坤記腸粉

喺大圍要搵到一間正常粥店非常困難，但今晚終於搵到，老字號坤記食腸粉出名，點知個皮蛋瘦肉粥反而驚喜，皮蛋粉滑，粥底鮮甜，肉絲煲到出晒味，食得出無味精，食完唔口乾，so far好食過主打粥嘅粥鋪。而腸粉都好食，兩樣加埋先三十幾蚊，真係窮人恩物，仲要早晨7點幾做到深夜，抵佢做到咁多年！…查看更多

兩父子拍拖大圍搵食，揀咗坤記食腸粉，因為尋晚睇完YouTube，其中兩段片都推佢，就過嚟探店。坤記正宗大圍老店，不過位置遠離火車站，而且當年大圍啲屋村街市都有腸粉賣，所以冇專程去食過！店仔細細約有10個位，十點幾仲有位坐，因為大部分都係外賣。腸粉以外仲有好多嘢食，炒麵、糉、豬皮⋯⋯我哋選擇咗腸粉 咖喱魚蛋同燒賣，坦白講三種食物都好普通，係路過不妨一吃嗰種，主要係吃情懷，如果追求極致腸粉，恐怕會令你失望。是日消費：腸粉燒賣$24 腸粉魚蛋$24 共$48…查看更多

曾經多次在上班時候經過「坤記腸粉」，總是一排長長的人龍，祇好望舖輕嘆！今天下午經過沒有趕上班的人龍，於是要入去嘗嘗了！我要了一小碟腸粉（四條）和兩顆牛肉球。腸粉很爽滑，我要豉油、麻醬和白芝麻佐料伴吃，可是美中不足是豉油很淡，而我又不愛甜辣醬，因此味道不足，白芝麻也很少，也難怪的，$13四條腸粉很薄利，我也不能太多要求，我建議可以售價$15，多給白芝麻和靚豉油，買賣兩悅。$12兩顆牛肉球很嫩滑又鮮味，很越值，腸粉和牛肉球都熱騰騰，很讚！…查看更多

入嚟大圍 唔係特別肚餓，但係阿媽又想食少少嘢當午餐小食 見到呢度有腸粉就落雨是但嗌四條，然後因為要陪佢食，所以佢就嗌多份$10嘅豬紅，平就係平嘅，不過質素麻麻地腸粉四條份量都幾多，不過佢所有醬汁都係好稀嘅 水水地啱啱唔係特別鍾意食芝麻醬甜醬，不過都嫌佢甜 辣椒油就幾香 不過整體印象麻麻地豬紅$10好平，有10粒大概 不過有一粒係好似半粒咁笨咗整體而言 小食冇咩特別要求一分錢一分貨 環境算係OK。因為有張枱仔自己自成一國有成食吓都OK嘅…查看更多

成日經過都見到有人幫襯，以為好好食，點不知仲晒伏。腸粉係滑嘅，但啲麻醬係冇味嘅，而且腸粉係凍，第一次堂食腸粉會係凍嘅。墨魚丸係冇墨魚味嘅，朋友覺得粒墨魚丸係霉嘅，我又未覺得係，不過好明顯係唔好食。燒賣亦都出奇地唔好食，全部細細粒，完全冇口感。而且粒燒賣都係凍嘅，點解好似成間鋪買嘅嘢都係凍嘅？牛肉球亦冇牛肉味。又係唔知塞咗啲咩落口嘅感覺。生菜魚肉應該叫做最好食嘅一種食物，因為係即叫即整。好食唔係因為佢嘅味道，而係終於有一樣嘢係熱嘅。呢幾樣嘢就食咗$100。全部嘢都食淨至少一半，完全覺得自己冇食過嘢就走咗。😑…查看更多

今日去咗好出名嘅坤記試吓佢嘅腸粉佢嘅腸粉真係好滑而且佢嘅醬汁都好好味唔會太過重味之後我再次埋去嘅燒賣同魚肉碗仔翅燒賣就正正常常配埋個腸粉食幾好魚肉碗仔翅，佢嘅料幾足夠一個人食咗幾樣嘢都可以飽幾個鐘🤣🤣…查看更多

今日行經大圍，諗住搵啲小食天下肚先啦，咁經過呢間小食店，見到好似都好多選擇，就入咗去叫咗個燒賣，但唔知係店員定老闆，個態度好差，問下個份量就好嫌棄咁話寫得好清楚，咁好啦當你攰㗎喇。我叫咗個燒賣食，九蚊六粒，點知個燒賣係梅既…查看更多

得知大圍坤記腸粉係老店，就去朝聖一下！店舖的姨姨好熱情，又唔係其他食評中講到咁差😂鎮店之寶腸粉一般，冇深水埗嗰檔咁好食，芝麻醬好稀，唔夠味。燒賣用陳記，個人覺得都係金龍最好食🫢魚蛋唔係用陳皮魚蛋，size比普通嘅大粒，但又唔會發到好大，都係比較鍾意食陳皮魚蛋。豆漿偏甜，近大圍小食嗰間賣豆腐花嘅豆漿嘅好飲啲。有別於大圍地鐵站出面嘅小食店，坤記腸粉勝在有位坐，但食物質素確實一般，未如傳說中咁好食🫣…查看更多

1) 咖喱魚蛋 $9/7粒2) 魚肉燒賣 $9/6粒3) 招牌腸粉 $15/6條已有一段時間沒光顧坤記了, 今早腦海突然閃過腸粉和燒賣, 便來坤記吃個早餐。雖然坤記供應的食物均是我喜歡的類別, 如魚肉碗仔翅, 潮州粉果, 家鄉炒米粉, 豉油王炒麵, 粥品等等, 也許是情意結吧, 總是吃他們的魚蛋, 燒賣和腸粉。咖喱魚蛋爽口, 唯咖喱味道淡淡的, 不夠惹味。魚肉燒賣大小適中, 魚肉味道明顯, 彈牙有咬口, 質感依然不俗。招牌腸粉雖滑, 但有少少黏口。醬汁方面, 麻醬依然稀薄, 味道不足。豉油, 甜醬和芝麻只是酌量給予, 唯有自行加甜醬加辣醬。本人覺得吃腸粉, 醬汁所扮演的角色也很重要, 如醬汁只是一般, 光靠腸粉的滑, 不會另我有經常光顧的意慾。…查看更多

呢間嘢啲食物味道難以令人滿意，口感不佳，部分餸菜甚至無法入口。無論是口味的搭配還是煮食技巧都令人失望，對於食材的挑選和處理沒有投入足夠的用心。整體的菜品口感乏味，難以享受用餐體驗。…查看更多

約咗朋友喺附近食泰國船麵。早到咗就周圍行吓成日都會經過坤記腸粉，平時又冇特別想試。因為早幾年舊居嘅腸粉舖執咗，咁就好幾年冇食過腸粉啦。今日突然間心血來潮，就試一試佢啲腸粉係咪真係咁好食。嗌咗腸粉燒賣同埋粉果，另外有個混帳嘅怪習慣就係少豉油多麻醬多芝麻。無可否認，佢個腸粉真係好滑，但係就欠缺咗米香。麻醬嚟講，亦食唔出芝麻香味。基本上個混帳配合唔到腸粉嘅質素燒賣就好一般，實在。粉果還可以的，但係如果裏面啲葛可以爽口啲就好啦。電子對住每一位客人買腸粉嘅時候都會詢問要唔要豆漿，話每日新鮮自己整。因為一陣間要食泰國麵實在放唔落一樽豆漿，下次有機會試吓去豆漿得唔得。…查看更多

位於大圍的「坤記腸粉」一直以其正宗的港式腸粉而聞名。這間小店雖然不起眼，卻一直保持著濃厚的人氣，每天都吸引著大批食客前來品嚐。走進店內，便能感受到濃郁的食物香氣，令人食指大動。「坤記腸粉」的招牌腸粉絕對是一道令人難以忘懷的美味。腸粉薄如紙，卻帶著彈性，入口即化。配以醬汁，更能提升其風味。腸粉的包裹感和醬汁的搭配絕對是一種絕妙的美味體驗。而且，這家店對於醬汁的調配非常用心，讓人吃得一口接一口。值得一提的是，「坤記腸粉」的腸粉的價格也非常親民，是一個價廉物美的美食選擇。「坤記腸粉」的服務態度也令人印象深刻。儘管店內總是人滿為患，ONE MAN BAND卻能保持高效的工作節奏，確保每位顧客都能及時品嚐到熱騰騰的腸粉。這種用心的服務態度讓人感受到店家的用心與熱情。「坤記腸粉」這裡，你可以品味到純正的港式美食，同時也體驗到了一種溫馨的用餐環境。無論是當地人還是遠道而來的遊客，都能在這裡找到滿足自己味蕾的美味。…查看更多

剛剛行過去買腸粉 問望唔到腸粉價錢就問老闆娘腸粉幾錢 我聽到佢就話10蚊 我話要1份 之後仲奇怪點解10蚊切咁多 之後我係度搵價錢 之後卑50蚊老闆娘 找我35 我問佢唔係10蚊咩 之後佢話冇10蚊 咁我話12蚊呢？因為餐牌寫住小份12蚊 佢又唔出聲 一副無賴嘅樣對著我 我真係無語到無嘢講 唔想同呢度黑心老闆講咁多 正常人都會話卑你知道小份幾錢大份幾錢 想賣多啲嘢想呃錢就同我講啦 我卑多啲你o唔ok啊？野食又唔係好好食 還說老店 真係無語😊…查看更多

成日都聽講大圍坤記嘅腸粉好好食😋去到嗰頭踩單車就梗係過去試吓啦！😚嗰日係星期六晏晝嘅時間嚟嘅😆魚蛋燒賣腸粉魚蛋份量就得六粒，性價比唔高。係比較爽口嘅質地，唔係平時食嗰啲陳皮魚蛋🥹份量比較少，得六粒，唔太推介😢燒賣嘅質地就比較粉，份量就正正常常，都過得去🤣而腸粉就真係確實唔錯嘅😚都幾滑身，醬汁比得都多👍🏻但醬汁都好稀🥹就算落好多都唔太夠味咁😂如果冇咁稀都幾唔錯的😍整體就覺得冇咩特別，冇必要特登過去食🤣經開都可以去試吓呢啲老定號嘅😆好食： ❤️❤️🖤🖤🖤抵食 ：❤️❤️❤️🖤🖤…查看更多

記得中學時期應該十幾年前成日來呢度食野因為佢夠平LUNCH 或有時放假都會來食甘耐無來發覺價錢貴左，甘通脹要加價都明既，不過加加埋埋都幾蚊 TOTAL $41今次叫左腸粉與炒麵及豆漿，腸粉依然係甘滑，但醬料既味道淡左炒麵和豆漿就無咩特別…查看更多