坤記腸粉

营业中

休息中

聞說坤記腸粉好有名，於是搬入大圍第一朝就去試下。環境就好「落地」，但企理嘅，只係我想返屋企歎住冷氣食，就無坐低。叫咗一碟腸粉，加魚蛋同墨魚丸。兩款丸都乒乓波咁大，彈牙架！但鋒頭俾腸粉搶曬，因為好滑！又香又薄身，熱辣辣，如果係冬天即場食應該好正。剪腸粉個姐姐仲好好傾，話間店幾十年歷史，叫我多啲嚟幫襯，仲同場加推我試佢地嘅即磨豆漿，唔太甜，有豆味。一定會再幫襯！

見 openrice褒得咁行，特登搭車去食。叫左腸粉、魚肉燒賣、牛肉球、兩溝。我和朋友兩個人分兩次叫，扮唔識。朋友叫 order先，叫3條腸粉、魚肉燒賣，比錢時比個女人同佢老公講$8腸粉"咋"! order時個女人聽到3條腸粉已經黑面，但黑面都仲識問要唔要飲嘢 xd朋友話唔要! 再黑面! 收錢個肥男人又黑面 xd好似欠左佢哋咁 xdddd論食物，腸粉只是普通腸粉，周街都食到，醬都係普通豬油花生醬、普通幾十蚊一桶嘅甜醬、普通幾十蚊一桶嘅辣醬。特色在特別貴 xdddd魚肉燒賣好雞，好林，有少少腥，唔落辣油唔掂。咁嘅價位 suppose係煙韌嘅燒賣囉!牛肉球唔似牛肉，似豬肉溝粉，都係好林，唔好食。兩溝翅湯冇味、料少，魚肉腥。總括來講，環境大排檔，未至於好污糟，但地下有垃圾，枱面食客食完嘢冇人收。到你食緊佢先來收，收完又唔抹枱。冇冷氣，夏天一定中暑。呢檔嘢好照顧冇牙嘅老人家，因為 d嘢好林。態度搶錢，個個買嘢食都問你要唔要嘢飲，幫親唔過$20就黑面。我係咁! 我朋友都係咁! 唔建議大家專登去食，除非你路過，家人冇牙，而且全部舖頭未開得佢一檔又好肚餓。推薦好腥好林魚肉燒賣，一定要請仇家食。原本比

講到好食既腸粉..除左西貢果間..我會揀呢間..食過之後..你會再想黎食..買腸粉果陣老闆娘會sell埋你d周邊野..要唔要豆漿呀？ 因爲唔太餓既關係...我都係只係買左腸粉同燒賣食..腸粉夠晒熱..又夠滑..連埋花生醬甜醬芝麻一齊食..好正...呢間真係平民既美食...好多時食到既腸粉都好鞋..但坤記絕對係信心既保證...👍👍另外個燒賣都好彈牙..雖然無旺角龍津甘有醬..但淨係點豉油都好滋味👍👍

早排去大圍去左朋友屋企打機，打到咁上下，本來諗住去樓下食茶記，到左樓下，見到坤記腸粉，我朋友話呢間腸粉唔錯，可以試試。我心諗：又可以挑戰我嘅味蕾，有何不可？於是我就同朋友講，摘日不如撞日，就今日食喇！我地叫左炒米粉、燒賣、牛肉球同埋腸粉。呢碟腸粉，係我一生人（暫時）食過嘅最滑最滑嘅腸粉！感覺就好似條腸粉係口度咬兩三下就滑左落個胃度！加埋佢啲麻醬，甜醬，炒芝麻同豉油，可以話配合得天衣無縫！相比之下牛肉球同燒賣就一般喇，另外米粉炒得都好乾身，每條都分明，唔會係炒到一餅嘢咁最後必須再強調呢度最值得推介嘅絕對係腸粉！！

講到腸粉出名，每個地區緊有一間嘅！粉嶺有四眼仔，深水埗有合益泰，咁大圍就係坤記腸粉啦唔單止係區內出名，連區外都有名氣架，事關有網站拎佢嚟介紹過同比較過食腸粉又點止食齋腸，mix 魚蛋燒賣係基本野。再嚟嗰混醬，即係豉油、甜醬、辣醬、芝麻醬、芝麻、乜都有。我用滑，潤，膩嚟形容坤記，明啦但係好似唔係好夠混醬喎朋友.....

見經大圍就去左出晒名嘅坤記腸粉試吓佢嘅嘢食！腸粉$8 3條＄11 6條仲搭左燒賣魚旦腸粉的確好滑魚旦燒賣就係普通貨式無特別另外叫左碗魚肉翅足料魚肉實淨唔會有小骨加埋紅浙醋就perfect !!

乍暖還寒的天氣，又帶點雨粉，忽然好想食腸粉。遇著今日有要事要來沙田區，於是提早落車去呢度食坤記。買左一碟腸粉（$11/6條），同一碗兩溝碗仔翅（$19）。腸粉係即剪的，加上豉油、甜醬、麻醬同芝麻，都幾香滑，又夠晒熱。因為肚餓所以叫埋兩溝碗仔翅，即係碗仔翅加魚肉。下次可以唔洗叫魚肉了，因為冇乜特別，反而碗仔翅都幾多料，平民美食果然不同凡響。我坐低食左陣，見到都幾多人幫襯（平日下午兩點左右）。推介腸粉同碗仔翅！

好過紅磡林記小食嘅原因，起碼佢d燒賣外型脹卜卜又好味，係d低要求嘅人先會話好味就足夠！再講，排我前面位后生仔，排到去落單講到唔清唔楚，雖然后面咁多人排隊，d阿姐都無發老脾無黑面而耐心問清楚，服務算係咁啦！食腸粉，首要條件係夠熱，哩點坤記做得到，再講夠唔夠滑，坤記亦做到，同粉嶺四眼仔不分高下。牛肉球食落去同其他牛肉球好明顯唔同，好夠牛肉味！哩點印象最深刻。坤記比四眼仔同林記有個優勝地方係產品比佢地更多，而且有位坐，不過要襯天時冷去，夏天去會好辛苦因為無冷氣。

真沒想到腸粉這樣簡單嘅食品都沒有做好，全店食材包括腸粉、燒賣、鱼旦、咸肉糭等等都係外面入嘅行貨，加工都唔夠水準，魚旦可以話全大圍最差，腸粉廠做嘅腸粉算可以，但切腸粉都切到又長又短，最慘就係連醬汁都落得孤孤寒寒，要求落多D就唔耐煩，腸粉唔夠醬都會有人讚好味?

之前在新年踏完單車後，見餓餓地，又好耐都未行過大圍，所以同陳小姐行過大圏，睇下有乜好嘢食。見有間叫坤記腸粉，記得在Google Map又有呢個名mark左上去，唔通好嘢，我地嗱嗱琳就走入去一試。半開放式的店，牆到寫住推介自家腸粉同炒麵，我就當然叫呢兩個試下，老板娘仲推介碗仔翅，咁有誠意咪order埋。一食碗仔翅，唔好食！無味！唯有後其加工，加入大量糊椒粉，食多兩口，陳小姐首先放棄。轉戰炒麵，條條都上色，不過芽菜同芝麻兩大靈魂人物都無……失望了！最後到主角腸粉，都滑，可惜有兩大致命傷，其一有d腸粉切到好碎，近乎爛。又唔係咁多人，呀老板娘做乜咁趕呀。其二，食腸粉當然要大醬大汁。唔夠醬汁，問老板娘攞，好似要左佢條命咁，唉！令我地想起灣仔IVE對面嗰間腸粉店，更滑任醬大汁。臨走，見到地下有個膠箱，寫住XX腸粉製做廠，頂，原來買返來！

聽男朋友講大圍有間已有多年歷史的腸粉店，原來其貌不揚，的確幾似樣，一去到已有多人排隊，先叫了三條腸粉及兩粒粉果。粉果普通無特別，腸粉都算很滑，而生菜魚肉都一般吧，沒有傳說中那麼正。不過呀姐都很熱情，見你吃腸粉便介紹燒賣，見你吃燒賣便介紹你飲豆漿，見你叫炒面又介紹魚旦。經過的可以試。男朋友說水準不如以前應該是轉了手。

《怪獸的早午餐》🍴碩果僅存的石屋腸粉旁邊係廢棄既公立小學的坤記，可以話係碩果僅存的老鋪。價錢相宜大件夾抵食，怪獸坐低已經見到人龍不絕，真係俘虜哂大圍街坊❗由坐低食野開始見到人龍不絕。果然係大圍老店!!佢地既招牌就梗係腸粉喇! 一啜已經滑入口，非常滑溜。加入醬汁，炒香嘅芝麻，非常香口。醬汁加埋層次分明的腸粉，實在令人回味。除左腸粉之外，呀姐落力推銷既魚肉翅兩溝都唔錯，入口比較輕唔會好重粉，魚肉夠彈牙。

星期五下午看中醫，話大圍有個賣腸粉好出名好好味，就跟住google map搵食啦，冇google map都幾難搵，在小街石屋，吾覺吾覺會行過都吾知。入去入去叫最出名腸粉，$11有6條，熱辣辣，入口嫩滑。其實真系冇乜特別。再叫炒米粉，完全冇味，只有幾條好難先見到嘅椰菜碎，我要加落腸粉D醬來吃。題外話，我見呀姐比得好少醬我，我咪自己加，點知呀姐話等佢泥，從我手中接過湯匙，嘩! D醬四濺，我吾即時閃後D，件衫可以報銷。我同呀姐講左幾次吾要豉油，吾系噤住佢，佢成斤咁倒落泥。

假期食太多, 決定食啲小食當一餐唔知點解一直都無留意坤記腸粉...直至今日先留意到.蒸腸粉蒸得恰當, 滑溜陣牙, 而且帶有米香, 其實腸粉好食與否, 醬料都係一個好重要的角色, 再加上勁多芝麻😋....牛肉球, 沒有什麼特別.薑汁蘿蔔, 吃不出薑汁味, 但夠香夠甜, 而且無渣

今日放假約左fd去大圍踩單車，所謂「三軍未動，糧草先行」，梗係要醫飽個肚先出發啦😂十點幾咁早，一於就試試呢好出名既坤記腸粉啦👍🏻 火車站行十分鐘就到，地方唔大，無冷氣既，好彩依家天氣凍。一早就已經超多人排隊！叫左腸粉，家鄉炒米粉，自家製蘿蔔糕，同埋一支豆漿。腸粉11蚊六條，好滑好新鮮。米粉＄13一碟，一啲都唔油膩，加埋佢嘅辣椒漿真係perfect! 蘿蔔糕入面有好多蘿蔔絲，好足料，唔會成口粉。四十幾蚊就醫飽個肚，出發踩單車喇🤘🏻🤘🏻