、 蟹腳唔錯。 自助沙律吧。巴拿馬火腿有怪騷味，難食。即叫即整韓國石鍋飯沒有試。入門左小枱S2. 凍肉種類很少，芝士沒試。入餐廳內S3. 甜品. 幾種新鮮水果唔錯，分子雪糕已經沒有，之前食評的分子雪糕換了一些雜嘜牌雪糕，非常難食。蛋糕方面，選擇也多，不過不失。朱古力、綠茶山的棉花糖，小朋友喜歡。S4. 只有兩種湯，中湯和西湯。 另外搭咗一啲即叫即製 pasta， 無試。S5. 中式. 有鹽燒蝦、西蘭

先講個格局，Lunch Buffet 基本上係一字型咁擺放食物，入口處係麵包、 cold cut、沙律、魚生、寿司、蟹腳、青口、翡翠螺、韓式石煱飯。再入大廳係甜品。行入少少就有燒牛扒、燒烤龍蝦及蝦、羊扒，三文魚扒等。過啲係港式燒臘、炒飯麵、蒸魚炒菜等。之後係印度咖哩及湯粉。最後係港式蒸點心。一字排開咁嘅佈陣，攞嘢食都要行多幾多嘅。食物質素一般，無乜特別名貴少少嘅嘅，燒烤龍蝦仔已經算係，每次排隊可分到一隻。都幾彈牙，唔錯。凍蟹腳就比較細隻。魚生有三文、油甘、呑拿仲有八爪魚。翡翠螺就食到我一口都係沙！估唔到嘅係蝦餃幾好味，蝦夠大隻。一般去食自助餐，我都唔會食港式點心，今次係少少驚喜！另外，燒烤蝦係剝殼嘅，啖啖肉，抵讚！服務就好一般，張枱濕咗，佢用條布餐巾抹完話會比返條新嘅我，無攞到嚟！叫佢換杯飲品，聽完又無嚟！所以總括嚟講，只係一般！