坤記腸粉

营业中

休息中

大圍真係有好多隱世小店 要搵好野食就要有腳骨力😂其中呢間坤記腸粉 店舖雖小 卻有好多食客排隊光顧 究竟有咩咁好食 令到咁多人排隊呢 等我地試試先🤔.全港至滑至抵食？🤔招牌腸粉 秘制醬汁😱#大圍 #坤記腸粉 好似屯門新墟都開了一間🙄.點了 蘿蔔糕$13 腸粉$11 燒賣$8/6粒 粉果$9/2個 豬皮$8 豆漿$11 點了好多 但大胃D係度 當然可以清哂啦😜 試左咁多野 其實同平時腸粉檔 食的分別不大😅 但蘿蔔糕 腸粉 豆漿 相對係略勝一籌的。.先講蘿蔔糕 杯裝sizes 內有大量大量大量 蘿蔔糕 條狀的 蘿蔔糕味重 不多粉 大量蘿蔔絲 令口感更豐富😝👅.而腸粉加了混醬 打開腸粉 撈埋醬一齊食 令腸粉更吸收醬汁 再一啖食 正啊😋👍🏻 細細個果陣 最鍾意攤開條腸粉慢慢食 大過左 就少了這個童年習慣 什麼都要快😢 就回到最初 慢慢地享受食物的美味🙆🏼..坤記腸粉 (大圍)大圍積富街石屋(近積德里)

坤記已經食過幾次 但每次都帶俾我驚喜除腸粉香滑外 生菜魚肉實屬必食之一食過既生菜魚肉 除左坤記之外 無見過另一間既魚肉係咁多！一般係生菜多過魚肉 或 得湯多但坤記絕對無呃枰 魚肉有咬口 而且好多魚肉！所以每次都食得好開心

山長水遠走到入大圍食腸粉因為有一次來睇中醫咁啱經過見到排晒長龍好似好多人食我斷估都唔會係特登入嚟掛應該係呢一度嘅居民咁多人食 心裏面覺得係應該唔錯所以就特登跑入嚟試吓啦咁我叫左佢三樣食物有佢個腸粉啦，燒賣啦，同埋砵仔糕咁我講一個腸粉先啦咁佢個腸粉真係皮薄柔滑嘅食落去滑滑的，好好味你自己加甜醬加豉油加芝麻都得咁就叫多個魚肉燒賣呢個就冇乜特別嘅 不過感覺就唔係太夠熱個砵仔糕就真係比較遜色啦因為我覺得佢應該唔係新鮮係隔夜嘅食落去嘅質感好似咬緊一舊膠一啲都唔滑

放工時間有少少肚餓，經過坤記腸粉，好多人排隊，買左腸粉加燒賣腸粉11蚊6條，腸粉唔係加左好多凝固劑，所以都真係幾滑。可以按個人喜好叫店員加豉油麻醬甜醬，豉油唔會太咸，但麻醬唔太出，但整體都唔錯。燒賣8蚊6粒，不過不失。

本來上篇寫完"黃埔新寵兒"就想寫對面小街角的街頭廚神小食店, 但’街頭廚神’何止一個, 區區都在/處處都有, 好多小老闆都可能是憑一、兩客拿手小吃’起家’入鋪入店, 我們做食客的…都總有自己的心水店!   今天這篇要跳先寫的原因就是這一檔, 一味已降服我了~ 不理環境如何熱亦不理區域的要連續兩個假期天去吃! 近年我吃過最好吃的涼粉就在大圍!     坤記, 你好嘢!    我們又來了, Let’s Go, Go Go Go!!!第一次來坤記是中秋當日休假無事忙, 倆口子去撑枱腳, 吃後覺得超正, 想著下次要帶同愛吃’啫喱’的小寶再渡重臨吃過夠癮! 今次Honey先帶我們去吃金城後來到了’坤記’, 原本亦打算吃生菜魚肉, 很久沒吃了, 但金城飯的碟頭實在大仍未落格吃不下, 又要下次呢~ 地'踎'格局, 如介意但仍有意吃的...就請索性買走吃吧~  多款到呢. . . 價錢貼了出來一目了然, 十零廿蚊有交易長氣的我又來了):  前幾篇寫到小寶開始懂得要求去這兒去那兒, 今次就是他說要去Tsuen Wan 及 Tin Shui Wei Wei --- (寫英文的原因是他這小小年紀未

為左留左多d錢去旅行，所以依排都食下d平靚正既美食先！首選，當然抵到爛既坤記腸粉！腸粉加埋勁多魚蛋都係20錢蚊到我另外叫左牛肉球食！腸粉好滑，唔會一舊舊咁痴埋一齊魚蛋咖哩味都不錯，如果可以再入味少少就好啦牛肉球都大大粒！足料！香港既地度小食真係首選腸粉！

嘩！好大碗大大碗肉魚，鯪魚肉唔腥，魚肉彈牙魚肉食曬，要飲埋個生菜湯，(加了胡椒粉和麻油，味道更加香口，湯好清甜)魚肉燒賣，不會蒸得過淋(口感彈牙)魚蛋雖然细細粒，但口感彈牙(無魚腥味)除了食腸粉，生菜魚肉湯和魚蛋燒賣都好好味

今晚食左個美味腸粉。好耐冇食坤記腸粉。一入去，發現好似加左價，不過冇所謂。好既野食加少少都要照食。叫左哥腸粉加燒賣。老闆娘仲認得我，問我要唔要多d海鮮醬。仲記得我鐘意食多d海鮮醬，好食既味道加埋人情味，呢間野質素爆燈！好鐘意佢既腸粉，好滑，好順口，入口仲有陣香香既芝麻味。仲有佢獨特既花生醬，花生既香味好濃。食到好滿足，因為堂食，自己可以再加海鮮醬，海鮮醬加埋腸粉真心正！腸粉11蚊加燒賣，全部加埋唔洗二十蚊，抵食！大圍仲有咁平咁抵食小食，正呀！

有些地方，你好耐唔會去一次，但你當你去開，你連續幾個星期都會去。好似大圍，其實正常冇乜機會唔會去，探朋友以外，前兩星期踩單車，去文化中心睇莫奈，今天在這裡食tea，兩個星期去了三次。每次都衝衝而來，衝衝而走，今次食tea相對冇咁趕，又經過這個大圍最郊遊的核心地段，我相起了吃過三幾次的坤記腸粉。當然，食到brunch 又食完tea飽到一個點，不過當中有人冇食過，我提議去食下。六點幾的時候，老實都不是什麼會有人食腸粉的時候，唔想排隊，但終究敵不過人群，還是要排隊。當然這裡是好港式的小食店，那些什麼炒麵碗仔翅魚肉魚蛋蘿蔔糕豬皮糕點白粥糯米卷等等，你要什麼口味也有，當然我來到想吃的出名的是那個腸粉。天氣太熱的關係，雖然好想食碗仔翅魚肉，但還少怕了天氣的關係，我只是要了腸粉和燒賣。如果腸粉粉絲會愛深水埗，但是我記得上次這裡吃過也不錯，這裡也是可以接受的。當然十一蚊六條，絕對是和合益泰爭一日長短之價錢，怪不得這麼多人排隊。不過腸粉真係不及合益泰咁滑，雖然佢平均質素都不錯。腸粉的靈魂在於那些什麼甜醬麻醬芝麻，這裡也撈得出色，只不過整體的感覺當真沒有合益泰般好。而燒賣當然也沒有我最愛那個林記燒賣好，但

坤記腸粉馳名已久，今日終於黎試下！叫左好多嘢食，有粉果啦，牛肉球啦，燒賣啦，當然仲有腸粉啦！最好食都果然係腸粉，其他真係一般般…11蚊6條腸粉，真係好滑，同平時一般街市嗰d真係唔同d，竹籤吉起腸粉係軟身，唔係一般嗰d硬身。熱辣辣的腸粉陪埋各種醬汁，真係一流架！

腸粉 ($11)坤記雖然鋪頭細細，但好多人幫襯，大家都唔介意逼逼地食，就知有佢魅力所在。
腸粉好爽滑，粉層薄身，口感唔錯。麻醬豉汁底加上甜醬辣醬，好惹味。坤記仲有唔少街頭小食，下次必定會試埋。

幾年前揸車經過食過一次當時已經覺得 點解可以咁抵食事隔幾年 似然無變 其實一間舖頭腸粉要好食 最緊要唔好吝嗇比醬 呢度做到另外係度要讚個呀姐敬業樂業基本上每一個客買野食佢都會好落力sell佢試其他野食😂😂😂就好似我今次比佢sell左蘿蔔糕 又真係ok wor好中意d蘿蔔係一絲絲有咬口 有d汁咁兩個人先食左六十$ 支持小店

店名:坤記腸粉地址：大圍積富街石屋(近積德里)好味指數:7.5/10價錢：$15碗仔翅碗仔翅的感覺比較結，結得有點過份，而且吃上去沒有了碗仔翅的味道，只吃到打了茨的味道。其實，碗仔翅本身的味道不錯，只是茨弄多了至味道怪怪的。店名:坤記腸粉地址：大圍積富街石屋(近積德里)好味指數:7.6/10價錢：$10炒米粉炒米粉是店內的推介美食之一，份量很大，味道的確不錯，夠咸之餘配料亦夠多。店名:坤記腸粉地址：大圍積富街石屋(近積德里)好味指數:7.7/10價錢：$7/四條 腸粉$7/五粒 燒賣腸粉尚算滑溜，加入不同的醬料令腸粉非常入味。燒賣鮮味，魚肉味濃，口感不算爽口，但仍是不錯的。 

After cycling, me and my friend were very hungry so we stopped by to have some snack. I saw lots of people surrounding this shop so we stopped to get some food as well.The lady kept telling us what is nice to eat so we got lots of food. We got changfen, shaomai, turnip cake and imitation shark fin soup. The changfen were very very very smooth! They were so tasty with the mixtures of sauces. They were so smooth that they can just slip into your throat. The shaomai were nice and hot. The turnip ca

幾乎每次到大圍都會到這兒吃碗仔翅和腸粉，因為其味道真的令人回味無窮。碗仔翅：濃稠適中，很足料，好像加了點味精，但整體還是好吃的。腸粉：很滑，是吃過最好吃的腸粉。下班時間很多人來買魚蛋燒賣外賣，長長的一條龍。店面很小，有幾張摺檯，冬天吃下熱騰騰的碗仔翅很舒暢，但夏天在店內吃則可能有點熱。這樣的小店已經愈來愈少，希望能長做長有。