坤記腸粉

营业中

休息中

晚上八九点有点饿，白天看到附近有家肠粉店，虽然小但是人气满满，平日朋友也会买来吃，于是决定去尝试一下。去的时候，人已经很少啦。要了6条肠粉和萝卜猪皮。肠粉滑弹，配上腐乳汁和酱汁味道绝赞!萝卜猪皮也炖得烂烂的，入味并且爽足。 给钱的时候，零钱不够，差一块 ，老板很nice说不用了。实在太好。在香港既好食服务又好，老板人又实在的食店真的不多了。虽然它小并且是棚店，但是绝对好过那些水泥墙内建筑的好多店。再赞一个！

去大圍拜年，之前M先生已指點迷津有咩好味，只怕初四啲食肆未開門。坤記有開但冇腸粉供應。魚肉鮮味又夠彈，夾雜住啲葱頭令到咬落口感冇咁寡。其餘都麻麻：碗仔翅啲芡唔勻一pat pat冇乜肉絲冇粉絲冇素翅。薑汁豬皮冇乜薑汁味亦唔夠入味。蒸牛肉球太多粉好實。下次有機會再去試腸粉。

本身想去食另一間cafe,點知街角位有一堆伯伯講緊呢間腸粉。見連街坊都講就即管試下檔面清晰，只有兩邊細枱食野，下午茶時間，多人到要等買野食，排到出門口 10蚊6條，熱辣辣 腸粉同出邊買嘅有少少分別，比較爽層粉好薄身，夠滑，口感唔差本身想試埋咖喱魚蛋，豬皮蘿蔔，但見到側邊台嗰碟色水麻麻有如其它食評所講，最好都係腸粉。  環境衛生就算了～食完d碟隨意放，如果想食得舒服都係外賣算啦ˊ_>ˋ

中午時間，諗住黎個快食，見到咁多人話正就試下。点知失晒望，冇乜餸可揀，冇新意，又吾滑又吾香，淨係可以頂到肚。豆槳溝得多水，張台表現乾淨，實則“痴立立”。但D姐姐態度幾好

久聞大圍坤記腸粉極出色，終有緣一試。半露天小店，食客如鯽，買腸粉要排大隊可見其出名程度。點了腸粉，燒賣，蘿蔔及豬皮。腸粉的確美味，蒸得恰到好處，結實不散，軟糯有米香﹔但反觀其他食物則十分普通，魚肉燒賣蒸過龍﹔蘿蔔唔腍又有渣﹔豬皮有朕怪苦澀味。來吃腸粉好了﹗

魚旦燒賣等街頭小食絕對是香港隨處可見的，但能自由搭配各式各樣醬汁的滑溜豬腸粉卻不常有！最常見活躍於屋邨街市範圍內，味道只能是過調味醬口癮而已。在星級茶樓吃的確有水準保證，價錢也當然需要荷包擔保，卻少了一份吃豬腸粉的本土味！ 眾所周知深水埗《合益泰》的豬腸粉已有名聲，想不到身為沙田友良久，身邊也有臥虎藏龍的小店！小店有兩排長枱凳給客人速吃，衛生環境絕對可接受。豬腸粉雖比不上合益泰的'油滑'，各款醬料更不會過於杰身互相搶味，是滿意的廉價美味！除腸粉以外的平價小食也不遜色，街市價錢的粉果及牛肉球，竟然有茶樓水準，至少粉果的內餡能吃得分明，絕不是便利店貨色的一攤有味糊團！薑汁蘿蔔卻沒有任何驚喜。下次也要去試試開飯網友讚的魚旦燒賣，真心希望如此價廉物美的舊派小食店能在香港繼續存活下來！ 

間野得幾個位所以通常都係外賣拎走食所有食物都比外面的平首先係砵仔糕無紅豆咁濟所以有啲失望白糖糕都算不錯不過涷左拉我買果陣豬皮魚蛋食到係靚豬皮彈牙亦入味豬腸粉都滑口又吾會成口粉好厚果種，所以幾好味，啲豆漿好有黃豆味又甜 解渴

前一個晚上和高中的朋友 談談笑笑喝喝 過了一個盡興的晚上不知怎的 酒後的睡眠質素總是一般般星期六一大清早便起來 最好的活動定必是非行山莫屬 這天本想由樂富走上獅子山再落大圍但睡眠不足加上天氣潮溼翳焗 走到一半身體已有點吃不消所以轉行到望夫石至大圍 做人還是量力而為好了抵達後隨便在openrice找一家小食店吃點小吃見坤記挺多哈哈笑便動身前往小店基本上是以外賣為主 堂食的位子大約十餘個 兩排位子都在戶外的一個大帳篷底下若下雨或炎炎夏日應會挺難受腸粉$10/7條本來對其出品是有期望的 畢竟它的名字也以腸粉作招徠腸粉滑是滑 但也很油 吃兩三件便膩不知是否被合益泰寵壞了味蕾 感覺一般魚肉翅$17兩人分吃一碟腸粉好像太寡 便來一碗很久沒吃的魚肉翅一搞我已臉色一沉 怎麼好像漿糊般又杰又粘的呢味道是正常的 但材料下得偏少 質感奇怪 不喜歡頂盡只是能給一個OK而已 不試也罷

每次踩車到大圍坤記都是都是必食之選(我都介紹過唔少朋友過來)今次叫左七蚊四條豬腸粉同七蚊兩粒大牛肉球佢地的豬腸粉又滑D醬又好好味甜醬和麻醬的味岩岩好咁先吸引到我來幫襯GA MA另外坤記牛肉球跟出面食到的都好唔同有一種好獨特的味道可能有馬蹄食落啖啖肉很來又有爽口難怪每次來都咁多人排隊

見下午茶時間有啲餓，就走去坤記排隊買腸粉。排咗幾分鐘，叫咗七蚊四條豬腸粉同七蚊咖喱魚蛋，再同呀姐講乜醬都要。豬腸粉滑，魚蛋又有咖喱味，最正就係啲醬，將所有野融為一體。十四蚊可以食得開心又滿足，喺沙田大圍非坤記莫屬。

下午茶時間，走到門口已經好多人係到食緊腸粉，我當然都唔執輸叫左10蚊腸粉。10蚊有6條腸粉，以量黎計應該用聯和墟的四眼仔差唔多，都係平到你唔信啦。但以質黎計，呢間似乎更勝一籌。作為一條腸粉最最最緊要梗係夠滑啦，沾上甜醬，麻醬同芝麻，熱乎乎的腸粉成為了冬天最佳小食。呢間的腸粉除左滑之外，更唔會好厚粉，或者可能係新鮮整起的關係，食落特別軟滑。同女朋友兩個人都係5蚊就醫好左肚，抵食無得輸之選。

平時見到依間平民化既鋪頭仔,次次都會排長龍,心思思想試下佢既招排香滑豬腸粉, 但每次人山人海,都無動力去排, 不過噚日落雨,見人不算多,即刻走去外賣D返黎試下, 一出門口我就引唔住試一舊,嘩! 確實係滑喎! 價錢就$10有6條 也是相當經濟. 質感相當滑溜. 加上甜麻醬同吃, 正!!! . 跟住回到家后凍了少許,但都仲係滑溜呀!另外,我仲買了家鄉炒麵 $10炒得不算太乾身,少許彈牙, 但太少椰菜和蘿蔔絲,得上面幾條。

路經大圍見到呢間鋪面細細，但迫滿人同排晒隊，抱住唔好蝕底既心態我又排。 腸粉一入口估佢唔到超超超滑，細細條又夠晒熱，好好味呢！推介！牛肉球 好粉 肉質好散 唔好食 可以唔叫 .

今日行過大圍諗住搵D小食, 未黎之前已經想食腸粉, 睇完開飯介紹呢間小店就找找啦去到門口已經見到好幾張枱都已經住滿哂人了雖然人多, 但係食客都好守秩序同好幫手, 會將D碟幫助疊好等店家黎收前面位婆婆叫左腸粉同糯米雞, 店家將個糯米雞交比佢既時候, 佢有D不滿話點解唔幫佢打開同剪開店家同店員對住呢位婆婆仲好好笑容, 咁解決俾佢聽話因為天氣凍, 怕打開左會好快凍哂腸粉十蚊六條, 七蚊四條, 我叫左七蚊試一試見到D炒粉麵都好似幾好味, 下次要黎試下先腸粉的確係好滑, 不過就欠缺左D香味, 但加埋D醬料都OK既見到店內放左好多盤, 寫住強記腸粉, 本身仲諗住係佢地自家製架添

有日係大圍睇完醫生, 就想食少少野番屋企, 6點幾, 腸粉、碗仔翅都已經賣晒! 心有不甘, 搵次睇醫生之前再黎食, 卒之都食到喇腸粉真係好滑(不過唔夠深水埗滑)。 牛肉則太硬太實, 無牛味, 麻麻地。碗仔翅好足料, 打打下字又想再去食過.