坤記腸粉

喺大围要揾到一间正常粥店非常困难，但今晚终于揾到，老字号坤记食肠粉出名，点知个皮蛋瘦肉粥反而惊喜，皮蛋粉滑，粥底鲜甜，肉丝煲到出晒味，食得出无味精，食完唔口干，so far好食过主打粥嘅粥铺。而肠粉都好食，两样加埋先三十几蚊，真系穷人恩物，仲要早晨7点几做到深夜，抵佢做到咁多年！…查看更多

两父子拍拖大围揾食，拣咗坤记食肠粉，因为寻晚睇完YouTube，其中两段片都推佢，就过嚟探店。坤记正宗大围老店，不过位置远离火车站，而且当年大围啲屋村街市都有肠粉卖，所以冇专程去食过！店仔细细约有10个位，十点几仲有位坐，因为大部分都系外卖。肠粉以外仲有好多嘢食，炒面、粽、猪皮⋯⋯我哋选择咗肠粉 咖喱鱼蛋同烧卖，坦白讲三种食物都好普通，系路过不妨一吃𠮶种，主要系吃情怀，如果追求极致肠粉，恐怕会令你失望。是日消费：肠粉烧卖$24 肠粉鱼蛋$24 共$48…查看更多

曾经多次在上班时候经过「坤记肠粉」，总是一排长长的人龙，祇好望舖轻叹！今天下午经过没有赶上班的人龙，于是要入去尝尝了！我要了一小碟肠粉（四条）和两颗牛肉球。肠粉很爽滑，我要豉油、麻酱和白芝麻佐料伴吃，可是美中不足是豉油很淡，而我又不爱甜辣酱，因此味道不足，白芝麻也很少，也难怪的，$13四条肠粉很薄利，我也不能太多要求，我建议可以售价$15，多给白芝麻和靓豉油，买卖两悦。$12两颗牛肉球很嫩滑又鲜味，很越值，肠粉和牛肉球都热腾腾，很赞！…查看更多

入嚟大围 唔系特别肚饿，但系阿妈又想食少少嘢当午餐小食 见到呢度有肠粉就落雨是但嗌四条，然后因为要陪佢食，所以佢就嗌多份$10嘅猪红，平就系平嘅，不过质素麻麻地肠粉四条份量都几多，不过佢所有酱汁都系好稀嘅 水水地啱啱唔系特别钟意食芝麻酱甜酱，不过都嫌佢甜 辣椒油就几香 不过整体印象麻麻地猪红$10好平，有10粒大概 不过有一粒系好似半粒咁笨咗整体而言 小食冇咩特别要求一分钱一分货 环境算系OK。因为有张枱仔自己自成一国有成食吓都OK嘅…查看更多

成日经过都见到有人帮衬，以为好好食，点不知仲晒伏。肠粉系滑嘅，但啲麻酱系冇味嘅，而且肠粉系冻，第一次堂食肠粉会系冻嘅。墨鱼丸系冇墨鱼味嘅，朋友觉得粒墨鱼丸系霉嘅，我又未觉得系，不过好明显系唔好食。烧卖亦都出奇地唔好食，全部细细粒，完全冇口感。而且粒烧卖都系冻嘅，点解好似成间铺买嘅嘢都系冻嘅？牛肉球亦冇牛肉味。又系唔知塞咗啲咩落口嘅感觉。生菜鱼肉应该叫做最好食嘅一种食物，因为系即叫即整。好食唔系因为佢嘅味道，而系终于有一样嘢系热嘅。呢几样嘢就食咗$100。全部嘢都食净至少一半，完全觉得自己冇食过嘢就走咗。😑…查看更多